أما الدنيا فبعدك مظلمة والآخرة بنورك مشرقة 💔😔

للمؤمن قلبٌ طاهرٌ نقيّ، لا يحمل في قلبه حقدًا على أحد، حتّى على الّذي يؤذونه أو يظلمونه،
لا يُؤذي أحدًا و لا يزعج أحدًا،
يُداري إخوانه ويخدمهم ويعينهم ويفرّج كروبهم وهمومهم ويُدخل السّرور على قلوبهم،
لا يحمل في قلبه سوى همّ رفع راية التّوحيد وترويج ذكر الله عزّ وجلّ وأهل البيت (عليهم السّلام) وإحياء أمرهم،
تمامًا مثل الشّهداء..

اللهمّ لا تجعل موتنا إلّا قتلًا في سبيلك،
ووفّقنا للتّخلّق بأخلاق أوليائك بحقّ صاحب الزّمان ومولانا أبي الحسن الرّضا (عليه السّلام)، وبحقّ صاحب شهر شعبان نبيّنا الأعظم..

هالليلة عدكم عيد يالجعفرية
بمولود ابو السجاد خير البرية

شعبان بالافراح هل هل علينه
من ثالثه نور احسين شع بالمدينة
والرابع يوم العباس يشبه علِينه
والخامس زين العباد روح الزجية

بأجمل شهور العام فرحتنا تكبر
حادي عشر من شعبان شع نور الأكبر
بإذنه السبط ناغاه واذّن وكبّر
وابفرحته الاكوان صارت ضويّه

بخامس عشر لگلوب تنشر فرحها
واعيون الموالين تنثر دمعها
نور الامامة اهنا شعشع صبحها
ابن الحسن عالكون انتشر ضيّه

عجّل فدتكَ الروح واظهر يغايب
خلّينه ننسى اليوم كل النوايب
وابطلعتك نرتاح شفنا العجايب
من هالزمن والله ضگنا الأسيّة

زينب الخفاجي

متباركين 🌸

انه زينب اليحجون عني
ساعة موتتي محد حضرني
وحيدة ويرد لي صدى وني
غريبة وزاد فوگ الضيم حزني

آجركم الله?
زينب الخفاجي

متباركين ياشيعة أمير المؤمنين عليه السلام ??

_ابو ذية_

يمحبوبي الشفية مُر عليه
ترا افراگك يا يمه مُر عليه
ابجفاك الحزن يمه مَر عليه
ولا شاف الگلب ليلة هنية

_✍️الشاعرة زينب الخفاجي_

#لسان_حال_السيدة_زينب_ع
#السيدة_فاطمة_الزهراء_ع
#طور_الفراق

يمه يمه.. كسرة  ضلوعــچ  بدايـة
يمه يمه..  للمصــايب  و الرزايــــه
يمه يمه.. يا أصـل   كـل  الحكايـه

╌ـ╌ـ────═❁═────ـ╌ـ╌

يمه يمه.. لو مــا هالظالــم تجسّــر
يمه يمه.. ضلعچ  بأحقــاده  كسّــر
يمه يمه.. چا سِلَم لحسيـن منحــر

╌ـ╌ـ────═❁═────ـ╌ـ╌

يمه يمه.. لـولا  هالعصبـة  الرديّــة
يمه يمه.. چـان مــا جَت آل اميــة
يمه يمه.. ولا دمــا اولادچ  جريّــة

╌ـ╌ـ────═❁═────ـ╌ـ╌

يمه يمه.. ولاشفت خيل اعوجيــة
يمه يمه.. تسحگ  اضلوع  الشفيّة
يمه يمه.. و لامشت  بنتـچ  سبيّـة

╌ـ╌ـ────═❁═────ـ╌ـ╌

✍ #الشاعرة_زينب_الخفاجي
? #اللهم_صل_على_محمد_وآله

@elkhafaji110