متباركين خدام الإمام الحسين عليه السلام
بولادة الحسين والعباس
عليهم السلام 🌹 🌹

الأمام العباس عليه السلام

جفك مآي

وعيونك سوالف مثل طعم ابجاي
طولك كاع ومخظر عطش عالماي
يامصدر الخوّة وفخر بيك هوآي

يا وفآي

ياشارة هلي وعگال اخوي حسين
يبو حآر الأملآگة إبلآ حضن جفين
عآيش بالضمير وحرت أدورك وين

دوم إوياي

ماعايفني ربيتك نفس بالروح
كبرت محنّة وصرت كلي جروح
عالناگة شهگتك خوْة وية النوح

وانت هوآي

يعباس الأخت تتعثر ابلآ حيل
متعوبة إبضعن ساترها لون ليل
فوگ أفراگك الشآم إوصهيل الخيل
يا رجوآي
دفنتك بالگلب وبحضرة إجفوني
يالكلك مشاعر بيك كسروني
من جفك لجف الناگة گادوني

وجفك مآي ،،،،،

✍️ الشاعر عباس الكرغولي

كتبت حسين شفت 🔥النار🔥 بطفالة
https://t.me/ALkarakoly

كبرج يزينب يضل ابلاية شمعة
والخيمة صاحت بعد ماكو رجعة
بدايتها.. ونهايتها .. جنازتها .. بالاخيام
............. * ..............
الليلة راحت للمنية بلكي زينب تستريح
يم كبرها الغربة اجتها كامت تكوم وتطيح
جفنوها بالعباية املطخة بدم الذبيح
ماأجة يدفنها اخوها دز لغز حاملتة ريح
سياط كماط عياط طفل
كلهة مشتاكة الحنانج .. بلكلب لازم مكانج
يا نفس ربة الكفالة .. سلمت غربة زمانج

انتي الغريبة اندفنتي ابلاية دمعة
والخيمة صاحت بعد ماكو رجعة
بدايتها .. ونهايتها .. جنازتها .. بالاخيام
.................. *.................
طبت بحفرتها زينب من مصايبهة تون
لوعت الطف شكبرها وابد ماغضت جفن
يامة ركضت بالبراري حافية أم الحزن
جمعت الأطفال كلهة ولوعة الليل اليجن
ضلام خيام سلام حمل
كلهة يم غيبة وليها ... سهلة لاجن مو بديها
اتمنت أويةحسين ماتت.. ولايصد شامت عليها

جروها بحبال اديها ماتودعة
والخيمة صاحت بعد ماكو رجعة
بدايتها .. ونهايتها .. جنازتها .. بالاخيام
............... *..............
بلكبر من نزلوها زينب بهيئة هلال
ماتت بكلمة سبية وبيدها حزوز الحبال
ولا اجة يوسع كبرها واحد وصارت خيال
وين جانت وية اخوها حسين متوسطة الدلال
قهر سهر ضهر يدل
عن مصايبها الثكيلة ... عن ضعن يكثر عويلة
شكد نوايب عن أهلها ... كلها حملتها العقيلة

والسفرة بوداع مشت لخوتها تنعة
والخيمة صاحت بعد ماكو رجعة
.................. *...................
ماتت أم عباس زينب ماتت ام صبر الجبير
ربتة ورادتلة جية ولفضت ألهم الاخير
من اجة طارش خبرها طلع من كبرة الامير
انتفضت الحزنةالشريعةوالزمن واكف اسير
وصل سأل كمل عدل
جايب الرآية واجاها ... والوصية ما نساها
لو متت ادفني بيدك ... هاية امنيتة الخفاها

موذر يزينب اخوج الغيرة طبعة
والخيمة صاحت بعد ماكو رجعة
بدايتها .. ونهايتها .. جنازتها .. بالاخيام
................ *................
نزلوها بحفرة ضلمة بلا اهل بس العليل
يمها واكف هل تراب الكبر والمدمع يسيل
لا ولد عدها ويجوها درب سفرتهم طويل
الخالهم بذلوا نفسهم حسين وعضيدة الكفيل
ترد ولد تعد هزل
كل أم تتنطر ولدهة ... والمنية حل وكتهة
بس زينب ضلت وحيدة ... والأمل يمرد جبدهة

ماتت غريبة وترجت الهة فزعة
والخيمة صاحت بعد ماكو رجعة
بدايتها .. نهايتها .. جنازتها .. بالاخيام
................*...............
كل مواقف للعقيلة ونت بطف كربلة
هنا ركضت يم اخوهة هنا ضعنة تكفلة
حتة تل الزينبية بجة وصاح البسملة
كل مواقفها بجتها حتة نبلة حرملة
دمع ضلع صبع قتل
ماتت ام الطف أسيرة ... ماتت الجانت اميرة
ماتت وما عدها والي ... والورد يهجر عبيرة

ضل شامخ الشام بفظل كبرج ينفعة
والخيمة صاحت بعد ماكو رجعة
بدايتها .. نهايتها .. جنازتها ... بالاخيام

الشاعر عباس الكرغولي
@ALkarakoly

☝️☝️☝️☝️لحن القصيدة

‏مقطع صوتي من عباس الكرغولي

عظم الله اجركم واحسن الله عزائكم بشهادة مولاتنا الزهراء عليها السلام ?

للإمام المهدي عليه السلام

ياغريب ،،،،، أبين ناسك والسنين
وبين اوجاعك وطويات الدفاتر
جلمة شلونك شحيحة وياك ليش
وانت حضنك دفوا للمكسور خاطر
هاي احنة بمصلحة نطرق الباب
ومن يضگنة العوز نذكرك مسافر
تايب بذنبي اجيتك بية شوگ
بية ديرة مستحة وعبرة گناطر
لاتهدني !!!،،، ارجوك يالكلك سبيل
حطني جوة جناحك وفيّك الكاسر
احبك كلمة يمهاجر على البلدان
وأنت يالمالك عرف بين الخواطر
كلشي تملك سيدي وكلك جروح
وما ألك صاير عرف بس الحوافر
جُمعتك جَمعت حسين إبلا حصير
وندبتك تعني شرف بين الضماير
عشت وحدك بالجرح مابيك عيد
اليحس بيك امبرگع بثوب المنابر
ليلك إبلآية أمان !!! انت الأمآن
اليشم ريحك منحسب بالنفس طاهر
سيدي بدونك عشت جمرة خيام
واشب وأطفة بذنبي وبلياك حاير
ألمشة ابصفك إنحسبة هذا أمام
شحال الي ايماشيك بدروب المخاطر
علك؟؟؟ هنيالة اليشيلك بالضلام
جنة تنطيلة البقة مثل المگابر
سيدي ابكل أسف اعتذرك اجيت
أبلا خجل منك درت وجهي اعلة باجر
حيل بية أستاهل اتجافيني حيل
ذنبي وياك العجل مايوم حاظر
هوة الي ينادي العجل مو بس كلام
ولاصلاه،،، وتسبيح مو هاي المناير
لازم ؟؟؟ الينتظرك ايتاني حبيب
أقرب الكلشي الگلب هية المشاعر

✍️ الشاعر عباس الكرغولي

كتبت حسين شفت ?النار? بطفالة
https://t.me/ALkarakoly

السلام عليكم خدام الحسين عليه السلام
ان شاء الله بعد العيد انزل برنامج محرم الحرام ادعوا الله لنا ولكم دوام التوفيق
لا تنسونا من الدعاء