Мектеп бітірер шақ. Тарауих намазының тасбихын ютубтан жаттаған кезім еді. Қаншама видеолардың арасынан бір ұстаздың оқыған тасбихын қатты ұнатып, соны күні-түні тыңдап, солай айтуға тырысатынмын.

Әр тыңдауым мені исламға тереңдете беретіндей әсер қалдыратын. Әлі күнге дейін сол кісінің мақамына салып айтуға тырысамын!

Бүгінгі таң намазын аяқтап, бір-бірімізбен амандасып жатқанда бізге имамдық еткен сол кісі болып шықты. Арада қаншама жыл өтсе де сол нұрлы жүздер, сол бұлбұл дауыс…

Алла қандай шебер десеңізші🍃

Ілім ізде, көп оқы, өйткені кітап оқу қайғы-мұңнан арылтады.

📚Мұңайма

Дүниеде үміттің үзілгені жаман!

📚Ай мен Айша

Қазір кітап оқимын деп ашып, тек әріп оқып жатырмын…

#ойлану_керек

Адам көздегеніне жете алмағанын сезген сәтте өзін ақтап бастайды.

Мысалы: бұл жазда шетелге шыға алмадым, бірақ…
…бұл жазда ақша жинай алмадым, бірақ…

Тез келетін жетістік ЭГО-ны қатайтады.
Баяу келетін жетістік МІНЕЗ-ді қатайтады.

«Для всего, к чему вы стремитесь, эго—это враг»

©️Райан Холидей

«Сенімен тек сені жақсы көретін адам ғана қалжыңдасады».

©️Әл-Әғмәш ибн Қайс

Расулалла (с.а.с) айтты:

“Ақылды адам - өзінің есебін біледі, өлімді ойлайды. Ақымақ - қалауы мен құмарлығының соңында жүретін, өзін алдайтын және кешірілемін деп ойлайтын адам”.

Біз өмірге таңдау жасау үшін келген жоқпыз. Біз оны мұнда келмей тұрып жасап қойғанбыз.

Ал өмір - бізге ұстаз (дана), не үшін? Таңдау жасағанымызды түсіндіру үшін.

Демек біз бұл өмірге таңдау жасап келсек, бірдеңемізге сеніп таңдау жасағанбыз. Немізге сеніп жасадық? Іздену керек. Демек бізде үлкен жауапкершілік бар. Бір мән бар. Маңыз бар. Сол арқалаған жауапкершілігімізді қай істе жасырылып тұрғанын табу біздің міндетіміз.

Осыдан кейін бізге жайбырақат арқамызды кеңге салып жүретін уақытымыз жоқ. Біз Алланың халифасы, жет бетіндегі өкіліміз. Ал Алланың халифаларына Абай айтпақшы “бос мақтан мен өсекке” уақытты сарп ететін уақытымыз да жоқ.

Бізге қайта-қайта есімізге салып отыру керек “халифа” екенімізді. Адамға “ұмыту” сезімі берілді. Әрине басымыздан өткен жағымсыз оқиғаларды ұмыту үшін, Раббымыздан алған асыл міндетті, жауапкершілікті ұмыту үшін емес!

Білім болмаса адам Алладан не сұрау керек екенін де білмейді…