وين التفاعل``.......***⚡️******⚡️***

عرقك بالتمرين لا يدل بشكل مباشر بأي شكل من الأشكال لا على جودة تدريباتك ولا على عظيم مجهودك!

ممكن كتير وعادي بإنك تعرق بأي مجهود بدني وتكون عم تخبص بكل التمارين وأدائك كله غلط وعتالة.
وممكن كتير وعادي بإنك تلعب صح وبأداء فعال وإحترافي وما تتعرق تعرق ملحوظ.
في عدة أمور ممكن تكون عم تتحكم بنسبة التعرق اللي عم تتعرقها داخل الصالة متل:
. الحرارة العامة للفصل السنوي
. الحرارة العامة للصالة اللي عم تتدرب فيها حسب نسبة تهويتها ونسبة إزدحامها
. فترة الراحة بين المجموعات إن كانت قصيرة أو طويلة
. إستخدام بعض المحفزات العصبية لحرق الدهون يلي من أعراضها الجانبية إرتفاع حرارة الجسم وبالتالي تعرق غير إعتيادي
. المورثات أيضاً بتلعب دور ففي ناس بتتعرق كتير وهي قاعدة فما بالك وهي عم تبذل مجهود رياضي
. وأيضاً سماكة ونوع الملابس اللي لابسها ونوع القماش تبعها
وأنا طبعاً هون ما عم بحكي عن علاقة التعرق بحرق الدهون يلي العلم نفاه بشكل قاطع!!

ولكن يلي بيتعرق كتير صيف وشتا لازم يدير باله لتعويض هي السوائل المفقودة ويلي بينقد معاها كمية كبيرة من الأملاح المعدنية مثل الصوديوم والبوتاسيوم والمغنيزيوم والكالسيوم ويلي نقصها على الأقل رح يسبب تشنجات حادة بالجسم وتعب رهيب جوا وبرا النادي.

ويلي بيعرق كتير أيضاً ما لازم يقلل ملح الطعام بأكله نهائياً شو ما كان هدفه حتى ولو كان مريض ضغط وأخيراً كياس النايلون وكياس الخيش وجلد المعزاية وبدلات الساونا اللي عم يلبسها البعض بلاها لأنها مضيعة كبيرة للجهد وللمال على لا شيء وما في نفع من وراها إنما فقط ضرر.

ولا ننسى أيضاً الريكسونا بكل أنواعها ومزيلات التعرق للي بيتعرق كتير لأنه ثبت علمياً إنه إستخدامها قبل التمرين إله دور مباشر بزيادة الكتلة العضلية.

feras paravy