**САМАНДАР

Ислом Каримов буйруғи билан
қамоққа олиниб, 24 йил зиндонда ўтирган,
Олий мажлис депутати Самандар Қўқонов
монологи.

Эй, Аллоҳим, мен аждоди Ўғиз,
Фақат сени деган қаландарингман.
Йигирма тўрт йил зиндонда ёлғиз,
Тириклайин ёнган самандарингман!

Шу миллат дардида ёниб яшадим,
На сўзим эгилди, на қад эгилди.
Хоинларга қулдек назар ташладим
Қанча сафдошларим тутдай тўкилди.

Бизни таладилар итлар, шоқоллар,
Тўғри йўлимиздан чекинмадик биз.
Қийноққа солдилар қаҳри қаттоллар,
Жаллодлар пойига юкинмадик биз!

Гар, Тангри қўлласа, бандаси ўлмас,
Ҳатто, ер тубидан чиққайдир омон.
Тангри қўллаганнинг боғлари сўлмас,
Ҳаёт бахш этади совуқ қаҳратон!

Мана офтоб порлаб, золим бўлди даф,
Мазлумлар кетма – кет бўлмоқда халос.
Ватан озодлиги энг буюк шараф,
Бизлар ўликлардан олмаймиз қасос!

Қолган хоинларни қабрига қўйсак,
Қўрқоқнинг боласи золимга қулдир.
Тик туриб яшадик, тик туриб ўлсак,
Авлодимга қолар меросим шулдир.

Буни ҳаёт дерлар, тўхтамас жанги,
Оққан дарёларинг, оқсинлар тўлиб.
Ватаним бағрингда қолайин мангу,
Самандаринг эдим, самандар бўлиб!

Хамроқул АСҚАР - 17.01.2017 йил.**https://t.me/hamrokulas22

https://youtu.be/JE0znTcvbCY?list=PLF3nNoDN4otqPVtMwEUcGNAJIdyg2FBcK

https://fb.watch/vA5uLZeqi2/

**ДАРАХТЛАР НЕЧ БОР БАРГИНИ ТЎКДИ,
Келиб кетаётир қанча баҳорлар.
Хотирам лавҳига кеч етиб келди,
Мунис нигоҳларинг берган хабарлар.

Олис юлдузларга боқиб чарчадим,
Бу замин чексиздир, бу кўк бепоён.
Ҳеч кимса дилимдан эмас хабардор,
Ўзимдан ўтгани ўзимга аён…

Сен юрган йўлларга ҳамиша бағрим,
Кўзимда ёш билан нигоҳ ташладим.
Мен сени ҳамиша соғиндим эй, гул,
Мен сени ҳамиша севиб яшадим.

Бизга кулиб боққан кибрли дунё,
Доим кемтиб келди имконларимни.
Бағримдан довулдай юлиб олди-ку,
Кўнглимга энг яқин инсонларимни.

Мен бўйин эгмовдим дунёга мағрур,
Сен боис ёлбордим, сени сўрадим.
Мен сени ҳамиша соғиндим эй, гул,
Мен сени ҳамиша севиб яшадим.

Ҳатто хундорлар ҳам ярашар бир кун,
Ё, қасос лаззатин бахш этар қазо.
Бунча меҳрибонсан, бунча бераҳм,
Шафқат ҳам демассан бермассан жазо,

Қани энди кел!
Ёмғурдай сочил -
Қалбимнинг поёнсиз бўшлиқларига.
Мен сени ҳамиша ошно этаман,
Кўнглимнинг энг пинҳон қўшиқларига.

Шу осмон остида кимни учратсам:
- Уни кўрмадингму., дедим,
сени сўрадим.
Мен сени ҳамиша соғиндим эй, гул,
Мен сени ҳамиша севиб яшадим...

1984 й.** https://t.me/hamrokulas22

Сўраб кўр билағон бутунларингдан.
Дунё ўзбеклари жамул жам бўлса –
Ҳатто, кул қолмайди ўтинларингдан!
Ҳеч кимга ялинма., омонат бул тан.,
Асло, эгилмасин ўшал мағрур бош.
Қачон сафимизга қайтар экансан:
- Ўғлим Исмат., дея сийлайди Ватан!
Тошкент – 09.11.13. @hamrokulas22

МАКТУБ
- дўстим Исмат Хушевга -
Илдиз узсанг, хаёли Ватан!
Мирзо Бедил
1.
Тикка боққанмидинг.,
дўстим Исмат Хуш.,
Ўзбек девларининг биронтасига?!
Қисмат довуллари ногоҳ учирмиш –
Олис Канаданинг Торонтасига…
Оддий мухбир эдинг, қўлингда қалам,
Шу миллат дардида куйиб юрардинг.
Ҳатто, душманингнинг боласини ҳам,
Худди ўз болангдек суюб юрардинг.
Мухбирлик, шоирлик бари жамул – жам,
Зўр келса достонлар ёзиб ташлардинг.
Камбағални эзса бирор муттаҳам,
Дарҳол ўша билан уруш бошлардинг.
Не, не аждаҳолар оғзидан кириб,
Жигарини эзиб, бутун чиқардинг.
Кундуз – юртбошининг қўлини сиқиб,
Кечқурун – биз билан шароб ичардинг…
Сендай ёвқур мухбир кирмаган эрди,
Ўзбек матбуотин дарвозасидан.
Абдулла Ориф ҳам сал чўчиб дерди:
- Қўрқаман., Исматнинг овозасидан…
2.
Сени укам деган улуғлар аста.,
Мақтаб тўғри йўлдан чалғитар бўлди.
Ғараз ниятига тўғаноқ бўлса –
Сенинг қўлинг билан қалқитар бўлди…
Барчанинг душмани асли ўзидир,
Юракларни эзар кеч келган алам.
Ким айтар матбуот элнинг кўзидир -
Қасос қуролига айланса қалам!
Юртга келган тўй., элдан қолмай деб,
Уч бора судланиб, қамалиб чиқдинг.
Совуқ зиндонларнинг қотган нонин еб,
Хаста юрак билан ямалиб чиқдинг…
Яна сени сийлаб домонгир қисмат,
Улуғлар сафидан жой олдинг қайта.
Қанча эгилса ҳам синмайди Исмат.,
Ошнолар қутлади қадаҳсўз айта…
Яна Дон Ки Хотдай олишдинг ёвқур.,
Яна тамға тушди мағрур номингга.
Иғволар тарқалди ҳар хил, бўлмағур –
Шикаст етмадими., азиз жонингга?!
Кундузи нигоҳинг бамисли қуёш,
Аҳли аёлингдан сир тутиб дардинг…
Тунлари пинҳона тўккандирсан ёш,
Поймол бўлганида ғуруринг, қадринг!
Кулиб эслайдилар ҳангомаларни,
Тупроқни соғинар узилган илдиз.
Қўрқоқлар тўқийди жангномаларни –
Токи, осмон борки порлагай юлдуз!
3.
Дўст бўлиб ҳолингдан олмадик хабар,
Қанча шаҳарларни кездинг дарбадар.
Исмат Амеркани забт этди., дерлар,
Ўтда ёнмасларни дерлар самандар!
Орадан кўп йиллар ўтди хавотир.,
Соғинч андуҳлари дўстларни йиқди.
Келажак авлодга бўлиб асотир –
“Дунё ўзбеклари” оламга чиқди.
Бутун ер юзида мухлисларинг бор,
Сирдошларинг борми., дўст деб атарлик.
Сени мафтун этар ҳануз ҳукмдор –
Билмадим сен учун қайси хатарлик?!
Исм қисмат., дерлар бул кўҳна ҳикмат,
Бир кун бирлашади барча исматлар.
Лекин, унутилмас чекилган заҳмат,
Ватан олдидаги буюк хизматлар…
4.
Ватанга келибсан., сал кеч эшитдим,
Дўсту, биродарлар дуолар айтмиш.
Барча ёзганларинг бир-бир ўқидим –
Қаламинг чархланиб аслига қайтмиш…
Зотан, замин битта, осмон серюлдуз,
Лекин, оралиқда масофа олис.
Ватан ташвишлари мавзунгдир ҳануз –
Хабаринг етказар интернет холис.
Кимлардир кимларга қўй берганини,
Гўё, эшитмаган билмаган эдик…
Шоир Маматқулнинг тўй берганини –
“Дунё ўзбеклари” орқали билдик…
Ўтган улуғларни бир – бир ёдлабсан,
Марҳумлар руҳини этибсан обод.
Ҳатто, ўзингни ҳам ҳеч аямабсан –
Ҳавойи манманлик бўлипти барбод…
6.
Балким, орзуйингга энди етгансан,
Сени ўқимоқда дунёнинг ярми.
Истасанг пошшога мактуб ёзасан,
Сендай бахтли журналист борми?!
Тилагим, соғ бўлсин жон ила танинг,
Наздингда, ғанимлар тинчиб тургандир.
Балким, шу лаҳзада ёвуз душманинг -
Қадаҳ уруштириб ичиб тургандир…
Ёруғ кунлар келар., бўлгай сарҳисоб,
Тарихга ёзилур ҳар айтган сўзинг.
Омонат умримиз ўзи бир китоб,
Муаллифи ўзинг, қаҳрамон ўзинг.
Бош ёстиққа ботиб умр сўнгида,
Дилларни эзмасин афсус надомат!
Дўстларнинг сиймоси кўзинг ўнгида –
Авлодлар камоли олий саодат!
Шукрким, фарзандлар ёнингда эрур,
Наргиз нафасида жаннатнинг бўйи.
Ширин набиралар райхонларингдур –
Ватанда бўлгайдир уларнинг тўйи…
7.
Бобир бобомиз ҳам мусофир ўтган,
Гарчанд, Ҳинд элига бўлса ҳам султон.
Фурқат нажот топди олис Қашқардан.
Ватанда қисмати бўлгач зимистон…
Муқимий Фурқатга берганди таскин,
Элкезар шоир., деб бағишлаб ғазал.
Ватанда қул бўлиб яшашдан мискин,
Олисда ҳур бўлиб соғинмоқ афзал…
Ҳали, орзуларнинг қаноти бутун,
Иймонларга буткул ўт кетгани йўқ.
Ҳеч кимса дунёга бўлмагай устун –
Ҳали умид тирик, шундан кўнгил тўқ.
Биламан, тунларинг ўтар уйқусиз,
Барчани хотира айлайди таъқиб.
Улуғ устозлар ҳам эмас қайғусиз,
Ҳамманинг ичида бир сирли рақиб…
Гуноҳ ўтин дерлар, гулхандир тавба,

ШУ ҚИСМАТГА РОЗИМИСАН ЭЙ, ШОИРИ ДАВРОН:
Ҳақиқатни айтган шоирлар шиори номус ила ор бўлган - уларнинг қисмати қилич ёки дор бўлган...https://t.me/hamrokulas22

**Сен наинки душманлар,
дўстлардан ҳам олис юр,
Еру- осмон орасинда
хаслардан ҳам холис юр.

Худди мендай сен ҳам эртан,
болам дейсан болангни,
Не қилурсан оғир дамлар,
англамаса нолангни.

Гиналарга тобим йўқдир,
гоҳ кўнглимни бўйлайман,
Мен ҳам сендек жоним ачиб
жон синглимни ўйлайман.

Ҳаёт йўли кўп оғирдир
суринмасанг бўлгани,
Фойдаси йўқ кўп ишларга
уринмасанг бўлгани.

Бу дунёда мурувват кўп
барчасини бураб юрма,
Худо берар нарсаларни
бандасидан сўраб юрма.

Душманлар бор ҳеч эринмай
ортингдан жим, пойлаб юрар,
Тинчлик бермас ҳасад ўти
кеча-кундуз, ойлаб юрар.

Гоҳо, осмон човут солиб,
олиб қолар қаҳрига,
Ушбу тупроқ бизга Она
чорлаб турар бағрига.

Бу оламдан кетмоқ фарз
бу ишнинг йўқ кандаси,
Кўкка учгай ул жон қуши
ерда қолгай жандаси.

Бу дунёдан ҳар бир банда
ўзи кетар ўзи билан,
Сўнг борлиқни жим кузатар
боласининг кўзи билан.

Бу омонат ташвишлар ҳеч
бошгинангни эгмасин,
Омон бўлсанг бўлди менга,
майли, фойданг тегмасин.**https://t.me/hamrokulas22

**ҲУМОЮНГА ЎГИТ

Юрагингга қулоқ сол,
кўп сирларни англайсан,
Тириклар ўз йўлига
марҳумларни тинглайсан.

Бу тинч оқар дарёларнинг
тўфонлари ичинда,
Ушбу сокин коинотнинг
бўронлари ичинда.

Ерда ётган харсангтош
кўп сирлардан огоҳдир,
Бу минг йиллик чинорлар
кўп жангларга гувоҳдир.

Сен наинки душманлар,
дўстлардан ҳам олис юр,
Еру- осмон орасинда
хаслардан ҳам холис юр.**

**ДЕЙДИЛАРКИМ...

Дейдиларким, сенинг васлингга
етганлар йўқ, етмаганлар бор,
Дейдиларким, менинг ҳақимда -
ишқ йўлида., хор бўлди беор.

Тушларингга кирдим сезмадинг.,
тириклайин ўлган чоғларим.
Ҳолинг не деб йиғлади тоғлар,
ҳолинг не деб сўрмадинг бир бор.

Оқар эди дарёлар дилгир,
ой акс этиб тўлқинларида,
Қайлардадир қуёш додлади -
севганини соғиниб дилдор.

Осмонларга сиғмай қолдимку,
бошим силаб додлар юлдузлар,
Бу дунёда душманларим кўп -
у дунёда дўстларим бисёр...

Йўқ демасман бир лаҳза етдим
жамолингни тушимда кўриб,
Ғанимлар ҳам ортга чекиниб -
Ишқимизга бўлганда иқрор.

Сочларингни шамоллар ўпсин,
ёмон кўзлар, назарлар ўлсин,
Дейдиларким, сенинг васлингга -
етганлар бор., етмаганлар бор...**https://t.me/hamrokulas22