بعد غياب قلت خلي نهدرز عليك بفكرة بسيطة بالك تطبق ?❤️
وجهة نظر فقط وماعنديش علم بمدي اهميتها ..
العلوم الطبيه قريتو هلبا مواد منها مفيدة لتخصص ومنها لا (مع انه اي علم مفيد للانسان يوسع بيه تفكيره ويزيد بيه تقافته ومستواه العلمي) ..
علاش لما تتخصصو مايكونش كل كليه ليها مواد معينه من اصل الكل مثلا البشري زولوجي وكيمياء ومصطلحات ومعاهم نقولو فيدياء لو هدم فيهم معدل البشري تتنسب (يعني بعد تقراهم كلهم مش كلهم يخشو معدلك) ..
متلا الصيدلة بوتوني وكيمياء ومصطلحات وفيزياء واحصاء لان الاحصاء تفتح سيوتك ..
وهكي افضل وتركزو علي موادكم اللي بيفيدوكم بس .

السلام عليكم
مبروك للجميع مجهودكم كان كبير مرحلة الاعداد مرحلة صعبة جدا مواد دسمة فياريت تشوفو لتعب غيركم ..
في ناس نسبتها الله يبارك وفي ناس تعبت زيها لكن تسبتها اضعف
في ناس مرضو وتعبو وقت الامتحانات ?
وفي ناس اتوترت معاش قدرت تجاوب رغم انهم قارين كويس..
وقت احدات درنه هلبا ناس فقدو ناس وتعبت نفسيتهم ومقدروش يمتحنو كويس حتي بعد العطلة اللي صارت .
ياريت توقفو كلكم وتتعدل النسبه او اقلها ياخدو علي نسب المواد المهمة متلا زولوجي بوتوني مصطلحات كيمياء ماياخدوش علي كل المواد ..

طبية طرابلس اللي مبعتليش درجة مش مسمحاته ??

الله يبارك عالدرجات اللي وصلو من90_100 ❤️❤️?
هي الباقين طمنوني

صباح الخيرات
جمعتكم مباركة ❤️❤️♥️
بما ان جمعة قلت خلي نقوللكم اللي عندهم طلاب شهادة ثانويه?
من نكبة درنه قررت انزل المنهج كله مجاني للشهادة حتي لو ربك خدي امانته يقعد علم نافع لغيري ويستفيدو منه ?? وفي نفس الوقت الطلاب يخففو علي اماليهم الكورسات ?
ياريت تقولو لاي طالب وان شاء الله بنصور للشهادة ادبي و حتي لتانيه ثانوي علمي …
اللنك تو نحطهولكم وان شاء الله ربي يوفق الجميع..

https://t.me/salma_alsager

صباح الخيرات
طلابي اللي قرو معاي فالاون لاين وطلعت نتيجتهم من خارج طرابلس طمنوني عليكم

صباح الخير اليوم يوقف تسجيل في مصور النسر 2 الزاويه
ان شاء الله موفقين ❤️❤️ نبدو فالمراجعات فالقروب

طلابي الاعزاء
طلاب الزاويه خاصة شكرا لكل من تواصل معاي وهدا يدل علي حسن التربيه والاحترام …
بالنسبه للطلاب اللي دورت اسمائهم وخدينا سكرينات وكان في اجراء في حقهم وقفته لسبب مش قلت وماتصرفتش كان الاجراء ماشي لين في بنات غالطين فالدوه كلموني وقالو انه اماليهم بيوقفوهم عالقرايه لو نجاب اسمهم فالتحقيق وكانو خايفين لان الموضوع مش حيوقف عالقرايه بس ..
وفي شباب نفس القصة لان ماعندهمش علم بحجم الموضوع فالاول يحسابوه تلقيح وعادي ومايعتبرش جريمة يتحاسب عليها القانون ..
في واحد منهم بس حيكملو الامتحانات ونفضي بيه ونعرف منو محرضه الموضوع مش صغير في حد يحرض فيهم …
وياريت تكون عبرة للكل انه قلت الادب ماعمرها كانت قوة شخصيه لكن ترفعك لمكان يربيك ويخليك تطلع متربي …

???? دعواتكم لتطبيقيه ربيعي اليوم اول امتحان ليهم
ان شاء الله ربي يوفقهم ويكونو امتحانهم زيكم خفيف وساهل

السلام عليكم
طلاب المشتركين الكورس فقط والاون لاين اللي عندهم واصل المراجعه غدا