نمت بحُضنك بحلمي
ليش ما چانت حقيقه
گمت انام هواي بلكت
احلم بهَاي الدقيقه..

هسه خل نفترض
ايامي تنساهن
ما عندي يمك صور
بالصدفه تلگاهن؟

حبيبي براحتك لا تبچي معذور
وما الومك اذا من عندي مليت
انه الكبروني وكبرو وياي
تمر ساعات ما يردوني بالبيت
مرض نفسي وتعب واصل للعيون
امس باوعت وجهي بخنگه وابچيت
بس وداعتك مو قصدي أأذيك
حرب نفسيه بيه وهيجي سويت
ب٦ وكلت لك رايح انساك
وبال٦ وربع لوَحدي رديت

عندي احساس كلبك مانِساني
ما معقولة لَمّن مُطرَت اليوم
نسيت وما اجيت ببالَك اني !

امي تعَذبَت ما لبست ألوان
ماريد انتحر وترد للأسود
وكل ما اكول هذا الباب بي خير
ما گايل بعدني بوجهي ينسد
جمر نايم بگلبي وگاعد يفور
لو اطب ببحر ما اظنه يبرد
ليلية اختنك ويسير الموت
حبل اعدام احس بالرگبه ينشد

گلت هالمره ما ابادر
وأجرب ياهو يبقى اكثر
منو اليشتاگ للثاني
ومنو يخلي الزعل يكبر
وگضن من يومها
اسبوعين ما شفته
حرت ، ضيعني ضيعته؟
وطلايب بين هذا وذاك
عقلي يگلي لا ترجع
وگلبي يگول .. زعلته
هذاك يگول بيك الصوچ
وهذا يگول لا .. أنتَ

ضَيعتني
وگمت ما اعرف شريد
وماتت احلامِي
وشيعت گلبي الشهيد
حتى اهلِي أستغربوني
يمهم اكعد بس بعيد..

خاف نموت بالضلمة
اشعلو الغرفه بـ صّورها
وحطو كلادة فوك الميز
و رسايل جنت اقراها
وزعوهن على الكنتور
وصوري على يمناها
وخط بقلم كحلتها
على تابوتي
مات وبعده يهواها