#ҳикмет

Жақсы инсанлардын жақсы тәрепи сонда, олар бәрқулла азыңызды толтыратуғын қандай да бир нәрсе береди...

Арзыўы сөнгенге - үмит...

Кеўили жартыларға - тәселле...

Сынғанларға - сүйениш...

Әззилерге күш беретуғын сөзди, жәрдемди, имканиятты береди

????????????

Биз бенен социаллық тармақларда бирге болың!https://t.me/Toqpaq_ata_uz

**Жәннет есиги

Көзге ысық, ҳәрекетшең, ғайратлы бир жигит мешитимиз таҳәратханасында қалыс хызмет ете баслады. Оның мыйық тартыўы, әлпайым қарым-қатнасы итибарымды тартты. Бир күни адамлар азайғаннан соң, жигитти сәўбетке тарттым. Бираз тартынып турған жигит кейин гәп баслады:

— Бийғам, Тәшўишсиз өмир кеширетуғын едим. Ойын-күлки, кəйпи-сапа... Бир нәрсеге ерисиў нийетим де, өз алдыма қойған мақсетим де жоқ еди. Күнлерим қуры өтип атырғанын ҳеш қашан ойлап көрмеген едим. Бир күни апатшылық жүз берди. Автоапатшылыққа ушырап, емлеўханаға түсип қалдым. Қабырғам сынған, өт қалтам ҳәм және бир қанша ишки ағзаларым зыянланған.

Аўырыўды қалдыратуғын дəрилер тәсиринде уйқылап атырып, бир түс көрдим: арғы дүньяда уқсайман... Алдымда еки есик... Бириншиси қара реңдеги көримсиз... Жәҳәннем есиги.

Екиншиси жарқыраған, алтыннан болған, көзди қамастыратуғын дәрежеде нурға толған, бийиклиги аспанға тутасып кеткен жәннет есиги еди. Бар-жоғы төрт бармақ сыятуғын саңлақтан ишке қарадым. Ондағы көринис мени өзине тартты. Иште суўлар ағып тур, ҳәр түрли мийўели тереклер саясында адамлар сейил етип жүр еди. Саңлаққа қолымды тығып, оны ашыўға көп мәрте урынып көрдим, ашалмадым. Тәслим болмай урынып атырсам, қулақларыма: «Бул жерге тек жақсылық еткен, таат-ибадатлы адамлар киреди», – деген даўыс еситилди.

- Енди мен де жақсы әмеллер қыламан, ибадатта боламан! – деп қатты бақырып оянып кеттим. Көпшигим көз жаслардан, ал төсегим денемнен шыққан терден суў болып кеткен екен.

— Анажан, мен тиримен бе? Маған не болды? Мени услaп көриң! – дедим басымда отырған анама.

Қудайға шүкир, тири екенмен!
Сонда саўалып кетсем, тек жақсы әмеллер қыламан, ибадатта боламан. Өмиримниң ҳәр бир демин Аллаҳтың разылығына ерисиў ушын сарыплайман, деген тоқтамға келдим.

Көрген сол бир түсим мени надурыс жолдан қайтарды. Бендeлигимди, дүньяға не ушын келгенимди маған еслeтти... Соннан берли саўап үмитинде жақсылықлар қылып жасаў ҳәрекетиндемен...**

Бизди социаллық тармақларда бақлап барың!
https://t.me/Toqpaq_ata_uz

04—ИЮЛЬ 2024—ЖЫЛ
МОЙНАҚ РАЙОНЫ НАМАЗ ЎАҚТЫ: 

?    ТАҢ — 03:34

?    ҚУЯШ — 05:28

?    ПЕСИН — 13:08

?    НАМАЗЛЫГЕР — 18:27

?    ШАМ — 20:52

?    ҚУПТАН — 22:43

•┈┈┈┈•❈••✾••❈•┈┈┈┈•
Каналға ағза болыў:?

?  https://t.me/Toqpaq_ata_uz

#Тәрбия

"Перзентиңниң көз алдында мүтәж адамға жәрдем бериўиң, перзентиңе садақа қылыў ҳаққында мың мәрте сабақ бериўиңнен жақсырақ. Себеби, тәрбия әмелият пенен тәсирли болады!"

Бизди социаллық тармақларда бақлап барың!

https://t.me/Toqpaq_ata_uz

АНТ ИШИЎ ӘДЕПЛЕРИ

Биреўдиң мекемеде ант ишиўине туўры келсе, қазы яки сол сыяқлы биреўдиң оған ўаз, нәсият қылыўы, жалған ант ишиўден ескертип, бул ҳаққында келген аят ҳәм ҳәдислерди еслетиўи мустаҳаб. Бул ҳаққында төмендеги ҳәдисти келтириў мүмкин. Еки ҳаял бир үй яки ханада моншақ өткизер еди. Олардан бири бизди алақанында жасырып шығып кетти ҳәм оны екинши ҳаялдан даўа қылды. Бул мәселе Ибн Аббасқа көтерилгенде: “Оған Аллаҳты еслетиңлер ҳәм: “Аллаҳға берген антларын аз ғана баҳаға сатып жиберетуғын кимселер ушын Ақыретте ҳеш қандай несийбе жоқ” аятын оған оқыңлар”, - деди. Ҳаялға пәндиў-нәсият қылған еди, ол бизди өзи алғанын тән алды. (Бухарий ҳәм Муслим рәўияты)
     Ант ишиўи талап етилген адам егер өзиниң наҳақлығын билсе, Аллаҳтың ғәзебине жолықпаўы ҳәм Оның рахметинен айырылмаўы ушын өз мойынындағы  ҳақты тән алып, ант ишиўден сақланыўы ўәжиб.
    Абдуллаҳ ибн Масъуд разыяллаҳу анҳудан рәўият қылынады: Расулуллаҳ саллаллаҳу алайҳи ўа саллам деди: “Ким бир мусылманның мал-мүлкин өзлестирип атырған пайытта тоқтатылып, ант ишиўи талап қылынса, жалған ант ишсе, ол бенде Аллаҳға жолыққанда, Аллаҳ оннан ғәзепленген ҳалда болады". (Бухарий ҳәм Муслим рәўияты)
     Инсан егер өзиниң ҳақлығын анық билсе, ант ишкени жақсырақ. Айырым ҳалларда болса, айтылғанындай, бул ўәжиб те болады. Себеби, Аллаҳ таала мусылманның ҳақы зая болып кетпеслиги ушын бундай ҳалларда ант ишиўди енгизген. Егер сондай қылынбаса, аман кимселер адамлардың мал-мүликлерин наҳақ жол менен жеў ушын даўагерликти дәстек етип алады. Олар даўа қылынған адамлар тақўа жүзесинен ант ишпеўин билип турып наҳақ даўаларды көтерип шығады ҳәм жалғанды өндириўге урынады.

? “Қырық ҳәдис шолыўы” китабынан үзинди.

https://t.me/Toqpaq_ata_uz

Telegram

Toqpaq_ata_uz

Қарақалпақстан мусылманлары қазыяты, Мойнақ районы "Тоқпақ ата" жаме мешитиниң Telegram каналы!

#Рәўият Жақсысы да, жаманы да...

Рәўият етилиўинше, Луқманы Ҳәкийм қара денели қул болған. Ол кисиниң биринши айтқан ҳикметли гәпи былай болған. Бир күни ҳожайыны: "Ҳәй бала, бизлерге мына қойды сойып, ең мазалы еки жерин әкели", деди. Ол қойды сойып жүреги менен тилин әкелди. Кейин және бир мәрте: "Енди мына қойды сойып, ең жаман еки жерин әкел", деди. Ол және жүреги менен тилин әкелди. Хожайыны буның себебин соради, сонда Луқман: "Егер бул екеўи жақсы болса, денеде бул екеўинен де жақсырақ ағза болмайды. Егер бул екеўи жаман болса, денеде бул екеўинен де жаманырақ ағза болмайды",

???????????

Биз бенен социаллық тармақларда бирге болың!?https://t.me/Toqpaq_ata_uz

Telegram

Toqpaq_ata_uz

Қарақалпақстан мусылманлары қазыяты, Мойнақ районы "Тоқпақ ата" жаме мешитиниң Telegram каналы!