#لمولاي_بقية_الزهراء_ع **بيا هيمه عايش يـا وطن
وحدك غريب ابن الحسن
مــن ثيابك يطيح الـدمـع
نــــار بدليــلك ع الضـعـن

شايل جرح ما ينحمل صاير خيال من السهر
مـــن الدمع يالمنتضر ماضـل بعد عندك نضر
بنــار المخيم محترگ بيك الجرح اين استقر

تعبان يا ابــــــو الحيل تعبان
عطشان مثل حسين عطشان
يالمهدي يطلع شيبه بــالثوب
العنده عمه تفوت ديــــــــوان

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

بالگوه مـن تمشي صرت
شصايــر حبيبي وحدبت
غـــربت مــــداليل الخيم
يالمهدي زيـــن وما متت

عماتــك ابين الـــزلـــم طلعن ركـــض يتعثرن
عاميهن ارمــاد الخيم بذيچ الصحاري اتسلبن
جدامك الطف انعرض ومن طبن بقصر المحن

للشام وصلن ويـلـي للــــشام
بالضعن تمشي الروس جدام
اصعب جــرح مـا ينعقل دوم
فــــــوگ الترايب زينب اتنام

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

العنده غــالي عـ الــــرمح
مـايـبرد بگلبـــه الجــــرح
مــا ينشف ابعينك دمـــع
امتعبك اهـــواي الــذبــح

المسبيه عماته بهزل من يمشي ايده ع الضهر
محني ويجر گوه النفس امذبل اعيونه السهر
صبرك خلص يـ ابن الحسن ياسيدي شابع قهر

من تمشي ايدك فوگ الاصفاح
يــايــوم يامـــولاي تـــرتــــــاح
متعوب چنك غصن مكســـــور
ع المسبي راسه بحضن الارماح

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

يالمهدي من كسر الضلع
ما فارگ اعيونـــك دمـع
حـالك صعب مـــا ينعقل
يــــــوميــه گلبك منفجع

ابروحك اجـــروح السبي شايل مصايب كربله
من المغرب المغرب تون شمسويه بيك العايله
بيدك يصب دمعك دمــه عمرك دموعك هامله

مـذبـوح مــن العطش مولاي
عطشان گلبك حيــــــل للماي
من تذكر اشصاير بـ الاطفال
يالمهدي گلبك يوگف اهـواي

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

للـخـادم
مـقتـدى سـالـم**

#مولاي_الامام_الحسين_يخاطب_علي_الاكبر_ع **زين بويـه وضال عايش
مــن وصلتك حيلي راح
گـــوم يمتعب عـمـامــك
گلبي قبل ادموعي طاح
ايــد بمتون ابـو فـاضل
وايد بويــــه ع الصفاح

بـويه من الخيمه اجيتك الف عثره
گـــوه اركض والجدم بالگوه اجــره
هــــــاي اول مره گلبي انـــه تكسره
عليك بويـه بكل عزيز احچيلي مره

مـــــن بين الزلم شلتك
الخيل اهواي ساحگتك
لميتــك وذر بيـــــــــدي
يبني تموت مـــو وكتك

(( عـلـي بـويـه عـلـي ... ))

((ہہ᯽★★★᯽★★★᯽ہہ))

اسحل ابــروحــي اجيتك
اگــبــال خلگ الله اعثرت
اشمتو بـيــــه وضحكـهـم
زيـــن بـويـــه ومــــا متت
فوگك انــــه مـــــــن المهر
اعلـــه وجهي انـــه طحت

الشيلت اجــدامـي بـعــد مـابيـه حيل
بـويه لميتك عـلـي من احوافر الخيل
يــاعـزيـز امــــك تگوم الـــدنــيــا ليل
تــرضـه ابـــوك اگــبـال عـدوانه يميل

امفرع بـويـه واتحسر
اگـعـد هـــــــــا يلموذر
يبني اتحيرت حــيــره
منَ المك ليـــش تطشر

(( عـلـي بـويـه عـلـي ... ))

((ہہ᯽★★★᯽★★★᯽ہہ))

بـاچـر احـتـــــاج اليلمني
الخيل تشلع بويه صدري
انــــه اليكرهونـــه اكثــر
دوس يشبع يبني ضهري
مو وكت موتك يـ الاكبر
بـالـتـراب يــــروح نحري

انــه شلتك يبني وانـــــه تشيله زينب
تطلع ومچتوفــه اديـــهـا اعليه تنحب
ادور ابـــيــــن الجثــث والخيمه تلهب
عليه بويه الخيل بـــاچـــر انـــه تلعب

يذبني الحـافـر الحــافر
والضهري السهم عـابـــر
شيبـي يـچلـب ابنحـري
وكلساع ابسهم عــاثـــر

(( عـلـي بـويـه عـلـي ... ))

((ہہ᯽★★★᯽★★★᯽ہہ))

وحدي باچر يبني حاير
للخيم والكــم شــصـيـر
بويه هــاي اعليه صعبه
زيــنــب بهيمه تـــحـيـر
من السحگ يابويه باچر
لگبــري انشـــال بحصير

يصير موتي سيوف وحجـار وسحگ
صعبه اصير امن السهام انــه انشبگ
شــلـون بــــــويـه انطاك گلبك نفترگ
النفس يطلع صـعـــبه مــــــن ينشهگ

حسين بطيحت اصحابـه
بـــــــاچــر كـلهـا طـــلابـه
محد يـــــفـــزع اعـلـيـــه
التـــفـــزع كلها ســــلابـه

(( عـلـي بـويـه عـلـي ... ))

((ہہ᯽★★★᯽★★★᯽ہہ))

للـخـادم
مـقتـدى سـالـم**

#مـولاتـي_فاطمة_الـزهـراء_ع

**ادعي موتني يــربي
واصل البسمار گلبي
خدي مسطور ... ضلعي مكسور
گوه اجرن بالنفس
الباب الثگيل ... انـــدفـع حيل
بضلعي بسمار انغرس

((ہہ᯽★★★᯽★★★᯽ہہ))

من اشهگ الزم ضلعي بيدي حيل يلچمني الضلع
يــــــوصل البسمار گلبــه البـــــاب العلي ينـــدفع
ايـــد فوگ اضلوعي اخلي وايــــد امسح بالدمع

ثگيله حيل الباب وندفعت عليه
حيل مابيه احـــــــرك حتى اديه
يستجاب اليدعي ربـــه المغربيه
وانـــــه ادعي ربي عجلي المنيه

حسين يلچمني بدمعته
ضلعي يوجعني وشبگته
ضلعي مجروح ... طلعت الروح
حضني بدموعه انترس
الباب الثگيل ... انـــدفـع حيل
بضلعي بسمار انغرس

((ہہ᯽★★★᯽★★★᯽ہہ))

صحت فاطم (وأن) گالو گطعت گلبي الـ وأن
نار وسياط ع بـــابـي وانــــه خلف الباب اون
الحاجب من السطره طابگ ياخلگ وي الجفن

گــــوه اشهگ والنفس گــــــوه اجره
گوه اغمض عيني انـه بعيني سطره
والحسن بدموعـه ضل گلبي يكسره
اوشاله حيلي ياخلگ ضلعي شيجبره

الباب ع الحايط طبگني
اندفـع حـيــــل وخنگني
طحت للگاع ... ماكو فزاع
يلحگ بضلعي انرفس
الباب الثگيل ... اندفع حيل
بضلعي بسمار انغرس

((ہہ᯽★★★᯽★★★᯽ہہ))

النار تلهب والخنگني حــــيل دخـــــان الحرگ
لــــذت خلف الـبـاب عنهم والهوه مـــا ينشهگ
الباب حيل اثگيل وزنه بضهري محسن ينطبگ

طاح محسن حتى مالحگت اشمه
دنگت بلشيله امسح نَـــــــزف دمه
بهيده خليت ايدي فوگه لا الچمه
مــات ابني ومــــا نطق كلمة ييمه

شلته من الگاع بيدي
والدمـع سال ع خدي
مات مخنوگ ... گلبه محروگ
والدم بخده يبس
الباب الثگيل ... انـدفــع حيل
بضلعي بسمار انغرس

((ہہ᯽★★★᯽★★★᯽ہہ))

گوه اگوم اتوضه اصلي گعده اصلي انه صرت
ايد بالحايط مــــن امشي وايد بضلوعي وكت
زيــــن والله ونفس عندي ضال بيه ومــا متت

اخيال واتچه عله حايط راح حيلي
للصبح مــــن الـــوجع مـــــانام ليلي
بيدي اغمض اعيوني يلچمني دليلي
امسح بدمي ونـــــزف دمي بشليلي

الهيجت نـوحي اونيني
يـــمــه فــاطم كـــلميني
صحت يحسين ... تدمع العين
اشد من بابي الفرس
الباب الثگيل ... انـــدفع حيل
بضلعي بسمار انغرس

((ہہ᯽★★★᯽★★★᯽ہہ))

ضلوعي متكسره ولچمني حال الحسين وحسن
بحجرتـــي واسمع بچيهم گلبي يــاناس انطحن
ابــــــــــــاب حجرتهم مصيبه زينب وفضه بچن

أخر انفاسي وصحت يحسين يبني
يبوس اديه ومره يحضني ويشمني
بهيده شال ايده ورجع ليه وحضني
والحســـــن لازمني وبرجلي يحبني

اشتكيلــــه ويشتكيلي
شابگ ايدي ويندعيلي
يمه لو صاح ... گلبي يرتاح
حزني بگليبي انحبس
الباب الثگيل ... اندفع حيل
بضلعي بسمار انغرس

((ہہ᯽★★★᯽★★★᯽ہہ))

للـخـادم
مـقتـدى سـالـم**

**مجدي خليني ع بابك
ابچي يــوميه لمصابك
گلبي مــايـبــرد اريــده ...
وانـت مسلوبه ثيــابك

دمع ومصابي ... نوحي وعذابي
داست عليك الخيل ...
ع الغبره عاري ... حسين انكساري
عـاري ودمـه اتسيل ...
ارزقني جرحك ... وابچي ع رمحك
منك اريـــد الحيل ...

حسين اقرب ليه من حبل الوريد
بمجلسك لهيني غيــرك مــــا اريد
سيـــدي عـــن كلشي خليني بعيد

(( لهيني بيك اهواي ... مولايه يامولاي ))

((ہہ᯽★★★᯽★★★᯽ہہ))

انت ابو النعمه الچبيره
من لي غيرك استجيره
انــه اضيع ابلا وجودك
الـعـايـفك اعمى بصيره

الزمني بيدك ... مـــولاي اريـدك
لهيني بـس بــالنوح ...
مغرگني خيرك ... ماعندي غيرك
مـن بالي ابد متروح ...
مـاعندي واهس ... بس للمجالس
شاغلها بيك الـــروح ...

من ذنوبي ومـن ضياعي انه اعتذر
حسيــن ع الفطره عشگتك من زغر
الغير جــــرحك گلبي مـاضن ينكسر

(( فدوة الك ضماي ... مولايه يامولاي ))

((ہہ᯽★★★᯽★★★᯽ہہ))

انــــــه لحسين انتمائي
وَني وجروحي وعزائي
داست الخيل ع صدره
حگي مــــا اگطع بكائي

عاشگ جروحه ... المنطيني روحه
مطلوب الــــــى دين ...
مفضل عـليـــــه ... بلطمت اديــــه
ورازقني دمــع العين ...
شوگي وغرامي ... لحسين امامي
ماعندي ثاني حسين

انسان سواني بخدمته وصرت خادم
انــــه غـيـر حـسـيـن مــاعندي يوادم
انـــــه ساعـه الماخدمته حسين نـادم

(( ماعندي غيرك راي ... مولايه يامولاي ))

((ہہ᯽★★★᯽★★★᯽ہہ))

ســـلبوا بهيمـه بــــنـاتك
من الخيم طلعن خواتك
يركضن وحافي لجسمك ...
الــــرمـل طـــــب بلهاتك

مچويه اديهن ... نــار بعبيهن
سحگن جمر واحجار ...
اطفال ويتامه ... ماكو سلامه
خيل وزلــــم والــنـار ...
هيمه وبواچي ... سلبوا تراچي
طفلـــه واديها ازغــار ...

تـــــــركــض ومحتاره يــابويــه تصيح
خطوه تمشي وخطوه من تمشي تطيح
مـــــــاكـــو خيمه الضلت الها وتستريح

(( محد رواها الماي ... مولايه يامولاي ))

((ہہ᯽★★★᯽★★★᯽ہہ))

للـخـادم
مـقتـدى سـالـم**

**تسولفلك ملامح وجهي يالمهدي
غير العَجل ع الســـانـي مــاعندي
رسايل شوگ الك اكتب ورد اكتب
دمعي بكل مراسيلي انه متبدي

حاير سيدي شكتب
خايــف لا ارد اذنب
وشوفك صعبه بحلامي

تدمـع ضلت اقلامي
گوه مخَلص ايـامي
الك حيل الگلب ضامي

ياسيدي يمته الفرج _ وانتضرك بكل الدرب
عجل يمولاي انتضر _ فاتحلك ابواب الگلب
يلمهدي يمته وبلحلم _ واشكيلك افراگك صعب

(( يامهدي عجل لثار الحسين ... ))

((ہہ᯽★★★᯽★★★᯽ہہ))

يمهدي كسرت الفاگد تهد الحيل
معروفه حبيبي الراحه وكت الليل
وانه الراحه ما اعرف تصير شلون
اميل وي الـدمـع يلمهدي من يميل

ليلي يخلص انياحه
الفاگد يلزم اصفاحه
هلبت تــــرجــع امتانـي

ذبلت سيدي اعيوني
دمعي امبلل امتوني
العَجل شبگت ع الـساني

شابت يمولاي العجل _ بگـد ماگلت يالمنتظر
بكل مجلس الگالك دمع _ بيك الجرح اين استقر
ياواهس جروح الگلب _ بدموعي اترسلك نهر

(( يامهدي عجل لثار الحسين ... ))

((ہہ᯽★★★᯽★★★᯽ہہ))**

**يمهدي افراگك بأعظامي ضل ايدگ
ارســم صــــورتك وبصورتك اشبگ
هلبت وبضهر هلبت گــلت تــــرجـع
الگلب يالمهدي بيك اهوايـه متعلگ

المغرب يعصر بگلبي
شيب امخضر بدربي
روحي اهواي عطشانه
تــعبني النَشـــد عنك
خايــــف لا امل منك
وعـد ما عـوف الامـتانه

ماضل بعد عندي صبر _ اطلع يراي الكل بشر
حالي صعب ما ينوصف _ امگابل يمولاي الصور
بدموعي ارسمك وانحني _ ماعندي بفراگك ضهر

(( يامهدي عجل لثار الحسين ... ))

((ہہ᯽★★★᯽★★★᯽ہہ))**

**يمهدي الموت لحضه وخايف اهوايه
يبس گـــلبي يمهدي وشوفتك مــايه
ملامــح وجهي تكسر خاطـر الخاطر
يراي الله تـــــــرف چا يمته بــالرايه

اتانـي طلعت اعيونـك
اضيعن سيدي ابـدونك
الهجر مــــا خـلـه بـرسومي

بعدنـي بگعدت ادروبك
اشمه بيا حـلـم ثــــوبك
اخلص بــالــدمـــع يـــومي

شوگي الـك ماينوصف _ جوه الضلع انت التدگ
يا اغلى من روحي الي _ كون من اذكرك احترگ
محد الك وحدك عشت _ بعينك تمر خيل السحگ

(( يامهدي عجل لثار الحسين ... ))

((ہہ᯽★★★᯽★★★᯽ہہ))**

للـخـادم
مـقتـدى سـالـم

**(( يالزايـر عـلـي ويــاك يـالـزايـر ... ))

((ہہ᯽★★★᯽★★★᯽ہہ))

شد حيلك وامشي ... عين وغطه رمشي
خادم الك
تفضُل عليه انـــي ... بطبتك لـــــديواني
انت وهلك
افخر اخـــــدمنك ... ما لحضه امـل منك
امــــــدللك

شــــد رايـتـك يمشاي
اعصــر عينـي للــمـاي
خيمه لطولك افــــياي ... يلزاير

خـــــل العالـم يشوف
نمشي الكربله زحوف
مــا يمنعن كل خــوف ... ونكابر

الـزهـره تسجله ممشاك يـالـزاير
(( يالزايـر عـلـي ويــاك يـالـزايـر ... ))

((ہہ᯽★★★᯽★★★᯽ہہ))

ادلل عـليـــــــه انت ... اطلب شنو الـــردته
عيوني نذر
انــــه الك خـــــادم ... خـل تسمع الــــوادم
كـــل العمر
يـــاعيني ورسومي ... بمشيك حـلـى يومي
لا تـنكســـر

حسين امتاني ويصيح
بـيــــــدي اتلگه اليطيح
واهس نغلب الـــــــريح ... حياكم

نتعب فـــــدوه لحسين
حيـــل امشنه يــرجلين
چفه ورمشـــــه والعين ... غطاكم

تـچــي بمـتـني يمنــاك يـالـزايـر
(( يالزايـر عـلـي ويــاك يـالـزايـر ... ))

((ہہ᯽★★★᯽★★★᯽ہہ))

خــادم الك انــي ... ميت هلا امتانـــي
اترابــك دوه
فاتـــح الك بيتي ... غــيـر انـت عافيتي
انـــــت الهوه
المايخدم الـزايـر ... يگضي العمر حـاير
گلبه انـــچوه

زايــر گـبـر الاعضيد
شــد الـرايـه بـ الايد
اطلـب منـي شتريـد ... تدلل

اتراب اجدامك ادواي
منتضرك تــره اهـواي
الماشي انعزبه والجاي ... مانذبل

ادعيلي بكربلــه اهنـاك يـالـزايـر
(( يالزايـر عـلـي ويــاك يـالـزايـر ... ))

((ہہ᯽★★★᯽★★★᯽ہہ))

الــــزايــــر اتچيله ... مــــن حيلي الحيله
ميت هلا
فـدوه التعب يسوه ... نمشي الدرب اخوه
الطف كربله
الســـد بيته واتعنه ... ممنون اخـــــــدمنه
عمـري الــــه

امشي وتعب الاجـــدام
فـــدوه الطاري الاخيام
خــــــــــــادم ليله مينام ... خــدامـك

تعبك اجــره مـا ضـــاع
عــــادي اتملك الـــگــاع
اعيوني المشيك اوساع ... لجدامك

گـــــــواك الله گــــــواك يـالـزايـر
(( يالزايـر عـلـي ويــاك يـالـزايـر ... ))

((ہہ᯽★★★᯽★★★᯽ہہ))

امتانيك ابــــو الاكبر ... بـــالحضره يتنطر
گلبه انفتح
فــــاتحهن اعــيـــونه ... يعزبكــــم ابجونه
الزاير ربــــح
ميت هــــــــلا بيكم ... عــــابــس يتچيكم
كلشي انوضح

محزم ضهري بـــالثوب
ماگلت انــــــه چندوب
بـاچــر كلشي محسوب ... ما اجزع

انــه امتانـــي هل يوم
عيني اطلگ الـنـــــــوم
خـــــل الــعالـم اتــلــوم ... ما ارجع

حسين بـربــعـه حيــاك يــالـزايـر
(( يالزايـر عـلـي ويــاك يـالـزايـر ... ))

((ہہ᯽★★★᯽★★★᯽ہہ))

خـادم الـزوار
مـقتـدى سـالـم**

**اجيتك مذنب وغافل
أنهَ الشايل عقل جاهل
اريــــــدك تـقـبل البيه
يقيني بكل بشر قابل

تقبلني اريدك وانعدل ... عن كلشي رايح انعزل
يالماترد واحــــد ابد ... بذنوبي مچتوف بحبل

مـــا رايـد الـــــوادم ابد
لهيني بــــس ابخدمتك
ياقــــابــــل الحر توبته
خلينـــي دوم ابخيمتك

غرگان أنهَ ابير الذنب // علمني بـس انـت احب
يارحمة الله الــواسعه
يا اغلى واحد عد هلي // بيك اليسولف ينجلي
بگلبه يغالي اليوجعه

(( حسين ياحبيبي حسين ... ))

((ہہ᯽★★★᯽★★★᯽ہہ))

احبـــك واعــتــذر اسف
اجيتك مذنب و خــايف
لگلبي چـــــاره سـويلــي
أنهَ بروحي الجرح نازف

مولاي الا يمتى أبوهمْ ... عايش ولا اذكر خيم
عيشني بجروح السبي . ورزقني من ضيم الحرم

خليني مـــولاي احتـرگ
الراحه مو ثــوب الخدم
لهيني بـــس بمجلـســك
بيدك جبتني مــن العدم

علمني مولاي الادب // خليني احبك حب وهب
يا ابو علي انت الصدگ
قاصر واجيتك اعتذر // مــن دنيا لهتني اشكثر
بـذنـوبـي خلتني احترگ

(( حسين ياحبيبي حسين ... ))

((ہہ᯽★★★᯽★★★᯽ہہ))**

**لگيت الراحــه يم بـــابك
اريــد اسجد عله اعتابك
اجيتك مــن هلي شـــارد
ادور عــــن هـوه اتــرابك

من كلشي شارد سيدي ... خليني بيك انه ابتدي
المجلس عزاءك والدمع .. بذنوبي وجروحي انحدي

اكـــــــرم ولا تطرد بشـر
للحر وگـف ضـــدك تحن
مت عيني وين انه چنت
بـذنوبي غـافـــل ممتحن

شنهو انه حتى اخدم الك // انت الله حيل امدللك
ما شاكر الله بخدمتك
واهسنه صــار بمجلسك // شـح الهوه ونتنفسك
مــا تنوصـف يـارحمتك

(( حسين ياحبيبي حسين ... ))

((ہہ᯽★★★᯽★★★᯽ہہ))**

**اليحبك جرحك يكسره
واعشگك انه ع الفطره
فقير ومـاعــرف كلشي
ادور عـــن رضه الزهره

الترضه عنه امك تره ... ما يهتم الشيء يخسره
وانه اطلب من امك عذر ... عن كلشي من غافل جره

ويـاك اريـد اگضي العمر
يا موطن جـروح وحـزن
شمحلاتــه ويـــاك البچي
و من اذكرك كون انطعن

احرمني من دنيا چذب // ورزقني شلعان الگلب
وعيشني لو عات السبي
موَطن جروحك موطني // كون من اذكرك انحني
حنيت بنــــاتــــك للعبي

(( حسين ياحبيبي حسين ... ))

((ہہ᯽★★★᯽★★★᯽ہہ))

الاقـل
مـقتـدى سـالـم**

#مـولاي_الصادق_**(ع)

حترگ داري وركضن ابنياتي
اذكـرت بالطف ركض عماتي
بويه صاحلي احترگنه
اذكرت بالطف خيمنه

((ہہ᯽★★★᯽★★★᯽ہہ))

هــد حيلي هــذا الموقف
بروحي الجرح ضل ينزف ... من حرگو الدار

طلعن بناتـــــي يركضن
روحي اطلعت من عثرن ... بعبيهن النار

اذكــرت عماتــــي بالهيمه ركضهن
والمصيبه ع الجمر تسحگ رجلهن
والركض مــــا ينحمل وگف گلبهن
كلها غربــه مـن الزلم محد رحمهن

وحده وحده اتعثرن بــالهيمه
ترسن الچول بحرگها الخيمه
انـه وجروحـي گعدنه
اذكرت بالطف خيمنه

((ہہ᯽★★★᯽★★★᯽ہہ))

بصفاحي ايدي وحاير
چان الفرق بـس حافر ... وما بينه عطشان

گـــوه النفس جـــريته
صعبــه اليشوف ابيته ... مشتعله نيران

بعينه صعبه الشاف يحترگن بناته
من الركض يعثر الـف عثره بعباته
ينهدم حيله ويحس راحـه بمماته
شله بــــالـدنيا بـعـد يكرهـ حيـاته

كلها اهـــــون والمصيبه ابالي
شفت زينب مــو بناتي اگبالي
عثرت براعــي المحنه
اذكـرت بالطف خيمنه

((ہہ᯽★★★᯽★★★᯽ہہ))

بماي انه اطفي ابداري
ونـاري ع زينب نـــاري ... ما ضاگت الماي

الچـاويها حــر الصحره
اگـبال الـــــزلـم متعثره ... عثرت تره اهواي

عثرت اگبال الزلـم كلفه ومصيبه
طبت الشــام ابحبل زينب غريبه
من هذاك اليوم راسي صار شيبه
لهسه گلبي اعليها ما فارگ نحيبه

من اذكره الشام تطلع روحي
الشام مو كواك منه اجروحي
الشام اگشر مـارحمنه
اذكرت بالطف خيمنه

((ہہ᯽★★★᯽★★★᯽ہہ))

اركــض گمت واتـعـثـر
خيـــل وسحگ اذكــــر ... تسحگ بـ الاضلوع

عماتـــــي بـالـبـر حـفـاي
غربه وهظم ضـاع الراي ... غـرگن بـ الادموع

اضلوع شالــت خيلهم كلش ثگيله
من الزلم محد فــزع جــدي يشيله
بس عليل وچانت اجدامـــه نحيله
يطيح ويگوم ودمعته بنص شليله

يمسح ابدمعه ويلچمه اچتافه
الصوط كلما يعثر ع اچتــــافه
بكربله مـــــاتت زلمنه
اذكرت بالطف خيمنه

((ہہ᯽★★★᯽★★★᯽ہہ))

اذكرتـه بــاب الــزهــره
عصرت دليلـي الحسره ... ومحسنها من طاح

محني واجــر ابـروحي
فـاض النزف بجروحي ... مـــن ابچي ارتــاح

بخدها صطروها عمت عيني عليها
مـــا تلحگ تشگف الصوط ع اديها
الحايط ايون گام مـن يسمع بچيها
بـــالـــوصـيه مچتف ومـا رد وليها

غمض اعيونه ورفس محسنها
شهگ مـــالحگ ابـــد يحضنها
الباب وجروحه لچمنه
اذكرت بالطف خيمنه

((ہہ᯽★★★᯽★★★᯽ہہ))

الاقـل
مـقتـدى سـالـم**

**خـيـالــه وحيل اسباع
فــركــو شاربها الـگـاع
ذبــو خـيــل ع الخيـل
الحگ بيهم مـا ضـــاع

صولتهم حيل تخوف ... طاريهم حيل يـرجف
الله اليستر لـو هـدو
هاشم قـاده وعيالــه ... غـيره وزود وخيـالــه
مـاي ع حسين تبدو

شـــالــو رايــه ... ودگـو ثـايــه
عباس أولهم غار
اتخيل اعيونه ... يطگ بمتونه
كلهم مو گده ازغار

(( الله اليستر يا ستار الكافل طب اعليهم ))

ال هاشم ال هاشم

((ہہ᯽★★★᯽★★★᯽ہہ))

ازغـرهم جـاب احگوگ
يلوي اشوارب وحلوگ
العكـسـر منهم مـحتـار
البيهم يـندگ مـدگـوگ

ازغرهم يلعب جوله ... قاده اشگد ماگدروله
شــــــــال الطف ابچفينه
لعابه السيف ابيده ... حر يتلاعب ع الصيده
يخوف من خزرت عينه

شـردو منه ... اليوگــف فنه
للسبعه يطير الراس
ازغير الساده ... يطر القاده
طالــع يشبه عباس

(( هوه الطالع ع العباس شحده اليوصل حده ))

ال هاشم ال هاشم

((ہہ᯽★★★᯽★★★᯽ہہ))**

**العركه تـــريــد الفنان
طبوها اشلون اخوان
واحدهم مـــن يصول
حـيـدر طــب الميدان

امهم بــــدويـــه اتشور ... طگتهم حـيـــل اتعور
مرضعتهم غيرة حيدر
ضهور الخيل مكسريها ... ثگال الحومه متعبيها
ضاع الراي اعله العسكر

احيود وهيبه ... الحـگ اتجيبه
من برزو ضاع الجيش
عــون وجعفـر ... الله اليـسـتـر
طگتهم مـــو بــالريش

(هيبه ادخيلك يالعباس الريشه ابراسه اتخوف)

ال هاشم ال هاشم

((ہہ᯽★★★᯽★★★᯽ہہ))**

**هــدوا والـشـيـخ حسين
يـطـبـگـهـا الــفيـن الفين
العسكر مـات من الخوف
شبچت مـــوتـه وعـدلين

حي الله القائد طبها ... الگاع ابدمهم شربها
مو خيبر شال الدنيا
تغربــل ضل يغربلها ... تميل الگاع ويعدلها
اطـف ابعينه اشويه

كـف عـدوانـه ... كــف اردانـه
شامـخ مـا ذلــه الماي
يگطع بــــزره ... العينه تـخـزره
واحــد ينعد اهـــــواي**

( حسين ابضهره الكافل خيل ايطگها بخيل )

ال هاشم ال هاشم

**((ہہ᯽★★★᯽★★★᯽ہہ))

للخادم
مـقتـدى سـالـم**

#فـزاعية **مامگطوع نزفـه مخضب ابدمه
ومن يشهگ ابونه طبرته تلچمه
امسح شيبته وبشيبته اشتمه
ومن يشوف زينب زينب تهضمه

( غمض اعيونه .. علي الليله يزينب )

((ہہ᯽★★★᯽★★★᯽ہہ))

يلوج من الوجع والطبره لعيونه
والدم نازل من الحيته لمتونه
حال الضيم حاله ومو نفس لونه
بيده من الوجع يطبگهن اجفونه

( الراس بالطبره .. نصين انجسم )

((ہہ᯽★★★᯽★★★᯽ہہ))

مـايگدر ابـوي يحـرك اچفوفـه
ومن گد الوجع مــاوَچد ابشوفه
بالسيف الاعمامه براسه مخسوفه
يحرك رجله گوه وروحه ملهوفه

( ايلوج بفراشه .. وجع دگ بالعظم )

((ہہ᯽★★★᯽★★★᯽ہہ))

امسح دمه بيدي وامسح الحيته
ومن يلزمها ايدي تردله عافيته
وخايف لا الچمه دمعي رديته
اذب ادموع عيني جوه خاچيته

( وكاض اصفاحي .. وافتر يم حجرته )

((ہہ᯽★★★᯽★★★᯽ہہ))

مكسوره الخـواطـر حيـره هالليله
وعلينه الحزن ياناس شــد حيله
غمض عينـه راح مـعدَل المـيله
كلف جرحه ابوي وصعب تغسيله

( النوم ما ريده .. ابوي الليله اريده )

((ہہ᯽★★★᯽★★★᯽ہہ))

تمتـ الخادم
مـقتـدى سـالـم**