الشاعر مهند الدريساوي
صدرك لوخبز من كل كتر ماكول
من كد السهام التدخل وتنجر
07815536665
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her
السلام عليكم
اخواني الاعزاء قناتي رجعتهه راح انشر بيهه وتكون هيه الرسميه لشاعر مهند الدريساوي لان السويتهه جديده مسحت التلي وراحت ليحب يتابعني هنا ويتابع نشر القصائد الخاصة بمناسبات أهل البيت عليهم السلام يشرفني نتمنى من الله تعالى التوفيق لخدمة الامام الحسين عليه السلام وأهل بيته الطيبين الطاهرين
قصيدة المشتاگ استشهاد الامام الرضا عليه السلام
اتمنه کلبي يطير لديارك
اتمنه اشم اتراب زوارك
غريب وعايش بعيني
حياتي وبلسم سنيني
اتمنه كلبي يطير لديارك
گلبي من البعد مولاي يمره
وغيرك مارضه يدليه يمره
منو يزور الرضا مشتاگ يمره
يكله بروحي عايش سيدي ومولاي
اشوفك بالعطش ياعمري جربة ماي
تحرگني الشمس واشتم ضريحه فياي
وأنه حساسي شعل راسي أنه المشتاگ
إنه متيه واجيت اسال صعب لفراگ
هي روحي اعليك ملهوفة
هنياله ليحضنك هو بچفوفه
اموت بصحنه خليني
حياتي وبلسم سنيني
كلبي بشوگه متلهف حنلكم
ونذرت اعيوني لواوصل حنلكم
عقلي وروحي وعيوني حنلكم
مثل ماحنت الام اعله ابنها باليل
عليل ومن ذكرتك رد اليه الحيل
احلفك سيدي بذاك التسحگه الخيل
ارزقني زيارتك روحي بجنح عزريل
وحق عينك گلب دامي على زياره
السفر الكم حلاته اوصل وسط داره
ياشوگي اشمن نظرت عيونك
مااسوه وحقك انيي بدونك
حبيبي عليك دليني
حياتي وبلسم سنيني
غميج مضعين دواه يرحل
كلب يمك فقط مولاي يرحل
المثلك مانريده بيوم يرحل
تعوف الشيعة تبجي والجرح يعرض
انكسر ظهر اليحبك ماگدر ينهض
مكانك خالي بينه ولابشر عوض
شجاه السم عليك محزم وينقض
يبعد امي تعيش بروح كل غالي
افكر بيك شاغل دوم كل بالي
هيه روحي العايشه بنارك
أخذني بحضنك اني خطارك
هجرك بيه يچويني
حياتي وبلسم سنيني
متت والگال خوف بخوف مشهد
مسموم وتشوف العين مشهد
روحي معلگه بتربان مشهد
اجيتك معتني وماگول تسياره
اجيتك ياحبيبي ارد اشبع زياره
واخلص عمري يمك ليله ونهاره
تره المشتاگ يفرح لو لگه دياره
اجيت اركض لهف يوسف لعد يعگوب
اذب روحي وارد ابيض خليي اذنوب
عيوني تغفه بحضرته وبابه
وعليك عيوني هيه سچابه
امرادي بيدي ينطيني
حياتي وبلسم سنيني
الميت گلبه يمك عاش يرحي
شعير بهجرك وبسنون يرحي
ماينظم وأنه المفضوح يرحي
عليك ودمه گام يگوطر المجروح
موبس الجرح حتى الدمع مفضوح
ننصب چادرك نلطم عليك النوح
موبس الهدم اسود نلبس الروح
لبست اسود عليك احزن غريب الطوس
صرت شجره عگب وجهك تخذم الفوس
لون السواد البيه يحچيلك
كل عمري اندبك اني وابچيلك
وداعك زيد اونيني
حياتي وبلسم سنيني
خادم رقية عليها السلام
الشاعر مهند الدريساوي
قصيدة للامام الحسن عليه السلام
شكتب عنك ماوفيك
كل العدنه وميكفيك
يالوح الله البي مكتوب
اسمك تسبيحة يعقوب
__
يم وجهك تغيب الشمس والنور يبزغ كله
كل المضايف تنحني من العگل للدله
يم هيبتك يطفه الگمر والنجمه ماتندله
وجبريل يمك يفتخر هو بخدمتك يعله
تخلص روحي وماانهيك
اوصل نصك يله ابديك
دين الله بطولك مهيوب
اسمك تسبيحة يعقوب
____
جيناتك انته من النبي من حيدره ومن فاطم
شجرتكم من الله عشك يدخلها بس الهايم
ياورده وحسينك عطر رمضان بيكم صايم
خمستكم بنفس النفس يدخلكم ومتفاهم
يجري بدمكم بس احساس
حبكم عابر كل الناس
دعوات ام ابكل غروب
اسمك تسبيحة يعقوب
____
يم جدمك يدنك الجبل جف العدو ميلوحه
كل سفرة مابيها طعم بس سفرتك مملوحه
من طينه خالق جم نبي والعلم تارس روحه
حار بخصالك كل زمن كل خصله هي
اطروحه
شكتب عنك ياعنوان
بحروفي وفاتح ديوان
اليمشي بخطك مامتعوب
اسمك تسبيحة يعقوب
_
فكرك مثل عطر الوفه بالخير فارض قدره
سطرها حكمه بكل وعي لحسين أسس نصره
ماميته لچن تنولد يوم الطفوف الثوره
درب الحسين ومنهجك خيط برسالة ابره
بيان النصرك منطي
بالطف حسينك يلقي
محبوب يكمل محبوب
اسمك تسبيحة يعقوب
__
تبجي السمه وتذرف دمع ركن الصلاة اتهدم
قران ربك منفجع تفسيره كله اتسمم
والكعبه كلها تفطرت جدرانها انصبغت دم
كل اليتامه تودعك وكلوبها انترست هم
ميته النعمه ومايدرون
بُعد افراكه يشيب اعيون
والشوف اخلافك مسلوب
اسمك تسبيحة يعقوب
__ كلشي انفجع من ارحلت والدمعة هدت حيلي
كل الارض من حسرتي تخنكني متكفيلي
والوسعه ضاكت والجرح مايلتم ويشكيلي
وديلي ناعي من السمه يفجعني من ينعيلي
اهلي انساهم ماناسيك
نبضات بگلبي مخليك
مجلس لمصابك منصوب
اسمك تسبيحة يعقوب
خادم رقية عليها السلام
الشاعر مهند الدريساوي
قصائد المشاية
قصائد السبي
قصائد السيدة رقية ع
كل هذا واكثر تجدونه في هذه القناة
https://t.me/+_uuVITC_f45iZDky
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her