Андижон вилояти прокурори М.Абдухакимов бошчилигида Андижон туманида ижтимоий-иқтисодий масалалар ўрганилди.

Хусусан, туманнинг “Дарёбўйи” ҳамда “Саноат” маҳаллалари ўртасида жойлашган “Қорадарё”дарёсининг устки қисмидан ўтган муҳандислик тармоқлари учун қурилган 165 метрлик эскирган кўприк объектида амалга оширилаётган қурилиш-таъмирлаш ишлари билан танишилди.

Мазкур кўприкнинг қайта тиклаш ишлари вилоят прокуратураси томонидан назоратга олинган бўлиб, прокуратура аралашуви билан “Кўприкқурилиштаъмирлаш дирекцияси” МЧЖга 1 млрд. сўм пул маблағлари молиялаштирилиб берилган.

Бундан ташқари, кўприк устидан ўтган (газ, ичимлик суви ва оқава сув) тармоқларнинг қулаб тушишини олдини олиш мақсадида ушбу кўприкка вақтинчалик махсус трос боғламаларини тортиш ишлари амалга оширилди.

Вилоят прокурори сектор раҳбарлари билан учрашиб, энергетика соҳасида тежамкорликни таъминлаш, қурилиш соҳасида сифат ва муддатларга риоя этилишини назорат қилиш, тадбиркорликни қўллаб-қувватлаш орқали янги иш ўринлари яратиш, бириктирилган ёшлар муаммоларини ҳал этиш юзасидан ўзининг топшириқ ва кўрсатмаларини берди.

*🌐 Бош прокуратуранинг ижтимоий тармоқлардаги саҳифаларига аъзо бўлинг!*Sayt |Telegram | Instagram | YouTube | Facebook

Бош прокуратура Малака кенгаши томонидан белгиланган режа-жадвалга асосан прокуратура органларида хизмат қилаётган ходимлар белгиланган тартибда навбатдаги аттестациядан ўтказилди.

Аттестация натижалари белгиланган тартибда эълон қилинди.

Шу билан биргаликда, ходимларга ижро интизоми, мунтазам равишда билим ва касб малакасини ошириш ҳамда прокуратура органлари ходимларининг “Касб одобномаси”га қатъий риоя этиш борасидаги талаблар эслатиб ўтилди.

*🌐 Бош прокуратуранинг ижтимоий тармоқлардаги саҳифаларига аъзо бўлинг!*Sayt |Telegram | Instagram | YouTube | Facebook

Давлатимиз раҳбари раислигида энергетика соҳасидаги янги лойиҳаларни ишга тушириш бўйича ўтказилган видеоселектор йиғилишида берган топшириқлар ижросини таъминлаш мақсадида Андижон вилояти прокурори М.Абдухакимов Марҳамат туманида "Mingtepa gidro Energiya" МЧЖ томонидан барпо этилаётган кичик ГЭС қурилиши иншооти очилишида иштирок этди.

Мазкур лойиҳанинг умумий қиймати 8 млн. АҚШ долларини ташкил этиб, соатига ойига 3,2 млн кВт, йил давомида эса 25,6 млн кВт соат электр энергияси ишлаб чиқариб, 9 200 та хонадонни мунтазам электр энергияси билан таъминлайди.

Тадбир якунида, энергетика соҳасида ислохатларни жадаллаштириш юзасидан долзарб вазифа ва топшириқлар белгиланди.

*🌐 Бош прокуратуранинг ижтимоий тармоқлардаги саҳифаларига аъзо бўлинг!*Sayt |Telegram | Instagram | YouTube | Facebook

*Бош прокуратура жамоаси барча ватандошларимизни бугунги улуғ айём – мамлакатимиз Конституцияси қабул қилинганининг 32 йиллик байрами билан самимий муборакбод этади!

Коллектив Генеральной прокуратуры искренне поздравляет всех соотечественников с сегодняшним замечательным праздником – 32-летней годовщиной принятия Конституции нашей страны.*