🔰نتيجه الدور الثاني ظهرت علي اليوم السابع 👇🏻**** http://natega.youm7.com

**المعاهد العليا اللي بتبدء من اول ( 50% )

المعهد العالى بيكون اربع سنين زى الكليه وبتتخرج بتاخد بكالوريوس او ليسانس حسب المعهد نظرى ولا عملي .... معتمد من التعليم العالي .. معتمد من النقابه

والمعاهد المتاحه للادبي هى
معهد عالي محاسبه تسويق تجاره بكالوريوس محاسبة
معهد عالى علوم حاسب بكالوريوس علوم حاسب
معهد عالى دراسات أدبية ليسانس اداب
معهد عالى نظم ومعلومات بكالوريوس نظم ومعلومات
معهد عالى علوم اداريه شعبه ( محاسبه أو اداره ) بكالوريوس
معهد عالى سياحه وفنادق بكالوريوس سياحه وفنادق
معهد عالى اعلام وتكنولوجيا صحافه بكالوريوس اعلام
معهد عالى خدمه اجتماعيه بكالوريوس خدمه اجتماعيه
معهد عالى تعاون زراعى بكالوريوس تعاون زراعى
معهد عالى لغات وترجمه بكالوريوس لغات وترجمه

_خريج المعهد العالي ليه يقدم دراسات عليا زى
الماجستير والدكتوراه عادى زى اى حد

وليه يقدم متخصصين شرطه يعنى لو دخل معهد عالى علوم حاسب بيقدم شرطه وبيبقى ظابط فى التخصص بتاعه بعد التخرج وهكذا
دى نقطه كذا حد قالها ومحتاجين نبحث فيها بس مش اكتر ..
ده غير طبعا خريج المعهد العالي بياخد شهادته بكالوريوس أو ليسانس زى الكليه**

🔴📌بدء تسجيل رغبات المرحلة الثالثة للتنسيق بحد ادنى 50%: الرابط ⤵️****https://www.tansik.digital.gov.eg/

*👈* بدا المرحلة الثالثه للتنسيق يوم الثلاثاء 10/9 حتى الخميس 12/9 .

👈 اي طالب اقدم علي تقليل الاغتراب او تحويله اتقبل ملهوش انه يحول تاني ويروح يقدم في الكلية الجديدة فوراً .

👈 سيتم فتح موقع التنسيق للطلاب الناجحين في الدور الأول و المُتخلفين من المرحلتين الأولى والثانية لتدوين رغباتهم من يوم الثلاثاء 10/9 حتى الخميس 12/9 .

👈 نتيجة تنسيق المرحلة الثالثة لن تظهر حتى يتم تسجيل رغبات طلاب الدور الثاني للثانوية العامة و يتم إعلان نتيجة ترشيحات المرحلة كاملة.**

*📢*لو طلب تقليل الاغتراب اتقبل
يبقى مش هتقدر تحول تاني لأي كليه لانه تحويل نهائي خلاص واطبع بطاقتك وقول الحمد لله

📢ولو متقبلش؟
تقدر تستنى بعد نتيجه المرحله الثالثه وتقدم تاني على تقليل الاغتراب الغير مناظر لأن لو عملت مناظر هيترفض تاني لكن تقدر تغير الكليه خالص في حاله أن صعب تكمل فيها بسبب البعد المكاني ..

طيب لو انت مصمم وعايز الكليه ومش هتعمل تقليل اغتراب غير مناظر وعايز تحول لجامعه قريبه منك
في الحاله دي
هتروح تقدم ورقي بنظام الكريديت للكليه اللي عايزها في الجامعه اللي عايزها وتكون قريبه منك المهم تكون مكتوبه في بطاقه الترشيح حتى لو في اخر محافظه

👈بس خلي بالك نظام الكريديت يعني بفلوس وفلوس مش قليله يعني لو جالك طب اسيوط مثلا وعايز طب عين شمس أو القاهره هتروح تقدم كريديت في القاهره وتدفع ١١٠,٠٠٠ ألف في السنه بالاضافه لمصروفات الكلية
وفي كليات نظريه بيكون الكريديت فيها ٣٠,٠٠٠ الف أو أكثر
يعني إسأل على المصروفات قبل ما تتسرع وتتخذ القرار وشوف إمكانياتك ايه
وإمكانياتك معناها السنين اللي بعد كده مش السنه دي وبس لأنها مصروفات سنويه .

ا اماني الشريف**

**التعليم العالي تعلن عن نتائج مرحلة تقليل الاغتراب لطلاب المرحلتين "الأولى والثانية" وبدء المرحلة الثالثة للثانوية العامة عام 2024

بدأ مكتب التنسيق في استقبال طلبات تقليل الاغتراب من خلال موقع التنسيق الإلكتروني على شبكة الإنترنت https://tansik.digital.gov.eg في الفترة من يوم الخميس الموافق 29/8/2024 ولمدة سبعة أيام انتهت يوم الأربعاء الموافق 4/9/2024.

• وقد تقدم طلاب المرحلتين "الأولى والثانية "برغباتهم لتقليل الاغتراب في سهولة ويسر والتزم المكتب بشروط وقواعد القبول المُنظمة لتقليل الاغتراب الصادرة من أمانة المجلس الأعلى للجامعات والنسبة المقررة والطاقة الاستيعابية لكل كلية ومعهد.

☆ المرحلة الثالثة وعدد طلابها:
• سيتم فتح موقع التنسيق الإلكتروني للطلاب الناجحين في الدور الأول للثانوية العامة هذا العام 2024، وكذلك المُتخلفين من المرحلتين الأولى والثانية لتدوين رغباتهم وذلك في الفترة من يوم الثلاثاء الموافق 10/9/2024 حتى يوم الخميس الموافق 12/9/2024.

• علمًا بأن نتيجة ترشيحات المرحلة الثالثة (الدور الأول) سيتم إرجاء إعلانها حتى يتم تسجيل رغبات الطلاب الناجحين في امتحانات (الدور الثاني) للثانوية العامة هذا العام 2024، ثم يتم إعلان نتيجة ترشيحات المرحلة كاملة.

مع أطيب تمنياتنا بالتوفيق والنجاح ،،،

وزير التعليم العالي والبحث العلمي
(أ.د/محمد أيمن عاشور)**

*🔴*📌 نتيجه تقليل الإغتراب ظهرت**https://tansik.digital.gov.eg/application/

📌🛑حوار تقليل الاغتراب:

**التحويلات أو تقليل الاغتراب يعنى بيكون للطلاب اللى فى محافظات فى النطاق (ب) أو النطاق (ج) وعاوزين يرجعوا النطاق (أ) يعنى عاوزين يرجعوا محافظاتهم ، طب لو الكلية اللى انت فيها مش موجودة فى محافظتك وقتها الموقع هيختارلك أقرب كلية ليك أو هيقول انت بالفعل فى أقرب كلية .

تقليل الاغتراب ممكن جدا يترفض عادى جدا ، ومفيش أفضلية للبنات ع الولاد نهائيا .

قبول تقليل الاغتراب من عدمه بيتم على أى اساس ؟
ببساطة كده أى كلية على مستوي الجمهورية بتحدد نسبة 10% من سعة الكلية يقبلوهم من التحويلات ، يعنى مثلا كلية سعتها 1000 طالب فـ هيقبلوا نسبة 10% من السعة دى ( اللى هى 1000 ) يعنى هيقبلوا 100 طالب فقط من التحويلات .

طب مين الـ 100 طالب دول وبيختاروهم ازاى ؟
هنفترض اللى محول للكلية 500 طالب ، بس هما عاوزين 100 طالب بس ( اللى هما نسبة الـ 10% ) ، فالموقع بيختار أعلى 100 طالب ف المجموع ، يعنى ببساطة كل ما كان مجموعك أكبر كل ما كان فرصتك أكتر ف قبول التحويل .

التحويلات ليها 3 أنواع :

- النوع الأول [ تقليل اغتراب مناظر ] : ده معناه انك بتحول لنفس كليتك بس جوه محافظتك ، حتى لو مش جايب مجموعها جوه محافظتك ..، يعنى من طب لطب من تجارة لتجارة ، بس بشرط تبقي جوه محافظتك فقط ، ولو عندك اكتر من جامعه في نطاق (أ) بيكون التحويل للجامعه الاقل في المجموع يعني واحده منهم خدت من 90% وواحده من 88% يبقي تحويلك للـ خدت من 88% وفي كل الحالات مش هتعرف تختار الجامعة بمزاجك ، الموقع بيقولك هي دي اللى ينفع تحولها بس .

- النوع التانى [ تقليل اغتراب غير مناظر ] : ده معناه انك بتحول لكلية مختلفة غير اللى انت فيها بس جوه محافظتك برضو اللى هى نطاق (أ) بس بشرط يكون مجموعك جايبها ..، يعنى من تجارة لاداب مثلا .

- النوع التالت [ معاهد ] هو تحويلات المعاهد تقدر تحول لاي معهد في ضوء القواعد حسب هل بيقبل اقليمي ولا جغرافي بشرط جايب درجته وحسب النسبه المسموحه .

طلاب الانتساب والانتظام ، لو انت جالك انتظام وعاوز تحول انتظام ف محافظتك يشترط عليك تكون جايب اعلى من درجه الانتساب ف الكليه اللى عاوز تحول ليها ، وف حاله لو مجموعك يساوى او اقل من مجموع الانتساب في الكليه اللى محول ليها ف انت هتتسجل انتساب ، وفي كل الحالات موقع التنسيق بيختار لك الجامعه اللى ينفع تحول ليها.

التحويل هو مرة واحده يا صابت يا خابت ، وساعات بيفتحو التحويل مره كمان بعد كل المراحل وبيكون غير مناظر بس .**

🔴📌للتوضيح| اي طالب عنده دور تاني لا يقلق بعد امتحان الدور التاني وظهور النتيجه بتقدم في التنسيق حسب مجموعك ومكانك محفوظ .

⚠️تقليل الاغتراب او التحويل بيكون رغبة واحدة فقط لاقرب جامعة في المسافة.