*🐅*🐯 "Йўлбарс кўзи" белгиси**

Халлерворден-Шпатц синдромига хос белги

🧐 кам учрайдиган касаллик

👦 кўпинча 6 ёшда бошланади

🧠 симптомлари: деменция, дистония, дизартрия, ригидлик, гиперрефлексия

✅ МРТ Т2-режимида globus pallidus(рангпар ядро)-да ортиқча темир йиғилиши ва глиоз ҳисобига гипер- ва гипоинтенсив соҳалардан иборат бўлган ўчоқ

#мрт #mrt

@radiologiya_uz

МРТ таърихи

❇️ 1944, Е.К.Завойский - электрон парамагнит резонанс ҳодисаси

❇️ 1946, Пурселл ва Блох - ядро-магнит резонанс (ЯМР) ҳодисаси

❇️ 1960, совет олими Иванов - ҳозирги магнит резонанс томографга ўхшаш ускунанинг схемасини чизди. Лекин у пайтда технология бунчалик ривожланмаган, лойиҳани амалга ошириш имкони йўқ эди

❇️ 1973 - америкалик Пол Лотербург ядро-магнит резонансдан фойдаланиб, қандай қилиб тасвир олиш мумкинлиги ҳақида мақола чоп этди.
Кейинчалик Мэнсфильд радиосигналларни рақамли тасвирга айлантиришнинг математик алгоритмини такомиллаштирди.

❇️ 1975, Ричард Эрнст - МР-сигналларни ишлаб чиқишнинг янгича усулини топди (бу усул ҳозирги кунгача ишлатилади).

❇️ 1980 - биринчи марта МРТ ускунаси клиникаларда қўлланила бошланди. Тадқиқотчи Эдельштейн ва унинг ҳамкасблари биринчи марта одамнинг тасвирини олишди. Битта тасвирни олиш учун 5 дақиқа вақт кетди.

❇️ 1986 - битта тасвирни олиш вақти 5 сонияга қисқарди.

Шу йили Чернобилдаги воқеа туфайли "ядро-магнит резонанс" сўзи "магнит резонанс томография"-га алмаштирилди.

Келажакда:
✅ сканерлаш вақти қисқаради;
✅ яна ҳам сифатли, деярли реалликка яқин тасвир;
✅ тасвирни сунъий интеллект баҳолаб, хулоса бериши;

#tarix #mrt #таърих #мрт

@radiologiya_uz

#terminologiya #терминология

*✅ Инфаркт* - қон оқими бузилиши, аниқроғи қон бормай қолиши натижасида, тўқиманинг нобуд бўлиши. Асосий сабаблари: тромбоз ва эмболия.

*✅ Ишемия* - орган ёки тўқимада қон оқими чегараланиб қолиши ва натижада кислород ва озуқа моддалар етишмаслиги.

*✅ Гипоксия* - тўқималарда кислород етишмовчилиги бўлиб, бу ҳужайралар зарарланиши ва некротик жараёнга олиб келиши мумкин.

*✅ Сепсис* - инфекцияга организмнинг тизимли жавоб реакцияси бўлиб, ички органларнинг функцияси бузилишига олиб келади.

*✅ Цирроз* - сурункали жараён бўлиб, тўқималарнинг нормал структураси бузилиши ва фибротик тугунлар ҳосил бўлиши билан характерланади.

*✅ Склероз* - сурункали жараён оқибатида нормал тўқима ўрнида бириктирувчи тўқима ҳосил бўлиши ва оқибатда тўқима зичлашиб, эластиклиги пасайиши.

@radiologiya_uz

2024/2025 ўқув йили учун тиббиёт йўналиши бўйича, шаҳар ва туманлар кесимида ДАВЛАТ ГРАНТЛАРИ тақсимоти (мақсадли қабул)

#ўқиш #öqish

@radiologiya_uz