يبتليكَ اللّٰه بما يؤلمكَ ليصنع منك بطلًا ؛ ويُكفر عنك ذنبًا؛ ويحُط عنك خطيئةً، ويرفع منزلتك درجةً، ويضع في ميزانك حسنةً، ثُم يضم فؤادك حُبًا فـاشدُد حبال التّصبُّر ولا تَستَعجِل و اعلم أنَّ اللّٰه بِيَدِهِ الْمُلْكُ ، وَهُوَ عَلَىٰ كُلِّ شَيْءٍ قَدِيرٌ ، ويُحبك?*❤️*?.**

لما تبقي زعلان او مهموم افتڪر دعوة الشيخ الشعراوي لما قال : اللهم لا تشغل عقلي بما يقلقه ، ولا قلبي بمن لا يرحمه ، ولا وقتي بما لا ينفعه ، ربي ڪن لي وڪن معي واجعلني بكَ أقوي?*♥️))".*

ازاي اتخلص من ادمان التليفون♡

١- إنقل اي حاجه بتذاكر فيها من تليفونك لتليفون فاضي في البيت او تليفون بتاع حد مش بيستخدمه كتير، ولو ده مش متوفر اطبع اللي هتذاكره علي ورق، الورق بحسه في المذاكره احسن كتير وتركيز فيه أعلي، ماديًا مش قادر علي الطباعه انقل المحاضرات، الوقت اللي بتضيعه علي السوشيال ميديا لو نقلت بيه محاضراتك هتفرق معاك حتي في تذكر المعلومه.

٢- اي شئ له ابلكيشن له بديل بره التليفون، استبدله فورًا
ابلكيشن قائمة المهام = دفتر قائمة المهام
ابلكيشن نوت = دفتر فاضي وقلم
ابلكيشن المصحف = المصحف بتاعك

٣- إكتشف نفسك من جديد، زمان لو سألت حد ايه هواياتك كان بيرُص رص كده، دلوقتِ لو سألت لحد إيه هواياتك يتنح، واحد بيقضي عمره علي السوشيال ميديا هيعرف منين إن من هواياته القراءه ولا الكتابه؟
مُهمتك : اعمل ليست بالحاجات اللي بتجد متعتك فيها بره السوشيال ميديا وابدأ اعملها بدل ماتمسك التليفون.

٤- لو انتَ بتمسك التليفون تسليه، جرب تبدل التليفون بـ روايه ممتعه، الروايه حتي لو مش مفيده لكن مش مُضره زي السوشيال ميديا والافلام وغيرها.

٥- اي عاده عايز تتخلص منها، ضيف عليها مجهود كبير وخليها صعبه عليك، يعني لو عايز تتخلص من عادة مسك التليفون، ابعد التليفون عن إيدك، شيله في مكان بعيد طول مانت مش بتستخدمه، حاول تخلي الوصول للتليفون صعب.

٦- النت زي الكهربا والمياه مينفعش تبقي مشغلهم ٢٤ ساعه، استخدم النت للضروره، خلصت الحاجه اللي بتعملها اقفل النت علي طول، كتر الاشعارات بيثير فضولك ويضيع وقتك.

٧- إوعي تاخد بريك/ مكافأه سوشيال ميديا، مينفعش الحاجه اللي عايز تتخلص منها تديها لنفسك مكافأه، المكافأه لازم تكون مع العاده مش ضدها، اما بالنسبه للبريك فـ السوشيال ميديا من اكبر مصادر التشتت، مينفعش تبقي في اعلي تركيزك وتضيع كل ده في عشر دقايق بريك.

٨- لما تمسك التليفون بُص علي الساعه، راقِب نفسك، طول مانت مش حاسس بقيمة الوقت هتخسره، ركز قعدت وقت اد ايه، ودون الساعات وشوف كل يوم بقيت احسن ولا اسوأ وعلي اساسه مكافأة وعقاب : )

٩- ياابن ادم انما انت ايام، اذا ذهب يوم ذهب بعضك ( الامام الحسن البصري)
يومك قيمته أغلي من قيمة اي شئ تاني، يومك ده جزء من عمرك، متستهونش بوقتك، ساعه علي ساعه تعمل ساعات، ويوم علي يوم يعمل ايام وشهور وسنه وعُمر.

مافيش عاده هتدخل حياتك من غير ماتجبر نفسك وتضحي وتعاني، فـ لو فاكر ان فيه حاجه سهله تبقي بتضحك علي نفسك، عايز تبقي احسن نسخه منك، اجبر نفسك علي المحاوله??.

حـاول مـرةً أُخـرى وڪأنَّكَ لَـمْ تُهـزم بالأمـس?*♥️!*

لـنغرس فـي اليـأس أمـلا 🥰*💚!*

السلام على قلبك يا لطيف ، لن ينطفئ توهجك ببساطة ما دُمت تجاهد ، وتحاول ، ويُضيء قلبك بالفأل في ڪل مرة ! فـ اجعل للهِ وجهتك ، وبه تعلُّقك ، ومعه قوتك?*♥️.*