والله ان قد لي ايام وانا وضعي ماش
اواسي العالم وانا بحاجة من يواسيني

ابي حظي يقوم وحظي طريح فراش
و اللي كان اغلا من الروح معاد يعنيني

حالي قضى من الحزن وضلوعي هشاش
كرهت العالم ولا عاد ابي خويٍ يخاويني

قلبي صويبٍ بجرح اقوا من رمية الرشاش
واتظاهر بأني بخير وانا دموعي في عيني .

مثلت حبك وعيشتني في أوهام واحلام
وقلت هذي عيوني لش ولش اللي تبين

غرقتني بمحبتك وهواك وفي كثر الكلام
خذلتني وانشهد ان خذلان المحبين شين

تركتني عايشٍ وحيييد وفي وسط الزحام
والحزن واضح في صوتي وعيوني الثنتين

انا تعبت ولعاد ادري وش مخبيه لي الأيام
عزتي للي سواتي ليا ضاق مايلقى له عوين .

يا مرحبا يا وليفي وكيف الحال
بشر عساك في حبنا ما نسيت؟

قلت اني قوي وفي بعدنا بحتال
واثرني كل ماتذكرتك . . بكيت

عقبك معاد خليت للمحبه مجال
و انا من المفارق شبعت ورويت

بنيت لي في قلبك بيتٍ ومدهال
وهدمته عجاج الليال وعني سهيت .

انا ما ابي الحزن ان كانكم تبونه؟
لعاد تسألون عن قصيدي وابياتي

انا في غياب وليفي غديت مجنونه
اكتب واحاول اخفف من معاناتي

لعاد تقولون ابياتش ماهيب موزونه
خاطري المكسور كيف بوزن ابياتي

الحزين تراكم بكثر الأسأله توجعونه
خلوني ساكته لو ان البلا في سكاتي .

قبل م اعرفك حياتي م فيها حياه
جيتني يابعد روحي وحياتي احيييتها

غيرك بغاني لكن القلب ماهوب وياه
ياكثر ماكتبت لك من القصايد و عديتها

من كثر حبك عطيتك القلب وماوراه
الأحباب واجد بس عيني لغيرك مالديتها

لكن يا حبيبي في غيابك وس السواه
الغلا و المحبه اللي عطيتني وين وديتها؟ .

اتجنب عن الصجة ادور لعمري  الراحه
وجلست اقلب ما صار لي من الذكريات

مابي الحزن لكن انه ماخذ بصدري مساحه
ابعد عن الناس لا دريت ان ضيقتي جات

انا اللي انقال عنه شجاع وقصيده سلاحه
وانا اللي انقال عنه حي و يحتري الممات

سيطر علي الهم والضيق وتبون الصراحه؟
في وصف حزني تعجز  القصايد والأبيات .

ياليت الليالي عادها سهود ومهود
و ياليت خاطري ماهوب مكسور

انا احزاني عامٍ ورا عامٍ علي تزود
لكن اني اتقوى و امثل اني صبور

كنّ بصدري معركه وحرب وجنود
بصبر ويا عساني ع حزني ماجور

صرت اتمنى زمان اول علي يعود
كنت ماعرف الحزن ودايمٍ مسرور .

اسج واهوجس وتسري بي افكاري
م احب زحمة الناس احب الأنعزالي

فيني من الضيق والأحزاننن مواري
وفيني ضيقةٍ فالصدر هشمّت حالي

والله ان حالي هالأيام في انحداري
تعبت وانا كل يوم انصدم من غالي

كل م نسيت تردني تفاكير وطواري
وعسى الله يصبرني ع جور الليالي .

كنت احسب انك لجروحي . . ضِماد
اكتشفت ان محبتك لجروحي سبايب

انت بسبتك غدت حياتي مثل الرمِاد
ظنيت فيك خير لكن ظني صار خايب

والله ان قد المحبه بينا حرب و عناد
انا ابي الوصل لكن انت للحين غايب

انتهت قصة حبنا و انا ما نلتّ المُراد
وكلشٍ يهون عندي الا فراق الحبايب .

بالنسبه لي كـ شخص يُفضل تفريغ مشاعره بقصايده ما احب احد يحكم علي من قصايدي وكمية الحزن هي مُجرد مشاعر تُكتب فـ أنا قبل ان ينطبق علي مُسمى شاعر لي مشاعر .