Farzandlarim uchun ertak kitob qidirganimda, yaxshi o'zbek bolalar adabiyoti topishga qiynalganman. Shunda ularga o'zim ertak to'qib aytib berishni boshladim. Ba'zida bolalarim ham ertak to'qishda menga yordam berardi. Ularning aksariyatini "G'uncha", "Gulhan", "Dono Word" jurnal sahifalarida chop etildi.

Kecha o'sha ertaklariming ba'zilari Iroda opa Azimova tomonidan ovozlashtirilibdi. Juda xursand bo'ldim. Siz ham eshitib, baho bering:

1, 2, 3, 4

@xayrliuz

Bayram tabrigida kimdandir olingan rasm, videodan ko'ra, samimiy dil izhorlari qadrli bo'lib bormoqda.

Achinarli odamlar bor, o‘zining hayoti bo‘lmagani uchun, birovniki bilan yashaydi, o‘zining tuzuk ishi bo‘lmagani uchun, birovnikiga shubha bilan qaraydi, muvaffaqiyatli insonning g‘iybati bilan umrni sob qiladi.

Bundaylar har davrda bo‘lgan, katta ishni o‘zlari ikki dunyoda ham qilolmaydi, lekin qilayotganlarni "chaynab"  qariydi va o‘ladi, undan hech nima qolmaydi, afsus, hech nima! Chunki ular umrida biron katta ishni eplolmagan, aziz damlarni birovni muhokama qilish, choh qazish, chalg'ish bilan o‘tkazgan, ular chindan achinarli odamlardir.

Hech qachon birovning g‘iybatiga aziz umringizni sarflamang! 

Kuchli bo‘ling, kuchli hayot yarating,  "achinarli" nusxalar esa sizni muhokama qilib qarishda davom qiladi.

Ba'zilar o'lsam hammasidan qutilaman deb o'ylaydi. Aslida hammasi o'limimizdan keyin boshlanadi. )

@xayrliuz

Meni o'ziga yaqin deb bilgan insonni hayotidan shunchaki, hissiz va so'zsiz hech narsa demay, suvga tushgan toshdek yo'qolib qolsam, nima bo'larkin? Izlarmikan yo'llarimni, yo'qlarmikan izlarimni?
Qalbimdan topa olarmikan o'zini, so'zini...

Bir muddat yo'qolib qolsam, nima bo'larkan?
Dunyo kelgan joyidan davom etaveradi dumoloq doira kabi aylanaverar, mening tegramdan aylangan kabi taqdir charxpalagi.

Borligim, kimlargadir halal berar, yashashiga, nafas olishiga...

Balki bir muddat yo'qolsam, to'yib nafas olar o'pkasi to'lguncha, maza qilib o'ynar o'yinchog'ini...
Men ketaman, siz qoling dunyongizda...
Siz sig'dirmagan dunyoda maza qilib yashang to'yguncha...
Sizga qoldirdim dunyoni...

? @xayrliuz

Borgan sari samimiy insonlarni topish anqoning urug'i bo'lib bormoqda. Odam sal mansabga chiqsa, yoki cho'ntagi pul ko'rsa, avvalgi qiyofasini unutib, kibrga berilishni boshlar ekan. Afsuski, yaqindan bilgan eski tanish, do'stlaringda ham shu holatni ko'rish g'oyat og'riqli.

? @xayrliuz

Unutmang, insonga ortiqcha mehr qo'yish, unga nihoyatda bog'lanib yashashning oxiri doim halokatli bo'lgan.

? @xayrliuz

Menimcha, bu dunyoda faqat 2 ta odam sizni tushuna oladi:
Biri siz yurgan yo’llardan avval yurgan inson, biri sizni sevgan odam…

?@xayrliuz