Amira Rashidovaning ushbu fikrlariga qo'shilaman. Bizda esa Yevropa desa og'zini tanobi qochadiganlar. Har lahzada "surish kerak", degan fikrda yuradiganlar ko'pchilikni tashkil qiladi.
Bizda balki, to'kin hayot, yevropacha taraqqiyot yetarli darajada emasdir. Lekin ishoning, oila qadriyatimiz— bizning eng katta boyligimizdir. Buni har tomonlama asrash har birimizning burchimiz hisoblanadi.

? @xayrliuz

Agar orden va medal olishda mehnatlaringiz hisobga olinmayotgan bo'lsa, 100 yoshdan ham ko'proq umr ko'rishga harakat qiling. Buyam bitta variant-da. ))
? @xayrliuz

Unutmang, insonga ortiqcha mehr qo'yish, unga nihoyatda bog'lanib yashashning oxiri doim halokatli bo'lgan.

? @xayrliuz

Menimcha, bu dunyoda faqat 2 ta odam sizni tushuna oladi:
Biri siz yurgan yo’llardan avval yurgan inson, biri sizni sevgan odam…

?@xayrliuz

#erkaklarga_maslahat

Agar siz turmush o'rtog'ingiz bilan urishib qolsangiz, u bilan aslo tortishmang. Ba'zida ayollar nima uchun janjal qilayotganini o'zlari ham bilmaydi. Buning sababi turlicha bo'lishi mumkin. Yaxshisi, ayolingizni ma'lum muddat tinch qo'ying va biron joyga keting. Ketayotganingizda, "Men bir soatda (balki ikki soat, aniq vaqtini ayting) qaytaman. Sen yaxshilab o'ylab, hovuringdan tushib ol", deb ayting va aytilgan muddatdan sal kechikibroq qaytib keling. Agar masala juda jiddiy bo'lmasa, hammasi yaxshi bo'ladi. Qaytganingizda esa u bilan xotirjam gaplashib oling.

@xayrliuz

#Paradoks

Ayol kishiga eri tomonidan
"Sen kuchlisan senga ishonaman",
degandan ko'ra, "Menga suyanishing mumkin, men borman-ku", degan taskin juda yoqadi.
Erkakka esa "Men sizga har tomonlama yordam bera olaman. Birgalikda bajara olamiz", degan so'zdan ko'ra, "Siz kuchlisiz, siz hammasini uddalaysiz", degan gaplar unga motivatsiya beradi.

? @xayrliuz

Ba'zi insonlar bor, birovga kitob berish borasida o'ta xasisman, kitoblarimni qizg'onaman, deydi.

Nazarimda, bu dunyodagi eng yomon ish bo'lsa kerak. Tassavvur qiling, kimdir sizda bor bo'lgan kitobni o'qish uchun so'rayabdi. Unda ilm olishga rag'bat bor. Kitobni undan qizg'anishlik, tubanlik emasmi? Balki siz kitobni qadriga yetmaydi, shu bilan kitobimni qaytarmaydi, deb o'ylarsiz.
Yaxshisi, unga bu borada 2 ta shart qo'ying.
— Olgan kitobini oxirigacha o'qib chiqib, mulohazalarini o'rtoqlash. Birgalikda shu kitob haqida baxslashamiz, deng.

— Kitobingizni qachon qaytarishni aniq muddatini so'rang. Agar o'sha vaqtda kitob qaytmasa, yana bitta kitob qo'shib berishini shart qilib qo'ying. Shunda kitob o'qiydigan insonda ham mas'ulyat paydo bo'ladi.

Lekin imkon qadar undan ilm rag'batini so'ndirmang. Axir kitoblar kimdir uni o'qib, ilm olib, hayotiga tadbiq qilish uchun yaratilgan, shunchaki qayerlardadir chang bosib yotishi uchun emas. Kimgadir kitob orqali yordam berish esa, juda savobli amallardan hisoblanadi.

? @xayrliuz

Butun dunyoda Metaga tegishli facebook, instagram tarmoqdan uzilib qoldi. You tube, tik-tok, Google ham sekin, qotib ishlayabdi.
Buyog'iga Durov akani obro'yi oshib ketadimi deyman. )

P.S: Menga qolsa, shu ijtimoiy tarmoqlar bir oy ishlamasa ham rozi edim.

@xayrliuz

#kuzatish

Ijtimoiy tarmoqlarni kuzata turib shunga amin bo'ldimki, hozirgi kunda ikki xil toifadagi odamlar zo'r pul topayabdi ekan. Birinchisi, o'ta aqlli odamlar(yoki o'zini aqlli ko'rsatadigan), ikkinchisi, o'ta axmoq(o'zini axmoq qilib ko'rsatadigan) odamlar. Ikkalasini ham katta kuzatuvchi auditoriyalari bor. O'rtamiyona odamlar esa, shunchaki bir davlat ishida ishlab, oylik kutib yashab yuraveradi. )))

? @xayrliuz