هية ياچلمات تكفي ويا شعر
لو تسولف عن جروح ام الخدر

قلمي واصل بالشعر للاحتراف
ارتجل موضوعي ابدا ما اخاف
لاجن ايضيع ابصرح ام العفاف

ايحير يم زينب صدگ مني الفكر

عليله وبعد متحمل لضى الهجرة
الطير ايموت لو يذبل غصن شجرة
تتركني عجيبه بهيمة الاحزان
لو بقصور عگبك هم احس خطرة
الطم ليلي حد ما يطلع المصباح
ونعاوي الفاجده لمن غبت اقرة
اليذبحني مجانك گبل لا صد ليه
نسيم ايهب يبويه وبالكلب عطرة
اظنوني اليوم خابت من گطعت اوياي
كل اعضاي لجيوش الحزن اسرة
روحي بالمصايب ولجرح نار
دنيتي خلاف عينك موحشه ومرة
براسي اذكر جفوفك تمسح الراس
اتركت جرح الكلب متالم الذكرى
اكطع ليل حزني ورجع اردود
شيصير الگلب يتناثر بقهرة
هندس ماتشوف عيوني لمحت نور
بظلام احزاني اعيشن ماشفت گمرة
اموتن بالعلل يوميه بالمرات
وبصدري اتكسر تخنگ العبرة

ابدم ابچيت لجلك يالرحت عني
وانجوم السمه ابدمعات واسني
ياعباس حالي امعذب ومتعوب
وسيوف الحزن ياخويه وذرني
شحجي والمصايب تردف الدلالي
اگوم ولاجن اهمومي يطيحني
انه ام الخدر والخدر شب ابنار
رزايه الكوم شو صارت يمشني

ابوذيات. مولد الامام الرضا ع

من ابعيد نور الله يضامن
ضريحه وللبشر رحمه يضامن
اجيك وبالكلب لهفه يضامن
لحضرتك والتمس نورك بديه

الك اجمع حروف الحب وخطّيت
ومشيت بشوگي للمحفل وخطّيت
هموم الدنيا اعديها وخطّيت
بسبب ميلاد ابن سيد البرية

الگلب بجناح الك راجع وعايد
ولا يخلف بعد لجلك وعايد
اهني فاطمة وحيدر وعايد
كلمن حاضر ايهني الزجية

نبارك لكم مولد غريب طوس الامام الضامن علي ابن موسى الرضى عليهما السلام

طبيب العلل انته وتجبر المكسور
وگلبي بحضرتك يتمنه هسه يزور
يريت رموش عيني مثل جنح طيور

وبابك تنزل هالساعة

♡♡♡♡♡♡♡

ينحب الليل بمصابة ودمعة هامل
سبط هادينه بعذابه الليله شايل
لابن الاطهار ...يبجي مدرار
الليله شايل
................
ساتر جفون المحب يومك يهدمه
وحزني لمصابك دليلي اصبح يكلمه
من الالم مولاي تدري اشكبره همه
ايعدد بليل الحزن نجمة على نجمه

تعنه بهمومه وكصد لارض المدينه
روحي لجل المجتبى بهم وحزينه
بمدمع انهار .... تبجي مدرار
الليلة شايل
.............
مدمع الشيعي عله كبرك تجارة
لمن ايشوفك امامي بلا منارة
لخارجية هالعرب انته وزارة
والعلم منك صبح اصلة ومدارة

تجفي وية العترة انته بياذريعة
عترة الهادي النهج هم الشريعة
بهاي الادوار.....تبجي مدرار
..............
الترك نهجك يدير ايامه خله
ابكل وكت داير عليهم سور ذله
مرسل من الله شرع ونته تعزله
ملتك يابشر هاي اشلون مله
ظنو ايضيع الاثر من هدو كبور
والحسن عايش يظل ابفكري محفور
والفكر صار ....يبجي مدرار
..................
كل طواغيت الدهر مارهبتك يوم
عدها اطباع الغدر عالكصة مرسوم
حبدتك مولاي ذابت من لسموم
عليك كل هاي المآسي ظلت تحوم

واسه لمصاب الابو نفس الرزية
هذا ريحانة محمد بالمنية
نفس الامرار .....تبجي مدار
.............
للبقيع اتوجهت مولاي الانظار
شاهد لظلم آل امية عدنة تذكار
ظلمة كاع الحاوية هالاربع اقمار
كبوركم يبن الزجية بلايه انوار

ما تظل هيجي اكيد انوار طه
اقترب يوم اللي بي نشعل ظواها
عدنه بتار ....يبجي مدرار
الليلة شايل

ابو علي الهويشم

الميمر المجنس

عگلي الك يحسين ماظل ين ين
وكلبي لمصابك بالهظايم ين ين
چني احس اسهام صدرك ين ين
بية ودماي بگاع همي اتنثر