لذيـــج الايام  شيردنا 
هم ترجع عود سيدنا
ايتام انريد والدنا والدنا

اولادك يتيامه والجرح واحــــد
يموتون اعله طاري السيد الوالد
صدري يعزي صدري وفاگد الفاگد
الله يعين سيد مقتــدى القائــد

مـن كثر الآه و الدمعــه
يشبع غصات كل جمعه
ليليه يموت قائدنا قائدنا

سرك يا صدر عد ربك اشكبــــرة
ياجيل اليجي ايحبك على الفطرة 
ولان عندك علاقة ابأمك الزهرة
اليقلدك للگبر وي فاطمة اتحضرة

ساعات الموت متعوفه
تتعنه هناك واتشوفه
منو غيرك غاد ؟ ماعدنا ماعدنا

عليك اعيون ولدك بطلت تهجع
بلكـت بالبواچـي ياصدر ترجــع
السماء انجوم بيهه اعله الارض تلمــع
وانت اعله السمه واهل السمه تسطع

معروف اهناك وهنانه
تلمع بالگاع واسمانه
حي ميت دوم  ترشدنا ترشدنا

خلص طعم الحياة وخلّص الأجمل
هذيج اسنين چانت حلوة ماتمنل
يبو احچايت حبيبي انكلك ادلل
اذا تقبــل علينا الله يتقبـّل

والترضي عليه هنياله
الله يجازي ويرضالة
بالجنه وياك واعدنا واعدنا

العراق بعالي صوته تصيح بي ناسك
سبع فدوات يغدي البعثي لمداسك
اشلون الطلقه گدرت تخترق راسك
النفس ضاگ امنهد ما گطعوا انفاسك

حي والمجتول جتالك
من فدوة يروح لنعالك
راح وضليت شاهدنا شاهدنا

على درب اجنازتك والمگبرة انراقب
نظل ايتام ماطـــول الابو غايب
جنت والد وابو الفقرة واخو وصاحب
الك اسوة ابعليُّ ابنُ أبي طالب

بيتك مفتوح لحبابك
مترد مسكين دگ بابك
ياحسرة الموت باعدنا باعدنا

خالد الغريباوي

كُلُ ما في هذهِ الدُنيا حَزين
قُتِلَ الصدرُ حبيبُ العاشقين

الدنيه صارت جثه مابيهه حياة
كلشي من راح الصدر غمض ومات
بعد ما تطلع شمس عالكائنات
سَكَتَت أَنفاسُنا إلا الأنين

العالم اتغير صبح عالــم كئيب
بعد مايشفى الجرح مات الطبيب
راح نگضيله العمر نوح و نحيب
دَمعُنا يَجري سنيناً وسنين

هاي ليلة فاجعه ودمعه ومصاب
ألصدر بالمگبرة وطمه التراب
خلي نقرة الفاتحه لروحه ثواب
فَلَقد أوصى بها الصَدرُ الحَنين

البعثي صوّب جبهته بطلقت غدُر
ونزل ملك الموت اخذ روح الصدر
صحنا يا دفان وسعلــه الگبــر
فَسَيأتيهِ اميرُ المؤمنين

بدم جبينه اتخضبت حتى السماء
ومطرت الدنيا على الوادم دماء
تنگلــب رادت ولكـــن بالـــدعاء
أَمسَكَ الصَدرُ حِياضَ المُسلمين

خالد الغريباوي

اعلان مؤقت
لزيادة مشاهدة مقاطع اليوتيوب
لتروج المجالس على الفيس بوك
ولعمل هندسة صوتية عن طريق بصمة الواتساب
التواصل مع
@ahmed_alziwar0
07732320742