علي الاكبر فازعلهه ابحيله
اوليله من يم الخيم تدعيله

༺༺༻༻༺༺༻༻

علي الاكبر ها يحيد المايفر
يلمبچي ازلامهه اوذيج الشگر
يبن حيدر ها يلمعتبر يمر
والكفر كلهه تصيح ادخيله
༺༺༻༻༺༺༻༻

موت الاحمر صارمه وهوه العزم
وبسم ابوه الحسين شداه الحزم
وگامت ادور مشاريد الزلم
صعب كلش مالگو تحليله

༺༺༻༻༺༺༻

صعب كلش  لايچل اولايرد
اوگال امرده جيش الأطاول مرد
اشما يطك السيف برگبهم يحد
والحسين أمن الخيم يوميله

༺༺༻༻༺༺༻༻
صاحو ادخيلك يلكبر يلصعب
احنه بطلنه اوخسرناها الحرب
وين نشرد تايه اعلينه الدرب
تيه المشراد حته ادليله

༺༺༻༻༺༺༻༻
كال مامش شرده لاهيه تفض
اله انكس جيشكم تحت الارض
واله اخله الماي برگبكم يكض
هذا الأكبر ياهو بيكم حيله

༺༺༻༻༺༺༻༻
خله جيش الكفر يغرك بلدمه
اوراس ابن بكر اليكول انه ازلمه
جابه بيده للحسين ايقدمه
اوكال الأكبر ماغمض ع العيله

༺༺༻༻༺༺༻༻
الميرزا حسام الناشي

**علي الاكبر جادحات اعيونه
وال اميه فنهم ايلاگونه

////////////////////////////////////////

شبل حيدر هذا اليحب العرك
گال اقاتلهه النزل واهل الشرك
هاي وادم وكت الاشتدت ترك
واحنه اهل الغانمه يسمونه

/////////////////////////////////////////

فنهم ايلاگونه اليگطع الرگب
چنه ابو فاضل عليهم لمه طب
شعل بيهه النار سواهم حطب
هذا المبچي الزلم يدرونه

/////////////////////////////////////////

لفلف الرايه عله ايمينه اوفزع
عللمهره اوسيفه جدامه طلع
بگه ايلم الجمع وايطشر الجمع
الفارس البيهم تطگ اسنونه

/////////////////////////////////////////

عيت اوصار الغبار اعله السمه
وبده ايگط الروس ابن حامي الحمه
المانذب راسه وراه هذا ازلمه
والشرد من سيفه الف خيعونه

/////////////////////////////////////////

گال اميه اليوم اوگفكم سره
وانه عمي ايصير سبع الگنطره
وبيه ضربات الأسد من حيدره
اوحيدر الكرار واتعرفونه

/////////////////////////////////////////

عل يسار وعل يمين ايذب زلم
الخيل والخياله تترادم ردم
اشمايزود العدد يشتد العزم
امنين مادارو وجه يلگونه

/////////////////////////////////////////

الميرزا حسام الناشي**

لحن القصيده👆👆

بندريه ليلة القاسم ع//////////

يمه جاسم ييمه. يمه يمه يمه

يوليدي يالب الكلب عريس ويزفونك
كل العمام اتحضرو بحنة هلا يحنونك
رديت من هاي الحرب بس دمك اعله الله اعيونك

يمه عرسك ولاكملته
يمه راسك دمه خضبته

يايمه ثوبك بيه دمه

/////////////////////////////////////////

يااحله من كل الولد ..يلخايفه ايحسدونه
تاليهه ضل اعله الرمل.. وامذوبلات اعيونه
والخده يشبه للكمر...بلحافر ايسحكونه
يمه  يلفگدك ايذيني
يمه يلماخذ احله اسنيني

يايمه يلفكدك صعب

/////////////////////////////////////////

ضنيتك اتضل للكبر....يايمه واداريني
واتباهه جدام الخلك...هم بيك اكحل عيني
تاليهه رايح من وكت..بس وحدي اتخليني

يمه فكدك يهدم حيلي
يمه مانمته عكبك ليلي

يايمه ذباح الهجر

/////////////////////////////////////////

الميرزا حسام الناشي

**طك عرج هاشم وطب رياله
ابكربله واجيوش شل احواله

༺༺༻༻༺༺༻
طب ابن حيدر التخافه الزلم
كضهه راس ابراس ضل يردم
لايخاف وبلمعسكر مايهم
تبچي كامت خيلهه اوخيالهه

༺༺༻༻༺༺༻
زلم تبجي اوضيع اعليهه المفر
والقياده وجيش آلاف انكسر
هذا ابو فاضل حذر منه الحذر
اتريد حل اودوم ماتلگالهه

༺༺༻༻༺༺༻
الحذر منه وهذا حيد المايرد
خيل والخياله يمردهه مرد
لاحصاهم عدد لاكفه الجرد
اكبور يم المشرعه سوالهه

༺༺༻༻༺༺༻

سطراهه وگام يسطرهه سوه
والمعسكر من الأطراف التوه
اختنگت  اوگامت ادور علهوه
وزينب اتصيح كفو الكفالهه

༺༺༻༻༺༺༻
القاده والشجعان والحل اوحرس
الخير البيهم سمع بسمه اوخنس
الخيل والفوگاها من عده اختلس
ماتعرف الحرم من ارجالهه

༺༺༻༻༺༺༻

✍️الميرزا حسام الناشي**

نزال /استعراض

اليوم كل شيعة علي محزونه
الكاضم اعله الموت دار اعيونه
༺༺༻༻༺༺༻༻

اليوم يوم الاخ واهموم اوحزن
اليوم شيعة حيدره كلهه تون
عله الذي خلص حياته بلسجن
ضلمأ ابلاسبب ويسمونه

༺༺༻༻༺༺༻༻

اليوم طلعت كلهه شيعة حيدره
اتواسي مولانه الرضا ع الي جره
امگبعه بهمومهه وامكدره
فزعو الواليهم ايشيعونه

༺༺༻༻༺༺༻༻
اليوم حزنانه السمه وأهل الأرض
چن خيول ألطف اجت بيهه ترض
ومن صلاة الواجبه طايح فرض
وحزن بيهه الدرة المكنونه

༺༺༻༻༺༺༻༻
علگت راياته وعم السواد
اونشرت اعله الدور حي اعله الحداد
تودع المسموم عطاي المراد
ع الجسر واليهم ايودعونه

༺༺༻༻༺༺༻༻

الميرزا حسام الناشي

،

/**/موت اوسبي//. ثگيل
 .
  ......هم غريبه.....

بعد ذاك الضيم كله ...گلت اجاني الموت راحه
كلت للروح استراحي..اهواي الچ مامستراحه
كافي من الضيم كافي ...أمن اليسر وأمن الگباحه
هسه زينب يلله طيبي... طيبي گلبج من جراحه

كلت الموت ايطيب جرحي اويشفيني
كافي أعله الهزله وبلغربه امخليني

هم غريبه

༺༺༻༻༺༺༻༻

اشلون موت ابلايه اخوتي ..عشت غربه اومتت غربه
لاخوان اتمر عليه  .... ولاغريب ايحرگه گلبه
بلفلوس ايشيعوني ...وانه زينب هاي صعبه
حته المتيه والاعمه...اعله الشماته يصير دربه

زينب بفلوس ايشيعوهه هضيمه
جي مامش خوان اوياهه اويتيمه

༺༺༻༻༺༺༻༻

موتت الغربه هضيمه...حته محد بچه اعليه
الشام واحد گل للآخر ..لاتشيع الخارجيه
اواحد ايكلهم غريبه...اواحد ايكلهم خطيه
الله اكبر اخ گلبي. ...حته بلموت اوسبيه

حته ابموتي هم مسبيه عجيبه
بلتابوت وهم صاحولي غريبه

༺༺༻༻༺༺༻༻

عود گلت الموت راحه...وحته احس انه اميره
بلكت الله اوماسمعهه..چلمت الزينب اسيره
بس وره التابوت صاحو..ذيچ ذيچ ابلا عشيره
ذيج ذيج المحد الهه وبنعش مامش مسيره

بس السجاد ايصيحلهم شيعوههه
والشامت صاح اعله الوادم عوفوهه

༺༺༻༻༺༺༻༻

اليموت الناس تقره...الفاتحه وتبچي ابوفاته
كاشخه الوادم عليمن.. وصوت الاطبول اشعلاته
هيه زينب غير ميته ....بعد المن هلشماته
شنهي رد السبي عليه ..وردت الطلعن خواته

لابلموت ارتاحت روحي اولاعمري
انه المتعوبه المسبيه الحد كبري

༺༺༻༻༺༺༻༻

الميرزا حسام الناشي**