**تراثي//

اه يحسين ياخويه

شسولفلك يخويه وريحت الخوه
دوهني الوكت يحسين ياسلوه
من بلوه اكوم اوعثر ابلوه
وتعبني الطريج اوحيل تعبانه

تعبني السبي وشيحمله ممشانه
مرات إنه أحاجي الروح موش إنه
موخوش الضعن موخوش ممشانه
من سوگ اولسوگ انطب بلولايه

اه يحسين ياخويه

༺༺༻༻༺༺༻༻
ياخويه اوطريج الشام تعبنه
بلف يحسين گوه اليوم اعبرنه
موزين الحچي موزين اسمعنه
كلهه أصيح زينب هاي شوفوها

كلهه اصيح زينب هاي طلعوهه
فروها اعله سوگ الشام فروهه
ابدرب البيه شماته اهناك وگفوها
وكل الشام صيح هاي مسبيه

اه يحسين ياخويه

༺༺༻༻༺༺༻༻
خلوه ابطريح الماتريده ام عون
وكلهم گابلوني اوگامو ايضحكون
هاي ابلاعشيره اسمعهم ايگولون
ترضاها يخويه تحسين ترضاهه

حادينه وگف ويحشم الوادم
تعالو اتفرجو أعله امخدرة هاشم
جبناها وخوها احسين  ضل نايم
هاي الخارجيه اومحد اوياهه

اه يحسين ياخويه

༺༺༻༻༺༺༻༻

شسولفلك بعد عن طبت الديوان
ديوان الخوارج موش للنسوان
كلهم موش اهلنه موبني عدنان
احشمن لونهم عالو اعليه

الوذ من النضر عن لايشوفوني
اوذيچ اخت البلايه اچفان صاحوني
من دون النسه يحسين شتموني
عگب ذاك الخدر بس اصفج أيديه

༺༺༻༻༺༺༻༻
اجيتك والهوم امثگله اچتافي
صار اهواي  جفن اختك ولاغافي
متعافي اليسر وياي متعافى
اجيتك بلسياط امورمه امتوني

اجيت من السياط امتون ماعدي
وتدري السوط مايرهم للبگدي
ومن گد البواچي حفرت خدي
گوه احچيهه بس ياخويه چتفوني

اه يحسين ياخويه

༺༺༻༻༺༺༻༻

الميرزا_حسام_الناشي**

**ثكيل
                  هايخوتي.

تعبنه وهاي موش اولام.. زينب محد ايزتهه
طرت بلغرب والسوگ.. حرمه وماهم اخوتهه
موحي الله ذاك السوك ..ذاك السوك اليغثهه
طبت والخلگ صوبين .. شماته ومحد ايردهه

طبينه السوك ابذيج الحيره
وادم شمات ومامش غيره

هايخوتي
༺༺༻༻༺༺༻༻
امس مستحيه من الشوف ..خافن لايشوفوني
فشله وانه اخت عباس ...لوكامو يعرفوني
اتوسطت النسه اعله النوك .بلكي الله اويضيعوني
لاچن فززاني الصوت .......يخت الموته صاحوني

صاحو يخت المافزعو ليهه
وصاحو زينب نشمت بيه

༺༺༻༻༺༺༻༻
وبعد ماكلكم اعله الشام.. ومدري اشلون اوصفنه
وبعد تعب الجمر والخيل.. سوك الشام تعبنه
علي يابوعلي وياي..بلكي الله وخلصنه
اكسر خاطري من الضيم...وضيمي اعليه ذبنه

تعبانه اواكسر خاطر روحي
ومدنكه الراس احسب بجروحي

༺༺༻༻༺༺༻༻

خويه حسين موقف صار...نوو ضعني يوگفونه
وجابو طاسه مالت ماي.. وعمدا
يرااوونه
والتهد الكلب واالحيل... يم راسك يبدونه
بدوه گطره كطره الماي.. وكالو ماتشربونه...

بدوه الماي اگبالي اوصاحوو
ماتشرب من عده اخت الماتو

༺༺༻༻༺༺༻༻

وعلي ياخوتي تعبانات...من والنوك والبينه
كل نوك الضعن هزلات ...يميلن لواتچينه
وعن لانعثر من النوك..  وحده ابوحده كضينه
خلصنه الدرب لوعات..اعليكم نبچي واعلينه

متعوبات من النوك الهزله
لومالت بينه افكد چم طفله

༺༺༻༻༺༺༻༻

الميرزا حسام الناشي**

**/////شور گعده////
انه زينب غريبه

انه ابزغري غريبه =مصيبه اجر مصيبه =اوگلب ماكف نحيببه =انه زينب غريبه

اون وابچي اعله حالي=غريبه وگربه مالي=عمر خلص ليالي=نه زينب غريبه

إنه البلغرب محد نشد عنهه
وانه اصفاحهه من السوط ياذنهه
وانه البلخرايب ينسمع ونهه

༺༺༻༻༺༺༻༻

إنه الصاحولي اسيره=اوهذيچ ابلاعشيره=من ديره اعله ديره
انه زينب غريبه
ولاچني العقيله=عله هزله ونحيله =ابدرب شامت دليله
انه زينب غريبه

انه البلوتي وي اليسر بلوه
انه الگامت اتجر النفس گوه
انه البس اريد اسمع هلا الخوه

༺༺༻༻༺༺༻༻

انه الكالو عليهه=غريبه ابلاوليهه=ولاواحد يجيهه
انه زينب

غريبه الشام اطره=وحيده اشلون اعبره =واجر حسره اعله حسره
انه زينب غريبه

انه الصاح كل الشام اي هيه
فرحانه الخلگ واتأشر اعليه
اخت احسين ذيج الاجت مسبيه

༺༺༻༻༺༺༻༻

ماتنعد جروحي =ولابطلته نوحي= اون وابچي اعله روحي
انه زينب غريبه
عگب ذيج المهابه=يخلوني ابخرابه = وكعدتي اعله الترابه
انه زينب غريبه
اي يحسين كل هذا الجره اعليه
اومحتاره ابناتك هاي ليله
انوم اسكينه تحلم بسمك ارقيه

༺༺༻༻༺༺༻༻

كل ليله التمرني=تعذبني اوتهدني=
اوتاخذ حيلي مني
إنه زينب غريبه
موت اهلي اوركضتي =والشام ودخلتي =واليگلولي انتي
انه زينب غريبه

كلشي ايهون بس افراگك الشده
يلبموتك اتهد الگلب واتمرده
خلص كل التعب بس انت لابعده

انه زينب غريبه

༺༺༻༻༺༺༻༻

الميرزا حسام الناشي**

علي الاكبر فازعلهه ابحيله
اوليله من يم الخيم تدعيله

༺༺༻༻༺༺༻༻

علي الاكبر ها يحيد المايفر
يلمبچي ازلامهه اوذيج الشگر
يبن حيدر ها يلمعتبر يمر
والكفر كلهه تصيح ادخيله
༺༺༻༻༺༺༻༻

موت الاحمر صارمه وهوه العزم
وبسم ابوه الحسين شداه الحزم
وگامت ادور مشاريد الزلم
صعب كلش مالگو تحليله

༺༺༻༻༺༺༻

صعب كلش  لايچل اولايرد
اوگال امرده جيش الأطاول مرد
اشما يطك السيف برگبهم يحد
والحسين أمن الخيم يوميله

༺༺༻༻༺༺༻༻
صاحو ادخيلك يلكبر يلصعب
احنه بطلنه اوخسرناها الحرب
وين نشرد تايه اعلينه الدرب
تيه المشراد حته ادليله

༺༺༻༻༺༺༻༻
كال مامش شرده لاهيه تفض
اله انكس جيشكم تحت الارض
واله اخله الماي برگبكم يكض
هذا الأكبر ياهو بيكم حيله

༺༺༻༻༺༺༻༻
خله جيش الكفر يغرك بلدمه
اوراس ابن بكر اليكول انه ازلمه
جابه بيده للحسين ايقدمه
اوكال الأكبر ماغمض ع العيله

༺༺༻༻༺༺༻༻
الميرزا حسام الناشي

**علي الاكبر جادحات اعيونه
وال اميه فنهم ايلاگونه

////////////////////////////////////////

شبل حيدر هذا اليحب العرك
گال اقاتلهه النزل واهل الشرك
هاي وادم وكت الاشتدت ترك
واحنه اهل الغانمه يسمونه

/////////////////////////////////////////

فنهم ايلاگونه اليگطع الرگب
چنه ابو فاضل عليهم لمه طب
شعل بيهه النار سواهم حطب
هذا المبچي الزلم يدرونه

/////////////////////////////////////////

لفلف الرايه عله ايمينه اوفزع
عللمهره اوسيفه جدامه طلع
بگه ايلم الجمع وايطشر الجمع
الفارس البيهم تطگ اسنونه

/////////////////////////////////////////

عيت اوصار الغبار اعله السمه
وبده ايگط الروس ابن حامي الحمه
المانذب راسه وراه هذا ازلمه
والشرد من سيفه الف خيعونه

/////////////////////////////////////////

گال اميه اليوم اوگفكم سره
وانه عمي ايصير سبع الگنطره
وبيه ضربات الأسد من حيدره
اوحيدر الكرار واتعرفونه

/////////////////////////////////////////

عل يسار وعل يمين ايذب زلم
الخيل والخياله تترادم ردم
اشمايزود العدد يشتد العزم
امنين مادارو وجه يلگونه

/////////////////////////////////////////

الميرزا حسام الناشي**

لحن القصيده??

بندريه ليلة القاسم ع//////////

يمه جاسم ييمه. يمه يمه يمه

يوليدي يالب الكلب عريس ويزفونك
كل العمام اتحضرو بحنة هلا يحنونك
رديت من هاي الحرب بس دمك اعله الله اعيونك

يمه عرسك ولاكملته
يمه راسك دمه خضبته

يايمه ثوبك بيه دمه

/////////////////////////////////////////

يااحله من كل الولد ..يلخايفه ايحسدونه
تاليهه ضل اعله الرمل.. وامذوبلات اعيونه
والخده يشبه للكمر...بلحافر ايسحكونه
يمه  يلفگدك ايذيني
يمه يلماخذ احله اسنيني

يايمه يلفكدك صعب

/////////////////////////////////////////

ضنيتك اتضل للكبر....يايمه واداريني
واتباهه جدام الخلك...هم بيك اكحل عيني
تاليهه رايح من وكت..بس وحدي اتخليني

يمه فكدك يهدم حيلي
يمه مانمته عكبك ليلي

يايمه ذباح الهجر

/////////////////////////////////////////

الميرزا حسام الناشي

**طك عرج هاشم وطب رياله
ابكربله واجيوش شل احواله

༺༺༻༻༺༺༻
طب ابن حيدر التخافه الزلم
كضهه راس ابراس ضل يردم
لايخاف وبلمعسكر مايهم
تبچي كامت خيلهه اوخيالهه

༺༺༻༻༺༺༻
زلم تبجي اوضيع اعليهه المفر
والقياده وجيش آلاف انكسر
هذا ابو فاضل حذر منه الحذر
اتريد حل اودوم ماتلگالهه

༺༺༻༻༺༺༻
الحذر منه وهذا حيد المايرد
خيل والخياله يمردهه مرد
لاحصاهم عدد لاكفه الجرد
اكبور يم المشرعه سوالهه

༺༺༻༻༺༺༻

سطراهه وگام يسطرهه سوه
والمعسكر من الأطراف التوه
اختنگت  اوگامت ادور علهوه
وزينب اتصيح كفو الكفالهه

༺༺༻༻༺༺༻
القاده والشجعان والحل اوحرس
الخير البيهم سمع بسمه اوخنس
الخيل والفوگاها من عده اختلس
ماتعرف الحرم من ارجالهه

༺༺༻༻༺༺༻

✍️الميرزا حسام الناشي**

علي الاكبر فازعلهه ابحيله
اوليله من يم الخيم تدعيله

༺༺༻༻༺༺༻༻

علي الاكبر ها يحيد المايفر
يلمبچي ازلامهه اوذيج الشگر
يبن حيدر ها يلمعتبر يمر
والكفر كلهه تصيح ادخيله
༺༺༻༻༺༺༻༻

موت الاحمر صارمه وهوه العزم
وبسم ابوه الحسين شداه الحزم
وگامت ادور مشاريد الزلم
صعب كلش مالگو تحليله

༺༺༻༻༺༺༻

صعب كلش  لايچل اولايرد
اوگال امرده جيش الأطاول مرد
اشما يطك السيف برگبهم يحد
والحسين أمن الخيم يوميله

༺༺༻༻༺༺༻༻
صاحو ادخيلك يلكبر يلصعب
احنه بطلنه اوخسرناها الحرب
وين نشرد تايه اعلينه الدرب
تيه المشراد حته ادليله

༺༺༻༻༺༺༻༻
كال مامش شرده لاهيه تفض
اله انكس جيشكم تحت الارض
واله اخله الماي برگبكم يكض
هذا الأكبر ياهو بيكم حيله

༺༺༻༻༺༺༻༻
خله جيش الكفر يغرك بلدمه
اوراس ابن بكر اليكول انه ازلمه
جابه بيده للحسين ايقدمه
اوكال الأكبر ماغمض ع العيله

༺༺༻༻༺༺༻༻
الميرزا حسام الناشي