**زينب وغربة الشام
ه ه ه
ردت عالعقيله آل اميه
وردت من جديد الغاضريه
زينب ياغريبه الله شمصيبه
ردت من جديد الغاضريه
ه ه ه
هذي ايام المصيبه  وهاي ايام العقيله
وكل سنه تحضر الوادم. ولكبرهه تعتنيله
تواسي جدهه تواسي ابوهه  وتخدم الحره الجليله
تقيم المواكب كل سنه
يم العقيله مامنه
لخدمة الناس موطنه
وتبتغي لله الوسيله
وهاي السنه ماواحد يجيهه
ممنوعه زيارتهه عليهه
والحاله رهيبه.   الله شمصيبه
ردت من جديد الغاضريه
ه ه ه ه ه
ابكد مسافات الزياره ابكد طريق اليسر تنطر
كل سنه زوار تكصد  الكل تعب لو بـُعِد تعبر
وتاخذ وياهه الاماني  ولكبرهه بدمع تنضر
تعبر مساحات الالم
وكل واحد بجفه علم
هاي السنه الكل انظلم
زينب بوحشتهه تصفر
لم الخدر رد حرمله بسهمه
وانذبحت لعد زينب الخدمه
تدفع للضريبه  الله شمصيبه
وردت من جديد الغاضريه
ه ه ه ه
كل سنه بذاكه صحنهه  تنصب يمهه المجالس
وبالعزاء بكبر عمته  تلكه حته المهدي جالس
ولال بيت النبي الهادي  ما ينافس اي منافس
بت النبي وبت الشرع
عليهه  الزياره  تنمنع
واتغير هواي  الوضع
الداعشي ظل يمهه حارس
سدو بابهه وغلكو صحنهه
هذي زينب وهذي محنهه
والحضره سليبه. الله شمصيبه
وردت من جديد الغاضريه
ه ه ه ه
وخل نجي وناخذ نموذج من عصابات الجريمه
زاير اثمانين عمره  وجاي للحره العليمه
حاطته بذاكه حقدهه  اهل الاضغان اللئيمه
والزاير ابكل  الثقه
منهج نبينه  يوثقه
ذاكه سقط هذا ارتقه
الظالم ينول الهزيمه
زاير بت رسول الله يذبحوه
وعلمهه البي اسم الله يطيحوه
عدهم مو عجيبه
الله شمصيبه
وردت من جديد الغاضريه
ه ه ه ه
عدله ميته الظلم باقي  وعلعقيله يحد سيوفه
من المدينه لطف حزنهه واه ياديرة الكوفه
وردت الشام المصايب  وجم مصاب اللي تشوفه
ما انصفوهه بكل بلد
كلشي انكتل كلشي ابتعد
ياشام موكافي اشبعد
وبعد ياجرح التروفه
زينب بالكبر ومحاصريهه
ومنعو حته زايرهه يجيهه
وعباس شيجيبه.الله شمصيبه
وردت من جديد الغاضريه
ه ه ه
المصيبه

الليله برض الشام زينب. بت علي تودع عمرهه
باقيه الوحدهه زينب.  تنتضر واحد يمرهه
ومثل ماجانت وحدهه. هسه خالي ظل كبرهه
بت حيدر تصد النضر
بلجن يجي يمهه الكمر
لامن اخو ولا من اثر
اه ياشام المصايب بعد شتراوي العقيله
    ابو احمد الهنداوي**
https://t.me/aboahmed1956

تجليبه لزينب
ه ه ه
من طف كربله للشام نضرتنه
البت الزهره مابطلت دمعتنه
جبيره هواي عالحره مصيبتنه
بعيده علينه زينب مانصل يمهه
ه ه ه ه ه
الليله اتعاني ذيج الغربه وحدهه
بت المرتضه ويه الموت موعدهه
غريبه وال اميه بحقد ترصدهه
وعن انصارهه هالزمر تحرمهه
ه ه ه
صعبه علينه مانوصل نواسيهه
واحنه بكل سنه هناكه نعزيهه
تتنطرنه عالعاده نجي ليهه
وننصب للتعازي ونحيي ماتمهه
ه ه ه ه
ننصب للمواكب يمهه للحره
ومفروشه باسمهه ودايمه السفره
والزوار تملي الصحن والحضره
هسه الشمر رد هناكه يحكمهه
ه ه ه
رد الشمر لم الخدر يسبيهه
ويمنع للزياره ويفتر عليهه
والله هوايه صعبه اشلون تاليهه
ومشتاكين يمهه انروح نخدمهه
ه ه ه ه
الليله احنه بحزن نجتمع يم حسين
ونربي عليهه والدمعات وسط العين
نكللهه عليج هوايه متالمين
وبابج هم نرد يالحره نلزمهه
ه ه ه
من نذكر الزينب نذكر احنه الشام
ونذكر للسبي ونتذكر الايتام
دارت بينه جنهه ورجعت الايام
وردت تنسبي والكوم تهضمهه
ه ه ه
ردت تنسبي ومحد يجي عليهه
ولايمهه الكفيل وغاب واليهه
ذاكه اولهه رد وهاذا تاليهه
وجن الظلم عالحوراء راهمهه
ابو احمد الهنداوي
https://t.me/aboahmed1956

موشح استشهاد زينب عليها السلام
ه ه ه ه
يامصيبة  زينب  واحزانهه
وحيده ضلت بت علي وعدوانهه
ه ه ه
وحيده ظلت بت علي بين العده
اليوم ردت كربله وذاكه السده
والسهام عليهه جنهه مسدده
وجم شمر رايد يوج صيوانهه
ه ه ه
اليوم زينب حايره ابين الغرب
والمصايب ظلت عليهه تصب
بعين دمعتهه تصد عله الدرب
ومحد عليهه يدك بيبانهه
ه ه ه
لااخو لازاير ومحد يمر
وموحش عله ام الحزن ظل الكبر
واحنه ياكل بينه ويفيض الصبر
وبالكلب كامت تشب نيرانهه
ه ه ه ه
الليله جبنه الحزن ولزينب نصد
والله مشتاكين كاتلنه البعد
كل سنه ليومج يبت حيدر نعد
وشيعتج ماجانت بحسبانهه
ه ه ه ه ه
ابد ماحسبنه مانوصلهه يوم
ونرفع الرايات يمهه للنجوم
القهرميفاركنه نكعد لو نكوم
شلون منه يصير خالي مجانهه
ه ه ه ه ه
هاي ايام الشهاده مقبله
اشلون هذا البعد مانتحمله
جبنه دمعتنه ومشينه الكربله
انقيم مجلسهه ونصد لخوانهه
ه ه ه
ياحسافه عله الذي صار وجره
وظلت الحسرات بينه موجره
مامصدكين  الكبر  ماننضره
ومانطب مرقدهه لاديوانهه
ه ه ه ه
لامجالس  لامواكب  لاعزاء
وتربي لاخوتهه تجي من كربلاء
بجت عليهه الارض ويه السماء
هاي ام الحزن هاي احزانهه
ه ه ه ه
واحنه هاي الليله نذكرهه بالم
زينب الصار الحزن الهه  سهم
يمته  راعي  الثار  يرفع  للعلم
ويطب ساحة ثارهه وميدانهه
      ابو احمد الهنداوي
https://t.me/aboahmed1956

https://youtu.be/yzuxAoQTCSM?si=ovYNYu3ZSVhIa8XO

https://youtu.be/NUtsi1lpHrU?si=FA9fiGTPkwCUZ4yA

شهادة الزهراء عليها السلام
ه ه ه
ما وقروهه. ماانصفوهه
بت الرسول المختار
يم بابهه جابو نار
والهادي ابوهه. ماانصفوهه
ه ه ه
توهه ابحزنهه الزهره تبجي المرسول
ومن ثوبهه تراب الكبر مامزيول
تعزيهه هاي الكوم جان المامول
شو جابت النار وعله الباب تصول
وين الوصيه   لبته الزجيه
شعلو حطب يم الباب
كوم اليسموهه اصحاب
لبته ولوهه. ماانصفوهه
ه ه ه
خلو الزهره بكل وكت مهضومه
ومن ذاكه بسمار الظلع مالومه
مو عله الزهره جن اجو للحومه
وانسبت عيلة فاطمه المعصومه
شهاي المصيبه  حاله رهيبه
هالوحده للهادي تكون
وتوه ابوهه  مدفون
جتاله اجوهه   ماانصفوهه
ه ه ه
طاحت عله الكاع وتنادي الفضه
وناحل جسدهه من هذيج الرضه
هذا العمل كل الاعراف ترفضه
ولو مجرم بهذا الفعل مايرضه
تجري دماهه    وطايح ظناهه
نادت يبويه بدمعات
اخلافك تره كلشي مات
ابنيتك سبوهه.  ماانصفوهه
ه ه ه ه
وضلت تعاني هوايه من الظلام
ودموعهه البلعين ماترضه تنام
ومابكت عكب الهادي بضعة ايام
ماتت زغيره تعاني من الالام
بثمنطعش عام   عافت الايتام
شيعهه حيدر بالليل
وزينب مدامعهه تسيل
اوين ادفنوهه.   ما انصفوهه
ه ه ه ه
راحت الزهره من الولد ماشبعت
وعن الكبر اولادهه مارجعت
يايمه صاح الحسن بس ماسمعت
وحسين روحه ويه امه طلعت
وزينب بالدموع.  وبكلب مفجوع
عفتينه يايمه وين
والحسن شابك لحسين
وشكد بجوهه  ماانصفوهه
ه ه ه
وهالليله احنه انذكرج وماننساج
وكل احنه يم  زينب  انصارج  وياج
وصوت الوفه من هالمجالس ناداج
نضحي الارواح ومانعوف الاذاج
ننطر ولينه.   يبين علينه
ونمشيلج عله الاقدام
ونزيل كل الظلام
اللي روعوهه. ماانصفوهه
ابو احمد الهنداوي
https://t.me/aboahmed1956

السجاد
ه ه ه ه ه ه ه ه ه ه
وينه المحب وينه
خلي  تهل  عينه
بمصببة المسموم
السجاد والينه السجاد والينه
ه ه ه
ليلة حزن ليله الم. ليله وداعيه
ويه الحبيب الماغفت ساعه مآسيه
ويه الشفاه الذابله  وعيونه مجريه
ويه المكيد عالهزل وعماته مسبيه
خلينه نبجيله
وبالدمعه نوفيله
انصاره واحبابه
ومصابه ماذينه السجاد والينه
ه ه ه ه
وينه المحب لبن النبي  المابطل الدمعه
ولو شرب ماي بكل وكت بالمدمع ينگعه
عايش مصايب كربله   وصارن عليه فزعه
الودع حياته بكربله  هالليله خنودعه
راحت اهاليه
وعياله مسبيه
وعاف البطل عباس
عالترب وحسينه. السجاد والينه
ه ه ه
صايم نهاره والمسه  عابد بساعاته
ومن يفطر الماي العذب يفيض ويه دمعاته
الينذبح جدامه الابو شيهدي حسراته
وفوك الهزل ويه العده مسبيه عماته
الاطفال والنسوان
وراس الابو عالزان
وتفتر عليه اعداه
والگيد بيدينه. السجاد والينه
ه ه ه
السجاد عاش النايبه بالعاشر بعاشور
شاف الابو وشاف الاخو الكل عالترب منحور
بيده دفن ال النبي ورد عالسبي مكسور
الله يعينه اشكد حمل من الظلم والجور
اليدفن ابو بيده
للعمر   ميريده
اليفكدله مثل حسين
شيسوي بسنينه. السجاد والينه
ه ه ه
شهر المحرم صوبه بالخامس وعشرين
سموه وگطعو جبدته للساجد بن حسين
بفراش موته ومانسه للطف يدير العين
عالترب مرمي والده وكل اخوته ميتين
هالليله خنودعه
باللطمه والدمعه
ونحضر عزاءه دوم
هالواجبه علينه السجاد والينه السجاد والينه
   ابو احمد الهنداوي
https://t.me/aboahmed1956

نزلة السجاد
ه ه ه ه ه
ياعلي ناديتك.    بالكلب خليتك
آنه وياك تمنيت اصيرن خادم
ه ه ه
والله يالسجاد كلبي ممتلي هوايه الم
خاف منك ياامامي مااحصلي سهم
اقسم عليك بغربتك تسجلني من الخدم
وعينك عليه بدربكم لايزل بيه الجدم
ياعلي دليني.  انت ياضي عيني
آنه عبدك واجيتك كسير ونادم
ه ه ه
ياامير الدنيه كلهه وانته بيهه اتصدرت
اشلون يبن النبي الهادي عله الناگه تيسرت
حاربوك وكيدوك هواي بيهه تحيرت
وتالي مسموم انت منهه يبو الباقر هاجرت
ياامام الرحمه. الدنيه دونك ظلمه
وثوب الاحزان يمولاي عليكم راهم
ه ه ه
انه واليتك واجيتك وادري مترجعني
ولو احاجيك بضميري انت هم تسمعني
وياك لوتقبلني خادم من العدم ترفعني
وكل عمل من دونك ادري ابد ماينفعني
فدوه اروح الاسمك.  اقبلني خادم يمك
وفتخر انه بخدمتي ابين هاي الوادم
ه ه ه
احنه لجلك ياامامي اوكفنه فوك الساتر
بامر من المرجعيه البيهه دوم انفاخر
ارفعنه رايات ابوفاضل
وبدمعنه اناطر
حته مايوكع حسين ويرد يوم العاشر
لو تشوف الفزعه. تكول يوم الطلعه
والحشد واكف يناطر جيته للقائم
ه ه ه
الليله يامولاي ترحل بالحزن والدمعه
سمتك ايد الجريمه وجبدتك متكطعه
المحب لو ودع حبيبه بعد ياهو يرجعه
وهاللطم مولاي لجلك وادري انت تسمعه
لطمتي عالغالي.   ومجلسي للتالي
عليك يازين العباد بكل حياتي قايم
ه ه ه
انه الطملك الليله ورد اكسره الصدري
وابد مايكفي عزائي لو يظل كل عمري
عيني بلسجاد  تبقه  بالمدامع  تجري
وكل حياتي الك ناذر من الولاده الكبري
ياامامي وديني.  مجلسك يحييني
انه الك خادم وانت تبقه اليه حاكم
   ابو احمد الهنداوي
https://t.me/aboahmed1956

گعدة السجاد
ه ه ه
المستهل
ه ه ه ه ه ه
هالليله جيناك أنصار يالسجاد
مصابك جبير علينه
مسموم   ياوالينه
وعمرك كضه بالالام يالسجاد
ه ه ه
ياعلي السجاد صعبه ان يحدك حرف كاتب
وانت امام الدنيه كلهه  وانت عالم وانت راهب
بيك سر طه نبينه  وسر على بن أبى طالب
ياعلي السجاد وتضل.  عنوان كل خير العمل
يلماترد واحد سأل.   وعالظلم اول محارب
يبن الايمه الأطهار يالسجاد
ياوسفه ابد ماراعوك
عدوانك اشكد اذوك
وسمتك ليش الظلام يالسجاد
ه ه ه
يالعشت ايام عمرك. حزن طف الغاضريه
وانت شفت حسين جثه. بلايه راس عله الوطيه
وشفت عمك عله الشاطي. هوه وجفوفه الرميه
كل اخوتك خلصو ذبح. وبكليبك الهم جم جرح
وجم راس مشيول برمح.  وياجرح موتت رقيه
ذبحوهم ازغار اكبار  يالسجاد
سهم المرد  جبد حسين
وصاب الكمر نص العين
بنحر الطفل رد و نام يالسجاد
ه ه ه
ياعلي السجاد وانته  شفت كل ذيجه المصيبه
شفت ابوك وكل عمامك واخوتك بالبر سليبه
بلايه روس الروس تمشي وياك لبلاد الغريبه
وعكب السبي وحرك الخيم. اتيسرت انت والحرم
الزنجبيل لجفوفك لزم.  وعالهزل زينب عجيبه
بت الوصي حامي الجار يالسجاد
عالناكه وتصدهه الناس
وتنضر  الراس  العباس
وسفه العزيزه تنضام يالسجاد
ه ه ه
مصاب عاشور عله بالك كل وكت انته تنصبه
مانسيت بيوم طفك حته بالماي التشربه
وزادك بدمعك وهمك ياعلي بجفك تكلبه
وبالرغم من كل الجره.  بعلمك وحلمك مفخره
وانطيتنه اشجم جوهره. 
والصحيفه أصبحت عجبه
بكل علم خلفت آثار يالسجاد
ياراهب ال الزهره
يافخر كل العتره
يا وسفه شخصك مادام. يالسجاد
ه ه ه
ياعلي السجاد واحنه. الليله بمصابك نخبرك
مانرد عنك يغالي. وحك دمعك وحك صبرك
الدنيه مهما اتدور بينه. عيونه تربي عله كبرك
جاليش كبرك منهدم.  جاليش جبدك منخذم.
الزوار منك تنحرم
وبمدامعهه تنضرك
منعو تجيك الزوار يالسجاد
ومن هلعزه نادينه
وياك ياوالينه
مهما تجور الايام يالسجاد
ه ه ه
يلكضيت العمر صابر يلكضيت العمر ساجد
الليله بالمدمع نودعك ياعلي والحزن شاهد
ياعلي وماننسه يومك الك هالليله نعاهد
شيعتكم  انضل  للابد
مهما العمر بينه ابتعد
والمجلس علينه شهد
وياك يابو الباقر انضل لمن يضهر حجة الله
ابو احمد الهنداوي
https://t.me/aboahmed1956

استشهاد الصادق عليه السلام
ه ه ه ه ه
كل محب مالوم   الصادق المسموم
مايشفه جرح اليمه
وظلت تعاني الامه
وتزيد الهموم.   الصادق المسموم
ه ه ه
هالليله ليلة حزن صعبه وكلفه
وعين الدمع  لاتنشف  ولاتغفه
راحت الجف البيهه كل  الرافه
وتصوبت  روح العدل ياوسفه
تبجي العداله.  الحامي الرساله
لاوين رايح عنه.  وعكبه الحزن يكيلنه
والنايبه تحوم.   الصادق المسموم
ه ه
هذا الامام  الجان  فاتح  بابه
تلكه المكارم كلهه  يم اعتابه
اليحسب احسانه يضيع منه احسابه
ابن النبي يجازونه سم صوابه
عاش الاذيه  الحد المنيه
يجود الكرم و الطيبه.  اهل الظلاله تصيبه
وتنصاب العلوم. الصادق المسموم
ه ه
قران جان  وللنبي  عنوانه
وايمان كل الخلك من ايمانه
ربحان كلمن يدخل بديوانه
واللي ينكره بزمرة الخسرانه
الليله انسبينه   سمو ولينه
فجعو الليله الزهره   وفجعو الكل العتره
وحزنانه هليوم    الصادق المسموم
ه ه
عاش الامام بزمن عالحر يصعب
والسلطه عالعتره بحقدهه تنصب
كلمن يوالي ال النبي يتغيب
وحركو البيته وناره ظلت تلهب
ينضر النيران  وفرت النسوان
وتذكر العماته   والساجد وحسراته
مايكدر يكوم.  الصادق المسموم
ه ه
السمو الصادق كبله سمو جده
وذبحو حسين واخوته وكل ولده
وظلت تعيش اليمه شده وشده
وعدوانه عالشيعه بحقد تتعده
وتمر الايام.    وتزيد الالام
والنايبه تدوم.  الصادق المسموم
ابو احمد الهنداوي
https://t.me/aboahmed1956