شرح حديث " كن في الدنيا كأنك غريب او عابر سبيل "

‏مقطع صوتي من محمد عبدالهادي ?

العمل الجماعي المؤسسي?

تعالي ياواد ياجميل أقول لك يعني ايه تعمل عمل جماعي ?

١- دي استجابه لقول الله تعالى " وتعاونوا علي البر والتقوى "

٢- استجابة لقول رسول الله صلى الله عليه وسلم " عليكم بالجماعة "

٣-تستطيع أن تقوم بغالب فروض الكفاية التي تعطلت في الأمة زي ايه كده ( أمر بالمعروف ، نهي عن منكر ، تعليم العلم ، تربية الأولاد ،دعوة الشباب ، تعليم النساء ، تحفيظ قرآن ، رعاية ارامل و ايتام ، علاج مرضي ، و و و و و ) حاجات تانيه كتير جدا ?

٣- لما يبقي عندك فتور هتعمل طاعات برضه ماانت في فريق عمل ، فهتلاقي دا بيتصل بتكليف، ودا بيتابع في عمل ، هتلاقي في وقت الفتور طاعات برضه ، يبقي سهل ياصديقي ترجع تاني للطباعه ?

٤- هيبقي لك كبير ، ودي بقي لوحدها مهمه جدا جدا الفترة دي أن يكون لك مرجع لما تتوه وتبقي مش عارف راسك من رجلك في مسألة ترجع له ، وكبيرك هنا مش واحد لا ، مجموعة من العلماء الراسخين فشوف بقي ?

٥-, فريق العمل دا ، هتشاورهم وتشاور غيرهم ماانت في عمل جماعي مؤسسي يعني الكبير له كبير وهكذا ، يبقي العمل يخرج بعد مشاورات كتيرة جدا ودعوات كتيير من ناس كتييير بالتوفيق والتيسير فغالبا هتبقي موفق في أغلب القرارات .♥️

٦- دي بقي مهمه لك انت ، هضم نفسك ، لما تختلط بإخوانك بقي وتلاقي دا باع السيارة علشان الدعوة ، ودا تتبرع بنصف مرتبه ، ودا بيصلي قيام رغم شدة الإعياء ، ودا خطيب مفوه ، ودا طالب علم مميز ، تبص علي نفسك بقي بقرف كده ، وتقول لها اف لي وتف ، من أنا بجوار هؤلاء ، ثم تنافس في تواضع وأدب ومعرفة لحجم النفس ، فتتظبط .? وتشتغل وانت ساكت بلاش فضايح .

٧- لو بدأت عمل وسافرت ،مرضت ، مت ، أياً كان سبب تخلفك ، العمل هيستمر وممكن يبقي بصورة أحسن وأفضل ووأجرك يستمر ويزداد ، شفت بقي .??

٨- كل دا كوم وإخواتك بقي في الفريق كوم تاني ، دول بقي الحته الطريه اللي في حياتك مش مراتك ياض ? ، دول بقي اللي بيفكروك بأخرتك ، ويدلعوك في دنيتك ، تخرج وتلعب وتتبسط وتخدم دينك ، بدون سب أو شتم أو او أو ،

وإن كانت هناك أخطاء ، فحسناتهم تزيد علي سيئاتهم وطبيعي علشان بشر متزعلش وكمل ، هو انت فاكر الشلة القديمه كانوا بيعملوا ايه ، وكنت بتضحك ، انشف كده علشان دا دينك .♥️ وقلبي اهه خده .❤️

٩- في العمل الجماعي هتستوعَب بصورة جميلة ، أيّاً كانت ملكاتك وإمكاناتك ستجد لك مكانا ، مبتعرفش تخطب ماشي ، مبتعرفش تدرس بسيطه ، مبتعرفش تذاكر وتجمع علم. ولا يهمك ، بتعرف تعمل ايه ، لعيب كرة محتاجينك والله وخصوصا مع واحد زيي بكرش ، أولادنا لهم برامج ترفيه ، ايه دا بتلعبوا كرة ، اه وربنا زي مبؤلك كده ، هتلعب وتلاعب الأولاد علشان يحبوا ربنا ويحبوا الطاعه فتؤجر ، مفيش خالص خالص ، بتعرف تدعي ربنا اه ، طيب ياعم " هل تنصرون الا بضعفائكم بدعائهم وإخلاصهم " أخلص وادعو لإخوانك زي محمد بن واسع كده ، بس ؟ اه والله شفت بقي وتبقي شريك في الأجر إن شاء الله ، حلوه الشغلانه دي .?

١٠- من أعظم المعينات علي إخلاص عملك ، أن تعمل في فريق ، لأن النفسية وقتها هتكون مش مهم مين بيعمل المهم العمل يتم ، مااحنا كلنا شركاء ، فالنجاح نجاح للمجموع ، بسيطه ، فيقوم قلبك كده يروق ويهدي وتعان علي شيطانك ، بس ياعم فيه ناس مش كده اه ماانا عارف ، احنا اتفقنا بقي إن الحسنات تذهب االسيئات ، ومع الوقت كل دا بيظبط ? اصبر بس

ها قلت ايه ؟ في ايه ؟

ولا ولا ولا امش ياض ???

ولا اقولك تعالي

وربي أنت اخي وافقتني أو خالفت مادمت مؤدبا صادقا تريد الحق ،

وتبذل جهدك لطاعة ربك ، أما هتغلط مش هنغلط وهنتقابل عنند ربنا .

يعني الفردية مفيهاش خير خالص ؟
??
مش هرد عليك علشان دا المقال الجاي إن شاء الله

الفردية مالها وما عليها .

? أبو عبدالرحمن محمد عبدالهادي

‏مقطع صوتي من محمد عبدالهادي ?

الحديث الثالث من كتاب الرقاق
صحيح البخاري

الدرس الاول من التعليق علي صحيح البخاري

‏مقطع صوتي من محمد عبدالهادي ?

..

_التكبير الجماعي_

اتفق العلماء على شتى مذاهبهم الفقهية على أن التكبير المقيد بعد الصلوات المكتوبات مشروع في عيد الأضحى.

بعد اختلافهم اختلافاً سائغاً في مدته على أقوال:

1- هل يبدأ من صلاة فجر يوم عرفة إلى عصر أخر أيام التشريق

كما ذهب إليه أحمد والشافعي في أحد قوليه وطائفة من السلف؟

2- أو من غداة يوم عرفة إلى عصر يوم الأضحى.

كما ذهب إليه أبو حنيفة؟

3- أو من صلاة الظهر يوم الأضحى إلى فجر آخر آيام التشريق؟

كما هو مذهب مالك والمشهور عن الشافعي؟

وأقرب الأقوال إلى الصواب هو القول الأول .

قيل لأحمد: بأي حديث تذهب إلى التكبير من صلاة الفجر يوم عرفة إلى آخر أيام التشريق؟

قال: لإجماع عمر وعلي وابن عباس.

ولأن الله تعالى قال:

واذكروا الله في أيام معدودات

وهي أيام التشريق فيتعين الذكر في جميعها.

واختلفوا هل يكبر من صلى وحده؟

على أقوال؛

الأول؛ يكبر عقب الفريضة وإن صلى وحده
لما روي عن ابن عمر: أنه كان يكبر إذا صلى وحده.
واختاره أحمد في رواية عنه. وهو قول مالك

والثاني؛ لا يكبر إلا في جماعة
لما روي ابن مسعود: إنما التكبير على من صلى في جماعة.

وهو مذهب أحمد في المشهور عنه وأبي حنيفة

والثالث ؛ يكبر عقب كل فريضة ونافلة

وهو مذهب الشافعي

والراجح الثاني: لما روي عن ابن مسعود وابن عمر ولا مخالف لهما من الصحابة

وصيغ التكبير لم يصح فيها شيء مرفوع إلى النبي صلى الله عليه وسلم

إنما هي موقوفات ثابتة عن الصحابة

1- فمنها تكبير علي وعمر وابن مسعود ونصه:

الله أكبر الله أكبر، لا إله إلا الله
والله أكبر الله أكبر، ولله الحمد (شفعاً) وبه قال أحمد وأبو حنيفة

2- ومنها تكبير جابر بن عبدالله ونصه؛

الله أكبر الله أكبر الله أكبر (ثلاثاً) لا إله إلا الله. الله أكبر الله أكبر ولله الحمد.
وبه قال مالك والشافعي.

3- ومنها ما روي عن سلمان الفارسي ونصه؛

الله أكبر الله أكبر الله أكبر كبيراً

وهي عندي إلى خلاف التنوع منها أقرب إلى خلاف التضاد السائغ.

الأولى أن يكبر تارة بصيغة وتارة بصيغة أخرى.

واتفق الجميع على أن التكبير يكون جهراً وفي جماعةٍ

وهذا ما جري عليه عمل المسلمين في مختلف البلدان وما تورثناه عن سلفنا الكرام كابراً عن كابر.

وهو ما تؤيدة الآثار الثابتة عن الصحابة والتابعين رضي الله عنهم .

ففي صحيح البخاري أن عمر رضي الله عنه كان يكبر في قبته بمنى، ففي صحيح البخاري أن عمر رضي الله عنه كان يكبر في قبته بمنى، فيسمعه أهل المسجد فيكبرون، ويكبر أهل الأسواق حتى ترتج منى تكبيراً .

وهذا صريح في أن التكبير كان يقع جماعياً...

وفي البخاري أيضا أن ابن عمر وأبا هريرة رضي الله عنهم كانا يخرجان إلى السوق في أيام العشر يكبران، ويكبر الناس بتكبيرهما

وأما ما ذهب إليه بعض المعاصرين من القول ببدعية التكبير الجماعي فهو قول شاذ

وهو إلى الخطأ أقرب منه إلى الصواب ولعله أصاب أجراً واحداً

نسأل الله أن يجمع كلمتنا
وأن يؤلف بين قلوبنا
وأن يصلح ذات بيننا

وأن يجنبنا الفتن ما ظهر منها وما بطن.

وصلي الله وسلم على نبينا محمد وعلى آله وصحبه وسلم تسليما كثيراً

..

وكتبه - خالد منصور

ليلة عرفة لعام 1445 هجرية
الموافق ليلة السبت 15/6/2024

..

‏مقطع صوتي من محمد عبدالهادي ?