У гандлёвым цэнтры Marywilska 44 у Варшаве адбыўся маштабны пажар. Згарэў цэлы комплекс будынкаў.

Відэа: https://www.facebook.com/share/v/kVEWMtn9HxeuymzK/

Facebook

Log in or sign up to view

See posts, photos and more on Facebook.

Сёлетні травень - адзін з найбольш шалёных і напружаных для мяне месяцаў у апошнім часе. Толькі што пераехаў у новую кватэру, праз тыдзень еду на канферэнцыю паліглотаў, а потым у мяне двухдзённы экзамен на экскурсавода.

Таму ў траўні экскурсій не будзе, але можна рыхтавацца ўжо на чэрвень - кожны чацвер а 18:00 штосьці будзе :)

А пакуль пакідаю вам нанач прыгожы набор фотак Варшавы з 50-х і 60-х гадоў. Пазналі ўсе месцы?

https://dziedzictwopolski.cafex.biz/blog/marzycielska-warszawa-lat-50-i-60/

https://dziedzictwopolski.cafex.biz

Marzycielska Warszawa lat 50. i 60.

Zdjęcia Warszawy wykonane w latach 1950-1970 przez Zbyszka Siemaszkę. 1 z 34 Zbyszko Siemaszko, trasa wschód-zachód, widok z mostu Śląsko-Dąbrowskiego w kierunku Starego Miasta w latach 1961-1968, fot. Narodowe Archiwum Cyfrowe (NAC) …

Нагадваю пра заўтрашнюю і нядзельную экскурсію 🥰

Гісторыя варшаўскага метро - частка 1

Першы план сеткі Варшаўскага метро быў створаны яшчэ ў 1919 годзе, а нават у 1917 годзе - падчас нямецкай першаваеннай акупацыі, а ў 1919 годзе быў апублікаваны. План быў распрацаваны ў Секцыі рэгулявання горада (Sekcja Regulacji Miasta). Гэта павінна было быць метро па ўзоры найстарэйшай лініі ў Будапешце - нешта накшталт падземнага трамвая. Станцыі павінны былі размяшчацца прыкладна кожныя 300-500 метраў і злучаць Мокотув (паміж сённяшнімі Нарбута і Мадалінскага) з Мураноўскай плошчай (сёння скрыжаванне Левартоўскага і Стаўкі). Лінія павінна была складацца з 12 станцый, а сённяшняя станцыя "Centrum" размешчана менавіта там, дзе планавалася станцыя "Aleje Jerozolimskie". астатнія станцыі не адпавядаюць раскладу сённяшняга метро.

Аднак на парозе незалежнасці выклікі ў краіны ды самой Варшавы былі іншыя - трэба было пермагачы бальшавікоў (дзяржаўны ўзровень прыярытэтаў) і пашырыць межы цеснай і цёмнай метраполіі (гарадскія прыярытэты). У 1927 годзе паўстане новы праект, але пра гэта наступным разам 😉

На фота план першага варшаўскага метро. Узяты з кніжкі "Sto lat warszawskiego metro" Jakub Jastrzębski.

А можа ў кагосьці будуць свабодная дні накануне Новага года і захоча пабачыць адну з найбольш унікальных, палескіх навагодніх традыцый? 🎆

У мястэчку Славатычы (Sławatycze), што менавіта ў польскай частцы Палесся, пры самюсенькім Бугу штогод праходзяць выбары "Барадача года". Барадачы (Brodacze) даўняя мясцовая традыцыя, звязаная з калядаваннем у мястэчку і ваколіцах. Назва ідзе ад доўгай льнянай барады, якую павінен мець кожны барадач. Акрамя гэтага ў іх шыкоўны капялюш, які ў даўнія часы пачыналі рыхтаваць нават месяц да навагодняй ночы. 🎭

На машыне з Варшавы гэта каля 3 гадзін, аднак у ваколіцы і па дарозе можна ўбачыць шмат цікавых месцаў.

У каментах больш фота параду Барадачаў. 📷

#культурніцкае

Новы макет гістарычнага цэнтра Варшавы!

Вось толькі што ўсталявалі такія прыгожыя макеты Старога горада і ваколіцы. З таго, што ўдалося знайсці (пакуль не быў ва ўсіх гэтых месцах) іх тры: каля касцёла Святога Анны (на фота), помніка Міцкевіча ды касцёла Святога Крыжа.

#варшаўскае

Ужо амаль 2 месяцы Польшча жыве тэленавелай пад назвай "упадак ураду ПіС". Сёння дызаўтра апошнія яго серыі.

Ужо а 10:00 пачнецца чарговае паседжанне Сейма, на каторым Матэвуш Маравецкі прадставіць склад свайго ўраду ды праграму ды папросіць падтрымкі ў дэпутатаў.

Пасля гэтага яго не падтрымаюць (але спачатку адбудзецца дыскусія, якая па плану працягнецца да 15:00) ды прыйдзецца выбіраць новага прэм'ер-міністра. Яшчэ сёння парламент запрапануе Данальду Туску гэтую пасаду ды хутчэй за ўсё заўтра Туск прадставіць свой урад і сваю праграму.

Серыял можна глядзець на найбольш папулярным Ютуб-канале Польшчы ў апошнім месяцы: https://www.youtube.com/live/c4WtsVXtxXg?si=UXHxedZ54R2kufYk

#палітычнае

Калі мы ўжо разумеем як вызначыць колькасць дэпутатаў ад кожнай партыі, давайце абмяркуем што можа адбыцца ў нядзелю.

Паводле розных апытанняў вынікі раскладуцца больш менш такім чынам:
1. Права і Справядлівасць (PiS) 32-38%
2. Грамадзянская кааліцыя (KO) 28-32%
3. Трэцяя дарога (Trzecia Droga) 8-12%
4. Левіца (Nowa Lewica) 8-11%
5. Канфедэрацыя (Konfederacja) 7-10%
6. Беспартыяныя палітыкі мясцовых самакіраванняў (Bezpartyjni Samorządowcy) 1-3%

Як бачыце розніцы паміж 3-5 партыямі невялікія, можа штосьці там пераскокнуць.

Выбары выйграе ПіС, але не факт, што ім удасца стварыць урад, бо для таго, каб яго мець трэба падтрымку як мінімум 231 дэпутата (палова з 460 +1). ПіС можа разлічваць на 170-210 дэпутатаў у гэтых выбарах, што залежыць ад вынікаў у акругах (учарашні пост).

Хто мог бы ўвайсці ў кааліцыю з ПіС? Хіба толькі Канфедэрацыя, а і гэта няясна і няясна ці ўсе канфедэраты падтрымаюць новы ўрад ПіС (могуць адбыцца расколы, паколькі Канфедэрацыя - збор розных груп інтэрэсаў). Можа быць так, што некаторыя дэрутаты ад Трэцяй дарогі падтрымаюць, аднак гэта моцна залежыць ад таго, як урэшце раскладуцца мандаты для кожнай партыі. Трэцяя дарога - таксама збор розных рухаў сярод якіх найбольшыя PSL (Польская Народная Партыя - гэта традыцыйна сельская партыя) і Polska 2050 (Рух Шымана Галоўні).

Агулам ПіСу не хапае 20-60 мандатаў, каб падтрымаць іх урад. На 3 дні да выбараў гэта здаецца крайне складаным, каб ім удалося "здабыць" столькіх людзей у любой іншай партыі.

Калі новы Сойм не зацвердзіць ураду пераможнай партыі - гэтае права пераходзіць на другую. Толькі тады KO зможа запрапанаваць свой склад кіравання. Тут шанцы на адбор большыя, бо КО атрымае 130-170 мандатаў, іх напэўна падтрымае Левіца (30-60) і павінна Трэцяя дарога (30-60). Такім чынам колькасць мандатаў для апазіцыі складзе мінімум 210 а можа нават і 280, але зноў жа - адсылаю да ўчорашняга паста. У некаторых акругах яны будуць "адбіраць" мандаты самім сабе, а не ПіСу ці Канфедэрацыі.

Толькі тады зможам сказаць якім будзе Польшча пасля выбараў. Паколькі дату першага паседжання Сойму прызначае Прэзідэнт (а ён марыянетка кіарўніка ПіС Качынскага), трэба чакаць, што парламент сустрэнецца ў найпазнейшым магчымым тэрміне - каля 10-15 лістапада, каб даць час Маравецкаму падкупіць галасы за падтрымку ягонага ўраду.

Ёсць розныя іншыя чуткі. Напрыклад пра сілавы варыянт (вельмі не праўдападобна) або прасоўванне ПіСам наратыву пра фальсіфікацыі на выбарах з боку апазіцыі (магчыма, але ці хтосьці паверыць?). Іншых варыянтаў не бачу, але ўжо не адзін раз польскія палітыкі паказвалі, што бачанне ў людзей, нават ў экспертаў, вузкае.

З іншых важных інфармацый - наступная субота будзе найбольш ціхім днём гэтага года, так як а 00:00 уначы з пятніцы на суботу пачынаецца выбарчая цішыня і да 21:00 у нядзелю пра партыі і кандыдатаў нельга гаварыць (можна толькі заахвочваць пайсці на выбары).

Telegram

Польскія аповесці

Што будзе адбывацца ў бліжэйшыя дні ў Польшчы? Вырашыў напісаць два пасты пра тое, як працуе выбарчая сістэма ў нашай краіне (СЁННЯ) ды якія рэзультаты выбараў магчымыя і што гэта абазначае (ЗАЎТРА). Польшча падзеленая на 41 акругу. З кожнай акругі адбіраюць…