工黨首份財政預算案出爐：軍費加接近30億鎊，軍人有望今年內第二次加薪？

之前一直有傳工黨上場會cut 軍隊budget ，點知今朝新一份budget 其中一個著眼點係直接加30億鎊。其中一部份會用嚟加軍人嘅人工，而且會date back番今年4月：
/The Chancellor is set to announce an increase in the defence budget for next year in her fiscal statement in the Commons on Wednesday, part of which will be used to give soldiers a pay rise backdated to April, the Telegraph reported./
而筆錢亦會用嚟買新槍。

其實今年英軍已經加咗一次人工係6%，連同再上一年嘅5%+1k，當時已經被稱為十年嚟最大加幅。如果今次真係再加，相信會吸引一啲因為近年相對私人市場偏低人工而卻步嘅人重新考慮參軍。

我哋會員成功過到軍訓passing out 已經唔係咩新鮮事，但今次唔可以唔講，因為我哋終於出到第一位女兵！

琴日我哋其中一位admin 入咗Pirbright接放學， 就係為咗見證呢個歷史性一刻。其實本谷會員唔只得呢位師妹，只係佢最早成功入伍。

同日亦有幸見到而家已經非常忙碌、第一位成功參軍嘅「大師兄」，傾談起嚟都相當感概。由佢當年行好多冤枉路，到而家我哋已經好有系統咁由報名到測試到軍訓，都有哂準備同tips，呢三年幾嚟我哋真係發展咗好多。

由第一位成功參軍嘅BNO visa，到第一位BNO visa 女兵，我哋仲會唔會更多第一位？其實好快就有，但本住未成功就唔出聲嘅宗旨，就先容許我哋賣個關子。

祝香港人繼續武運亨隆！

有關早前中國黑客入侵國防部事件，有消息人士確認，部分現役人員嘅出糧資料已經外洩。雖然唔算係咩高度機密，但單憑住戶口持有人嘅姓名，已經足夠中共鎖定現役港人英軍嘅身份，即使係從未曝光嗰班。

差唔多時間，亦有幾個在英港人因為幫中共做間諜被捕。佢哋主要工作係收集喺幾位在英港人社運領袖嘅資料。

其實迫害從來無停止過。香港人移民之後都好，一定要自強同埋提高警覺，唔好見到係同鄉就一定係自己友。

除咗「非法操練罪」，23條另一個條法例「隱匿叛國罪」亦有機會影響海外參軍人士。

港人海外參軍有機會犯23條相信已經唔少人有留意到，但原來「隱匿叛國罪」亦都有關。所謂「隱匿叛國」簡單嚟講即係知情不報，例如如果你參咗軍，雖然原則上香港政府唔會知，但原來只要你有親朋戚友知道你參咗軍，然後又無督灰，咁佢就有機會犯咗「隱匿叛國罪」，而且最高竟然可以判監14年！

/⋯該法也規定，如果有中國公民知道另一人已犯、正犯，或即將犯叛國罪行，應盡快向警方披露犯罪事宜；若違反此一規定，可處監禁14年⋯/

比起非法操練罪本身，「隱匿叛國罪」嘅牽連更廣。雖然香港警方實際要拘捕海外參軍人士相當困難，但用知情不報嚟搞佢哋仲喺香港嘅親友就容易得多。

所以我哋再一次呼籲，有志參軍人士需要極度保護個人資料，切勿自爆真身。

有關香港人到台灣接受軍訓

近日香港法院在審理一宗「恐怖主義行為」罪，其中一項指控是「安排香港人到台灣參加軍事訓練」。這條控罪令人不禁懷疑：從什麼時候開始香港人可以隨意到台灣參軍？

台灣的參軍基查要求必須是持有中華民國國籍。也就是說，別說普通在香港生活的香港人，說算是早前因各種理由逃到台灣尋求政治庇護的香港人也不合資格。

除予正規軍，台灣倒是有些射擊訓練或民防訓練。為什麼不能說是非
軍訓？因為那些真得是純教開槍或急救，至於軍紀、體能、意志、野外作戰等等核心軍訓項目是沒有包括，所以只能說是射擊訓練。

不過為了加重罪名嘛，就必定會把訓練寫得厲害一點。