⭐️ Прадстаўляем чарговую экспертку з каманды журы прэміі IV Free Belarus Business Award — Олену Коліхаву (Olena Kolikhova).

Олена мае больш за 10-гадовы досвед працы ў экасістэме ІТ і стартапаў, досвед кіравання глабальнымі і шырокавядомымі на рынку праектамі, а таксама стварэння і ўкаранення прадуктаў SaaS, AI, Cloud. Яе ўнёсак у індустрыю быў адзначаны ў прэстыжных справаздачах, такіх як Strong Women in IT 2023, TOP 100 Women from the CEE VC і Startup Ecosystem 2022.

Апроч сваёй працы, Олена займаецца выхаваннем новага пакалення лідараў шляхам актыўнага настаўніцтва ў розных праграмах для стартапаў і жанчын, а таксама дзеліцца сваім досведам у якасці лектаркі па інавацыях і кіраванню стартапамі.

⭐️ Зусім хутка мы даведаемся пераможцаў конкурсу ў намінацыях:

- Некамерцыйная арганізацыя года.
- Сацыяльнае прадпрыемства года.
- Інавацыйны бізнес года.
- Брэнд года.
- Найлепшы бізнес года.

#FBBA4 рэалізуецца @abbabusiness пры фінансаванні Еўрапейскага Звязу #EUforBelarus #ЕСдляБеларусі.

⭐️ Працягваем знаёмства з журы прэміі IV Free Belarus Business Award. Прадстаўляем вашай увазе Юстыну Арлоўску.

Юстына з'яўляецца менеджаркай у дзяржаўным, адукацыйным і крэатыўных сектарах у Польшчы. Яна атрымала ступень па эканоміцы ў Варшаўскай школе эканомікі і вывучала фінансы ва Універсітэце Новага Паўднёвага Уэльса ў Аўстраліі. З'ялецца акывісткай, якая прасоўвае мультыкультурніцкую спадчыну былой Рэчы Паспалітай і ўмацоўвае сувязі ў польскай дыяспары па ўсім свеце.

У 2015 годзе занавала Форум лідараў аўстралійскага бізнесу (цяпер — Польска-аўстраійскі форум), які працягвае аб'ядноўваць польскую супольнасць у Аўстраліі. Юстына займала такія пасады ў Польшчы як высокі прадстаўнік прэм'ер-міністра па дзяржаўных тэхналогіях, а таксама высокі прадстаўнік міністра адукацыі і навукі па лічбавай трансфармацыі.

За свае дасягненні Юстына атрымала мноства прэстыжных узнагарод, у тым ліку: Forbes 30 Under 30, Forbes Women’s Master of Linkedin, Digital Shaper, Digital Eagle Award і Innovative Eagle Award. Навучаецца ў магістратуры Прыстанскай школы дзяржаўных і міжнароных адносінаў.

🙌 Ганарымся ўдзелам Юстыны ў камандзе журы конкурсу беларускіх бізнесаў за мяжой!

#FBBA4 рэалізуецца @abbabusiness пры фінансаванні Еўрапейскага Звязу #EUforBelarus#ЕСдляБеларусі.

*⚡️*Пачынаем знаёмства з журы конкурсу беларускіх бізнесаў IV Free Belarus Business Award.

Джон Гудэйл мае больш за 28 гадоў досведу ў гульнявой індустрыі, вялікую частку кар’еры прысвяціў таму, каб дапамагчы заходнім кампаніям выйсці на азіяцкі рынак. Ён вёў бізнес у больш чым 50 краінах і мае ўнікальны глабальны досвед, які атрымаў на кіруючых пасадах у сусветных брэндах.

Джон актыўна ўдзельнічае ў развіцці індустрыі, уваходзіць ў склад каля дзесятка кансультатыўных саветаў і выступае стратэгічным дарадцам для сусветных кампаній з офісамі ў Даніі, Польшчы, Кітаі, Карэі, Японіі, ЗША і іншых краінах.

⭐️ Гэта неацэнны эксперт, які разам з іншымі сябрамі журы дапаможа абраць пераможцаў конкурсу ў намінацыях:

- Некамерцыйная арганізацыя года.
- Сацыяльнае прадпрыемства года.
- Інавацыйны бізнес года.
- Брэнд года.
- Найлепшы бізнес года.

#FBBA4 рэалізуецца @abbabusiness пры фінансаванні Еўрапейскага Звязу #EUforBelarus#ЕСдляБеларусі.

⭐️ Фіналіст III Free Belarus Business Award у намінацыі "Бізнес лэдзі" — моўная школа LVS Language School пад кіраўніцтвам Аляксандры Дойніч!

Гэта не проста школа замежных моў, а падтрымка і камфорт для тых, хто толькі пачынае сваё жыццё ў новай краіне. У школе прапануюцца як індывідуальныя заняткі з выкладчыкам, так і ўрокі з носьбітамі мовы, якія дазваляюць пагрузіцца ў культуру і мову краіны. Навучанне заснавана на інтэрактыўных платформах і аўтэнтычных матэрыялах, каб даць студэнтам найлепшыя ўмовы для вывучэння.

LVS Language School праводзіць таксама моўныя лагеры, майстар-класы і кінапаказы, мерапрыемствы для дзяцей і дарослых, якія дапамагаюць адчуць сябе часткай новага асяроддзя.

✔️ Мы распавялі пра ўсіх пераможцаў і намінантаў конкурсу III Free Belarus Business Award, і ўжо зусім хутка даведаемся імёны пераможцаў IV Free Belarus Business Award! Сачыце за нашымі старонкамі.

#FreeBelarusBusinessAward рэалізуецца @abbabusiness пры фінансаванні Еўрапейскага Cаюза #EUforBelarus#ЕСдляБеларусі

⭐️ Пазнаёмцеся з фіналістам III Free Belarus Business Award у намінацыі "Эка-бізнес"!

Прадпрымальнік Юры Касач працуе над праектам, які накіраваны на стварэнне ўнікальных тэхналогій і прадуктаў, якія мінімізуюць негатыўнае ўздзеянне чалавечай дзейнасці на навакольнае асяроддзе. Адным з галоўных дасягненняў з'яўляецца распрацоўка грануляванага комплексу KOS 65 ACH, які вырашае мноства экалагічных задачаў:

▫️Зніжэнне выкарыстання штучных угнаенняў і пестыцыдаў: прадукт паляпшае мікрабіялагічную актыўнасць глебы і спрыяе яе ўрадлівасці.
▫️Паглынанне метану: сарбент ўлоўлівае метан, зніжае выкіды парніковых газаў.
▫️Азеляненне пустыняў: прадукт дапамагае ствараць урадлівы пласт у засушлівых рэгіёнах.
▫️Утылізацыя адходаў: тэхналогія дазваляе перапрацоўваць розныя віды адходаў, у тым ліку радыеактыўныя матэрыялы.
▫️Рэгуляцыя тэмпературы: KOS 65 ACH паглынае сонечную энергію, дапамагае ў барацьбе са зменай клімату.

Юры актыўна супрацоўнічае з экалагічнымі арганізацыямі, навуковымі інстытутамі і ўрадамі, каб палепшыць экалагічныя стандарты і практыкі. Яго падыход да сумяшчэння эканамічнай выгады і экалагічнай адказнасці заслугоўвае прызнання і захаплення ☀️

#FreeBelarusBusinessAward рэалізуецца @abbabusiness пры фінансаванні Еўрапейскага Cаюза #EUforBelarus#ЕСдляБеларусі

⭐️ Пачынаем знаёмства з журы конкурсу беларускіх бізнесаў III Free Belarus Business Award. Першы прадстаўнік каманды журы — Дэвід Мюліх (David Mullich).

Дэвід — дызайнер і прадзюсар відэагульняў, які распрацоўваў праекты для Activision, Disney, Electronic Arts, Mattel, Spin Master, The 3DO Company і шматлікіх іншых. На Gamification World Congress 2014 у Барселоне ён заняў 14-е месца ў рэйтынгу "Gamification Guru" у сацыяльных сетках.

Дэвід Мюліх пачаў кар'еру ў гульнявой індустрыі ў якасці незалежнага дызайнера і праграміста і за сваю 40-гадовую кар'еру стаў памочнікам прадзюсара ў Disney Software, прадзюсарам у Activision, крэатыўным дырэктарам у Cyberdreams, дырэктарам у 3DO Company, выканаўчым прадзюсарам у кампаніі цацак Spin Master і віцэ-прэзідэнтам па распрацоўцы праграмнага забеспячэння ў Edu-Ware.

Ён выступаў на канферэнцыі распрацоўнікаў гульняў Casual Connect, Games Gathering (Кіеў), Scottish Games Conference, Wargaming. net (Мінск), New York Film Academy і інш. Быў суддзём конкурсу лічбавага мастацтва Crystal Canvas і студэнцкага конкурсу Games For Change.

Цяпер Дэвід — прафесар гульнявога дызайну ў каледжы дызайну ArtCenter у Пасадэне, Каліфорнія і выкладчык гісторыі гульняў у Otis College of Art and Design, а таксама незалежны кансультант па гульнявым дызайне.

⚡️Нагадваем, што 20 верасня ў Варшаве мы чакаем намінантаў III Free Belarus Business Award на ўрачыстай цырымоніі абвяшчэння пераможцаў у межах VII Беларускага бізнес-форуму ў Еўропе, які ладзіць @abbabusiness.

#FreeBelarusBusinessAward рэалізуецца @abbabusiness пры фінансаванні Еўрапейскага Звязу #EUforBelarus#ЕСдляБеларусі