“Data journalism”: maʼlumotlar jurnalistikasi

Inglizchada data journalism yoki data-driven journalism (DDJ) deb ataladigan tushuncha bor. Jurnalistikaning material tayyorlash yoki uni boyitish uchun katta hajmli maʼlumotlarni saralash va tahlil qilishga asoslangan shakli. Uning oʻzbekcha tarjimasi – maʼlumotlar jurnalistikasi.

Baʼzan inglizchasini toʻgʻridan toʻgʻri ishlatish holatlari ham koʻzga tashlanadi: data jurnalistika. Oʻrtasiga chiziqcha ham qoʻyib qoʻyiladi: data-jurnalistika. Ruschadan koʻchirish bu.

Eng yaxshi variant – oʻzbekchasini qoʻllash va ommalashtirish.

#Soʻragan_edingiz

🌐 Sayt 🛜 Telegram ▶️ YouTube

Sababi shuki: vergul va tahrir

Sababi shuki birligidan keyin esa vergul qoʻyish kerak. Chunki u jumlani qoʻshma gapga aylantiradi:

Kitobga bunday nom berilishining sababi shuki, u oʻzini izlayotgan inson haqida hikoya qiladi.

Sababi shuki, harakatsizlik alaloqibat kasallikka olib boradi.

Men sababi shuki birligini ishlatmayman. Boisi bunaqa gap qurilishi oʻzbekcha ifoda tarziga mos emas. Sababi shuki oʻrnida sababi, chunki soʻzlarini ishlatish yoki jumlani tahrirlash kerak:

Kitob oʻzini izlayotgan inson haqida hikoya qiladi, shu sababli unga shunday nom berilgan.
Oʻzini izlayotgan inson haqida hikoya qilgani sababli kitobga shunday nom berilgan.

Chunki harakatsizlik alaloqibat kasallikka olib boradi.
Sababi harakatsizlik alaloqibat kasallikka olib boradi.

🌐 Sayt 🛜 Telegram ▶️ YouTube

Bir oʻq bilan ikki quyonni uring: ham toʻgʻri, ham yaxshi yozishni oʻrganing

buyirmoq ❌
buyurmoq ✅

tushirmoq ✅
tushurmoq ❌

Oʻzbek tili imlosida koʻpchilik adashadigan xatolardan biri u va i tovushlari oʻrni almashib qolishidir. Mazmun va imlo jihatdan toʻgʻri yozish sanʼati – kopirayting sohasini oʻrganish orqali xatoliklarni oson bartaraf qilish mumkin.

Hozir SMM sohasiga talab ortib boryapti. Unda ham kopirayting mahoratini oshirishga alohida eʼtibor qaratiladi. Ushbu sohaga qiziquvchilarga Najot Taʼlim markazini tavsiya qilaman. Boisi markazning marketing yoʻnalishi bitiruvchilari oʻrtacha 90–100% natija bilan ishli boʻlyapti ekan.

Soha muhimligini tushingan boʻlsangiz, roʻyxatdan oʻtishingiz mumkun ❌

Soha muhimligini tushungan boʻlsangiz, roʻyxatdan oʻtishingiz mumkin ✅

Taʼlim reklamasi

@oriftolib