​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .
https://t.me/islomnuricom

​​​​​​🕌 #Жума_суннатлари

• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.

📤 Каналдаги маълумотлар ва дарсларни яқинларингизга ҳам улашинг.

https://t.me/islomnuricom

#Тафсири_муяссар **سورة محمد

1. Муҳаммад сураси, 33-38 оятлар
   يَٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَأَطِيعُواْ ٱلرَّسُولَ وَلَا تُبۡطِلُوٓاْ أَعۡمَٰلَكُمۡ ﴿٣٣﴾**
2. Эй иймон келтирганлар, Аллоҳ ва Расулининг буйруқ ва тақиқларига итоат этинг, куфр ва гуноҳлар билан амалларингиз савобини йўққа чиқарманг.

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ ثُمَّ مَاتُواْ وَهُمۡ كُفَّارٞ فَلَن يَغۡفِرَ ٱللَّهُ لَهُمۡ ﴿٣٤﴾
34. Аллоҳ таолонинг ягона ва шериксиз ҳақ илоҳ эканини инкор этган, одамларни Унинг динидан тўсган ва шу ҳолда дунёдан ўтган кимсаларнинг гуноҳларини Аллоҳ асло кечирмайди. Куфрларига жазо ўлароқ уларни азобга гирифтор этади ва халойиқлар олдида уларни шарманда қилади.

فَلَا تَهِنُواْ وَتَدۡعُوٓاْ إِلَى ٱلسَّلۡمِ وَأَنتُمُ ٱلۡأَعۡلَوۡنَ وَٱللَّهُ مَعَكُمۡ وَلَن يَتِرَكُمۡ أَعۡمَٰلَكُمۡ ﴿٣٥﴾
35. Шундай экан, сиз мўминлар мушрикларга қарши жиҳод қилишдан сустлашманг, улар билан урушишдан қўрқманг, улардан қудратли ва устун бўлиб турган ҳолингизда уларни сулҳга ва ярашув битимига чорламанг. Аллоҳ Ўз ёрдами ва қўллаб-қувватлаши билан сизлар билан биргадир. (Бу оятда душманлар устидан ғалаба ва зафар қозониш ҳақида катта башорат бор.) Аллоҳ амалларингиз савобини ҳаргиз камайтирмайди.

إِنَّمَا ٱلۡحَيَوٰةُ ٱلدُّنۡيَا لَعِبٞ وَلَهۡوٞۚ وَإِن تُؤۡمِنُواْ وَتَتَّقُواْ يُؤۡتِكُمۡ أُجُورَكُمۡ وَلَا يَسۡـَٔلۡكُمۡ أَمۡوَٰلَكُمۡ ﴿٣٦﴾ إِن يَسۡـَٔلۡكُمُوهَا فَيُحۡفِكُمۡ تَبۡخَلُواْ وَيُخۡرِجۡ أَضۡغَٰنَكُمۡ ﴿٣٧﴾
36, 37. Бу дунё ҳаёти фақат ўйин-кулги ва алдовдир. Агар Аллоҳ ва Расулига иймон келтирсангиз, Аллоҳнинг фарзларини бажариш ва гуноҳлардан тийилиш билан тақво қилсангиз, У сизларга амалларингиз ажру савобини беради. Аллоҳ сизлардан закот учун барча мол-мулкингизни чиқаришингизни сўрамайди, балки бир қисмини чиқаришингизни сўрайди холос. Агар У сизлардан барча молларингизни сўраса ва қаттиқ талаб қилса, сизлар бахиллик қиласиз ва уларни бермайсиз. У беришни истамаган нарсангизни сизлардан талаб қилса, ичларингизда бўлган бахилликни сиртингизга чиқариб қўяди. Шунинг учун У сизларга раҳм-шафқат қилиб, молларингизнинг барчасини сўрамади.

هَٰٓأَنتُمۡ هَٰٓؤُلَآءِ تُدۡعَوۡنَ لِتُنفِقُواْ فِي سَبِيلِ ٱللَّهِ فَمِنكُم مَّن يَبۡخَلُۖ وَمَن يَبۡخَلۡ فَإِنَّمَا يَبۡخَلُ عَن نَّفۡسِهِۦۚ وَٱللَّهُ ٱلۡغَنِيُّ وَأَنتُمُ ٱلۡفُقَرَآءُۚ وَإِن تَتَوَلَّوۡاْ يَسۡتَبۡدِلۡ قَوۡمًا غَيۡرَكُمۡ ثُمَّ لَا يَكُونُوٓاْ أَمۡثَٰلَكُم ﴿٣٨﴾
38. Ҳой мўминлар, сизлар Аллоҳнинг душманларига қарши жиҳод қилиш ва Унинг динига ёрдам бериш учун мол-дунё сарфлашга чақирилмоқдасиз. Орангизда баъзилар Аллоҳ йўлида нафақа қилишга бахиллик қилади. Ким бахиллик қилса, ўз зиёнига бахиллик қилган бўлади. Зеро, Аллоҳ таоло сизлардан беҳожат, аксинча, сизлар Унга муҳтожсиз. Агар Аллоҳга иймон келтиришдан ва Унинг буйруқларига бўйсунишдан бош тортсангиз, У сизларни ҳалок қилади ва ўрнингизга бошқа қавмни келтиради. Сўнг улар сизларга ўхшаб Аллоҳнинг амридан юз ўгирмайдилар. Балки Унга ва пайғамбарига итоат қиладилар, Унинг йўлида моллари ва жонлари билан жиҳод қиладилар.

https://t.me/islomnuricom

Қалбини одамларга боғлаган киши одамларнинг эшикларини ёпиқ ёки уларни ёрдам беришдан ожиз ҳолда топса, дили оғрийди. Қалбини Аллоҳга боғлаган киши эса хотиржам бўлади. Чунки Аллоҳнинг эшиклари ёпилмайди ва ҳожатлар ҳам Уни ожиз қолдирмайди.

✍🏻 Шайх Абдулазиз Тарифий

https://t.me/islomnuricom

#Тафсири_муяссар **سورة محمد

1. Муҳаммад сураси, 25-32 оятлар**

إِنَّ ٱلَّذِينَ ٱرۡتَدُّواْ عَلَىٰٓ أَدۡبَٰرِهِم مِّنۢ بَعۡدِ مَا تَبَيَّنَ لَهُمُ ٱلۡهُدَى ٱلشَّيۡطَٰنُ سَوَّلَ لَهُمۡ وَأَمۡلَىٰ لَهُمۡ ﴿٢٥﴾
25. Шубҳасиз, ҳақиқат очиқ-равшан кўрингандан кейин ҳидоят ва иймондан қайтиб муртад бўлган ва Аллоҳга кофир бўлиб, орқаларига қайтиб кетган кимсаларга шайтон гуноҳларини чиройли кўрсатди ва уларни узундан-узун орзулар билан овора қилиб қўйди.

ذَٰلِكَ بِأَنَّهُمۡ قَالُواْ لِلَّذِينَ كَرِهُواْ مَا نَزَّلَ ٱللَّهُ سَنُطِيعُكُمۡ فِي بَعۡضِ ٱلۡأَمۡرِۖ وَٱللَّهُ يَعۡلَمُ إِسۡرَارَهُمۡ ﴿٢٦﴾
26. Бундай орзу-ҳавасларга берилиб кетишларига ва куфрга муккасидан кетишларига сабаб улар Аллоҳ нозил қилган нарсани ёқтирмайдиган яҳудийларга: «Биз Аллоҳнинг ва пайғамбарининг амрларига хилоф бўлган баъзи ишларда сизларга итоат қиламиз», деб айтганликларидир. Аллоҳ таоло улар ичларида яшираётган ва сир сақлаётган нарсаларни яхши билади. Шундай экан, мусулмон киши Аллоҳ ва Расулининг амрига хилоф бўладиган ишларда Аллоҳдан бошқага итоат қилишдан эҳтиёт бўлсин.

فَكَيۡفَ إِذَا تَوَفَّتۡهُمُ ٱلۡمَلَٰٓئِكَةُ يَضۡرِبُونَ وُجُوهَهُمۡ وَأَدۡبَٰرَهُمۡ ﴿٢٧﴾
27. Фаришталар уларнинг юзларига ва орқаларига уриб, жонларини олган пайтда уларнинг ҳоллари қандай бўларкин?!

ذَٰلِكَ بِأَنَّهُمُ ٱتَّبَعُواْ مَآ أَسۡخَطَ ٱللَّهَ وَكَرِهُواْ رِضۡوَٰنَهُۥ فَأَحۡبَطَ أَعۡمَٰلَهُمۡ ﴿٢٨﴾
28. Улар шайтонга эргашиб, Аллоҳнинг ғазабини келтиришгани ва Аллоҳни рози қиладиган яхши ишларни, шу жумладан Аллоҳ фарз қилган кофирларга қарши жиҳодни ёмон кўришгани сабабли шу азобга лойиқ бўлишди ва азоб бошларига келди. Натижада Аллоҳ уларнинг садақа, силаи раҳм ва бошқа амалларининг савобини бекор қилди.

أَمۡ حَسِبَ ٱلَّذِينَ فِي قُلُوبِهِم مَّرَضٌ أَن لَّن يُخۡرِجَ ٱللَّهُ أَضۡغَٰنَهُمۡ ﴿٢٩﴾
29. Ёки ўша мунофиқлар қалбларидаги Ислом ва мусулмонларга қарши ҳасад ва нафратларини Аллоҳ ҳеч қачон фош қилмайди, деб ўйладиларми? Йўқ, Аллоҳ албатта ростгўйни ёлғончидан ажратади.

وَلَوۡ نَشَآءُ لَأَرَيۡنَٰكَهُمۡ فَلَعَرَفۡتَهُم بِسِيمَٰهُمۡۚ وَلَتَعۡرِفَنَّهُمۡ فِي لَحۡنِ ٱلۡقَوۡلِۚ وَٱللَّهُ يَعۡلَمُ أَعۡمَٰلَكُمۡ ﴿٣٠﴾
30. Эй Пайғамбар, агар истасак, Биз сизга уларни шахсан кўрсатиб қўямиз, сиз уларни кўриниб турган аломатлари билан таниб оласиз. Шунингдек, уларни кўнгилларидаги ниятларини кўрсатиб берадиган гап-сўзлари билан ҳам аниқ танийсиз. Аллоҳ таоло учун Унга итоат қилганларнинг амаллари ҳам, итоатсизлик қилганларнинг амаллари ҳам махфий бўлмайди. Аллоҳ ҳар кимга муносиб жазо ё мукофотини беради.

وَلَنَبۡلُوَنَّكُمۡ حَتَّىٰ نَعۡلَمَ ٱلۡمُجَٰهِدِينَ مِنكُمۡ وَٱلصَّٰبِرِينَ وَنَبۡلُوَاْ أَخۡبَارَكُمۡ ﴿٣١﴾
31. Эй мўминлар, то Аллоҳ таоло азалий илмида билган нарса ошкор бўлиб, ичингиздаги мужоҳидларни ва Аллоҳнинг душманларига қарши жангда сабр қилувчиларни ажратиб кўрсатмагунимизча сизларни Аллоҳнинг душманларига қарши уруш ва жиҳод билан имтиҳон қилаверамиз. Сизларни сўзларингиз ва ишларингизда синаймиз, натижада ораларингиздаги ростгўйлар ёлғончилардан ажралади.

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ وَشَآقُّواْ ٱلرَّسُولَ مِنۢ بَعۡدِ مَا تَبَيَّنَ لَهُمُ ٱلۡهُدَىٰ لَن يَضُرُّواْ ٱللَّهَ شَيۡـٔٗا وَسَيُحۡبِطُ أَعۡمَٰلَهُمۡ ﴿٣٢﴾
32. Аллоҳнинг шериксиз, ягона ҳақ илоҳлигини инкор қилган, одамларни Унинг динидан тўсган, Аллоҳнинг пайғамбарига қарши чиққан ва унинг Аллоҳ томонидан юборилган ҳақ пайғамбар эканига далиллар келганидан сўнг ҳам унга қарши урушган кимсалар Аллоҳнинг динига асло зарар етказа олмайдилар. Аллоҳ уларнинг дунёда қилган амаллари савобини йўққа чиқаради. Чунки улар бу амалларини Аллоҳ ризоси учун қилмаган эдилар.

https://t.me/islomnuricom

#Тафсири_муяссар **سورة الفتح

1. Фатҳ сураси, 14-17 оятлар**

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۚ يَغۡفِرُ لِمَن يَشَآءُ وَيُعَذِّبُ مَن يَشَآءُۚ وَكَانَ ٱللَّهُ غَفُورٗا رَّحِيمٗا ﴿١٤﴾
14. Еру осмонлар ва улар орасидаги барча нарса Аллоҳнинг мулкидир. У раҳмати билан истаган бандасини кечиради ва гуноҳини яширади, адолати билан истаган бандасини азоблайди. Аллоҳ субҳонаҳу ва таоло тавба қилган кишини мағфират қилувчи ва унга раҳм қилувчи зотдир.

سَيَقُولُ ٱلۡمُخَلَّفُونَ إِذَا ٱنطَلَقۡتُمۡ إِلَىٰ مَغَانِمَ لِتَأۡخُذُوهَا ذَرُونَا نَتَّبِعۡكُمۡۖ يُرِيدُونَ أَن يُبَدِّلُواْ كَلَٰمَ ٱللَّهِۚ قُل لَّن تَتَّبِعُونَا كَذَٰلِكُمۡ قَالَ ٱللَّهُ مِن قَبۡلُۖ فَسَيَقُولُونَ بَلۡ تَحۡسُدُونَنَاۚ بَلۡ كَانُواْ لَا يَفۡقَهُونَ إِلَّا قَلِيلٗا ﴿١٥﴾
15. Эй Пайғамбар, Маккага чиқмай қолиб кетган ўша кимсалар сиз асҳобларингиз билан Аллоҳ ваъда қилган Хайбардаги ўлжалар сари йўлга отланганингизда: «Бизга ҳам имкон беринглар, биз ҳам Хайбарга борайлик», деб айтишади. Улар бу билан Аллоҳнинг сизларга берган ваъдасини ўзгартирмоқчи бўладилар. Сиз уларга: «Сизлар асло биз билан Хайбарга чиқмайсиз. Чунки Аллоҳ таоло бизга Мадинага қайтишимиздан олдин Хайбар ўлжалари фақат Ҳудайбияда иштирок этганлар учун бўлишини айтган», деб айтинг. Улар: «Йўқ, ундай эмас, Аллоҳ сизларга бундай деб айтмаган. Сизлар бизга ҳасад қилиб, биз ҳам ўлжага шерик бўлиб қолмаслигимиз учунгина бизни чиқишдан тўсмоқдасиз», деб айтишади. Йўқ, ҳолат улар даъво қилгандек эмас. Балки улар Аллоҳ таоло дин борасида уларга белгилаб берган ҳақ-ҳуқуқ ва мажбуриятларни яхши тушунмайдиган тор тушунчали кимсалардир.

قُل لِّلۡمُخَلَّفِينَ مِنَ ٱلۡأَعۡرَابِ سَتُدۡعَوۡنَ إِلَىٰ قَوۡمٍ أُوْلِي بَأۡسٖ شَدِيدٖ تُقَٰتِلُونَهُمۡ أَوۡ يُسۡلِمُونَۖ فَإِن تُطِيعُواْ يُؤۡتِكُمُ ٱللَّهُ أَجۡرًا حَسَنٗاۖ وَإِن تَتَوَلَّوۡاْ كَمَا تَوَلَّيۡتُم مِّن قَبۡلُ يُعَذِّبۡكُمۡ عَذَابًا أَلِيمٗا ﴿١٦﴾
16. Урушга чиқмай қолиб кетган аъробийларга айтинг: «Сизлар яқинда ўта жанговар куч-қудрат эгаси бўлган бир қавмга қарши урушга чақириласиз. Улар билан урушасизлар ёки улар жангу жадалсиз Исломни қабул қилишади. Аллоҳ сизларни ўша қавмга қарши урушга чорлаган пайтда Аллоҳга итоат қилсангиз, У сизларга жаннатни ато этади. Агар Расулуллоҳ саллаллоҳу алайҳи ва саллам билан бирга Маккага боришдан қолиб кетганингиз каби яна у зотга итоатсизлик қилсангиз, Аллоҳ сизларни аламли азоб билан азоблайди».

لَّيۡسَ عَلَى ٱلۡأَعۡمَىٰ حَرَجٞ وَلَا عَلَى ٱلۡأَعۡرَجِ حَرَجٞ وَلَا عَلَى ٱلۡمَرِيضِ حَرَجٞۗ وَمَن يُطِعِ ٱللَّهَ وَرَسُولَهُۥ يُدۡخِلۡهُ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۖ وَمَن يَتَوَلَّ يُعَذِّبۡهُ عَذَابًا أَلِيمٗا ﴿١٧﴾
17. Эй одамлар, ичларингиздан қодир бўлмагани учун мўминлар билан бирга жиҳодга чиқолмай қолган кўзи ожизга гуноҳ йўқ, чўлоққа гуноҳ йўқ, бетобга гуноҳ йўқ. Ким Аллоҳ ва Расулига итоат қилса, У уни қасрлари ва дарахтлари остидан анҳорлар оқадиган жаннатларга киритади. Ким Аллоҳ ва Расулига итоатсизлик қилса ва мўминлар билан жиҳодга чиқмаса, Аллоҳ уни аламли азоб билан азоблайди.

https://t.me/islomnuricom

https://t.me/islomnuricom

**Банда қиёмат куни тоғдек савоблар билан келади. Сўнг уларнинг барчасини тили вайрон қилиб юборганини кўради.

Банда тоғдек гуноҳлар билан келади. Кейин кўрадики, Аллоҳни кўп зикр қилиш ва унга алоқадор амаллари у гуноҳларнинг барчасини йўқотиб юборган бўлади.**

✍🏻 Ибн Қаййим раҳимаҳуллоҳ

https://t.me/islomnuricom