اااه شسمه...
ما راح احاول اعيد إحياء القناة لان كل مرة تفشل والسبب هو من تخرجت للآن منشغل بالواقع بحيث يا دوب اكو وقت اتابع فلم بالاسبوع هيج، والوقت اللي بالبيت اقضيه وية عائلتي واراسل أصدقائي واللي احبهم وبعد اكو مستقبل كدامي زاهر وراح انشغل اكثر، بما اني اكبر من اغلبكم عمر وتجارب اريد اعوفكم وية اخر نصيحة وهي: ابد لا تخلون الانترنت يسيطر على حياتكم بسبب الوحدة اعرف شعوركم بس هذا الشعور وهذا الحال هو شي مؤقت او فترة من الزمن الكل يمر بيها، الدنيا حلوة لو بس نتطلع عليها ونعيشها، اي الدنيا حلوة رغم سلبياتها وسلبيات بلدنا تكدر تصنع سعادتك بنفسك مو تنتظرها تجيك، لا قدم نفسك للعالم أبرز مهاراتك أبرز شخصيتك ومحتواها ممكن مهارتك توصلك لمكانة زينة بالحياة ممكن تصادق ناس بسبب شخصيتك او اكثر من هذا، رغم كل شي يصير اطلع وقدم نفسك للعالم واتطلع وحتى أحلامك ممكن تتحقق، اني حلمي بسيط هو التقي بحبيبتي من الخارج اللي صارلنا ٨ سنين نعرف بعض بسبب عمرنا وقتها وعدم نضجنا ما نجحت الأمور الا من كبرنا وشقينا طريق لنفسنا نلتقي ولو لمرة وحدة والباقي يصير سهل وتحقق هذا الشي رغم انه كان يبدو شي كلش صعب يتحقق بس تحقق، اذا جنتوا طلاب اتمنالكم الموفقية بدراستكم والسعادة واذا جنتوا خريجين اتمنالكم الفرص العديدة بحياتكم والسعادة اعرف طولت وياكم وحجيي كلش عبالك شي مكرر او مبتذل بس هاي الحقيقة وهذا كلام من الصميم.
[القناة راح تبقى فقط لغرض الأرشفة والذكريات فلا تتوقعون شي جديد بيها اذا حاب تطلع اهلا وسهلا بيك شرفتني وحبيت كل وقت قضيته وياكم ولو عن بعد]
اترككم بكم صورة من رحلتي.