"والبَـٰقِياتُ الصَّـٰلِحاتُ خَيرٌ عِندَ رَبِّكَ ثَوَابًا وَخَيرٌ أَمَلًا ?"
سبحان الله
الحمد لله
لا إله إلا الله
اللّه أكبر
لا حول ولا قوة إلا بالله

‏كل جمعة وأنا بقرأ سورة الكهف بقف عند الآية دي "قل هل ننبئكم بالآخسرين أعمالًا الذين ضل سعيهم في الحياة الدنيا وهم يحسبون أنهم يحسنون صنعًا " آية مرعبة حقيقي، تخيل طول حياتك تكون فاكر إنك بتعمل الصح وانت غلط، ويطلع كل ده مجرد وَهْم

اللهم قربنا إليك بكل عمل تحبه وترضاه :))

والصلاة والسلام على نبينا المُجاهد الشَّهيد "

وانت بتختار الانسان اللي هتكمل معاه حياتك
اتأكد كويس اوي
انه مالي عينك
لان في مشوار حياتكم اكيد اكيد اكيد هتقابل
الاحلى والارق والاشيك والاغنى والاذكى والاكتر ابهار
لو اللي معاك مش مالي عينك
مع كل حد هيعدي قدامك عينك هتتحول
هتندم وتعيش في مقارنات
او هتتجر لخيانة حتى لو في خيالك
لازم تبقى قانع جدا
ومتأكد ان شريك حياتك هو الاحسن ليك
مش الاحسن بشكل مطلق
لان مفيش حد احسن بشكل مطلق
لكن الافضل ليك
المناسب لظروفك
اللي شبهك
اللي بيحبك وفاهمك ومطمنلك وبتحس معاه انك انت
لو شاكك او مش قادر تحدد اللي معاك ده مالي عينك ولا لا
متقدمش على الخطوة دي دلوقتي
لان ده ظلم ليك وليه.

ما لامسَ القُرآن قلبًا ضيقًا إلا اتسّع.

بحب أوي جملة الرافعي اللي بيقول فيها ‏

“كأن في كِلينا قلبًا ينتظر قلبًا من زمنٍ بعيد!♡“

ودا المعنى الحقيقي للسكن!
تقابل شخص
فتحس إن أيوة.. هو ده اللي كنت بدور عليه
وكذلك هو⁦♡⁠(

أنت لازم تفهم يعني إيه "رُبَمَا يَوَدُّ الَّذينَ كَفَروا لَو كانوا مُسلِمينَ"
يعني إللي أنت دلوقتي بتشوفه وتقول ياه لو معايا اللبس دا، ياه لو معايا عربيته، لو كنت أشتغل زيه،
لو كنت في شهرته، لو معايا موبايله...
كل الناس اللي أنت نفسك تبقى زيهم في الدنيا وتعيش حياتهم كلهم يوم القيامة هيكون نفسهم يبقوا زيك
بس أنت مش فاهم أنت معاك إيه.
- م/ أحمد عامر من سلسلة | السيرة النبوية.

واحده بتحكي إنها اتأذِت من شخصية كانت مُقرّبة ليها ولما رجعت الشخصية دي تكلمها تاني معرفتش ترجع معاها زي الأول ولا حتى عرفت تتعامل معاها وقالتلي كده بالنَص :
"أنا ماعرفتش أصفالها بس أنا قلبي مش وحش والله" ..

القلوب ليها طاقة يا جماعة والله!

سيدنا النبي ﷺ لما جاله 'وحشي' يعلن إسلامه .. قاله ﷺ : "هل تستطيع أن تغيب وجهك عني؟" - مش قادر أشوفك - سيدنا النبي ﷺ رغم رحمته وتسامحه لكن اللي عمله وحشي من قتـ ـله لسيدنا حمزة أحب أعمام سيدنا النبي ﷺ لقلبه خلاه مش قادر يتعامل معاه بشكل طبيعي ولا حتى يشوفه أصلا لأنه هيفتكر بشاعة الموقف في كل مرة يشوفه فيها ..

القلوب ليها طاقة .. وكل إنسان قدرة تحمُله مختلفة عن التاني، العفو محتاج قوة عظيمة، وشعور الإنسان بصعوبة العفو عن اللي أذاه أو رفض حتى وجوده في نفس المكان ماتدلش إنه إنسان سيء أو قلبه اسود، إطلاقًا ..
بالعكس ده انت قلبك نضيف لدرجة إنك مش مستحمل النفاق حتى لو بكلمة!
فاللهم اجعلنا من الناس الخيّرين.. لا نترك في الناس إلا أثرًا طيبًا ولا ينالنا إلا دعاءٌ جميل.

مُقتبس

‏صدقني مش مهتمة أواجهك بحقايقك، المهم إني مشوفش وشك تاني.

المسامحة بعد أخذ الحق من السُنة
الرسول عليه الصلاة والسلام قال لأهل مكة اذهبوا فأنتم الطلقاء بعد ما فتح مكة وبقى سيدها والمسلمين بقوا فيها أعزاء. ♥️
مسامحتك للظالم اللي أخد حقك دليل على خلل في شخصيتك تخيل المستضعفين من المسلمين لو قالوا للكفار احنا مسامحينكم كانوا ضحكوا عليهم اللي هو مسامحتكم دي بلا قيمة من الأساس بيكون لها قيمة لما تبقى قوي وتقدر ترد القلم عشرة بس بتقرر تعفو لأن عفوك دا عند مقدرة مش عند ضعف وذل
اسعى إنك تسترد حقك لأن المؤمن القوي خير وأحب إلى الله من المؤمن الضعيف.