Toshkent arxitektura-qurilish universiteti qoshida alohida Konstruktorlik byurosi tashkil qilinadi – Prezident

@masofatalim

Bir xillashtirish avjiga chiqmoqda. Nizomiy nomidagi Toshkent davlat pedagogika universitetining ma’naviy-ma’rifiy ishlar boʻyicha dekan oʻrinbosari talabalarga bosim qilgani aytilmoqda.

https://t.me/kunuzofficial/151298

Telegram

Kun.uz | Расмий канал

“Қўлингдан битта жакет сотволиш келмайдими, уятсизлар...” — ТДПУда форма киймаган талабалар босимга учради Тошкент давлат педагогика университетида талабалар ягона форма кийишга мажбурланиши давом этяпти. Kun.uz'га юборилган аудиога кўра, декан ўринбосари…

Yugurdakning yugurdagini yugurdagi bo‘lardi...

Biz universitetda o‘qib yurgan davrimizda OTMlarda tyutor degan shtat yo‘q edi. Tadbirlarga talabalarni olib borish kerak bo‘lsa, bu ishlar ma’naviy-ma’rifiy ishlar bo‘yicha dekan o‘rinbosarlarining zimmasida edi.

Bu “zamdekan”larning esa qo‘pol qilib aytganda, yugurdaklari bo‘lardi. Yugurdaklarning esa talabalar orasida o‘z yugurdaklari bo‘lardi. Hammasi bir-birini ishga solardi. Bular salla desa, kallani olib kelardi, chunki ochko ishlashi kerak-da, ochko ishlamasa kelasi yili shu yugurdaklarning yotoqxonadan joy olishi savol ostida qolardi.

Bugun ko‘ryapmizki, aftidan, bu ishlarni ma’naviy va ma’rifiy ishlar bo‘yicha dekan o‘rinbosarlari va tyutorlar qilmoqda. Balki ularning faoliyati to‘liq qayta ko‘rib chiqilishi kerakdir? Umuman, talabaga erkin shaxs sifatida muomala qilish, uni qanaqadir tadbirlarga majburlab olib borish xato ekanini qat’iy uqtirish kerakdir?

@masofatalim

Qoraqalpog‘iston Respublikasi Oliy ta’lim fan va innovatsiyalar vazirligi tizimidagi tashkilotlarda 15 mlrd so‘mdan ortiq davlat xaridlarida qonunbuzilish holatlari aniqlandi – Raqobat qo‘mitasi

Jumladan, quyidagi holatlar o‘rganib chiqilgan:

⁃ Oliy ta’lim muassasalari tomonidan 16 ta holatda o‘tkazilgan tanlovlarda jami 14 mlrd so‘mlik;
⁃ Kasb-hunar maktablarida 3 ta holatda o‘tkazilgan tanlovlarda jami 685 mln so‘mlik;
⁃ Akademik litseylarda o‘tkazilgan 2 ta tanlovda 359,8 mln so‘mlik.

Ushbu o‘rganishlar davomida, O‘zbekiston Respublikasi “Davlat xaridlari to‘g‘risida”gi Qonunning 20, 46 moddalari talablari buzilganligi aniqlandi.

O‘rganish natijalari bo‘yicha Qoraqalpog‘iston Respublikasi Raqobat qo‘mitasi tomonidan begilangan tartibda ish qo‘zg‘atilib, bajarilishi majburiy bo‘lgan ko‘rsatmalar berilib, tegishlicha choralar ko‘rildi.

@masofatalim

Oxirgi kunlarda Telegram oʻzidan oʻzi barcha qurilmalardan chiqib ketib qolmoqda. Bu holat koʻpchilik oʻzbekistonliklarda kuzatilgan. Ba’zi manbalarda buni vzlom qilish urinish bilan bogʻliq holat, deya izohlangan. Ammo mavjud vaziyat tahlil qilinganda, bu shunchaki Telegramdagi nosozlik boʻlishi ham mumkin.

Ba’zi tavsiyalar. Hozir kim koʻp, firibgarlar koʻp. Ehtiyot choralarini koʻrish, ikki tomonlama himoyadan foydalanish va Telegram ochilgan sim-karta doimo ishlab turishi maqsadga muvofiq.

@masofatalim

Navoiylik qiz muddatidan oldin kirish imtihonlaridan maksimal ball yig‘di
Navoiy viloyati Qiziltepa tumani Sheyxon qishlog‘idan bo‘lgan Munavvara Cho‘liyeva 6 ta fandan milliy sertifikat olib, kirish imtihonlari uchun maksimal 189 ball yig‘di. Endi u imtihon topshirmaydi.

Munavvara Cho‘liyeva Qiziltepa tumanidagi 17-umumta’lim maktabining 11-sinfini 2023/2024 o‘quv yilida bitirgan. U 10-sinfligida ingliz tilidan til sertifikati va bilogiya fanidan milliy sertifikatni qo‘lga kiritgan. 11-sinfda esa kimyo, o‘zbek tili va adabiyot, tarix va matematika fanlaridan milliy sertifikat oldi. U mutaxassislik fani sifatida biologiya va kimyo fanlarini tanlagan va bu fanlardan maksimal ball beradigan sertifikatga ega. Bunga qo‘shimcha ravishda majburiy fanlardan ham milliy sertifikatni oldi. Bu Munavvaraning muddatidan oldin oliy ta’lim muassasalariga kirishda to‘plash mumkin bo‘lgan (189 ball) maksimal ballga ega bo‘lganini bildiradi. Bu haqida Bilim va malakalarni baholash agentligi ma’lum qildi.

@masofatalim

O‘qishga kiritib qo‘yishni va’da qilgan firibgarlar ushlandi
Bosh prokuratura huzuridagi Departament hamda DXXning Farg‘ona viloyati boshqarmalari tomonidan o‘tkazilgan tezkor tadbirda fuqaro I.O. fuqaro Sh.Yu.ning ishonchiga kirib, unga tanishlari yordamida qo‘shni Qirg‘iziston Respublikasidagi oliygohlarda o‘qiganlik haqida soxta hujjat tayyorlab,  uning o‘qishini Namangan viloyatidagi nodavlat oliy ta’lim muassasiga ko‘chirib berish evaziga 4 500 AQSH dollarini olgan vaqtida ashyoviy dalillar bilan ushlangan.

Shu kabi, Departamentning Qo‘rg‘ontepa tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda fuqarolar P.X. va X.A. oldindan o‘zaro oldindan til biriktirib, fuqaro A.T.ning ishonchiga kirib, uni 4 000  AQSH dollari evaziga yuqori lavozimda ishlovchi tanishlari yordamida Jizzax davlat universitetiga o‘qishga kiritib qo‘yishlari aytib, oldindan 2 000 AQSH dollarini olgan vaqtida ashyoviy dalillar bilan ushlanishgan.

Departamentning  Qoraqalpog‘iston Respublikasi boshqarmasi, DXX va IIV xodimlari hamkorligida o‘tkazilgan tezkor tadbirda esa, fuqaro A.U. fuqaro G.U.ning ishonchiga kirib, unga qo‘shni Qozog‘iston Respublikasidagi institutda o‘qiyotganligi to‘g‘risida hujjatlarni tayyorlab berish orqali Qoraqalpoq davlat universitetiga o‘qishga kiritib qo‘yishi evaziga 14 mln so‘mni firibgarlik yo‘li bilan olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

@masofatalim

O‘zidan davlat qabul komissiyasi yasab olgan Sog‘liqni saqlash vazirligi e’lon qilgan xabarini tahrirlab, “kutilmoqda” degan so‘zni kiritib qo‘yibdi.

Test o‘tkazish va qabul bilan bog‘liq jarayonlarni Sog‘liqni saqlash vazirligiga umuman aloqasi yo‘q. Hammani chalg‘itib, aqllilik qilmasdan o‘zlarining ishini qilsa nima bo‘larkin-a, shular?

@masofatalim

❗️Rasman: Test sinovlari 14 iyuldan boshlanadi, mandat 22 avgustga qadar e’lon qilinadi

2024/2025 o‘quv yili uchun oliy ta’lim muassasalariga kirish test sinovlari 2024 yil 14 iyuldan 28 iyul kuniga qadar o‘tkazilishi rejalashtirilgan.

Imtihonlar 28 iyulda yakunlanadi hamda 30 iyuldan boshlab 15 kun yo‘nalish tanlash imkoniyati yaratiladi.

13 avgustda (shu kuni ham tanlash mumkin bo‘ladi) ushbu muddat yakunlanadi.

7 kunlik muddatdan so‘ng mandat hisoblanadi hamda 21-22 avgustda mandat e’lon qilinadi.

@masofatalim

O‘qishga kiritib qo‘yish va diplomni nostrifikatsiya qilish bilan bog‘liq firibgarlik holatlari fosh etildi

Nukus shahrida o‘tkazilgan tezkor tadbirda fuqaro D.J. fuqaro D.B.ning ishonchiga kirib, uni Qoraqalpoq davlat universitetining texnika fakultetiga o‘qishga kiritib qo‘yishi evaziga 3 500 AQSH dollarini olgan vaqtida ashyoviy dalillar bilan ushlangan.

Sirdaryo viloyatida o‘tkazilgan shu kabi tezkor tadbirda fuqaro N.S. fuqaro U.R.ning ishonchiga kirib, unga go‘yoki o‘zini “Ta’limni nazorat qilish inspeksiyasi” xodimi deb tanishtirib, 2 500 AQSH dollari evaziga yuqori lavozimda ishlovchi tanishlari yordamida uning xorijiy davlat institutini tugatganligi to‘g‘risidagi diplomini nostrifikatsiya qilib berishni aytib, shundan 1 900 AQSH dollari va 1,2 mln so‘mni olgan vaqtida ashyoviy dalillar bilan ushlangan.

@masofatalim