#الغلاء_والذنوب
🩵ماما.. انا ملاحظ الناس كلهم بيتكلموا عن ارتفاع الأسعار، ولما كنت فى المول فعلا كانت الأسعار غالية اوى

💝فعلا يا حبيبى الاسعار مبالغ فيها أوى

🩵طب ايه السبب يا ماما، اصل واحد صاحبى بيقول كل ده بسبب الحر*وب اللى شغالة، بس انا مش فاهم ايه علاقة ده بالأسعار

💝شوف يا حبيبى، الحروب ممكن تكون عامل طبعا، لكن فى سبب تانى مهم، هو اللى أدى للحروب والغلاء.

🩵ايه هو السبب ده يا ماما

💝للأسف السبب هو الذنوب يا حبيبى، احنا كلنا السبب فى حدوث الشدة دى بذنوبنا، تعالى نقرأ سوا الأية دى وانت تفهم
قال تعالى: "وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ"  {الشورى: 30}
لو فهمنا مقصد ربنا فى كل كلمة فى الآية دى، وأسقطناها على الواقع اللى بنعيشه، هنعرف ان الغلاء المنتشر دلوقتى، واللى يعتبر فعلا مصيبة، أصابتنا بسبب ذنوبنا.

🩵يا ماما معلش يعنى ما الناس من زمان بيعملوا ذنوب، اشمعنى دلوقتى حصل الارتفاع ده؟!!!!

💝معاك حق، على مر الزمن ارتكاب الذنوب لا يتوقف، الفرق بس دلوقتى ان كل المحرمات تقريبا بتحصل بشكل عادى وفى العلن، وأصبح ان الغريب هو اللى بيخاف من عقاب ربنا ويجاهد نفسه ويجدد التوبة.

🩵انت وأصحابك مثلا، كام واحد منكم بيحافظ على الصلاة؟ بس جاوب بصدق.

💝بصراحة مفيش غير اتنين بس هم اللى بيصلوا، وانا احيانا بكسل عن الصلاة لما الاتنين دول بيكونوا مش معانا.

💝شوفت، أهو ده مثل بسيط لذنب بيحصل ممكن يكون سبب فى عقاب الغلاء اللى بنتكلم عنه.
تعالى نقرأ الحديث ده كمان عشان تفهم اكتر ايه هى أسباب الهلاك والعقاب.
يحذرنا النبي - صلى الله عليه وسلم - فى هذا الحديث من خمس خصال مهلكة.
فعن عبد الله بن عمر - رضي الله عنهما - قال: أقبل علينا رسول الله - صلى الله عليه وسلم - فقال: (يا معشر المهاجرين، خمسٌ إذا ابتليتم بهن وأعوذ بالله أن تدركوهن:
لم تظهر الفاحشة في قوم قطُّ حتى يعلنوا بها إلا فشا فيهم الطاعون والأوجاع التي لم تكن في أسلافهم الذين مضوا،
ولم يُنقصوا المكيال والميزان إلا أُخذوا بالسنين وشدة المؤونة وجور السلطان عليهم، ولم يمنعوا زكاة أموالهم إلا مُنعوا القطر من السماء، ولولا البهائم لم يُمطروا،
ولم ينقضوا عهد الله وعهد رسوله إلا سلط الله عليهم عدوًّا من غيرهم فأخذوا بعض ما في أيديهم،
وما لم تحكم أئمتهم بكتاب الله ويتخيروا مما أنزل الله إلا جعل الله بأسهم بينهم) رواه ابن ماجه في سننه.

الحديث ده يا بنى كأنه بيوصف حالنا للأسف، شوف اول جزء فى الحديث بيتكلم عن انتشار الفاحشة، هل فى فاحشة أكبر من الدعوات الرهيبة لل*ثلية، انت فاهم انا اقصد ايه طبعا

💝ايوة يا ماما الناس اللى بيرفعوا أعلام قوس قزح

تمام، شوف الحديث بيقول ان عقاب ده انتشار المرض والأوجاع.

🩵هى الكورونا ممكن نعتبرها من الاوجاع اللى يقصدها الحديث؟

💝طبعا يا حبيبى، مفيش اى بلاء بيحصل إلا بسبب الذنوب، شوف كمان الجزء اللى بعد كده من الحديث، بيحذرنا من الغش فى الميزان، للاسف ده ذنب منتشر فعلا، وعقابه مخيف كما فى الحديث(شدة المؤونة وجور الحكام)، يعنى الغلاء اللى احنا فيه وظلم الح*كام اللى بنشتكى منه.

🩵يعنى يا ماما حتى ظلم الحا*كم، بسبب الذنوب!!

💝ايوة طبعا، ده حتى المطر اللى أصبح قليل، ربنا منعه عننا بسبب الذنوب.
وأخر الحديث بيوصف حال مسلمين كتير دلوقتى للأسف، بياخدوا من الدين اللى على مزاجهم بس.

🩵انا خايف يا ماما.

💝خايف من ايه؟؟

🩵خايف اكون من الناس دى، وخايف من الغلاء انه يزيد عن كده والفلوس تخلص!

💝موضوع خوفك انك تكون من الناس دى، الحل بتاعه انك بدل ما تخاف، تجدد نيتك انك تجاهد نفسك والشيطان، بحيث ما تكون انت بذنبك سبب فى وقوع اى بلاء.
💌هقولك حاجة حلوة، كنت مرة قرأت تفسير جميل لأية"وَمَنْ يَتَّقِ اللَّهَ يَجْعَلْ لَهُ مَخْرَجاً"
مااعرفش من قائله لكنه مطمئن، قال: لو اطبقت السماء على الأرض لجعل الله للمتقين فتحات يخرجون منها.
إحرص يا بنى ان تكون من هؤلاء المتقين، جاهد، حاول، وكلما وقعت فى ذنب، قم وجدد التوبة.

🌀أما خوفك ان الغلاء يزيد، نبقى نتكلم عليه مرة تانية ان شاء الله.
يتبع،،،
#أمانى_عادل
#رسائل_تربوية
https://t.me/R_T_amany

Telegram

💗رسائل تربوية💗

محتوى أسرى وتربوى تقدمه: ***🌸***أمانى عادل***🌸*** معلمة قرءان - إجازة بالقراءات العشر ارشاد أسرى وتربوى دبلومة T.O.T (تخصص سن المراهقة)

قضيتي. ج٢

-ياماما عدد الفلسطينين اللى ماتوا بيزيد كل يوم، ليه ربنا سايبهم يموتوا؟

=ربنا مش سايبهم، ربنا اختارهم للجنة، من مات منهم فهو شهيد، وانت عارف ان الشهيد بيدخل الجنة بدون حساب، ويجتمع مع الانبياء ويقابل الملائكة، يعنى المفروض نتمنى كلنا نكون مكانهم.

-طب الأطفال ذنبهم ايه يموتوا، كانوا يعيشوا ويلعبوا ويكبروا؟

=الأطفال اللى بتتكلم عنهم دول، ارتاحوا من تعب الدنيا، واترحموا من الوقوع فى الذنوب لما يكبروا، وزمانهم دلوقتى بيلعبوا فى الجنة تحت عرش الرحمن، ويوم القيامه كلنا هنتمنى نلعب معاهم

-يا ماما المشاهد مؤلمة، انا تعبت من كتر اللى بشوفه، دم، جثث، أشلاء، مصابين..

=حاول تتابع الاخبار من غير ما تفتح الصور، ولا الفيديوهات

-بحاول اعمل كده، بس بصراحة بتكسف من نفسى

=ليه؟؟

-عشان بستغرب ازاى انا مش قادر اشوف فيديوهات، فى حين ان الأطفال هناك متماسكين رغم ان فيهم الأصغر منى، ازاى بيقدروا يبتسموا وهم مصابين كده؟ ازاى متحملين يعيشوا وسط الدمار والجثث والدم؟!!!

=طب انت تفتكر ايه اللى مخليهم كده؟

-أظن عشان اتولدوا وسط أجواء احتلال، اتعودوا خلاص على مشاهد الدمار والقتل.

=اظن لو كلامك صح، كان الأولى انهم يصبحوا بلا رحمة وبلا أخلاق، العنف من طبيعتهم، والقتل هوايتهم.
اللى اتولد وسط الأجواء دى، كان المتوقع انه يكبر يصبح مجرم أو بلطجى أو حرامى أو ارهابى، لكن أبناء فلسطين وشبابها مش كده

-ايوة فعلا يا ماما، مفيش حد منهم مثلا عصابات مافيا، ولا جماعات إرهابية، ولا سمعنا عنهم اى خبر وحش زى انهم مثلا يتاجروا فى الممنوعات، بالعكس انا لاحظت مشاهد كتير فيها أطفال حافظين قرءان، والأذكار والدعاء على لسانهم دايما.

=صح كلامك مظبوط

-طب تفتكرى يا ماما ايه اللى مخليهم أقوى مننا كده، ومتحملين كل ده

=السبب الحقيقي ان الله معهم، وقادر سبحانه وتعالى انه يمدهم بقوة وصلابة من عنده هو، وقادر كمان يغير نواميس الكون عشانهم بإذن الله

-مش فاهم يعنى ايه نواميس الكون

=يعنى قوانين الطبيعة اللى بندرسها فى المناهج وحافظينها كويس جدا، هقول لك مثال يوضح اكتر اللى اقصده، النار مثلا، ايه تعريفك ليها من خلال قوانين الطبيعة؟

-النار.. يعنى ممكن اقول هى قوة حرارية بتسيح وتحرق اى جسم يقترب منها

=جميل جدا، ده من نواميس الطبيعة، حاجة مسلم بيها ومفيش حد مختلف عليها، لكن ربنا قادر انه يغير الطبيعة دى، اذا أراد شيئا قال له كن فيكون

-يعنى قصدك ان النار ممكن ماتحرقش؟!

=ايوة. فكر كده كويس امتى حصل ده، مع مين من الأنبياء

-سيدنا إبراهيم.. صح

=صح . عليه السلام، كانت معجزة انه يترمى فى النار ٣ أيام ويخرج منها بدون اى خدش، هنا ربنا وقف طبيعة النار، غير نواميس الكون، فهمت

-ايوة فهمت معنى الكلمة، بس ايه علاقة القصة دى بأحداث فلسطين؟!

=العلاقة انه ربنا سبحانه وتعالى، زى ما جعل النار بردا وسلاما على ابراهيم، وكانت معجزة قرأنا عنها فى القرءان ولم نراها بعيوننا، هو نفسه سبحانه وتعالى بقدرته يصنع معجزات الآن فى فلسطين، تشهدها عيوننا، ويغير نواميس الكون لصالح عباده المجاهدين، والمشاهد اللى انت مش متحمل تشوفها والألم اللى انت حاسس بيه بدلهم، ممكن يكون كل ده بردا وسلاما عليهم بأمر الله.
صبرهم على ما هم فيه معجزة
ثباتهم وسط الاشلاء والدماء معجزة
عمليات تفجير دبابات العدو معجزة
عودة القضية واهتمام العالم بيها معجزة
دخول ناس كتير فى الإسلام بسببهم معجزة
كل دى معجزات وتغييرات حصلت بأمر الله، لو حاولنا سنين ننشر القضية عشان نعرف العالم بيها بالشكل ده عمرنا ما كنا نوصل للنتيجة دى.

-انا شوفت فيديو بنت بتقول انها شافت ملاك، هو ده معجزة برضو؟

=ايوة طبعا، زى ما حصل فى غزوة بدر، وربنا انزل ملائكة تقاتل مع المسلمين، قادر سبحانه وتعالى أن ينزل ملائكته الآن على أهل فلسطين

-ماما. انا بتمنى انهم ينتصروا، خايف أوى يخسروا، هم ممكن يخسروا يا ماما؟!!
يتبع؛
#رسائل_تربوية
#أمانى_عادل
https://t.me/R_T_amany

Telegram

💗رسائل تربوية💗

محتوى أسرى وتربوى تقدمه: ***🌸***أمانى عادل***🌸*** معلمة قرءان - إجازة بالقراءات العشر ارشاد أسرى وتربوى دبلومة T.O.T (تخصص سن المراهقة)

-بس انت لو بدأت الحرب، والضررررب، هتبقى انت اللى بدأت وعملت كده فى نفسك، ياعم خليك عايش كويس وخلاص

-كويس ايه بس، وانا عايش ومش عايش، وبعدين ماهم كده كده هيقتلوا اى حد، عشان ينفذوا خططتهم، وازاى انا اللى بدأت، انا بدافع عن أرضى.

=يعنى المقاومة مش غلط؟

مش غلط يا ماما، احنا اللى طلعنا مش فاهمين، بس المشاهد مؤلمة، ايه نهاية كل ده؟

يتبع
#رسائل_تربوية
#أمانى_عادل
https://t.me/R_T_amany

Telegram

💗رسائل تربوية💗

محتوى أسرى وتربوى تقدمه: ***🌸***أمانى عادل***🌸*** معلمة قرءان - إجازة بالقراءات العشر ارشاد أسرى وتربوى دبلومة T.O.T (تخصص سن المراهقة)

قضيتي . ج١

-ماما انا تعبت من اخبار الحرب، ومشاهد الدم والجثث، هم ليه عملوا كده فى نفسهم، ما كانوا عايشين كويس

=عملوا كده!! و عايشين كويس!! طيب تعالى الاول افهم تقصد مين اللى عملوا كده فى نفسهم

-الفلسطينيين يا ماما، مش هم اللى بدأوا

=بدأوا ايه؟

-يا ماما بدأوا الحرب، بدأوا بالضرب

=طيب انت عارف هم بيضربوا مين؟

-ايوة طبعا عارف، بيضربوا الإسرائيليين

=جميل انك عارف ده، هل تعرف مين هم الإسرائيليين؟

-ايوة عارف، ناس عايشين فى فلسطين!!

=طب ليه مش اسمهم فلسطينيين؟!

-مش عارف!

=انت بلدك ايه؟

-مصر

=جنسيتك ايه؟

-مصرى

=ليه مصرى؟ مش ممكن تطلع اوروبى، ولا حتى استرالى، وجيت هنا بالغلط

-لا. انا اتولدت هنا

=مش كفاية عشان تثبت انك مصرى . عاوزة دليل اكبر

-دليل ازاى!!

=فكر شوية

-طب ممكن عشان حضرتك وبابا مصريين، واتولدتوا فى مصر، وتيته وجدو وكل أهلكم فى مصر من سنيييييين. ده ينفع دليل؟

=جميل. كمل لو عندك دليل تانى

-ممكن دليل ان كل أقاربنا عندهم بيوت فى مصر، هم اللى بنوها، أو ورثوها من أجدادنا وأجداد أجدادنا. يارب ده ينفع دليل، عشان تعبت من التفكير.

=هو طبعا فى أدلة تانية، بس هكتفى بكلامك، تعالى بقى يا واد مصرى يا حلو انت أسألك سؤال

-انا اللى جبته لنفسى، تفضلى يا ماما إسألي

=هعضك لما نخلص الحوار، بس خلينا فى المهم دلوقتى..
تخيل كده لك صديق فى بلد أجنبية، جا يزورك مرة، ولما وصل بالسلامة حكى لك انه بيحب مصر اوى، وان يعرف ناس من بلده زاروا مصر زماااان، بس حصلت مشكلة كده واضطروا يسيبوها، بس هو مش ناوى يسيبها، لانه بيعتبرها بلده، هتعمل ايه ساعتها؟

-أكيد هكون فرحان وهساعده عشان يعيش هنا

=يا ما شاء الله، طيب اوى، طب ماهو اكيد مش هيقعد لوحده، وهيجيب أهله معاه، وممكن عيلته كلها.

-يا ماما ايه المشكلة؟ هم هيقعدوا عندك فى البيت؟! الناس هيشتروا مكان يقعدوا فيه، ايه المشكلة.

=معلش. انا شريرة. استحملنى شوية. طب تعمل ايه لو قال لك: انا عاجبنى بيتك انت بالأخص، وممكن اشتريه منك بأااااى تمن.

-هو طبعا نفسى يكون عندى فلوس كتير، لكن بصراحة يعنى ده بيتى وبحبه وهو يقدر يشترى شقة أو فيلا أو حتى عمارة كاملة فى اى مكان.

=ماهو لما شاف انك رافض، نزل من عندك وانتحل شخصية مزيفة وزور ورق بيثبت انه مصرى(عشان مفيش حد يشك فيه) واشترى كل البيوت اللى حواليك، ولو حد رفض، كان بيقتله او يسجنه ويعذبه، وأصبح شايف نفسه مالك المنطقة كلها، وبالتالى جالك يطلب منك تبيع له بيتك وإلا هيأمر بهدمه، ومش فارق معاه تموت أو تعيش.

-كده طلع هو الشرير، مش انتى

=صدقنى هعضك بس نخلص، المهم.. هتعمل ايه يا غلباوى

-هقولك بصراحة انا ممكن اعمل حاجة من اتنين، يا إما هسيب له البيت زى ما كل الجيران عملوا، واكتفى انى أزور المكان كل فترة، أو هرفض بس ساعتها البيت هيتهد ومش هيكون له وجود، وممكن احنا شخصيا نختفي معاه.

=طيب فرضنا انك وافقت، وتركت البيت والشارع والحى كله، واشترينا بيت تانى فى محافظة تانية خااالص، واتفاجئنا ان نفس الشخص ظهر عندنا فى المحافظة الجديدة، وعمل نفس اللى عمله فى منطقتنا القديمة، والحجة ان كل اهله وأصحابه جايين ومحتاجين بيوت اكتر عشان العدد بيزيد، هل هتسيب البيت المرة دى كمان؟

-لا بقى هو فى ايه، هم ليه اصحابه كمان جايين، مش كفاية أهله؟ واشمعنى بلدى انا!!

=فاكر لما قال لك فى وسط الكلام: انه يعرف ناس زماااان من معارفه زارو بلدك وعاشوا فيها فترة وعجبتهم، بس حصل مشكلة واضطروا يخرجوا

-أيوة صح، هو قال كده فعلا، بس ايه العلاقة!

=ماهو شايف ان طالما له معارف اشتغلوا هنا وعاشوا فترة، يبقى من حقهم يبقوا أصحاب البلد والأرض.

-ياسلام.. ماهو بابا شغال فى بلد تانية، واحنا بنروح له زيارة، هل معنى كده اننا نقرر فجأة اننا أصحاب البلد دى ونطرد أهلها من بيوتهم؟!

=يعنى انت شايف ان صاحبك وأهله وكل اللى جاءوا معاهم مش من حقهم يقولوا انهم مصريين، ولا أصحاب ارض

-أيوة طبعا

=طب تعمل ايه لو عرفت ان صاحبك والناس اللى معاه اخدوا كل البلد تقريبا، وحصرونا فى محافظة واحدة، وبنوا حوالينا سور، ومنعوا عننا الأكل والدواء والماء والكهرباء، وكمان استعانوا بناس من بلاد تانية كلهم بلطجية، ومعاهم أسلحة حديثة ماشيين فى الشوارع يقتلوا اى حد فى طريقهم، حتى المسجد دخلوه بالأحذية ومنعونا من الصلاة، وداسوا على المصحف.

-ماما لو سمحتى ماتقوليش صاحبى، ده خلاص اصبح عدوى، و......
استنى يا ماما، انا فهمت تقصدى ايه من القصة دى، هم الاسرائيليين دخلوا فلسطين وعملوا كده.

=ايووووة

-عشان كده مش اسمهم فلسطينيين

=تماااام

-يعنى هم محتلين وحراميه، اخدوا حاجات مش من حقهم، وقتلوا ناس فى بيوتهم.

=ده صحيح، جميل انك فهمت، تعمل ايه بقى لو انت فلسطيني

=أكيد مفيش حل غير الحرب، لازم ادافع عن أرضى

-ياراااجل، لا لا اعتبرهم ناس عايشين معاك وخلاص

=لا طبعا هم كده أشرار، ومش هينفع نعيش سوا

#التربية_فى_القرءان
#الحلقة٤

محطتنا التالية فى استنباط القيم التربوية من كتاب الله، ستكون مع قصة نوح عليه السلام.

مابين آدم ونوح، سنوات كثيرة، بل ربما نقول قرون عدة، خلق الله من البشر الكثير من بعد قابيل وهابيل، منهم من هدى الله، ومنهم من اتبع هواه، حتى ارسل الله نوحا، ليخرج قومه من عبادة الناس(ودا وسواعا ويغوث ويعوق ونسرا)، إلى عبادة رب الناس.

ذكر الله فى كتابه أن نوحا لبث فى قومه ٩٥٠سنة "ألف سنة إلا خمسين عاما" يدعوهم لعبادة الله، حتى أمره الله ببناء سفينة، منجاة له ولمن آمن معه، ثم جاء أمر الله"وفار التنور"، وقضى الله بغرق الكافرين، وقد كان من بين هؤلاء الهالكين، ابن سيدنا نوح.
ورد فى الأثر أن نوحا كان لديه اكثر من ابن(أربعة من الأولاد)، ءامنوا بدعوته من بين القلة المؤمنة، ماعدا ابنا واحدا لم يقبل بما قاله والده، وأصر على الكفر، فلم يكن من القليل الناجيين فى السفينة.

وقفة..
ابن نبى يغرق مع الكفار، اباه لبث فى الدعوة إلى الله ٩٥٠سنة، اتبع كل الأساليب فى دعوتة "ثم انى دعوتهم جهارا ثم انى أعلنت لهم وأسررت لهم إسرارا"، ذكّر قومه بنعم الله إن هم أطاعوه"فقلت استغفروا ربكم إنه كان غفارا. يرسل السماء عليكم مدرارا.ويمددكم بأموال وبنين ويجعل لكم جنات ويجعل لكم انهارا".

ما المشكلة إذن!!
ألم يخشع قلب الفتى يوما؟
لماذا اختار الكفر وخالف أباه؟
كيف لم يقدر منزلة أبيه النبى المرسل من الله؟
أم ترى هل أخطأ نوح الأب فى تربية ابنه؟
ألم يستطع ان يؤثر فى ابنه ويهديه لعبادة الله؟
وماذا فعل حين علم ان ابنه سيكون مع الهالكين؟
كيف تقبل وهو نبى مرسل أن يظل التاريخ يذكر هذا؟

❣بالإجابة على تلك الأسئلة، سندرك قيمة تربوية هامة، ومهارة نفسية تؤثر فى التربية، نفتقدهما كثيرا.

🕊بالطبع لم يقصر سيدنا نوح فى دعوة ابنه، بل وكان مستمرا فى هذا حتى أخر لحظة"يابنى اركب معنا ولا تكن مع الهالكين"، وما كان ليحزنه أمرا اكثر من أن يرى ابنه ينال جزاء الكافرين، حتى انه توجه إلى الله بالدعاء والرجاء "قال رب إن ابنى من أهلى وإن وعدك الحق"، لكن الله قد حكم وقضى"إنه ليس من أهلك إنه عملٌ غير صالح - وفى رواية - إنه عَمِلَ غير صالح"، فاستسلم نوح لقضاء الله ولم يجادل.

🍂فمات ابن النبى على غير دين أبيه، متأثرا بمجتمع الكفر الذى كان يعيش فيه، ولم ينفتح قلبه ولم ينشرح صدره لدعوة أبيه.

🌿تعالوا نسقط هذا المشهد على تربيتنا لأبنائنا..
✨علاقتنا بالأبناء من أجمل العلاقات الفطرية؛ حيث تتكون بداخلنا منذ الصغر غريزة الأمومة والأبوة؛ والتى تدفع بنا فيما بعد للرغبة فى إنجاب الذرية.

✨ويعد الأبناء من أجلّ النعم التي وهبها الله سبحانه وتعالى للإنسان؛ وفى المقابل هو مُلزم بتربيتهم التربية الصالحة، ورعايتهم حقَّ الرعاية، وتقديم الأفضل لهم في حدود الإمكان والشرع.

🌱نمر مع الأبناء بمراحل عمرية مختلفة؛ لكل منها سمات وطرق تعامل؛ وفى كل مرحلة نأمل أن نراهم الأفضل؛ ونحزن إن رأينا منهم ما نكره.

🌱يكبر الأبناء وتتغير طبائعهم؛ ونتفاجأ منهم بسلوكيات غير معتادة؛ فيتسلل اليأس لقلوبنا - ونشعر بالفشل فى التربية؛ ونبدأ فى دوامة التوبيخ والنقد لهم على أمل أن يعودوا لصوابهم ونراهم الافضل كما نتمنى، ودوامة اللوم والجلد لذواتنا، وقد يدعوا البعض على الأبناء، وقد يكابر أخرون بحجة انهم يتبعون أساليبهم التربوية(الممتازة من وجهةنظرهم)، فلا قبول لمخالفة أبنائهم لهم.
◀️هل نحن أفضل من سيدنا نوح، به ما به من صفات الانبياء، مرسل من رب السماء، دعاؤه مستجاب، آمن له من آمن، لكن ابنه لم يكن مع المؤمنين، فلم يؤخره هذا عن استكمال مسيرته، ولم يؤدى به هذا للدعوة على ابنه، ولا مقارنته بأبناء غيره، ولا جلد ذاته واتهامها بالتقصير، ولا تكبر وأبى.

⏪دعونا نتفق أن التربية أمرًا معقدًا، وبالعصر الحديث زادت تعقيدا، فلم يعد المتربي رجلا سلْمًا لمربيه، بل فيه شركاء آخرون - عالم منفتح له وسائلة التى يبث بها السم فى العسل - والخطير في هذه القضية هو حجم التأثير الكبير والعميق وسرعة التغيير الذي تحدثه تلك الوسائل المعاصرة في مستوى التدين والثقافة والسلوك والمفهومات والذوق العام على شبابنا وفتياتنا.

⏺رغم هذا علينا السعى والاجتهاد، وتعليم الأبناء ما لا يسع أن يجهلوه، ولنترك النتائج على الله.

⏺وان حدث واخطأنا بشئ تجاههم، فلا بأس من تصحيح الخطأ، ومحاولة إعادة العلاقات بيننا.

✔️قيمة الاستسلام لمراد الله وقضائه، ✔️مع مهارة الحرص على صلاح النفس، يعدا من أهم القيم التربوية التى لابد أن يتحلى بها المُربى، فبهما يحفظ الله الأبناء ويرعاهم(كما فى قصة اليتيمين والجدار) فقد كان ابوهماصالحا، وبهما تتنزل رحمات الله وحكمته التى قل ما ندركها(كما فى قصة الغلام الذى كان أبواه مؤمنين).

💌إن ما علينا فى التربية هو:
الغرس الطيب.. وعلى الله الإنبات
تقديم النصح.. وعلى الله الهداية
إصلاح النفس.. وعلى الله التوكل

#أمانى_عادل

https://t.me/R_T_amany

Telegram

💗رسائل تربوية💗

محتوى أسرى وتربوى تقدمه: ***🌸***أمانى عادل***🌸*** معلمة قرءان - إجازة بالقراءات العشر ارشاد أسرى وتربوى دبلومة T.O.T (تخصص سن المراهقة)

#التربية_فى_القرءان
#الحلقة٣

🌿نصل لختام قصة آدم عليه السلام، وفى الختام درس أخر من دروس التربية، وقيمة تربوية هامة، على ان يتحلى بها المُربى.

🍂عصى آدم ربه، وقع فى الخطأ رغم التحذير، ساقه ضعفه البشرى لارتكاب فعلته، وأدى به الفضول للأكل من الشجرة(شجرة الخلد كما زعم الشيطان).

🍂إذن هو لم يفعل هذا متحديا لله، ولا عدم مبالاة لأوامره ونواهيه، ولا حُبا فى إبليس، كل ما فى الأمر ضعف بشرى وفضول.
حسنا..
تقبلنا ضعف اولادنا☑️
اعترفنا بميلهم إلى الفضول وحب الاستكشاف☑️
أقررنا ان ليس غرضهم عدم طاعتنا من ارتكاب الخطأ☑️
تحلينا بالصبر والحلم، ماذا بعد⁉️

✨مؤكد حان وقت الحزم..
"قلنا اهبطوا منها"

🌿خلق الله آدم فى الأصل للخلافة فى الأرض"إنى جاعل فى الأرض خليفة"، وعليه فإن تواجده فى الجنة كان بمثابة فترة إعداد وتهيئة، كي يتعلم فيها كيف أن عدوه الشيطان يكرهه ويكيد له ويود إيقاعه في الخطيئة، ويتعلم أيضا كيفية التوبة وأن الله يقبل التوبة عن عباده.
ذاق نعيم الجنة، وأدرك بعد فعلته ما حُرم منه، وتعلم أن دخول الجنة يتطلب طاعة، وتوبة إن هو وقع فى ذنب او معصية.
🌿أرشده الله وهداه للتوبة، وتقبلها منه وتاب عليه، عفا الله عنه دون أن يرمى به فى نار جهنم، ولا أن يمن عليه بما أنعم به عليه، بل قضى بهبوطه إلى الارض، وفى هذا حزم وليس عقاب.

❣تعالوا نسقط هذا على التربية..
يرزقنا الله بالذرية، فنتابع فى فرحٍ مراحل نموهم، نوفر لهم فى كل مرحلة ما يحتاجونه، نشاركهم اللعب صغارا، ونحتويهم كبارا، لا ننتظر منهم جزاءا، بل هو عطاءا وحبا فطريا، وخلال تلك الرحلة ونحن نمنح هذا الحب الغير مشروط، علينا أن نوازن الأمور، فبجانب هذا الحب لابد من تواجد الحزم.
👈توضيح:
الحزم لايعني الضرب ولا السب ولا الحرمان ولا إظهار الكراهية، بل هو أسلوب صارم فى توضيح الخطأ ومن ثم جزاء الوقوع فيه.

😔بنتى كل ما تكسر طبق ولا كوباية.. اقوم اضربها
✨الحزم: لو انكسر هذا، ستقومين أنتِ بلملمة اجزاءه وتنظيف أثره.

😔ابنى مش بيقعد يذاكر غير بالضرب والصوت العالى
✨الحزم: تعالى نقسم الوقت بين المذاكرة واللعب، أن انتهيت من هذا ستلعب لمدة ساعة.

😔بنتى بتعلى صوتها وممكن تزعق لى
✨الحزم: لن اتكلم معاكِ طالما هذا اسلوبك، اذهبى واهدأى ثم تعالى نكمل حوارنا.

😔ابنى عاوز يحلق شعره زى اصحابه(يحلق الجوانب بس) وكل يوم نتخانق عشان الموضوع ده
✨الحزم: تعالى أوضح لك، هذا فى الشرع يسمى قزع، وهو محرم وله اضرار، ان فعلت فأنت آثم، ومعرض للضرر.

😔بنتى كانت لابسه الحجاب من ابتدائي، دلوقتى فى ثانوى وعاوزة تخلعه، والبيت حريقة
✨الحزم: انتى مسلمة، ومن صفات المسلمين التسليم لاوامر الله، لا محال لخلع الحجاب، تأكدى انك فى طاعة وعبادة بحجابك، تعالى نختار سويا ملابس جميلة وبنفس الوقت تحقق شروط الحجاب.

❣وهكذا.. اسلوب صارم، وقرار حازم، دون صوت عالى، ولا ضرب، ولا توبيخ.
⭐️وقفة..
انوه هنا على أمر هام، هذا الأسلوب لن يحقق مراده، دون تواصل جيد بيننا وبين الأبناء، فجودة التواصل خلال مراحل التربية، عامل هام لتطبيق الحزم.
💌فبالتواصل الجيد ومنحهم الحب الغير مشروط، نمنحهم شعورا بالقبول ومن ثم الأمان، وبالتالى سهولة أقناعهم.

💚واخيرا وليس أخرا.. عليكم بالدعاء بصدق أن يوفقنا الله لتربيتهم، وأن ينبتهم نباتا حسنا.

#أمانى_عادل
#رسائل_تربوية
https://t.me/R_T_amany

Telegram

💗رسائل تربوية💗

محتوى أسرى وتربوى تقدمه: ***🌸***أمانى عادل***🌸*** معلمة قرءان - إجازة بالقراءات العشر ارشاد أسرى وتربوى دبلومة T.O.T (تخصص سن المراهقة)

#التربية_فى_القرءان
#الحلقة٢

🌿نكمل معًا ما بدأنا من التأمل فى قصة خلق آدم عليه السلام، واستنباط ما بها من قيم تربوية.

🍃نفخ الله من روحه فى آدم، فأصبح بشًرا ينبض بالحياة، ذا عقل مفكر يساعده على التمييز بين الحق والباطل، وذا إرادة حرة تساعده فى اختيار طريقه مابين خير وشر.
🍃وقد فضله الله على كثير ممن خلق، أمر الملائكة بالسجود له، وفى هذا شرف عظيم، وقام سبحانه وتعالى بدور المعلم(وعلم ءادم الأسماء كلها)، وفى هذا فضل كبير، وأوضح له الخير والشر، وبيّن له عدوه الاول(الشيطان)، وأوجد له زوجة ليسكن إليها، وأسكنهما الجنة يتمتعا بما فيها، بإستثناء شجرة (ولا تقربا هذه الشجرة).

❣ولكن.. رغم تحذير الله له، غلبت آدم عليه السلام طبيعته البشرية، ونسى ان الشيطان عدوه، وساقه الفضول للأكل من الشجرة.

هنا لنا وقفة...

✨اولا: فضّل الله سيدنا آدم، وعلّمه بذاته سبحانه.
✨ثانيا: حذره من عدوه، ونهاه عن الأكل من الشجرة.
✨ثالثا: أسكنه الجنة، وهو على علم مسبق بما سيقع من خطأ(ألا يعلم من خلق).

🕊فى رحلة التربية، وباختلاف مراحلها العمرية، نحاول قدر المستطاع ان نوفر لأبنائنا ما يحتاجونه، ونود لو أننا نملك الجنة فنعطيهم إياها يعيشوا فيها رغدا، نسعى جاهدين لحسن تربيتهم، فندخلهم افضل المدارس(كلٌ بقدر استطاعته)، نشترك لهم فى حلقات تعليمية، وتدريبات بدنية، وغيرها.

🕊وعلى جانب أخر، نتمنى ان ينشأ كل منهم على خلق، متبعا للحق، سائرا فى طريق الخير، فنُحذرهم من الوقوع فى الخطأ، ونبين لهم الخير والشر، وما يضرهم وما ينفعهم، وننتظر أن نرى ثمرة هذا.

🕊تتوالى الأيام، ونواجه معهم مواقف، ويقعوا فى أخطاء، كم كنا نخاف أن يقترفوها، وكم حذرناهم منها، وكم تمنينا ألا تحدث.

👈طفلى ذو السنوات الأربع، كم قلت له ممنوع القفز من فوق السرير، وبينت له الضرر من هذا، لكنه مصمم على القفز من فوق السرير وأحيانا الدولاب.

👈طفلتى ذات السنوات السبع، كلما اشتريت لها لعبة، قرأت لها التعليمات، وشرحت لها كيف تلعب بها وتحافظ عليها، رغم هذا تفككها وتخربها.

👈ولدى ذو الاثنى عشر عامًا، نشأ على الصلاة فى المسجد، لكنه الآن ما عاد يصلى نهائيا.

👈ابنتى ذات الأربعة عشر عامًا، حذرتها كثيرا من صديقات السوء، وخطر هذا عليها، لكنها مصممة على رفقتهم.

وغيرهم الكثيييير من الأمثلة...

🌪ما المشكلة؟؟ وفرنا لهم حياة طيبة، بادرنا بالنصيحة والتحذير، لماذا يخالفون عن أمرنا؟؟ هل هذا جزاء ما قدمناه لهم؟؟

🤌مهلا.. تذكروا حال آدم عليه السلام، تلقى من الله العلم دون وسيط، نال كرما وشرفا وتفضيلا، سكن الجنة التى بها مالا عين رأت ولا أذن سمعت ولا خطر على قلب بشر، قابل عدوه وتعرف عليه، علم ما المطلوب منه وما المنهى عنه، ثم...
ثم أخطأ.. سهو بشرى(ولقد عاهدنا إلى ءادم من قبل فنسى)، وفضولا وطمعا(هل أدلك على شجرة الخلد وملك لا يبلى فأكلا منها)
⚡️ولا ننسى أن الله كان يعلم سلفًا أن آدم سيقع فى هذا الخطأ، ومع هذا كان صبورًا عليه حليمًا.

🌱هل أطفالنا أفضل من آدم عليه السلام؟
أم ترى انهم ملائكة، مجبورون على الطاعة، وعدم السهو؟!!
ألا يحق لهم الوقوع فى الخطأ حتى مع تحذيرنا لهم؟!!

🌱هل نحن نملك قوى خارقة؟
أيمكننا أن نسيطر عليهم، ونتحكم فى أفعالهم، فنمنعهم من الخطأ؟!!

🌱ألا تعلمنا من الله صفة الحلم؟

💌الحلم والصبر والتغافل، من الصفات الهامة، التى يجب توافرها فى المُربى، وكما يقال(ثلثا التربية فى التغافل).
💌ليس المطلوب ان نرى الخطأ فنشجعهم عليه، ولكن المقصد أن نتقبل ضعفهم البشرى، ونتعلم كيف يكون رد الفعل مناسبا لكل موقف.
يتبع...

#أمانى_عادل
#رسائل_تربوية
#مجرد_تدبر
https://t.me/R_T_amany

Telegram

💗رسائل تربوية💗

محتوى أسرى وتربوى تقدمه: ***🌸***أمانى عادل***🌸*** معلمة قرءان - إجازة بالقراءات العشر ارشاد أسرى وتربوى دبلومة T.O.T (تخصص سن المراهقة)

#التربية_فى_القرءان
#الحلقة١

❣درست مبادئ كثيرة ونظريات عدة تحت مسمى التربية الإيجابية، وبالفعل كان تطبيقها عاملا مساعدا فى التربية ومشاكلها.
🕊ما استوقفنى فقط، ان اغلب تلك المبادئ تنبع من أناس ليسوا على دين الإسلام، فى حين أن إسلامنا أهدانا قرءانا يعد منهجا، أرشدنا لكل شئ متعلق بحياتنا ومعاملاتنا، فلم لا نجتهد فقط ونبحث ونستنبط منهج الحياة من هذا الكتاب (كتاب الله).

🍃لهذا حاولت التعمق فى فهم بعض الآيات القرءانية، واستخراج ما تحمله من مبادئ تربوية.

✨وخير ما أبدأ به سيكون قصة خلق ءادم عليه السلام، فقد لاحظت انها تحوى قيما تربوية عظيمة ليتنا نطبقها حقا، لن أطيل عليكم ولنبدأ.

🌿خلق الله الأرض وما عليها وخلق الملائكة والشياطين قبل خلق الإنسان، ثم شاء سبحانه وخلق ءادم، قال الله للملائكة"إنى جاعل فى الارض خليفة" فطرحت الملائكة سؤالا "أتجعل فيها من يفسد فيها ويسفك الدماء ونحن نسبح بحمدك ونقدس لك"، قال"إنى أعلم مالا تعلمون"، ثم قضى سبحانه بخلق ءادم(ورد فى الأثر أن الله خلق ءادم من صلصال ثم صوره على هيئته كإنسان وظل هكذا فترة قبل أن ينفخ فيه من روحه، وكانت الملائكة تدور حوله وتنظر له بتعجب وتمعن).

⭐️هنا لنا وقفة..
ماذا فى تلك اللقطة من مبادئ تربوية؟

الله الخالق، العظيم، قضى ان يخلق كائنا، سبحانه له المُلك وله الأمر، يخلق ما يشاء وقتما يشاء، ولكن.. لماذا أخبر الله الملائكة مسبقا انه سيخلق ءادم، وكيف للملائكة أن تسأله (أتجعل فيها من يفسد فيها)، ولماذا أجابهم ولم يعنفهم أو يقضى بإسكاتهم، ولماذا خلق ءادم على مراحل؟!!

💌إجابات تلك الأسئلة ستمنحنا قواعد مهمة، وصفات ضرورية لابد للمُربى ان يتحلى بها.

✨اولا: الله أخبرهم مسبقا بخلق ءادم، هو إخبار تمهيد لأمر هام سيحدث، تهيئة لهم.
✨ثانيا: الملائكة تسأل، هذا لان علمهم محدود لم يصلوا لعلم الله (إنى أعلم ما لا تعلمون).
✨ثالثا: الله يجيبهم دون تعنيف أو إسكات، فهو سبحانه يعلم مالم يعلموا، ولهذا تقبل ضعف علمهم وأجابهم.
✨رابعا: خلق ءادم على مراحل، وترك للملائكة استكشافه وهو لايزال صلصالا قبل أن ينفخ فيه من روحه، كتدرج فى استقبال الحدث.

👈وبإسقاط هذا المشهد على تربية الأبناء سنتعلم التالى:

⭐️من السلوكيات التى لابد للمُربى أن يتحلى بها، عدم المفاجأة واتخاذ قرارات مصيرية دون علم مسبق، الأبناء من حقهم ان يعرفوا الأمور مسبقا، ومن حقهم فتح حوار ونقاش ليعبر كلا عن رأيه.

⭐️سيترتب على هذا طرح أسئلة، وهذا متوقع لأنهم بطبيعة حالهم ليس لديهم علم بشئ، ونحن مصدر المعلومات الخاص بهم، فى نظرهم نحن نعلم كل شئ ولابد ان لدينا إجابات لكل أسئلتهم.

⭐️كيف نجيبهم إذن؟ لتكن الإجابة مناسبة لأعمارهم وسعة عقولهم، فمن المؤكد ان حوارى مع طفلى ذو ال ٧ أعوام، سيختلف عن حوارى مع المراهق ذو ال ١٥عام.

⭐️التدرج فى إعطاءهم المعلومات، مهارة لابد أن يتحلى بها المُربى، وأيضا منحهم الوقت للاستكشاف والمعرفة دون تدخل منا ولا نقد.
يتبع،،

#أمانى_عادل
#رسائل_تربوية
#مجرد_تدبر
https://t.me/R_T_amany

Telegram

💗رسائل تربوية💗

محتوى أسرى وتربوى تقدمه: ***🌸***أمانى عادل***🌸*** معلمة قرءان - إجازة بالقراءات العشر ارشاد أسرى وتربوى دبلومة T.O.T (تخصص سن المراهقة)

#أمى_لماذا_نصوم ؟؟
#الجزء_الثالث_والاخير

لم يمضى من الوقت الكثير حتى أتانى متبسما؛ قائلا:
🧒= أنا حاسس كده ان كلامك ده كان عشان سؤالى احنا بنصوم ليه..صح؟

🧕- أومأت برأسى مبتسمة : أى نعم، واتمنى اعرف انت فهمت ايه

🧒= فهمت ان ربنا أمرنا بالصوم عشان نعيش شهر كامل زى الملائكة، ونتغلب على التشابه اللى بيننا وبين الحيوانات🙊🙉🙈

ومفيش مانع اننا نمتنع عن أكل حاجات بنحبها كام ساعه بس🤷🏻‍♂
عشان وقت الفطار ساعة اذان المغرب لما نأكل ونشرب ، هنفرح اننا قدرنا نتحكم فى نفسنا وكان عندنا ارادة قوية طول اليوم، وقولت لأ بكل قوة للايس كريم 💪

🧕-  كلام سليم .. انت كده فهمت الحكمة من الصوم

‌👦🏼⁩=بس انا خايف جسمى يضعف من قلة الأكل

🧕- بالعكس يا حبيبى .. تعرف انك لما بتصوم؛ بتحافظ على صحتك

‌👦🏼⁩= احافظ عليها ازاى يا ماما .. مش فاهم

🧕- العلماء اكتشفوا أن الصوم بيقوى مناعة الجسم؛ وبيخلصه من المواد الضارة
وجاء فى حديث النبى صلى الله عليه وسلم أنه قال: "صوموا تصحوا"

انتهت
🍃🌼🍃🌼🍃🌼🍃🌼🍃

بالتأمل  فى تركيب الانسان؛ سنكتشف أن كل منا يحمل بداخله جانب ملائكى وأخر حيوانى✌️
⭐️ أما الجانب الحيوانى يتمركز فى شهوتى البقاء والتكاثر
⭐️وكلما كان الإنسان تابعا لهواه وشهواته كان أقرب للحيوان ....
وأما الجانب الملائكى يتمركز فى تزكية القلب والروح💚
✨وكلما كانت الروح متعلقة بخالقها والنفس متجددة النية خالصة لله؛ والقلب سالما متوكلا على الله
✨كلما ارتقى الإنسان لمنزلة الملائكة

🎀 بينما العقل هو المميز لنا؛ هو المحور الذى يساعدنا فى اختيار أحد الجانبين ليكون له النصيب الأكبر من شخصيتنا.

🦋اسمو بأنفسكم فى رمضان لتصلوا لدرجة الملائكة ولتخرجوا من رمضان أفضل مما دخلتموه، الصوم عبادة مختلفة لا عمل فيها، بل هو قائم على الترك؛ ترك المباح ابتغاء طاعة الله؛ ترك الطعام و الشرب امتثالا للأمر و طمعا فى الثواب؛  وترك المعاصى تزكيةً للنفس وتطهيراً لها.

كل عام وانتم الى الله أقرب💚
اللهم بلغنا رمضان
t.me/Will_Live_Happily

#أمى_لماذا_نصوم ؟؟ 🤔
#الجزء_الثانى

الآن وبعد أن أصبحت أملك الإجابة، قررت أن أبدأ انا الجولة، وأبادره بالسؤال

🧕-حبيب ماما.. ممكن أسألك سؤال صغير؟
🧒=أتفضلى

🧕-ممكن تقول لى ايه أشهر المخلوقات فى الكون كله غير الأنسان؟

🧒=المخلوقات اللى على الأرض، حيوانات، ونباتات، وحشرات،واسماك، ومخلوقات فى السماء الملائكة والشياطين

🧕 -طب هل فيه تشابه بين الإنسان والمخلوقات التانية؟

=شرد بفكره قليلا ثم أجاب: أظن مفيش

🧕 -ايه رأيك الأول نعرف تركيب الإنسان، وبعدين نجاوب على السؤال

🧒 =ماشى

🧕- الانسان يتكون من جسد وقلب وعقل وروح
الجسد.. يحتاج إلى الأكل
والقلب.. للحب والمشاعر
والعقل للتمييز والتفكر والإدراك
الروح أو النفس للتعلق بالله

دلوقتى بقى تفتكر هل فى مخلوقات تشبه الإنسان فى التركيب ده🤔

🧒= أجاب مسرعا: أيوه طبعا، الحيوانات عندهم جسد وقلب وروح، بس مفيش عندهم عقل
🧕- صح.. وعشان كده الحيوانات مالهاش حساب فى الأخرة، يعنى مش هتدخل جنة ونار و....

🧒 = قاطعنى قائلا: أيوه فعلا المستر فى حصة الدين قال كده، وكمان قال لو الإنسان عاش حياته يأكل وبس هيكون زى الحيوانات، لازم نفكر بالعقل

🧕- كلام سليم، بس تفتكر الحيوانات تقدر تمنع الأكل أو تعمل رجيم زى الإنسان، أو مثلا يكون قصادها أكل بتحبه وتسيبه

🧒=أجاب ضاحكا: لا طبعا، دول بياكلوا علطول أى حاجة، حتى لو مش نضيفة🤣🤣

🧕- تماااام، ده معناه ان الحيوان مفيش عنده ارادة، لكن الإنسان عنده، ويقدر يتحكم فى تصرفاته، ويقدر يمتنع عن الأكل حتى لو بيحبه، يعنى يقدر يصوم؛ ويصبر على عدم الأكل

عقد حاجبيه وأطبق شفتيه، ولم يرد‌☹️⁩

فاستطردت مسرعة قائلة:
ده بالنسبة للتشابه بين الإنسان والحيوان، طب تفتكر مافيش تشابه بين الإنسان والملائكة

🧒 =نظر لى متجهما، وقال: ازاى يا ماما، أًصلا الملائكة مخلوقين من النور، يعنى مفيش عندهم جسم زيينا؛ ومش بيأكلوا؛ وعندهم أجنحة، وكمان مش بيعملوا أى معصية، يعنى مفيش اى تشابه؛ بس ساعات بتمنى اكون ملاك😇

🧕- بس تقدر تكون شبههم شوية💚
الإنسان ممكن يكون شبه الملائكة لو قدر يمتنع عن الأكل شوية، ومنع نفسه من ارتكاب أى معصية(كذب أو غيبة أو مشاهدة افلام تضيع وقته وغيرها كتير)
وبنفس الوقت هيكون افضل من الحيوانات لإنه اتحكم فى نفسه؛ وتحلى بالصبر؛ وأظهر قوة الإرادة عنده وامتنع من حاجات بيحبها لوقت بسيط، يعنى يصوم

✨وهنا توقفت عن الكلام و تركته بمفرده وغادرت المكان، تركته يفكر فيما دار بيننا من كلام؛ لعله يراجع الحوار الذى كان بيننا ويجد فى ثناياه شيئا يشفى صدره، داعية الله أن يشرح صدره وينير بصيرته.🙏
يتبع؛؛
#تربية_الأبناء
#هنعيشها_بسعادة
#أمانى_عادل
t.me/Will_Live_Happily