書展問我哋去唔去攞檔，我哋想去不過冇friend住Manchester ?

有冇人6月9-11可以借宿兩宵??‍♂️??‍♂️ pm @victoriahk

—戰前建築—

#香港會 Hong Kong Club (1897 — 1981)
殖民主義、精英主義嘅象徵，做得會員都係達官貴人，高官首富，去到今時今日都係一個好難入嘅會所。

七十年代因為空間不足、老化令保養成本上升，加上木製結構容易火燭，會方動議重建，會員曾經反對過，可惜最後重建方案成功喺一九八一年通過並拆卸，今日嘅我哋就唔再可以見到呢座咁靚嘅會所。

#滙豐銀行總行 HSBC Main Building (1935 — 1984)
一座典型嘅裝飾藝術風格（Art Deco）建築，設計喺1920年代至1930年代興起。落成嘅時候係香港當時最高、遠東最大型、亞洲第一幢有冷氣嘅建築。

Art Deco特點包括會運用當時現代建材去起樓，比如鋼筋水泥、鋼鐵同玻璃。同埋對於平衡對稱，幾何形狀，線條有一份執着。紐約帝國大廈就係Art Deco建築典型代表之一。

而佢去至一九八四年因為空間不足而拆卸重建，滙豐保留返頂樓嘅石獅子喺今日新滙豐大堂中庭。

———————————
英式建築戰後步入歷史，取而代之嘅係現代主義，可能有人認為呢種四四方方嘅石屎建築無乜特色，但戰後世界講求務實同功能至上，舊有設計已經不合時宜。

#愛丁堡廣場碼頭 Edinburgh Place Ferry Pier (1957 — 2006)
二零零六年十一月十一號，四十八年歷史嘅愛丁堡廣場碼頭夜晚十二點正式關閉。冇幾耐連皇后碼頭都拆埋，變成今時今日嘅龍和道，即使試過佔領抗爭，但香港人從來都無法掌握自己命運。

#大會堂 City Hall (1962 — )
當年非常前衛嘅國際主義設計，高低兩座之間一個紀念花園嘅簡約設計，成為中環鬧市一處寧靜地方。

半世紀以來，舉辦過大大小小嘅音樂演奏會，古今中外展覽等文娛活動，成為多代香港人回憶。

二零二二年三月，古物諮詢委員會將大會堂列為香港首幢戰後落成嘅法定古蹟，61年樓齡嘅大會堂更加係最後生嘅古蹟。

#郵政總局 GPO (1976 — 202?)
大會堂被評為古蹟，可惜佢隔籬同樣係現代主義嘅天星碼頭停車場同郵政總局就冇好彩，將會喺呢幾年消失。

中環新海濱三號用地，會喺2027年至2032年內完工。郵政總局同埋停車場都係範圍內，換言之最遲呢幾年佢哋就會拆卸。

📐規格
有魔術貼/熨貼兩種版本
直徑 9cm
台灣製造

💰價錢
單個港幣80蚊 / 台幣300蚊
魔術貼/熨貼一齊買港幣140/台幣550