Ցեղակրոն Համայնքը այսօրվանից հանդես է գալիս որպես « Ցեղակրոն Համայնք » Կրթամշակութային Հասարակական Կազմակերպություն:

Կազմակերպության նպատակը Ցեղակրոնություն ազգայնական գաղափարախոսության զարգացումն է ` ազգային արժեքների տարածման նպատակով:

Գարեգին Նժդեհը մեզ փոխանցել է փրկության բանալին, իսկ թե ինչպես կօգտագործենք այն, կախված է մեզնից յուրաքանչյուրից:

Փառք Ցեղակրոն Հային,
Փառք Նժդեհին:

Հուլիսի 5-ը Հայաստանում նշվում է որպես Սահմանադրության օր: 1995 թվականի հուլիսի 5-ին այն ժամանակ երկրում իշխող կուսակցության` Հայոց համազգային շարժման պատրաստած Հիմնական օրենքի նախագիծը դրվեց համազգային հանրաքվեի եւ հավանության արժանացավ ժողովրդի կողմից: Այն անկախ Հայաստանի առաջին Սահմանադրությունն էր:
Սահմանադրության մեջ փոփոխություններ կատարվեցին 2005 թվականին: Հետագայում փոփոխություններ կատարվեցին նաև 2015 թվականի դեկտեմբերի 6-ին՝ հանրաքվեով, որոնցով Հայաստանն անցում կատարեց կառավարման խորհրդարանական համակարգի:
ՀՀ Սահմանադրության Հոդված 1-ի համաձայն Հայաստանի Հանրապետությունն ինքնիշխան, ժողովրդավարական, սոցիալական, իրավական պետություն է: Հոդված 2-ում էլ սահմանվում է, որ Հայաստանի Հանրապետությունում իշխանությունը պատկանում է ժողովրդին: Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաև Սահմանադրությամբ նախատեսված պետական և տեղական ինքնակառավարման մարմինների ու պաշտոնատար անձանց միջոցով: Իշխանության յուրացումը որևէ կազմակերպության կամ անհատի կողմից հանցագործություն է: