من أنا؟؟
لطالما سألت نفسي هذا السؤال محاولاً أن أعرف..
تهت كثيراً في هذه الحياة ورأيت عدة أشياء ولا إجابة تشفي الغليل..

ربما لست بموجود او أنني مجرد شبح ولكننا ك أبناء منطق لا نؤمن بوجود بالأشباح أو الأشياء التي تروج لها أفلام الرعب؛ اه كم اكره أفلام الرعب وكل ما يسرق النوم من عيني المرء ولكن رغم ذلك أصنف قوية ولا يرهبني شيء مثل عبور الشارع دون الاهتمام ان هناك سيارة مسرعة قد تلقي حتفي؛ ربما هذة اللامبالاة التي يقال عنها !!

البارحة فكرت كثيراً ووجدتني بعدها ابكي فشلي وانا أنظر أمامي لشهادة البكالوريوس خاصتي وكل ما فعلته لسنوات ؛ انا التي اذا سألتها عن الدواء لأخبرتك مكان عمله بالظبط داخل أعمق مكان في الجسم وعن أعراضه الجانبية التي قد تقتلك وعن كل ما هو مهم دون أن يرف لي رمش ومع ذلك أرى نفسي لا اعتبر شيئاً في هذا الكون وربما يناسبني أن أكون فراشة ذات جناحين مزركشين وبالمناسبة أنا اكره الفراشات كثيراً ..

حسناً س نتوقف ف حتماً لا مجال للوصول..

#رهام_معاوية ?..

الخرطوم ، الخامس عشر من سبتمبر ، 2022

عند صباح خميسي وعند تمام الحادية عشر تقف أمام باب الصيدلية بإنزواء سيدة تبدو في نهاية ربيعها الأربعين ..
أقف أنا بلطف وأدعوها للدخول وتتمنع هي بحياء وبعد محاولات عدة تخطو ناحياتي وتضيف بخجل: (ًعايزة المسكن دا يبتي وعليم الله ما عندي قروش)..

أبتسم وراسي على الارض لكي لا تظهر علي ملامح قد تزرعج حياها وأناولها دواء لا تتعدا قيمته ال 400 جنية وادعو لها بالعافية وياتيني صوتها الخافض قائلاً : ( بحاول اجيب ليك القروش ) ، أجيبها بسرعه من يخفي نبره صوته الحزين : ( ولا يهمك يمة ما يحتاج ) ..

أسمعها وهي تدعو لي كثيراً كأني أهديتها غنيمة وأكتفي أنا بالإبتسام وأردد داخلي برجاء : ( يرب اعيش ليوم بكره عشان ادفع حق المسكن لاني اسه ما شايله قروش ) وتخرج هي كمنتصر رغم إنكسار الجناح وتتركني لفرط وجعي على الحال ..

تاتيني كل المرات التي زارني فيها محتاج لا يملك قوت يومه وعن حاجة احدهم لدواء وعن قصر الايدي وعدم الحيلة وأتذكر قول أحدهم معللاً حاجته : ( زمان الواحد كان قادر يجيب حاجة تسد حاجته اسه الوقت بقى صعب يبتي ) وتسبلني المواقف للحزن العميق

أجلس بثقل علي المقعد والعن الفقر والحوجة وقلت حيلتي وهذه البلاد التي زجت بابناءها للقسوة وأمسح تقاطيع حزني سريعاً لأبدو كملاك رحمة رغم سوءً الحال وأدعو الله كثيراً عله يهون كل شي ?.

#رهام_معاوية ?…

يقع علي عاتقي الكثير من الندم على الأشياء التي لمن القي لها بال قبلها؛ أخرج معظم الوقت بنفس القميص وآكل بضع وجبات إذا أضطربت معدتي جوعاً وأكاد لا أذكر التزاماتي تجاه أهم الامور التي قد تغير حياتي وعن كيف لم يهتم شخصاً مثلي لعظمته كما في عيناها وعن كيف صار لكسر أصغر أضافر يدها وقع علي قلبي ! ..

مرة ما ضحكت أمامي ف أفتعلت داخل سريرتي قصص لا تنتهي عن مدى توغل شخص وتفرده بالمكان والسبب الحقيقي وراء أنك تحيا بشخص ولشخص وأن السراديب ليست من الأساطير أنما خلقت لتخبي شخص من كل سوء العالم ليكون لك العالم وأن كل ما عشته قبلها لا أساس له وأني عداها مجرد من كل شي ..

اتسال دائما بعد كل درس فيزياء عن كيف أن الصدى سببه الفراغ الأ جات هي بعمق صدى صوتها تعبر خلاياي كلها وكأنني كتله فراغ عظمى تربعت على عرشه وعثت فيه الحياة ♥️

#رهام_معاوية ?...

نحن راس مالنا في الحياة دي الأمان لو ما قدمتو لينا بغض النظر عن مكانتك شنو ما بتلزمنا وأن كل الناس شايفنك أرهب زول مرا عليهم..

#الرهاام

نحاول ما ندي الناس اكبر من حجمهاا..
نحاول ما نغفر كل زله بتحصل سواء مننا او من غيرنا
نحاول ما نغلف الاذى البجي من شخص بمحبتو لينا
نحاول ما نقيم الحاجات الما بتستاهل ربع تفكيرنا
نحاول ما نكبر اي شي وناخد كل شي بعقلانيه..
نحاول ما نتهرب من حقائقناا والبحصل حولنا..
نحاول ما نتغاباا العرفه في جوطة حياتنا ونرتبا
نحاول ما نرجع ورا كتير ونتحسر ع الماضى والذكريات
نحاول ما نضيع نفسنا في وسط الحياة بمبدا خربانه ..
نحاول نركز قدام اي مصيبه تواجهنا ونحلها بثبات..
نحاول نكون قدر كلامنا وما ننسحب من نص المعركة
نحاول نكبر ونوعى ونصبر على ظروفنا ونغير منها
نحاول ندى كل شي قالبو الصح ونختو في محلو الصح
نحاول ما نندم علي قرارتناا الجات بتركيز وتفكير وأن فشلت
نحاول نكون واعين لي أهدافنا وقيمنا ونكون قدر الحمل
نحاول نعيش واقعنا بعيداً من التصنع وأن اختلفت البيئة الحولناا..
نحاول نمد رجولنا قدر لحافنا أو نجيب لحاف أكبر بتعبنا
نحاول ما ننهزم ونتماسك وأخيراً نطيب جوا وبرا ?

#رهام_معاوية ?..

لمن تكون حافظ وما فاهم..

شخصياً بعتبر الحفظ في أي شي ما شطاره ولا مقياس لي إنك رهيب في الحاجة دي ما لم تفهم التكنيك كويس ..

في مقوله بتقول ليك الزول دا أنا حافظو وعاجنو، ياها العجنه دي هي راس مالنا، بمعنى انك فاهم الزول ومقطع معاهو دروبو ولولوتو وحركاتو وقادر تتعامل معاهو...

كتار قبل الامتحان بحفظو الماده كويس وبجيبو درجات عاليه لكن لو الامتحان أتبني على فهم بتلقاهم ما قدرو يحلو شي رغم بساطه الموضوع..

كتير بتلاقينا حتته طعم الأكل دا م زي دا رغم الوصفه واحدة؟ اي واحدة لكن الفاهم الطريقة صح هو اليدو أطعم وهو البفوز..

كتير بتصادفنا قصه إثنين سوا منذ الأزل وممشنها بعشرتهم لكن ما الوقت بكتشفو إنهم ما متفاهميين ولاعارفين متطلباتم تجاه بعض شنو من ناحية عقليه وما بباصو بحبهم لقدام وكل زول بشوف درب ثاني بحسره وبقيف حمار الشيخ في العقبه..

كتاار البخشو معركه الواقع مقطعين الورق وحافظين التفاصيل لكن ما فاهمين يختو الجوا الورق وين !!

صعوبه الحياة..
العلاقات بكامل مسمياتها..
الشغل المحتاج ذكائك ومنصبك العايز عقلك ..
الفراغات المحتاجة تتملي صح عشان ما تخلي فيها قابات..
البنيان المكون من كم طابق وسندو الأعمدة وإلا ح تقع..

الحياة ما دائما بتديك اوبشن أتولد وفي خشمو ملعقة ذهب، لابد تمرمطك معاها وتختبرك وتختك في حتات ضيقه وما بنصرك ألا تكون زول فاهم كويس، فاهم لي اتعكست هنا ولي ظلمت ولي ما ظبطت في المكان دا عشان من كل غلطة أتعملت تخت فرضياتك وحلولك وتصلحا وتمشي لقدام..

الحياة محتاجة منك تنضج الشغل تمام ، حصل شفت ليك مسأله فيزياء انت حافظ قوانينها اتحلت بدون تفهم كيف بتتحلا ؟؟

#رهام_معاوية ?..