جديد
https://youtu.be/ekX0e5cFqsM?si=8Bffitpg_-kEkegr

قصيدة || الى المهدي

الرادود ||عبدالله المسعودي
الشاعر ||شاكر محمود الكيم
واسط _قضاء_ بدره
موكب اولاد ام البنين

لقد انتظرت انت تكون خيبر
لكنها كانت كربلاء ?
سيد المقاومة ? باامانه الله ومع محمد وال محمد ??

تلبيه لنداء المرجعيه
بأسم مولانا كاشف الكرب عن اخيه الحسين
سيتم ارسال مبالغ ماليه لاهلنا في لبنان
ممن نزحو الى مدينه السيده زينب ولاذو بعبائتها المقدسه
بالتنسيق مع الاخوه في حزب الله

07828218567
زين كاش

مو علي الاكبر      هذا مختار
مو علي الاكبر       بيده فقار
..................................
بيمينه        لحسينه       سلم وبفخر
واحساسه    بعباسه     صولات الكمر
شوفهم       عسكرهم     انواع الخطر
من عيونه    يعرفونه    بن فارس مضر
ملثم وسيفه     يخط الصفوف
فارس بكيفه     يكتب حروف
مو علي الاكبر    هذا مختار
مو علي الاكبر      بيده فقار
................................
من يبرز    ضل يرجز       انه ابن الولي
  بالله          وتالله         احمي عن هلي
ما اهتم       واتحزم       بياحيدر  علي
عالذله         والزله          ما ترهم  الي
الفارس الضيغم       صوته قرأن
يرجز اعله الهم        رغم عطشان          
مو علي الاكبر    هذا مختار
مو علي الاكبر     بيده فقار
..................
يشع نوره     المعموره    بدر وبيه ضوه
من لثامه      لخيامه       تارس نينوه
برسومه       وعلومه       قائد للهوه
من خياله      الخياله      تتراكض سوه
رجع الخندق       وخبير الموت
ناطق وبالحق      دايم الصوت
مو علي الاكبر      هذا مختار
مو علي الاكبر       بيده فقار
.......................................
برزخ هم     ما تسلم     من سيفه العده
والعسكر     ضل يزغر     الاكبر من بده
من سيفه     وبحيفه      كراب مهنده
يالعسكر        لتفكر      حسين لوحده
وصل الفكره      لعسكر الشام
الحرب نصره     لدين الاسلام
مو علي الاكبر    هذا مختار
مو علي الاكبر     بيده فقار
..................................
الاكبر       من كبر         وبنص الزلم
ناداهم     خلاهم       الطف تنقسم
الخايف    والراجف      حصتهم هزم
بصمصامه   اعله الهامه    يطشرها ويلم
الغيره بعيونه    معصب الراس
الكل يهابونه      جنه عباس
مو علي الاكبر    هذا مختار
مو علي الاكبر     بيده فقار
................................
هالفارس    بيه واهس    ماهمه العطش
يتبختر       ضل يفتر      هلال اربعطش
سواها         وخلاها       كاع الطف نعش
والرايه        بيها ايه       الجيش ارتعش
بيرغ الساده       يكحل العين
يرف كالعاده      بوجه الحسين
مو علي الاكبر      هذا مختار
مو علي الاكبر      بيده فقار
..........................
الشاعر شاكر محمود الكيم

باب غفران الذنوب    حسين يالرايد تتوب
كل مفاتيح الجنان بخدمته
والذنوب تطيح كلها بحضرته
...........
كافي من الضياع التارس سنينك
يمته تعيش عمرك كله لحسينك
لتخلي الذنب مابينه وبينك
باجر تنحرم من شوفته بعينك

مهجه الزهره ذبيح         حتى انت تستريح
رماح وسهام وحجاره بجبهته
والذنوب تطيح كلها بحضرته
.........................
عيش انسان خادم من كلب ولسان
سلم كل حياتك للي ضل عطشان
انكسر وابجي اعله ضعن الغربه والنسوان
وتذكر حسينك بالشمس عريان

الخيل سحكت عالضلوع     مصاب ماتكفي دموع
ياحزن يكفي السليب وغربته
والذنوب تطيح كلها بحضرته
.........................
ابجي بحركه كون دموعك تلالي
اعله حيره زينب الضلت بلا والي
انكسارك كون جناز ومشه بغالي
رخص دمعتك تلكاها بالتالي

الدمعه اسرار القبول        للي ساحكته الخيول
حسين بالطف الحوافر طحنته
والذنوب تطيح كلها بحضرته
.................................
اليستاهل شبابك يكضي بأيامه
ذاك الشاف اخوته تموت كدامه
كلها تذبحت عيش انت ب الالامه
استشعر بالمصيبه وحركه خيامه

مصيبته اعظم من عزاء     مصيبه تبجي الها السماء
الله واكبر بالفلا تضل جثته
والذنوب تطيح كلها بحضرته
....................................
لا تحتار بين بين الدنيا والخدمه
باجر مايفيدك غير ابو اليمه
عمر جم يوم تكضي ايامه وبهمه
يهنياله الي الخادم ويه اسمه

بالكبر باجر يجيك     خادمي مسير عليك
شكد بخيت حسين يؤنس وحشته
والذنوب تطيح كلها بحضرته
........................................
واسي المنتظر عالضيم والغربه
تره طلاب ثار ومنكسر كلبه
على الشيب الخضيب وصاحب الجربه
وعماته المشن للشام شكد صعبه

المهدي عايش بالونين    صارن هواي سنين
وادعي بدموعك يعجل طلعته
والذنوب تطيح كلها بحضرته
...............................
الشاعر شاكر محمود الگيم

يمته يالموعود تاخذ ثارها
لهسه نابت بالضلع بسمارها
امك الزهره وضلعها
للفرج تدعي بدمعها
لهسه نابت بالضلع بسمارها

.....................................

يمته تاخذ ثارك من اهل السقيفه
الجبت والطاغوت يا أخر خليفه
تصلب انت الحرك باب الله ومضيفه
تجبر ضلوع الصفت نار بصريفه

العرب ما تستعجل بثاراتها
لجن الف وكسر كثره اهاتها
سنينك تعيش بوجعها
للفرج تدعي بدمعها
.....................................

شعظم صبرك وانت بعيونك شفتها
بين باب وحايط سنينك عشتها
يابو صالح وانت بالهم سولفتها
سالفه حزنك ولا يخلص وكتها

ياغريب وتبجي وحدك ليها 
بالبقيع تنوح وتواسيها
روحك يسولف وضعها
للفرج تدعي بدمعها
........................................

يارزيه فاطمه شعظم الرزيه
الها يهتز العرش هاي الزجيه
تغسلت بدموع حماي الحميه
وشيعاها بليل جانت عالوصيه

امك جنازتها محد شالها
جن غريبه ولا بشر يبرالها
تبجي بس محد سمعها
للفرج تدعي بدمعها
...................................

عيونك شما تغفه حلم بالمصيبه
وتنكسر مثل البكت بطف غريبه
صوتك لسابع سمه يمه الحبيبه
عالكبر ما عدها يالمهدي ونحيبه

تشوف ثوب امك بدمها ناكعه
وساعه العصروها جانت واكعه
الرجس لمن دفعها
للفرج تدعي بدمعها
.....................................

يا بو صالح اه يا باجي الهواشم
تلمع بجف ايدك سيوف الصوارم
الزهره ما صاحت علي تدري انت قائم
تاخذ بثار الزجيه والفواطم

بالوصيه حيدر مجتفينه
امر الله وجان نازل بينه
تنتظر يسكن وجعها
للفرج تدعي بدمعها
.....................................

يهدى ثوابها لروح خادم الحسين
اخي الشاعر زيد عدنان الزيدي

خادم الزهراء
الشاعر شاكر محمود
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4