صبَاح الخير يا أصحاب .. والله ما وصلت لربع الي وصلته من سلام داخلي، أو رضا عن نفسي وعن حياتي، وقبول بقضاء الله وقدره، ونجاح، وراحة، وهدوء، إلا لأني كنت متكئة بكل ثقلي على الدعاء

إلا لأني كنت ندعي، ماكنتش نراجي في الإستجابة بقدر ما كنت نراجي أنه ربي يكتبني من المعروفين أصواتهم في السمَاء

في بداية الأمر كنت ندعي باش نحصل هديكا الحاجة مثلًا ! أو نجاوب في الإمتحان، أو ربي يكفيني شر مَا
ولكن بعد فترة بديت ندعي لأنه أستشعرت عظمة إني بجديات نطلب في الممكن من رَب المُعجزات!

قال صلى الله عليه و سلم:

‏"لا تعجِزوا في الدُّعاءِ فإنَّه لنْ يهلِكَ مع الدُّعاءِ أحَدٌ"

و زي العَادة أذكروني في صالح دعائكم 🩶

٦:٤١ صَ

بالقرب منّي الحياة مش مثالية بالقدر المطلوب، الأحزان مش حتختفي دفعة وحدة، القلق مش حيبطل يجي، الصداع مش حيهرب بروحه، المشاكل مش حتمشي لبعيد .. لكن بالقرب منّي بس، حنصنع من التراجيديا الي في حياتنا قصص نحكيهالك في مُكالمات أخر الليل، من دلعي لما زعلانة نوبات…

' فيه فرق بين النصيب والقرار، اللي سابك وراح كان نصيبه أنه يعرفك بس قراره كان أنه يروح '

يمثّل أنه رجل والرّجال قليلٌ، وأفعاله ماتديرش حتى ظلهم.

نحب فكرة النجاح بعد التعب، نحب كوني تعتب هلبا باش وصلت هني، كل لحظة ضغط مريت بيها، كل زنقة أميرات في المنهج، كل مرة حسيت فيها أنه معاش عندي وقت والمنهج الي مقريتاش أطول بهلبا من الي قريته، كل مرة بكيت، كل مرة قلت خلاص معاش عندي جهد، كل ليلة سهرت فيها، كل فجر فقت فيه، كل منبه درته بكري وأنا ناقصة نوم لين خلاص، كل معلومة كان صعب نحفظها، وكل أمتحان مشيتله وأنا مش قادرة نثبت شيء، كنت متأكدة فيهم أنه ربي حيكافئني!

أنه ربي مش حيضيعلي تعب، أنا مدايرة الي عليا قدام ربي، وما توفقي إلا بيه .. وربي هلبا حنون وكريم ?

الحمدلله، هاذي مرحلة تميناها على خير من سلسلة يوميات طالبة الطب الجميلة، الحمدلله إني صفيت كل موادي لهالسنة

ياربي وفقني في الجاي، وكونلي عون وسَند فيه ?

١ نوڤمبر ٢٠٢٤ | ١:٣٦ صَ

Could be us ♥️

‏يارب أن لا ترفضني الفرص، ولا يستعسر علي الحظ، ولا تنقصني الطمأنينة

آمين..

‏"أحب رمزية الطبخ للمحبوب والأكل معه داخل المطبخ، مشهد يتجاوز كونه غريزة لرعاية الآخرين والبقاء على قيد الحياة إلى الإفصاح عن الحب والاهتمام.

جزء كبير من ممارسة الحياة يحدث هنا والأحاديث الحميمية والكاشفة دائمًا ما تجد طريقها للمطبخ بتلقائية، ربما الحب أن نأكل معًا ثم نبدأ الحياة." ♥️

عارفة إنك تقرالي، ولهَذا حنقولك
لو كان بينك وبين الجنة ذنبي، مش مسامحاتك.

بستنى في يوم إنك أنتَ تشوف
خسرت مين عشان مين
فلا تحكي ظروف!

٤:٣٧ مَ