" عبدالكافي البرعصي "

حتى والفراق أقسام !
اللوم ع القديمين دايره •

" خالد الرعيدي "

ماعد جاك والي
وجهك شين يا دار الغوالي
جاك العيد ماعد جاك والي

• كُل عام وانتُم بألف خير •

" يقال ع القسم "

قسمي جاي أيطوطح فيده !
جيّة الحصان بلا سيده !

" مفتاح الميراد "

مكان القدّيم خطوّه ، بعيد دورو وين تنزلو !

" وسام الجوهري "

غاب غني ماعاد أنريده ،
غيبت قبلي يوم حصيده !

الله غالب شدي ما جاك !
السيل خذاك
أخليتي ماتو كلّ ضناك 💔!

إن لله وإن إليه راجعون !

" فايز أمعزب "

مرهون علِي طول أذراعي
عدّا عزقة حيطة راعي !

" سالم مسعود "

حتا نا ماعاد أنريدكْ ، يا قتّال غلانا بيدك !

" محمد بوخليل "

عندي للطايحّ تقعِيده ، يبال عزيز ومدّ أيده !

_