سەلام باوە
بابە بەر لە تەواو بونی ساڵ هاتووم هەندێ قسە بکەم ، ئێستا کە لەلات دانیشتووم ڕۆژی جومعەیە هەر وەک چۆن بەڵێنم پێدایت هەموو جومعەیەک لەلات بم ئەوەتا ئەمشەویش هاتووم بۆ لات سەعات ٩:٠٢ شەوە
بابە جورئەت ناکەم بە دەم ئەم قسانەت پێ بڵێم و ناچارم کە بینوسم ، بەو خوایەی تۆی لێ سەندم ناچارم!!
بابە شتەکان بە ویستی من نین هیچ شتێ بە ویستی من نییە بەخوا ، نە ژیان کردنم نە پێکەنینم نە هەناسەدانم هیچی ، هیچیم ناوێ من وەلێ ناچارم ، ناچارم ژیان بکەم بە خاتری دایە ، ناچارم پێبکەنم بە خاتری خوشکەکانم ، ناچارم ژیان بکەم بە خاتری ئەو ئاواتانەی تۆ هەتبوو دەربارەی من و منیش نەمتوانی تا لەسەر دونیای بۆتی بێنمە دی
بابە شەکەت بومە هەستی پێ ئەکەیت؟!
بەخوا حەوصەڵەی هیچم نەماوە ، بابە یەکەم زستانە بێ تۆم ، ئیتر کەس نییە بڵێ دەی پەلە پەلە ئەو هیتەرە هەڵکە سەرمامە ، ئیتر کەس نییە بلێ ئەو دەرگایانە داخە ساردە
ئیتر ماڵە گەورەکەمان بۆ ئەبەد ساردە ، هوهـ بەخوا قەت بڕوا ناکەم من ساڵی داهاتوو بێ تۆ ئەبم
بابە ، بەخوا بێ تۆ هیچ هەست بە سەر بەرزی ناکەم..💔
٢٩/١١/٢٠٢٤
٩:٤٣ شەو
ڕۆژی جومعە
شەست و هەشتەمین ڕۆژ..

بابە جیان..
بابە هەر بە جدی یانی جارێ تر من پێکەنینت نابینم؟
جارێ تر توڕە بونەکانت نابینم؟
باوە یانی تۆ ئیتر نیت؟
ئەی کێ ئیتر بڵێ مەڕۆ بۆ تەمرین هەر ڕۆژەو شوێنێکت ئەزیەتی ئەبێت و دواتر کە نەتیجەیەک بە دەست بێنم بڵێی کوڕەکەم ئاوای کردووە؟
ئەی کێ بڵێ کوڕەکەم شاعیرە ههه؟
بەخوا بابە ماڵمان ساردە بێ تۆ
بەخوا بابە پشتم شکا بێ تۆ ، خۆزگە کوێر بومایە و نەمبینیایە کە خۆڵ ئەکەنە سەر ئەو ڕوخسارە گەشەت
بابە من ئێستا لەگەڵ کێ گاڵتە بکەم؟ بە کێ بڵێم «وەستا» ؟
بابە بەخوا زۆر بیرت ئەکەم
بریا لێرە بایت ڕوناکی ماڵم
چارم نییە بە خاتری خێزانەکەم ئەبێ باوەڕ بکەم کە ئیتر نیت
بڕۆ خوات لەگەڵ تاجی سەرم
خوات لەگەڵ ڕوناکی ماڵەکەمان
ڕوحت شاد..🖤
٢٣/٩/٢٠٢٤
٤:٣٨

https://ig.me/j/AbaFSsdxmRJvf17Y/

جۆینی گروپی ئنستگرام بن?

کۆتا نامە پەخشکراااااا????

بڕۆن بینەر ببن ?

https://www.instagram.com/reel/C6enyD6ByVK/?igsh=ZGxsYjc3Z3cwNXRm