Бакъда, сага хац ший 1оажал мичахьа я, амма бакъда, саг декхаре ва валар гаргадалехь ший г1улакхаш тоаде. Вайна хац ер т1абоаг1а мархий бутт кхы вайна боаг1аргбий. Вай мехка даьржад зинахьа, наркотикаш, бой рузкъа даар, исроаф, йоал, харцо ювцар, маьрша нах боабер. Вайна вай къинош бахьана Дала бала кийчабаьбале, Аллах1агара деха вай цу балал лакхаг1а вайна сабар далар.

Дала йоах Къор1ана чу:

АллахIа нахага дар хувцац, шоашка дар цар хувццалца. АллахIа́ наха́ во де (Iазап дала) лайча, из (цхьанне) юхатохаргдац (малайка а кхычо а). Из (АллахI) воацар тIаоттар а вац царна (из Iазап юхатоха).

( Ар-РаӀд: а́ят 11)

Цудохьа, х1арачунга нахьи ду аз, из мархий бутт т1ехьар болаш санна 1ибадаташкахьа вай совдовлар, б1еха х1амах вай гаьнадовлар, воайла къахетаме хилар, Аллах1ага вай хьоастдалар, дукха гештдар дехар.

Аллах1а беркате болба вайна ер мархий бутт.

Ер аят кхоачам ба бусулба сага Аллах1 воацаш кхыболачарга ца кхейка. Веннача саго хьайна малаг1а новкъостал дира сатувса 1а, ва миск? Деррига хозаш волчунгара деха, из дикаг1а да хьона, ц1енаг1а да хьона, ц1ена 1алам нах цу х1амангахьа башбаьннабац хьона.

Фатихьа сувратач 5 - аятач йоах:

къаьстта Хьогара дех оаха гIо [массадолча хIамангахь].

Укх аята кхоачам хургбеций хьона?

Аллах1ага юхадерзий вай? Вай дег1амаш ц1енадой вай, вай 1оажал гаргаялалехь? Хьа Са къамарга к1ала кхаьча Са эца Малейка хьона б1аргадейча, хьона делургадац тоба, ма баьде, кхераме хургда-кх хьа каша, хьо хьай къиноех ц1енацалуш д1акхелхача. Из 1оажал хьакхачалехьа дехке баьнна, цу къиношта кхы гаргацаболхаш, Аллах1а а, элчанна а мут1ахьа хургболча нахага йоах Дала:

«Ва, шоай дегӀамашта Ӏаьса хlамаш дуккха деш, доазонашта тӀехдувлаш исроаф даь Са лаьш! АллахӀа къахетамах дог ма дилла оаш. Боккъал, АллахӀа масса къиношта rешт ду тоба даьчоа. Даьра Из-м Ше Гешт деш, Къахетаме ма-в».⠀
⠀
39 - Аз-Зумар | Аят 53

Са йижарий, боккъал ма кхардалаш укх дешашта, тахан вай уммата т1алатта бала гуш ма дий вай, из деррига вай къинош лехьадера бахьана да. Боккъал дехар да са шоага, шоай т1адувха барзкъаш тоаде. Шун дувхар бахьана шун дай а, вежарий а, моарой а жожаг1ате г1оргба. Шун ма1нах ДАЮСАШ бале, шо денал долаш хила, шо Аллах1а кхераш хила, т1аккха шун дезал ломаш хургда, уммата толама лургбола къонахий хургба. Боккъал уйла е са йижарий, шоай дег1а маьженаш гуш шо лелаш хилча, Аллах1а уммата толама бахьаргбола дезал лургбий вайна? Шо эздий дика хилча тхона дика хет. Шо дерзанна даьнна, маьженаш гуш шо лелар дезар вий - из шун моастаг1а ва шоан.