Озик-овқат ҳавфсизлиги ва таъминоти доимий эътиборда
Бугунги кунда коронавирус пандемияси кенг тарқалишини олдини олиш бўйича кураш олиб борилаётган бир пайтда аҳоли озиқ овқат хавфсизлигини таъминлаш асосий вазифалардан бири саналади.

Республикамизда бу борада бир қатор амалий саъй-ҳаракатлар олиб борилмоқда. Жумладан, асосий истеъмол маҳсулоти ҳисобланган ун бугунги кунга қадар биржа савдолари орқали барча истеъмолчиларга сотилаётган ва сотиб олинган уннинг асосий қисми республикамизнинг чекка ҳудудларига етиб бормасдан шаҳар ҳамда туман марказларида қолиб кетаётган эди.

Ҳукуматимизнинг жорий йил 16 апрелдаги “Коронавирус пандемияси шароитида республика аҳолисини давлат ресурлари ҳисобига ун маҳсулотларини тизимли ва кафолатли етказиб бериш чора-тадбирлари тўғрисида”ги йиғилиш баёни билан коронавирус пандемияси шароитида юзага келган вазиятни инобатга олиб ун маҳсулоти барча ҳудуларга бир маромда етказиб берилишини таъминлаш мақсадида биржа савдоларисиз тўғридан тўғри шартномалар билан сотилиши бўйича топшириқлар белгилаб берилди.

Бу билан ун маҳсулотлари олиб сотарлар томонидан қўлдан қўлга ўтиши оқибатида нархнинг сунъий ўсиб кетишининг олди олиниб, аҳолининг барча қатламларига тизимли равишда узлуксиз етказиб берилиши таъминланади.

Шунингдек, ун маҳсулотлари етказиб берилиши ҳамда нархларнинг шаклланиши солиқ ва ҳуқуқни муҳофаза қилиш органлари томонидан қатъий назоратга олинди.

Шу ўринда айтиш жоизки, аҳолининг ун маҳсулотларига бўлган талабини қондириш мақсадида “Ўздонмаҳсулот” акциядорлик компанияси таркибидаги тизим корхоналари тасарруфида бўлган замонавий энергиятежамкор технологиялар билан жиҳозланган 52 та тегирмон цехларида ҳар куни 6000 тоннадан ортиқ ун ишлаб чиқарилмоқда.

Бугунги кунда тизим корхоналари омборларида 32 минг тоннадан ортиқ ун захиралари бор ва эҳтиёждан келиб чиқиб ишлаб чиқариш хажмларини ошириш имкониятлари мавжуд.

Ҳукумат топшириғига асосан, “Ўздонмаҳсулот” акциядорлик компанияси тизим корхоналарида ишлаб чиқарилган бир қоп ун учун 125 минг сўм қилиб белгиланди.

Бундан ташқари, тизим корхоналари омборларида республикамиз аҳолисининг ун маҳсулотига бўлган талабини тўла қондириш учун етарли миқдорда дон захиралари мавжуд

Тизимда технологик жараёнларнинг узлуксиз ишлашини таъминлаш бўйича барча чоралар кўрилган. Жумладан, корхоналар ишчи хизматчилари учун санитар гигиеник хавфсизлик воситалари билан тўлиқ таъминланган. Корхоналарга кириб чиқиш жараёнлари тўлиқ карантин талаблари асосида ташкил этилган.

"Ўздонмаҳсулот" АК томонидан "Ўзбекистон Меҳр шафқат ва саломатлик" жамоат фондига 430 миллион сўм маблағ ўтказилди

Бугунги кунда дунё ҳамжамияти коронавирус пандемиясига қарши курашмоқда. Кўплаб давлатлар қатори юртимизда ҳам коронавирусни олдини олиш тадбирлари кенг миқёсда олиб борилмоқда. Ушбу даврни уюшқоқлик билан енгиб ўтиш учун барча бир бўлиб ҳаракат қилиши лозим.

"Ўздонмаҳсулот" акциядорлик компанияси ва унинг таркибидаги корхоналар томонидан коронавирус пандемиясига қарши курашиш бўйича барча чоралар кўрилди.

Жамиятда инсонпарварлик, меҳр-шафқат ва ўзаро холис ёрдам сингари эзгу ғояларни, халқимиз табиатига хос бўлган юксак одамийлик фазилатларни "Ўздонмаҳсулот" акциядорлик компанияси ҳам қўллаб қувватлаб "Ўзбекистон Меҳр шафқат ва саломатлик" жамоат фондига 430 млн. сўм ўтказди.

Компания ва тизим корхоналари томонидан ушбу йўналишдаги хайрли ишларни амалга ошириш давом эттирилмоқда.

Умид қиламизки, бу бизни коронавирус пандемияси тарқалишини олдини олишга қарши курашаётганларга “Биз биргамиз” шиори остида амалий ёрдам кўрсатилаётганлиги халқ саломатлиги йўлида қаҳрамонлик кўрсатаётган инсонлардан ўрнак олишга ундайди.

Азиз юртдошлар, халқимиз саломатлиги йўлида биргаликда курашайлик! Зеро ҳамжиҳатлик ва меҳр-мурувват ҳар қандай ҳатар ва синовни енгишга ёрдам беради.

Ўзингизга ва яқинларингизга ғамхўрлик қилинг!

"Ўздонмаҳсулот" акциядорлик компанияси

Ўзбекистонда коронавирусга чалинганлар сони 33 нафарга етди.

Аввалги беморлар билан алоқада бўлган 9 киши вирус юқтирган, шунингдек, хориждан келган яна бир ўзбекистонликда вирус аниқланган.

⭕️ Хушёрликни йўқотмаймиз.
⭕️ Шахсий гигиенага амал қиламиз.
⭕️ Карантин қоидаларига максимал риоя қиламиз.

UZ:Францияда бўлиб қайтган Ўзбекистон фуқаросида коронавирус инфекцияси аниқланган эди. Сўнгги маълумотларга қараганда, унинг яна 3 нафар қариндошида ушбу инфекция борлиги тасдиқланган.

Шунингдек, шу йилнинг 15 март куни Истанбул – Тошкент йўналишидаги 274-рейс билан келган бир нафар ва жорий йил 14 март куни Лондон – Тошкент йўналишидаги 201-рейс билан келган яна бир нафар фуқарода коронавирус инфекцияси аниқланди. Ҳар беш нафар фуқаро ҳам шу вақтгача тиббий назоратда бўлган. Айни пайтга келиб, ушбу инфекция аниқланган беморлар сони 23 нафарга етди.

Эслатиб ўтамиз, инфекция тарқалиб кетишининг олдини олиш мақсадида олиб борилаётган эпидемиологик суриштирув ишлари давом эттирилмоқда.

Соғлиқни сақлаш вазирлиги
Жамоатчилик билан алоқалар бўлими.

@koronavirusinfouz
#vahimasizkarantin
#карантинбезпаники

UZ:Соғлиқни сақлаш вазирлиги: Коронавирус инфекцияси аниқланганлар сони 15 нафарга етди.

Бундан бир муддат олдин Истанбулдан келган Ўзбекистон фуқаросида коронавирус инфекцияси аниқланганлиги ҳақида хабар берган эдик. Сўнгги маълумотларга қараганда, унинг турмуш ўртоғида ҳам ушбу инфекция борлиги тасдиқланган. Шу билан бирга, Лондонда бўлиб қайтган яна бир мамлакатимиз фуқаросида ҳам коронавирус инфекцияси аниқланган. Ҳар икки фуқаро ҳам қатъий тиббий назоратда бўлган. Айни пайтга келиб, ушбу инфекция аниқланган беморлар сони 15 нафарга етди.

Эслатиб ўтамиз, инфекция тарқалиб кетишининг олдини олиш мақсадида олиб борилаётган эпидемиологик суриштирув ишлари давом эттирилмоқда.

Соғлиқни сақлаш вазирлиги
Жамоатчилик билан алоқалар бўлими.

Манба

@koronavirusinfouz
#vahimasizkarantin
#карантинбезпаники

UZ: 212 нафар Ўзбекистон фуқароси мамлакатга қайтарилди

16 март куни Наманган халқаро аэропортига Эрондан ва Рига шаҳридан чартер рейс билан учган самолётлар 200 нафардан ортиқ Ўзбекистон фуқароларини олиб келган.

Мудофаа вазирлигига қарашли юк-транспорт самолёти Эрондан 37 кишини олиб келган бўлса, Uzbekistаn Airways нинг замонавий лайнерида 175 нафар фуқаро Латвиядан келган.

@koronavirusinfouz
#vahimasizkarantin
#карантинбезпаники