‏فيديو من أحمد سنهوري

__كرمة هواي

رشفتك من حواف الكاس .. حباب اللهفة والاشواق

معتق أصلك الطيب .. مسلسل نبعك الرقراق

فيا كرمة هواي انا كيف مع قلبي الثمل ما راق

مع طبع الولف كتال ... ومن قولة الزمن فراق

؛؛؛؛؛؛؛؛؛؛؛؛؛؛؛؛؛

فلا باخوس .. تخير ليك نبيذ من اجود الاصناف

ولا فلسف هواك جوايا افلاطون ولا جوستاف

رجعت كسيف في آخر الليل وكستك في بواقي سلاف

لقيت آثار خطاكي هناك..  ولكن بس لقيتك ماف

؛؛؛؛؛؛؛؛؛؛؛؛؛؛؛؛؛؛؛؛

وسيطر سحرك الطاغي .. نفذ قدرك على مختار

وفي غيبوبة الاحساس .. هناك في  اللا وعي ومحتار

حفظتك في تراتيلي .. وحجبتك والغرام أسرار

قريتك رقية لي قلبي .. اتخذتك لي همومي دثار

؛؛؛؛؛؛؛؛؛؛؛؛؛؛؛؛؛؛؛؛؛؛

فيا مزدانة .. بي ذاتك .. محصنة بي قناعاتك

ويا ريانة حنية .. تلطفي ياخ مراعاتك

بجيك استغفرك .. من ريد عليه ما جات شعاعاتك

واثبت اسمك الجواي .. تطول في عمري ساعاتك

؛؛؛؛؛؛؛؛؛؛؛؛؛؛؛؛؛؛

لقيتك والمعاني عجاف .. سنابل خضراء في الايام

رئيتك والضلام حالك قبستك .. رؤيا لي قدام

ورافقتي الأماني انيس .. وداعبتي الخيال احلام

وكنتي الروح .. وانا المجروح .. غشاني معاك أمان وسلام

أحمد سنهوري ???