أحب الفرح
أحب اشوف الناس فرحانة
أحب من اي احد يحقق حلمه
أحب من اي احد ينشر الفرح
أحب من نتشارك الأفراح
أحب كلش المناسبات المُفرحة

أحب الفرح..كلش أحبه♥️

"أحب رؤية ملامِح السعادة الحَيّة على الوجوه، وتفاصيل البهجة تغمر الأرواح، ومُفردات السرور تفيض بالصدور، والابتسامات الصادقة تنبعث من الأعماق وتنعكس على الثغور، وأجدُ أنّ قلبي يُبارِك كل فرحة، ويحتفي بكل بهجة، ويبتسم حُبّاً لكل ما يبعث الحياة في الحياة."

-شروق القويعي

الحلول بكل بساطة:

●نقلل قدر الإمكان من البلاستيك و نستبدله بالزجاج

● هاي المواد تتفاعل وي الأكل في حالة تعرضها (للحرارة) يعني نبتعد عن استخدام حافظات الاكل البلاستيك اذا الأكل حار و نحفظ الأكل بيها بدرجة حرارة مو عالية .

● هاي المواد تتفكك اذا استخدمنا المنتج البلاستيكي أكثر من مرة يعني نبتعد عن استخدامه لمرات عديدة

● نقلل إستخدام كلاصات السفري و اللي نشرب بيها جاي او كهوة لأن اغلبها تحتوي على هاي المواد

هاي المواد هواي تشوش الهرمونات و تأثر على الصحة فالإبتعاد عنها أفضل لصحتنا و خصوصاً للبنات 💗

الرسالة؛ غدير شلون نظامچ بالرياضة مو گادرة اعرف شنو احب اي نوع وشنو امارس خاصة اني فتت باضطراب الاكل وحاليا تعافيا بعد تشوهت صورة الرياضة عندي

الرسالة؛
غدير شلون نظامچ بالرياضة مو گادرة اعرف شنو احب اي نوع وشنو امارس خاصة اني فتت باضطراب الاكل وحاليا تعافيا بعد تشوهت صورة الرياضة عندي

"القاء اللوم على نفسك هو وسيلة سهلة للخروج"

صفنتني هاي الجملة..
ممكن عيش دور الضحية مو فقط بأنك تلقي اللوم على الظروف و الآخرين،بل همين بلوم نفسك!

تلوم نفسك (انا شكد غبي،ما عرفت اتصرف و و..)
حتى تهرب من المسؤولية لأن أسهل عليك تحجي على نفسك من إنك تتحمل مسؤولية أخطائك!

انا اليوم أسهل علي أكول شكد غبية ما عرفت احل الامتحان صح، ببدال ما أكول انا ما درست كلش عدل او أكول انا الامتحان الجاي أدرس بتركيز أكثر و أحسن درجتي.

ممكن جلد الذات هو نوع من عيش دور الضحية أكثر من فكرة كره للذات، انت ما تكره نفسك من توبخها،ممكن انت تريد تهرب من مواجهة نفسك عن طريق التوبيخ.

لوم الآخرين و الظروف و النفس أسهل بهواي من إنك تتحمل مسؤولية اللي يصير بحياتك و تأخذ أفعال تحسّن من حياتك.

"لقد كانت الأشجار بالنسبة لي على الدوام الواعظ الأشد نفاذاًوتأثيراً. اني لأبجلها وهي تعيش في قبائل او مجموعات أسرية، في الغابات والبساتين. ويزداد تبجيلي لها في وقوفها منفردة."

-هيرمان هسّه

و الجذور أهميتها تكمن ليس فقط في معرفة الشجرة و تاريخها بل أيضاً في قدرتها على مساعدة الشجرة بالوقوف و الصمود أمام العواصف..ارجع لجذورك دائماً و تذكر من انت و ما هي جذورك و على ماذا نشئت،لا تنسى أهمية المبادئ التي زُرعت بك،حافظ عليها و انتبه لها.

الأوراق هي المسؤولة عن امتصاص ضوء الشمس و اللي هو غذاء الشجرة؛فوجود الأوراق الضعيفة،الباهتة،و السامة راح يضعف الشجرة شوي شوي و يأثر عليها سلباً.. لا تنسى تخلي أوراق الشجرة صحّية و مُغذية و لا تنسى حتى لو الشجرة فقدت كل اوراقها راح تكدر تستبدلها بأوراق صحيّة و مغذية أكثر♥️

سبق و قارية دراسة عن تقسيم الوقت..

ثقافة ال clock time جاية من التنمية و جماعة إدارة الوقت اللي هي بالغالب مأخوذة من الثقافة الامريكة و هاي الثقافة مختلفة هواي عن ثقافتنا و مجتمعنا.

احنا العرب نعتمد الevent time و من ضمن الأسباب، احنا عدنا خمس صلوات باليوم و تلاحظون حتى الصلوات ما ثابتة طول السنة بذات الساعة،الصيف يختلف عن الشتاء و حتى الشتاء مو كل يوم الصلاة بنفس الموعد!

لذلك تلاحظ حتى كلامنا يطغي عليه ال event ( نجيكم ورا المغرب،ورا الغدا، و الخ..) قلّما نركز على الساعات و نلتزم بيها. و اي هذا أحد اسباب عدم التزام البعض بالوقت لأن لاغي نظام الساعات من حياته.

فالثقافة الأمريكية و ال clock time سبّبت للبعض ضغط و شعور بالتأخر لأن هي كلش تختلف عن نظرتنا للوقت بالعالم العربي.