إِنَّا لِلّهِ وَإِنَّـا إِلَيْهِ رَاجِعونَ

*ФатIиматан дIахьул йалар

Элчан йоI ФатIимат (АллахI реза хуьлда цунна) Цамгар чIагIелла, йаларе а йирзина, меттахь Iачу хенахь, и йолче тIехIотта Асмаъ Бинт Iумайс (АллахI реза хуьлда цунна) йеара.

ФатIимата элира Асмаэ: «ВаллахIи, божарех эхь хеташ ма йу со. Сан докъан тIе хIума а тесна, сан дегIан куц къаьсташ, барам тIе а йиллина дIахьура йу-кх цара со!»

Цу хенахь барам, агIонаш айина йоцуш, шерра ун хилла, цундела, цу тIехь долу докъан куц-кеп гуш хилла и барам айбина боьлхучарна.
ТIаккха Асмаъа аьлла цуьнга: «Тхо Эфиопехь долуш, тхайна цигахь гинаболу барам санна болу барам бай хьуна оха?!

ТIаккха оха цунна йаьшках тера, агIонаш йолуш барам бира, тIе хIума тесча докъан цхьа а куц гур доцуш.

ФатIиматна и барам гинчу хенахь Асмаэ элира цо: «Ахь со хьул ма-йарра, АллахIа хьул йойла хьо!»*