القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year ago
Last updated 5 days, 20 hours ago
زياره _الامام الحسين عليه السلام
اَلسَّلامُ عَلَيْكَ يَا وَارِثَ آدَمَ صَفوَةِ اللهِ ، اَلسَّلامُ عَلَيْكَ يَا وَارِثَ نُوحٍ نَّبِيِّ اللهِ ، اَلسَّلامُ عَلَيْكَ يَا وَارِثَ إِبرَاهِيمَ خَلِيلِ اللهِ ، اَلسَّلامُ عَلَيْكَ يَا وَارِثَ مُوسَى كَلِيمِ اللهِ ، اَلسَّلامُ عَلَيْكَ يَا وَارِثَ عِيسَى رُوحِ اللهِ ، اَلسَّلامُ عَلَيْكَ يَا وَارِثَ مُحَمَّدٍ حَبِيبِ اللهِ ، اَلسّّلامُ عَلَيْكَ يَا وَارِثَ أَمِيرِ المُؤمِنِينَ وَلِيِّ اللهِ ، اَلسَّلامُ عَلَيْكَ يَابْنَ مُحمَّدٍ المُصْطَفَى ، اَلسَّلامُ عَلَيْكَ يَابنَ عَليٍّ المُرْتَضَى ، اَلسَّلامُ عَلَيْكَ يَابْنَ فاطِمَةَ الزَّهْرَاءِ ، اَلسَّلامُ عَلَيْكَ يَابْنَ خَدِيجَةَ الْكُبْرَى ، اَلسَّلامُ عَلَيْكَ يَا ثَارَ اللهِ وَابْنَ ثَأْرِهِ وَالْوِتْرَ الْمُوْتُورَ ، أَشهَدُ أَنَّكَ قَدْ أَقَمْتَ الصَّلاةَ وَآتَيْتَ الزَّكَاةَ ، وَأمَرْتَ بِالْمَعرُوفِ وَنَهَيْتَ عَنِ المُنْكَرِ ، وَأَطَعْتَ اللهَ وَرَسُولَهُ حَتَّى أَتَاكَ الْيَقِينُ ، فَلَعَنَ اللهُ أُمَّةً قَتَلَتْكَ ، وَلَعَنَ اللهُ أُمَّةً ظَلَمَتْكَ ، وَلَعَنَ اللهُ أُمَّةً سَمِعَتِ بِذَلِكَ فَرَضِيَتْ بِهِ ، يَا مَولايَ يَا أَبَا عَبدِ اللهِ أَشْهَدُ أَنَّكَ كُنْتَ نُوراً فِي الأَصْلابِ الشَّامِخَةِ وَالأَرْحَامِ المُطَهَّرَةِ لَمْ تُنَجّسْكَ الْجَاهِلِيَّةُ بِأَنْجَاسِهَا ، وَلَمْ تُلْبِسْكَ مِن مُّدْلَهِمَّاتِ ثِيَابِهَا ، وَأَشْهَدُ أَنَّكَ مِنْ دَعَائِمِ الدِّينِ وَأَرْكَانِ الْمُؤمِنِينَ ، وَأَشْهَدُ أَنَّكَ الإِمَامُ البَرُّ التَّقِيُّ ، الرَّضِيُّ الزَّكِيُّ ، الْهَادِيُ الْمَهْدِيُّ ، وَأَشهَدُ أنَّ الأَئِمَّةَ مِن وُّلْدِكَ كَلِمَةُ التَّقْوَى ، وَأَعْلامُ الْهُدَى وَالْعُرْوَةُ الْوُثْقَى ، وَالْحُجَّةُ عَلَى أَهْلِ الدُّنيَا ، وَأُشهِدُ اللهَ وَمَلائِكَتَهُ وأَنْبِيَاءَهُ وَرُسُلَهُ أَنِّي بِكُم مُؤمِنٌ وَّبِإِيَابِكُمْ مُوْقِنٌ بِشَرَائِعِ دِينِي وَخوَاتِيمِ عَمَلِي وَقَلْبِي لِقَلْبِكُم سِلْمٌ وَأَمْرِي لِأَمْرِكُم مُتَّبِعٌ ، صَلَوَاتُ اللهِ عَلَيْكُم وَعَلَى أَرْوَاحِكُم وَعَلَى أَجْسَادِكُم وَعَلَى أَجْسَامِكُم ، وَعَلَى شَاهِدكُم وَعَلَى غَائِبِكُم وَعَلَى ظَاهِرِكُمْ وَعَلَى بَاطِنِكُمْ .
بِأَبِي أَنْتَ وَأُمِّي يَابْنَ رَسُولِ اللهِ ، بِأَبِي أَنْتَ وَأُمِّي يَا أَبَا عَبْدِ اللهِ ، لَقَدْ عَظُمَتِ الرَّزِيَّةُ وَجَلَّتِ الْمُصِيبَةُ بِكَ عَلَيْنَا وَعَلَى جَميعِ أَهْلِ السَّمَاوَاتِ والْأَرْضِ ، فَلَعَنَ اللهُ أُمَّةً أَسْرَجَتْ وَأَلْجَمَتْ وَتَهَيَّأَتْ لِقِتَالِكَ ، يَا مَوْلايَ يَا أَبَا عَبْدِ اللهِ قَصَدتُّ حَرَمَكَ ، وَأَتَيْتُ إِلَى مَشْهَدِكَ ، أَسْألُ اللهَ بِالشَّأْنِ الَّذي لَكَ عِنْدَهُ وبِالْمَحَلِّ الَّذِي لَكَ لَدَيْهِ ، أَن يُّصَلِّيَ عَلَى مُحَمَّدٍ وَّآلِ مُحَمَّدٍ ، وَأَن يَّجْعَلَنِي مَعَكُمْ فِي الدُّنْيَا وَالْآخِرَةِ .
ثمّ قم وصِرْ إلى عند رجلَيْ القبر وقفْ عند رأس عليّ بن الحسين ـ عليه السلام ـ وقلْ :
اَلسَّلامُ عَلَيْكَ يابْنَ رَسُولِ اللهِ ، اَلسَّلامُ عَلَيْكَ يابْنَ نَبِيِّ اللهِ ، اَلسَّلامُ عَلَيْكَ يابْنَ أَمِيرِ الْمُؤْمِنِينَ ، اَلسَّلامُ عَلَيْكَ يابْنَ الْحُسَيْنِ الشَّهِيدِ ، اَلسَّلامُ عَلَيْكَ أَيُّهَا الشَّهِيدُ ، السَّلامُ عَلَيْكَ أَيُّهَا الْمَظْلُومُ وَابْنُ الْمَظْلُومُ ، لَعَنَ اللهُ أُمَّةً قَتَلَتْكَ ، وَلَعَنَ اللهُ أُمَّةً ظَلَمَتْكَ ، وَلَعَنَ اللهُ أُمَّةً سَمِعَتْ بِذلِكَ فَرَضِيَتْ بِهِ . ثم انكب على القبر وقل : اَلسَّلامُ عَلَيْكَ يَا وَلِيَّ اللهِ وَابْنَ وَلِيِّهِ لَقَدْ عَظُمَتِ الْمُصِيبَةُ وَجَلَّتِ الرَّزِيَّةُ بِكَ عَلَيْنَا وَعَلَى جَمِيعِ الْمُسْلِمِينَ ؛ فَلَعَنَ اللهُ أُمَّةً قَتَلَتْكَ ، وَأَبْرَأُ إِلَى اللهِ وَإِلَيْكَ مِنْهُمْ .
ثمّ توجّه إلى الشهداء وقلْ :
اَلسَّلامُ عَلَيْكُمْ يَا أَوْلِيَاءَ اللهِ وَأَحِبَّاءَهُ ، اَلسَّلامُ عَلَيْكُمْ يَا أَصْفِيَاءَ اللهِ وَأَوِدَّاءَهُ ، اَلسَّلامُ عَلَيْكُمْ يَا أَنْصَارَ دِينِ اللهِ ، اَلسَّلامُ عَلَيْكُمْ يَا أَنْصَارَ رَسُولِ اللهِ ، اَلسَّلامُ عَلَيْكُمْ يَا أَنْصَارَ أَمِيرِ الْمُؤْمِنِينَ ، اَلسَّلامُ عَلَيْكُمْ يَا أَنْصَارَ فاطِمَةَ سَيِّدَةِ نِسَاءِ الْعَالَمِينَ ، اَلسَّلامُ عَلَيْكُمْ يَا أَنْصارَ أَبِي مُحَمَّدٍ الْحَسَنِ بْنِ عَلِيٍّ الْوَلِيِّ النَّاصِحِ ، اَلسَّلامُ عَلَيْكُمْ يَا أَنْصَارَ أَبِي عَبْدِ اللهِ ، بِأَبِي أَنْتُمْ وَأُمِّي ، طِبْتُمْ وَطَابَتِ الأَرْضُ الَّتِي فِيهَا دُفِنْتُمْ ، وَفُزْتُمْ فَوْزاً عَظِيماً ، فَيَا لَيْتَنِي كُنْتُ مَعَكُمْ فَأَفُوزَ مَعَكُمْ .
خويه جيتك بربعينك
روحي مشتاگه الحنينك
يابعد اختك يغالي
گلي ما بطل ونينيك
☆☆☆☆
آنه يحسين الغريبه ٠٠ يالتسميني الحبيبه
رديت الك
الغربه ياخويه ضگتها ۰۰ بهجرك اعليه اعرفتها
اشتاگيت الك
لا تظن ساعه نسيتك انت ساكن بالگلب
تارس عيوني خيالك شوگ الك عيني تصب
هم صدگ تالي التگينه
أتلگه يالغالي الضعينه
يالطحت طيحة دموعي
گلي ما بطل ونينيك
☆☆☆☆
أتلگه ضعنك ياعضيدي ٠٠ امن اليتامه طاحت ايدي
يابو الوفه
خويه رديت الأمانه ٠٠ ياذخرنه وياحمانه
حيلي انچفه
ياوطن عشنه ابأمانك لِمنه يا اطيب وطن
اگعد وداوي جروحي اعليك ضلع ام الحسن
خويه يالكلك محنه
بيك كل طيبة اهلنه
ياجرح عاش بدليلي
گلي ما بطل ونينيك
☆☆☆☆
اربعين أمن الليالي ٠٠ فارگتني وهذا حالي
من اليسر
صعدوني عالهزيله ٠٠ وحالي چن حال العليله
ماظن يسر
خويه والليل اليمرني يهيج بروحي جرح
ما اسد عيوني خافن يوجعك سن الرمح
عالرمح لاچن نصبتك
شيخ مكتوب بجبهتك
ياعجيد الگوم اسالك
گلي ما بطل ونينيك
☆☆☆☆
اه من درب المشيته ٠٠ والعمر ماچان ريته
يابو علي
تشمتت بيه الاعادي ٠٠ وچتفو منه الأيادي
وغاب الولي
خويه وعيون الشماته خلت بگلبي سهم
وكابرت دست اعله جرحي لاچن الحيل انهدم
ترضه سمّونه خوارج
والهزيل بلا هوادج
من وصلتك جيت اناشد
گلي ما بطل ونينيك
☆☆☆☆
صح طويل الدرب لاچن ۰۰ عيني لعيونك تعاين
وگلبي انگطع
راسك الجبته بديه ٠٠ من ادفنه شلون بيه
حيلي وگع
خويه صح مذبوح لاچن بعينك انظر كل هلي
امودع ابالله يغالي ماشيه يابو علي
ميته ريت أولا اعوفك
ريت تدفني بچفوفك
من دفنت الراس يمك
گلي ما بطل ونينيك
☆☆☆☆☆
حيدر بشار الدراجي
السَّلَامُ عَلَىٰ يَتِيمِـة الْحُسَيْن وَ شَهِيدة
الشَّام مَولاتنا رُقَيَّـة عَلَيْهَا السَّلامُ،
ماركد واحد وغمض حين طب ميدانها
يفري بركاب الصناديد ويكلع اعيونها
يفري بركاب الصناديد ويكلع اعيونها
والهزيمه باي طريكه باي ثمن يشرونها
اسكط اعلام الكبايل والمراجل هانها
صالها ابن ام البنين وجالها
صالها ابن ام البنين وجالها
وابو فاضل بالحرب خيالها
وابو فاضل بالحرب خيالها
عيت الجيمان واشتد حالها
وابو فاضل بالحرب خيالها
عيت الجيمان واشتد حالها
يا سليل العز يبن اكلط واجل انسابها
يا رجيح العكل يا من بالحرب نشابها
يا امعزب الضيف يا ملكه الهلا من بابها
انت من عربان عالحد ما ترخي ارجابها
يا وريث امن العرب كتالها
وابو فاضل بالحرب خيالها
وابو فاضل بالحرب خيالها
عيت الجيمان واشتد حالها
وابو فاضل بالحرب خيالها
عيت الجيمان واشتد حالها
كلهه راحت ،، زينب اتگول المواكب كلهه راحت
كلهه راحت ،، والمجالس چنهه سكته كلهه راحت
ظليت اباوع وحشه الدروب
ما ينحمل يحسين الغروب كلهه راحت
رايحين ،، الله وياكم لچن عفتوني
رايحين ،، ها يشيعه بكربله اتخلوني
جايتكم من مصايب جايتكم من سبي
جايه من الشام ميته راده بطرگ العبي
انه زينب ماتو اهلي وشاف ظلي الاجنبي
ذبحو اخواني يعالم ما سلم حتى الصبي
ويلي ويلي ،، ليش هسه لوحدي آني ويلي ويلي
ويلي ويلي ،، ابقى يم اخواني اتاني ويلي ويلي
ياهو اليواسيني اعله بلواي
من گلبي راحت وادم هواي ويلي ويلي
يا حسين ،، امشي بس وداعتك مذبوحه
يا حسين ،، سهله چلمة ميته لو مجروحه
راجعه وچفيني صحره وچف رقيه عاف أدي
الشام ماخذ مني طفله اتداين الاشجار في
حسين گوه اليوم اجيتك بيه ما ظل صاحي شي
الميت ايدفنونه ادري ياهو يدفن گلبي حي
لچمه لچمه ،، كربله الشام النوايب لچمه لچمه
لچمه لچمه ،، خلصن روحي المصايب لچمه لچمه
رديت بس محد عرفني
ماخذ نصيبه الوكت مني لچمه لچمه
ماكو ناس ،، البيهم الحرگه ودمى يبچولي
ماكو ناس ،، تنعى لحسين وعزه ايسوولي
ما تعينوني اعله ضيمي الشفته بايام الغياب
كتبو علحيطان ردت زينب وحان المصاب
فاتحة امسويه لخوتي وما اخلي لحزني باب
بكل ارض مجلس اسوي ارد اموت من العذاب
وسفه وسفه ،، عدله واخواني ضحايا وسفه وسفه
وسفه وسفه ،، المن اتعيش السبايا وسفه وسفه
چندوب اظل بدون الاخوان
زينب صرت للضيم عنوان وسفه وسفه
------------------------------------------
كلشي راح ،، ولازمه بدمعاتي شباچ الضريح
كلشي راح ، كون يم حسين اموتن واستريح
غمضت ودموعي صبن رجع كلشي ابكربله
لزمت الشباچ أيدي واسمعت چلمة هلا
هاي زينب ؟ اي يخويه وردت بس آنه أسأله
شلونه صدرك بعد دافي لو حجر حومه انملى
بعده بعده ،، فوگ صدرك عبد نايم بعده بعده
بعده بعده ،، من شراب الماي صايم بعده بعده
نحره شفى لو بعده يتزف
مثل السعف من نبلته يرف بعده بعده
------------------------------------------
اهلي وين ،، الجانو ابطول الدرب ويانه
اهلي وين ،، المن شفتهم ما گلت تعبانه
چلمة تفضل يزاير يا هلا وراح الضمى
ومنظر الخدام كلهه اعله الطريق امحزمه
ممشى زوار ومواكب غطو الارض وسمى
اتطيب اجروح الحسين وتشفي لوعة فاطمه
اهلا اهلا ،،، باليجي ورافعله رايه اهلا اهلا
اهلا اهلا ،، هايه هيه الفزعه هايه اهلا اهلا
راح التعب گوه الله خدام
حياكم الله العين متنام اهلا اهلا
كلمات الخادم / رعد الفريجي
1/ صفر /1445
أجيتك حيــــــل ما بيه كوه أمشي أعله رجليه
فكدك هضمني دهري حرمني
خويه يحسين
..........................................
أجيتك يالعفتنـــــي بعازة الخوه
من الشام أجيتك أمشـــي بالكوه
يبو طول الحلو واحجاية الحلوه
كــــــــوم أكعد تلكه زينبك فدوه
أعيوني أمن البجي رمده أريدن فـًــي أجي بسده
كلبي وجعني منك حرمني
خويه يحسين
...........................................
أجيتك جيــــــــــت المكسورة ولهانه
محنية ضهر يبن أمــــــــــــي تعبانه
رحت عطشانه خويه وجيت عطشانه
وي راسك مشينه وجبتــــــــــه ويانه
شما أعثر يسد عينه وتجيني تركض أسكينه
وكوه تجرني منك حرمني
خويه يحسين
..................................................
تدري بالسده واللي جره أعلينه
من كادونه أسره وحملـــوا بينه
عكب عباس ذباحـــــــك يوالينه
شتمنه وبالحبـــل جتف نساوينه
ومشينه بلا ولي وكافل وكلنه نريد أبو فاضل
وماجن سمعني منك حرمني
خويه يحسين
............................................
وصلنه الشام واحنه كلشي ماعدنه
غيـــــــــر ألاه والحسره ومدامعنه
بحجار ومسبه النــــــــــاس لاكتنه
ونص السوك يبن أمـــــي تفرهدنه
ورموك وصابوا أجبينك ويبس دمك على عينك
وهذا الكسرني منك حرمني
خويه يحسين
................................................
كل ذني الشفتهن والاشد منهن
بناتك يــــــم يزيد ميسره كلهن
يم راسك أجن والخوف كاتلهن
وأكبالك دفعهن خـويه وايسبهن
ورقيه أمن البجي راحت شمت راسك وطاحت
وآنه بعدني منك حرمني
خويه يحسين
.................................................
خادم خدمة الحسين
الشاعر
محمد الموالي
اليوم برووس اهل زينب يهوسون
------------------------------
وحيده اليوم زينب محد وياهه
كفال الظعن من مات خلاهه
تتنخه بدمع وونوح غطاهه
وصاحت وينكم يهلي من لظعون
اليوم برووس اهل زينب يهوسون
------------------------------
صاحت وينكم شو محد وياي
حركوا خيمتي وتشمت عداي
وانه خلافكم ماظل بعد راي
وفزعوا للمخيم هل يحرگون
اليوم برووس اهل زينب يهوسون
------------------------------*
فزعوا للخيم سلبوهه الاطفال
وماظل كلشي لي ومعذبه الحال
حملي اليوم مايل والدمع سال
وعدواني كفر لا مايرحمون
اليوم برووس اهل زينب يهوسون
------------------------------
اليوم الروس شالوها اعله لرماح
يهوسون بجفافي وشامت صاح
وين حزام ضهرج عافج وراح
بنضرات الحقد ضل يضحكون
اليوم برووس اهل زينب يهوسون
------------------------------
مااصدك اخوتي الشالوا الراس
فوك رماح شالوهم يالهناس
راس حسين راس الفحل عباس
ينضرون وعلينه تدمع عيون
اليوم برووس اهل زينب يهوسون
------------------------------
✍باقر جبار الشويلي
✍*ابو سلام الجابري
يمحمد تعبنه هواي مسبيات ردينه
لا عباسنه ولا حسين ماتو كل اهالينه
هاي منين ؟ زينب هاي !
اي خويه انوليت هواي
شنهي الصار ؟ مات حسين
عباس انذبح علماي
عبد الله بسهم ذبحوه
يشرب ماي ما خلوه
ست شهور ما رحموه
لأمه بلا نفس ردوه
يمحمد ،، حوافر خيل
يمحمد ،، تدوس الهيل
يمحمد ،، سهم عباس
يمحمد ،، يشيب الراس
چفينه وعلم ممدود طفو بالسهم عينه
لا عباسنه ولا حسين ماتو كل اهالينه
كلشي ويانه بالطف مات
حنة جاسم الدمعات
رمله اتشوفه دمه يفور
صاحت ها يعلويات
هذا وليدي أموت وياه
تربان الحرب غطاه
مذبوح النحر ويلاه
ميت صعبه تترجاه
يمحمد ،، ذبيح الشاب
يمحمد ،، غطاه تراب
يمحمد ،، عطش وسيوف
يمحمد ،، بعد شنشوف
عريس ودماه اتسيل راح وما رجع لينه
لا عباسنه ولا حسين ماتو كل اهالينه
صاحو بالخيم فرهود
وآنه أركض وارد اردود
تعثر طفله طفله اتطيح
وين الفزعه يابو الزود
ضاع اچم طفل وانداس
شنهي النومه يا عباس
نار التحرگ الانفاس
من شفت الولي بلا راس
يمحمد ،، سكينه تنوح
يمحمد ،، گمر مذبوح
يمحمد ،، شتم وحبال
يمحمد ،، عدونه شگال
هاي الخارجيه شلون هاي الچلمه تاذينه
لا عباسنه ولا حسين ماتو كل اهالينه
من هم كربله وللشام
نمشي وروسهم گدام
راس حسين ظل ناطور
لحظه اعله الرمح ما نام
من بعيد شفته أندار
راس حسين شنهي الصار
ها خويه الولي محتار
اي خويه أنضربنه حجار
يمحمد ،، صعب ممشاي
يمحمد ،، كرهنه الماي
يمحمد ،، وصلنه الشام
يمحمد ،، حرم وايتام
طبتنه القصر متصير لو عباس حادينه
لا عباسنه ولا حسين ماتو كل اهالينه
مرو زينب اعله السوگ
هزل يبن ابوي النوگ
زينب بت علي بيا حال
والهدم العَلّيّ محروگ
ندعي الشمس كون تغيب
وجروح المتون اتطيب
عيون الناس خويه اتصيب
فشل يا خويه زحمه وعيب
يمحمد ،، حرم تنشاف
يمحمد ،، يتامه اتخاف
يمحمد ،، تون وتموت
يمحمد ،، بچي بلا صوت
صاير كل بچينه بليل بس دمعات رجعينه
لا عباسنه ولا حسين ماتو كل اهالينه
✍️✍️ رعد الفريجي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year ago
Last updated 5 days, 20 hours ago