اول شي احنه من سوينا القناة هدفنا الاستفادة للكل ومجان اكو اي هدف غير هذا
ثاني شي من سوينا القناة اغلب الي اجوي يحجون بالبوت ست احنه كلشي منعرف بالانكليزي وشنو الحل وشنسوي وبين قوسين كلها تبجي بوجه العباس صح هذا الكلام لو لا ؟
زين من راسلتوني بالبوت واني متحمسة الكم ويومية تراسلون محمد شوكت قناة الانكليزي وشوكت تسووي دورة والى آخرة من هالكلام

زين يا شباب يا حلوين وين دراستكم ؟ حجه المدرسة والمعهد هاي تدرون شسوون بيها؟ صفطوها وخلوها بجيوبكم خوش حجه تمشي يم غيري اني يمي نكعوها واشربوا ميها ماشي؟

جربت وياكم اسلوب العيني واغاتي ويلا هسه يتحسنون وهسه ينتبهون وهسه يقرون ومشفت اي نتيجة لان انتو ميت عدكم احساس المسؤولية
لذلك القرار الي راح يصير هو كالتالي
الموجودين بالقناة 414 طالب من المحاضرة الجاية راح ابدي اصفي بيهم وابقي فقط الطلاب الي ملتزمين واشوفهم متفاعلين .
بعد كم يوم من تواجهون صعوبة بالمادة لتكولون حرامات مقرينه وحرامات متابعنه وية المدرسة لا بالعكس انتو هيج ترتاح نفسيتكم من مجاوبون واضوجون هيج ترتاح نفسيتكم
والا شنو السبب الي يخليكم متمتحنون؟ شنو السبب الي يخليكم متابعون ويانه؟
ساعة الامتحان تاخذ وقتكم؟ تخرب شركاتكم؟ تغرك السفن مالتكم؟ اليونت الثاني يا مدرسة بعدها لحد هسه ممبلشة باليونت الثاني؟ لو يا معهد بعدة ممبلش باليونت الثاني ؟
انتو كسالة حرفيا ?

تحضير اليوم:موضوع الغضب

رابط المحاضرة: https://youtu.be/t2NOPqBEiNs

#تعميم عند الامتحانات الاتية اذا لم يكن عدد الطلاب الممتحنين اكثر من ١٠ طلاب كما كان سابقا سيتم الغاء جميع الدورات ولجميع قنواتنا لذا وجب التنويه #ابن_عمار ✍️

#تعميم عند الامتحانات الاتية اذا لم يكن عدد الطلاب الممتحنين اكثر من ١٠ طلاب كما كان سابقا سيتم الغاء جميع الدورات ولجميع قنواتنا لذا وجب التنويه#ابن_عمار✍️