Hammasidan Charchadingmi? Yashashda davom et!
Hech nimaga qo‘ling bormayaptimi? Yashashda davom et!
Voz kechishing kerak, kecholmayapsanmi? Yashashda davom et!
Boshqa davom etolmayman deb o‘ylayapsanmi? Davom et!
Ruhingni ko‘tar! Va
Davom et!
Davom!

@Gulbashakkar

„Тўрткўча“ ни ўқиб ўтирибман. Рўпарамдаги столда тўртта „илмнинг кетидан қувган“ қизлар бор. Шунчалар баланд овозда суҳбатлашишяптики, гаплари элас-элас қулоғимга чалинади. Трейдерлик, пулни қандай кўпайтириш, броккерлик. Асабийлашаман. Китоб ёки илмий мақола тўғрисида лоақал бирор сўз кетмади-я(!) Сўнг беихтиёр роман қаҳрамони Ўлмас билан хаёлан суҳбат қуришни бошлайман:
–Юрагига қарши ёзган Ижодкор чиндан Қалбан ўладими?
–Ўлади. Муттасил виждон қийноғи эзиб ташлайди, Юраги ёқасидан олади.
–Янги раиснинг сўнгги романини мақтамаганингиз учун ишдан кетдингиз. Руҳингиз озод! „Скафандр ва капалак“ ёдимга тушди негадир. Афсусланмадингизми ҳеч?
–Асло! Қушдек енгил ҳис этдим ўзимни!
–Айниқса, сизни ишдан кузатиш маросимида зарбоф чопонни эгнингизга илиб қўйишаётганда тўнни шартта олиб отиб юборганингизга маза қилдим(куламан)
–Бундай сохта тилёғламаликларни ёқтирмайман. Ишдан бу тарзда кетиш бахт-ку, чинакам бахт! Аммо ёш дўстларимнинг мен учун қилган жонфидоликлари, ҳақпарварликлари бир умр хотирамда қолади.
–Сарой масхарабози бўлмадингиз. Каттанинг кайфиятини кўтариш учун бошдан оёқ ҳамд-у санодан иборат роман ёзмадингиз. Ёзган романларингиз ичидаги энг зўри мана шу ёзилмаган романингиз деб биламан))
–Мукофот-у обрў учун ёлғонга тўла нимадир қораласам, кейин ўзимни кечиролмаган бўлардим.
–Аёллар тақдирига берилган чизгилар мени узоқ ўйлантирди. Чиндан ҳам бу юртнинг жасур Раънолари кўп деб ўйлайсизми?
–Албатта. Қодирий бобонинг Раъноси ҳам Кумушидан дадилроқ эди. У нафақат Кумушдан, балки Отабек-у Анвардан-да қатъиятлироқ, эпчилроқ, керак бўлса, қаҳрамонроқ эди. Ҳа, бу элнинг орасида Раънолар кўп. Шароит яратиб берилса, яна кўпаяди!
– Ёнингиздаги одамларнинг ҳеч бири менга бегона туюлмади. Ҳаммасини танийдигандекман. Ва Сизни ҳам. Истеъдоднинг табиати–Исён экан, чиндан. Аммо Қалб билан яшаш қийин экан жуда. Баъзан юрагим ҳаддан ташқари оғирлик қилади жисмимга, кўтаришга, Қай йўлдан юришга қийналаман…
–Дунё бағритошларники бўлиб қолди, ҳамма жойнинг тўрида шулар, деб ёзғирганим эсимда(кулади)
Лекин ЙЎЛ танлашда адашмаслик керак. Ғафлат уйқусидан бош кўтариб мамлакатни, керак бўлса бутун МИЛЛАТни тараққиётга бошловчи бунёдкор ўғил-қизларни туғиб-тарбиялайдиган ЭЛ бўлишимиз лозим!
–Оз қолдими бунга?
–Оз қолди…

Мамнун хайрлашаман Ўлмас билан. Негадир боя рўпарамдаги столда ўтирган қизларнинг баланд овоздаги суҳбати бу сафар қулоғимга кирмайди…

Г. Уралова

Asl qo‘shiqlar kam. Ayniqsa, SHE’Rga e’tibor berilgani)

„Ey, Yor!
Qaytgil izingga,
Rahming kelsin o‘zingga…
Yuzingni qo‘y yuzimga
Gunohlar to‘kiladi“

Iqbol Mirzo she’ri

@Gulbashakkar

Faqat yarim yo'lda to'xtamang, bu nafaqat ishda, balki umuman, har doim va hamma joyda eng bema'ni narsa.

-Kafka

Bir juft behi keltirgan eding,
Bir-biridan xushbo‘y, muattar.
Men ularni qattiq sog‘indim,
Va sarg‘aydim behidan battar.

Matnazar Abdulhakim

Chiroyli–a?
Lirik qahramonga qadrli insoni keltirgani uchun ham aziz bu behilar

“Vooy, anavi biram aqlli, biram xushchaqchaq, biram muvaffaqiyatli, biram chiroyli, biram iqtidorliki! Xudo suyaman desa, hech gap emas ekan-da”

Xo‘sh, nega shu ta'riflanayotgan odam SIZ bo‘lmasligingiz kerak?!
Kam joyingiz bormi?

✍Gulbashakkar

Ba’zan nima his qilayotganingni unutib, nimaga loyiqligingni anglashdan boshlash kerak barini.

Baloyi ishqu yolg‘uzluq, dag‘i hijronu g‘urbatda,
Otim – Majnun, kishim – mehnat, ishim – zori, yerim – gulxan.

O‘qung birla xayoling, dardingu mehringg‘a Boburdek,
Tanim – manzil, ko‘zum – maskan, ko‘kus – ma’vo, ko‘ngul – maxzan.

@Gulbashakkar

Dilimda hur yashar nafassan.

@Gulbashakkar