في وفاة الإمام الهادي (ع)

عجِّل عجِّل .. واحْمِل الرايه
عجِّل عجِّل .. ما بُقَت ثايه

& & & & &

عجِّل يبو صالح تره ما بُقَت حيله
اوهذا الدمِع مَلْ من كِثِر إحنه مَنْسيله
اعليك ابجَرِح جدك علي الهادي هالليله
تطلع يمهدينه اوتفضِّ السفره لِطْويله

إظهَر إظهَر .. ابسُرعه مولايه
عجِّل عجِّل .. ما بُقَت ثايه

& & & & &

عجِّل يمهدينه البشر صارت اِذْيابه
واتحوِّلت هاي الأرُض سيدي اِلْـ غابه
دين الله أصبح لا محل لهْ مِنِ اِعْرابه
واعله المبادئ والقِيَم صارت اِطْلابه

كِلنه كِلنه .. نهتف ابهايه :
(عجِّل عجِّل .. ما بُقَت ثايه)

& & & & &

ابكلْب المُحِب يا سيدي كِثْرَن اِجْرُوحه
اوما ظَل إله حيل اوصُفت روحه مذبوحه
سيفك يبِن فارس مُضَر كلي متلوحه ؟!
دَمْعَتْها زينب لشوكِت تُبقه مسفوحه ؟!

زينب زينب .. سَوّت اِقْرَايه
عجِّل عجِّل .. ما بُقَت ثايه

& & & & &

يا ربي عَجِّل بالفرج دايم انّادي
لنِّ الكلُب من غيبِتك ينتحب صادي
مكتوب جنب العلكمي ابحق علي الهادي
خِذْ ثار جدك حيدره مِنِّ لِمْرادي

ثارك ثارك .. اِلْـ حامي لِحْمايه
عجِّل عجِّل .. ما بُقَت ثايه

& & & & &

جم مسجد اِلْنَه فَجِّرَوا ؟! جم حُسَيْنِيه ؟!
اوجم قاسم الْشِفْنه ابدِمه إيده مِتْحَنْيه ؟!
واشكم حسين اعله الأرُض شِفْنه تالِيَّه ؟!
اوهَم إلنه جم زينب مِشَت هِيه مسبِيه ؟!

اِتْكرّر اِتْكرّر .. طَفّك اِهْوَايه
عجِّل عجِّل .. ما بُقَت ثايه

& & & & &

يا حُجَّةَ الله اشمِنْتِظِر ؟! والله ملّينه
كِلْها صُفت (مِتْوَكِّلِ) اتريد الغَدُر بينه
لاجِن رَغُم كِلِّ الألم والْجِره اعلينه
(كُن لوليِّكَ الوَلي ..) ياما نادينه

فاطم فاطم .. تِدْعُو وَيّايه
عجِّل عجِّل .. ما بُقَت ثايه

& & & & &

خادم الهادي (ع) : إبراهيم الدريس

في ذكرى استشهاد الإمام الهادي (ع)

عهَد يالهادي عهَد .. نبكه جُندك للأبد
يا علي الهادي .. يا علي الهادي

&&&&&

يا إمامي إحنه بالذر .. ابدمنه وقَّعنه العهَد

حاشه لا منعوف حبكم .. و الفُكَدْكم شالوِجَد ؟!

إنتُوا حبكم يا إمامي .. أحله والله امن الشهَد

و اللي يخدمكم عِرفنه .. ذكره بالوادم خِلَد

رِدْنه بالخدمه مدد .. نبكه جُندك للأبد
يا علي الهادي .. يا علي الهادي

&&&&&

من قبل يوم الولاده .. بينه حبكم منعِجِن

و الـ مصايبكم إمامي .. ألله خالق هالجِفِن

الدنيه لولاكم الدنيه .. نار بـ اعيوني او سِجِن

إنتُوا نور الله ابسماءَه .. الليل يمكم ما يِجِن

شانك انته ماله حَد .. نبكه جُندك للأبد
يا علي الهادي .. يا علي الهادي

&&&&&

إحنه يالهادي مَحَبْتك .. علِّمَتْنه اعله الفَخَر

او صرنه نتعنَّه الـ ضريحك .. لَوَن كل دربك خَطَر

غيرةِ العباس بينه .. و اليزَعِّلْنه خِسَر

نكلب الدنيه ابـ عَزِمْنه .. من يعود المنتظر

نقسِم ابربنه الصَّمَد .. نبكه جُندك للأبد
يا علي الهادي .. يا علي الهادي

&&&&&

للضريح الوَرِد كاصد .. حته لـ اعطورك يِشِم

و ابحضرتك شفنه غيره .. ايصليِ ابصَفْها العَزِم

زِلِم ما تهوه حروفك .. هيه قطعاً مو زِلِم

او مو مهم الكون كله .. عدنه بسِّ انته المهم

أغله من ولْد الوَلَد .. نبكه جُندك للأبد
يا علي الهادي .. يا علي الهادي

&&&&&

ابكل كلب هالليله مجلس .. هوه لازم ينِّصُب

فاطمه الـ سامره حِضْرَت .. تبجي مكسورةْ كلُب

او كل محب هالليله عنده .. فَدْ أمُر كلش صعُب

أمره يسهَل من مُجَرَّد .. حضرةِ الهادي يطُب

إنته حَلاَّل الشِّدَد .. نبكه جُندك للأبد
يا علي الهادي .. يا علي الهادي

&&&&&

الجنه نشعرها ابقُرُبْكم .. و العسُر يمكم يسُر

الدنيه لو ما إنتُوا ظلمه .. او ما عِرَفْنه احنه الفجُر

الما يحبكم والله مدري .. عايش اشلون العُمُر

حبكم أنطه الـ كل شي معنه .. او عطُر أنطه للعطُر

عِدْنه حبك مُعتَقَد .. نبكه جُندك للأبد
يا علي الهادي .. يا علي الهادي

&&&&&

خادم الهادي (ع) : إبراهيم الدريس

في ذكرى وفاة الإمام الهادي (ع)

كبّه او دمعه .. او فاطم تنعه :

(يالماخذ وَيّاك الروح
تبجيكِ اخيام (المذبوح))

& & & & &

يالكل عمرك آهه او حسره .. جيتك بالدمْع المنثور

أبجي او أنحب يبني الهادي .. و اَلطُم عالضلْع المكسور

ليش اتزيد ابفكدك ناري ؟! .. او نار اخيامي ابكلبي اتفور !!

اغيابك يبني هدَّم حيلي .. وَ أعْتَبْره ثاني عاشور

اغيابك يبني .. جرَّح جفني

ناداك الدمْع المسفوح :
(تبجيكِ اخيام (المذبوح))

& & & & &

ليل اتحوَّل هذا العالم .. يالهادي من نورك غاب

او مو بس كلبي انصاب ابفكدك .. حتى العرْش الليله انصاب

اجروحك تاكل هيه ابروحي .. او ما يستاهل دهري اعتاب

اغيابك جَدَّد كسري اعليّه .. او ثاني أصبح دَفْعَةْ باب

شفْت ابدمعي .. ينزف ضلعي

من شفتك ميِّت مطروح
تبجيكِ اخيام (المذبوح)

& & & & &

امصابك مو هيِّن يوليدي .. او لا مو عادي ابسَم اتروح

منِّ اتشوف الأم الغالي .. ابنعشه اطّش بيديها الروح

و التفكد واحدها اتموتن .. و الها يحلى الون والنوح

و آنه اشجم غالي وَدَّعْته .. او عطره الهسه ابحسره ايفوح

كلبي اينادي .. يبني الهادي

مجروح ايودِّع مجروح
تبجيكِ اخيام (المذبوح)

& & & & &

يبن الهادي لا تِحْسِبْني .. الـ (سامره) ابدمعي ما جيت

او لتْظِن ما حنّيت ابكترك .. و اعله اجروحك ما ونّيت

ناديتك يوليدي ابحركه .. او جيبي الفكدك هم شكّيت

كبْتك تقره اوْيايه امصابك .. و اترابك يلطُم صَدّيت

كبْتك تبجي .. ابجَرْحك تحجي

و اترابك بس حسره ايفوح
تبجيكِ اخيام (المذبوح)

& & & & &

رَغْم امصابك يبني الهادي .. خلاها اتهلِّ دَمِّ العين

او رَغْم اغيابك خلّه اكليبي .. يبجي او يعلى منّه اونين

لاجن أعظم و أكبر لوعه .. امصيبةْ إبني الغالي احسين

محَّد مثله كطعَوا نحره .. او كطعُوله خنصر ليمين

محّد مثله .. اِتْيَسْرَت أهله

او نحره ابسيف أصبح مذبوح
تبجيكِ اخيام (المذبوح)

& & & & &

خادم الزهراء (ع) : إبراهيم الدريس

في ذكرى وفاة السيدة المعصومة (ع)

على لسان السيدة الزهراء (ع)

فاطمه .. آنه فاطم جيت الِج يا فاطمه
فاطمه .. اُوْيايه هم زينب إجت متألمه

اوبالدموع بالدموع .. نقره جَرحِج .. فاطمه

& & & &

أنه الزهره إجيت الـ(قُم) يمعصومه
اوعليج الروح يا بت موسى مهمومه
إجيت أعثر لأنها عيني ملطومه
مهظومه اوأواسي الليله مهظومه

بالألم .. يا سِمِيتي جيت اويسبُكني الدمع
بالألم .. من ضلوعي الليله هم كسروا ضلع

والمُصاب والمُصاب .. هذا نوحي .. يِرْسِمَه

& & & &

إجيت اوهم إجت أم الحزن زينب
من أنحب عليج أسمعها هم تنحب
ابسهم واحد كلبنه الصابر اتصوَّب
أوكل منّه ابكِتِر يا فاطمه اتغرَّب

هالزمان .. ابكل صلافه حشّد اعلينه اللئام
هالزمان .. إحنه بيْه ما عشنه فد لحظةْ سلام

بالحِقِد بالحِقِد .. اعلينه عنده .. أَوْسِمَه

& & & &

على امصابِج دمع عيناي أجريته
أوجيبي امن الحزن يا يُمَّه شكّيته
إبن موسى الرضا ابفركاج واسيته
ألله ايعظم أجرك يبني ناديته

ابكلبي نار .. اغيابِج اوحسرةْ أخوج اوكل حبيب
ابكلبي نار .. لَسّه تسعر من أَكَل بابي اللهيب

للحشُر للحشُر .. روحي تُبكه .. اِمْضَرّمَه

& & & &

اِبْلِسان اُم ثاكله زينب إلِج تنعه
من آل النبي الليله انطفت شمعه
الزمن مثل البحر غدَّار ايظل طبعه
لذلك عِشِت بين الدمعه والدمعه

آه آه .. اعليج صاحت زينب الحره ابألَم
آه آه .. عمرِج ابغربه مثل عمري انخِتَم

اوعالعَذاب عالعَذاب .. إنتي وآنه .. اِمْعَلّمَه

& & & &

يفاطم جسمِج العدوان ما عِصْرَوا
اوضلع واحد مِنَ اَضلاعِج فلا كِسْرَوا
بالنيران دارِج هُمَّه ما وَجْرَوا
اوأمام اعيونِج الكرار ما جَرَّوا

بالغدُر .. ما إجوج اوسكِّطوا منِج جَنين
بالغدُر .. ما عِمَوا يا فاطمه المعصومه عين

اوكُبِّتِج .. كُبِّتِج .. شَمِس صارت .. للسِّمَه

& & & &

أخوج اكبال عينِج ينذبح شِفْتي ؟!
أويوم العاشر ابأطفاله هم حِرْتي ؟!
ابوسط ديوان اسألِج فاطمه اوكفْتي ؟!
أويا عباس وينك كوم هم صِحْتي ؟!

عالهِزيل .. ما طلعتي امن الطفوف اميسّره
عالهِزيل .. ما بجيتي اولا بكيتي امحيّره

اولا ضُلوع لا ضُلوع .. احسين شِفْتِي .. اِمْهَشّمَه

& & & &

خادم المعصومة (ع) : إبراهيم الدريس

في ذكرى استشهاد المعصومة (ع)

تكتب الدمعه .. اوروحي مهمومه
آ يمهظومه .. آ يمعصومه

والرضا من كبره صاح
ياللي خاويتي الجِراح :

(آ يمهظومه) .. (آ يمهظومه)

& & & & &

الليله يا بنت الإمامه كل ورِد ينعه
واعله جرحِج عيني هلّت عالوجِه دمعه
مِثِل ما كِسْرَوا ضِلِعْها فاطمه البضعه
كلبي يا معصومه كلبي منكسِر ضلعه

كلبي لغيابِج .. مشتعل ناره
اوجِفني لجروحِج .. تسفَح أعباره

والكلب هالليله ناح
ياللي خاويتي الجِراح :

(آ يمهظومه) .. (آ يمهظومه)

& & & & &

روحي تبجي امن اندِفَنْتي ابـ(قُم) يمعصومه
اوحسرةِ اغيابِج تراها ابكلبي مضرومه
إنتي مثل الزهره فاطم صرتي مهظومه
او من أعز ناسِج صُفيتي تالي محرومه

لوعتِج تشبه .. لوعةِ الزهره
اودمعتِج دمعةْ .. زينب الحره

صار الِج همِّج جَناح
ياللي خاويتي الجِراح :

(آ يمهظومه) .. (آ يمهظومه)

& & & & &

اتعالت أصوات البجي والحسره من (مشهَد)
كل أثر فكدِج يفاطم بالرضا اتجسَّد
مثل أبو اليمه ابمماتِج ما إجاج أحَّد
الزهره مرقد ماكو عِدها وانتي لِج مرقد

مرقدِج يزهي .. اوكثره زُوّاره
اومرقد الزهره .. امتيِّه آثاره

الهذا مجروح الصباح
ياللي خاويتي الجِراح :

(آ يمهظومه) .. (آ يمهظومه)

& & & & &

رَغُم كل الشفتي من هم من أذى الحسره
امصيبِتِج لا ما توَصْل امصيبةِ الزهره
إنتي يا معصومه خدِّج ماكو بيْه سطره
او لا انكِسر ضلعِج ولا هَم بيج أثر عصره

ماكو أي طاغي .. ابجفه طكـ عينِج
واعله أعتابِج .. سكّط اجنينِج

بجّت الزهره الرِّياح
ياللي خاويتي الجِراح :

(آ يمهظومه) .. (آ يمهظومه)

& & & & &

الدنيه يا معصومه كلها الليله محزونه
والكمر من زود حزنه ابيضَّت اعيونه
الدنيه من دون النحِبهُم ما هِيْ مأمونه
اومن رِحَلتي المُهْجَه غُربه اوروحي مسجونه

كُل شِي بالونّه .. أسمع اينوحِج
اومصحف الباري .. يقره بجروحِج

بالمآسي كُل شِي فاح
ياللي خاويتي الجِراح :

(آ يمهظومه) .. (آ يمهظومه)

& & & & &

جَرحِج ايذكِّرني بالـ عالناكه مسبيه
بس يفاطم عالنهر ما رحتي محنِيه
احسينِج اعله الغبره ما ظَل جِثه مرميه
او شيبِته من نحره بالطف ما هِيْ مدميه

من يِهِل دمعِج .. اومُهْجِتِج تنحب
أنظُر ابعيني .. صوره من زينب

ابلا سِياط او لا رِماح
ياللي خاويتي الجِراح :

(آ يمهظومه) .. (آ يمهظومه)

& & & & &

خادم المعصومة (ع) : إبراهيم الدريس

في ذكرى استشهاد المعصومة (ع)

المعصومه .. إخت الرضا
مهظومه .. إخت الرضا

&&&&&

عاشت المعصومه دنيتها مِحَن
و الدمع صار إلها يا وسفه جِفَن
كِسَر منها جم ضلع هذا الزمن

او من إيديها أخذ أغلى أحبابها

ملجومه .. إخت الرضا
مهظومه .. إخت الرضا

&&&&&

الليله بنت الكاظم ابحسره مِشَت
او صرخه آ يخت الرضا ابدمعه اعتِلَت
امصيبةِ المعصومه كل شِي فطِّرت

و الأجلها الدنيه سوده اثيابها

مظلومه .. إخت الرضا
مهظومه .. إخت الرضا

&&&&&

بالجلاله نور هيبتها سِطَع
او يمها خاشع دَنَّكـ الكون او رِكَع
اليِعْتِني حضرتها خاسر ما رِجَع

او يرتفع شانه اليبوس أعتابها

مهمومه .. إخت الرضا
مهظومه .. إخت الرضا

&&&&&

إلكرم من زغر سنها شالته
و الذي مكسور تجبر كَسْرِته
كبل مَيْهِل دمعه تكضي حاجته

الخير كل الخير هُوَّه ابَّابها

محرومه .. إخت الرضا
مهظومه .. إخت الرضا

&&&&&

هاي تاج المفخره الما تنوصُف
الغَرِّكت كلِّ المشاعر بالعَطُف
او هاي بحر الجود او منبَع للطُف

ابيوم حاشه خَيِّبَت طلاَّبها

مكلومه .. إخت الرضا
مهظومه .. إخت الرضا

&&&&&

هيه تبكه للكرم رايه او عَلَم
او ضَيِّفَت من زودها حتَّه الكرم
فاطمه المعصومه ما تعرف عَدَم

إلخلود ايصليِ ابمحرابها

مسمومه .. إخت الرضا
مهظومه .. إخت الرضا

&&&&&

خادم المعصومة (ع) : إبراهيم الدريس

في ليلة ويوم ١٠ محرم

إن چان هذي كربله وين ضنوةْ فاطمه؟!
&&&&&

أم الحسن تسأل صُفت ويه حمَّاي الحمه
بونين وابدمعةْ ألم صاحت أملاك السمه
گالَوا أبو اليمه وگع والخيول اتهشِّمه
فوگ الوطيه منسلب اونحره يتجاره دِمَه
هاليوم شيعةْ حيدره هيه تصرخ لاطمه
نادت علينه أم الحزن احسين مات امن الظمه
بين السهام الحاقده والسيوف الظالمه
&&&&&

إبراهيم الدريس
١٤٤٦هـ - ٢٠٢٤م

في ليلة ويوم ١٠ محرم

اتصيح ابحزنها كربله .. يحسين يحسين
هاليوم حلَّت زلزله .. يحسين يحسين
&&&&&

فوگ الوطيه ابكربله بو اليمه مطروح
سِلْبَوا اثيابه وابرمح راسه صُفه ايلوح
من القفه ابسيف الشمر يا ويلي مذبوح
اومن شاهِدَت نحره العقيله گامت اتنوح

زينب تنادي معوله .. يحسين يحسين
هاليوم حلَّت زلزله .. يحسين يحسين
&&&&&

ألف اوتسعمِيَّةْ جرح تتنازف آلام
ألف اوتسعمِيَّةْ جرح تصرخ يخِدَّام
دگُّوا الصدر لجل الگضه بطفوفه منضام
امصابه ذِبَح گلب الشريعه اوفَتِّ الإسلام

اعليك المدامع سايله .. يحسين يحسين
هاليوم حلَّت زلزله .. يحسين يحسين
&&&&&

يحسين يم امصيبتك ضجَّت هالطفوف
اومن كثر ما تبچي إلك ما ظل بعد شوف
هاليوم يالظامي صرت كعبه للسيوف
واتگطِّعت فوگ الشريعه أعظم اچفوف

انگطعت اچفوف المرجله .. يحسين يحسين
هاليوم حلَّت زلزله .. يحسين يحسين
&&&&&

داست على صدر الحسين ابكربله الخيل
وابكل صدر داست اخيول امصابه بالويل
جرح الحسين الغالي أخذ من زينب الحيل
وأيتام أبو اليمه ابدمه دمعاتها اتسيل

يتَّمت هاي العايله .. يحسين يحسين
هاليوم حلَّت زلزله .. يحسين يحسين
&&&&&

منِّ العطش يا هي عجيبه ايموتن الماي
اوتحت الشمس يا هي عجيبه ايظل الـ افياي
يحسين بعيون الزمن بس انته لهواي
ياللي ابسحِگ ذاكه الصدر دين الله شَرَّاي

تبچيك عين البسمله .. يحسين يحسين
هاليوم حلَّت زلزله .. يحسين يحسين
&&&&&

ذكرك يظل مشعل حضاره ابطول السنين
كلشي يموت اوحَي تظل بس انته يحسين
بسمك تنادي اويانه حتى هالحِياطين
اولجلك عشگنه يا بو سكنه دمعةِ العين

للخير دمعك بوصله .. يحسين يحسين
هاليوم حلَّت زلزله .. يحسين يحسين
&&&&&

إبراهيم الدريس
١٤٤٦هـ - ٢٠٢٤م

في ليلة ١٠ محرم

أويلاه أويلاه على المظلوم أويلاه
&&&&&

يا شيعتي سمعُوا الذي يجري عليه
وگت الظهر باچر براضي الغاضريه
نحري يگطعونه العده وأبگه رميه
اوشيبي أخضبه يا بشر من فيض الدموم
&&&&&

ذبَّاحي باچر يصعد ابالنعال صدري
وابسيفه يطبرني اثنعش طبره اعله نحري
يذبحني هوه امن القفه وادمومي تجري
اوفوگ الذبح مني يسلِّب وسفه الهدوم
&&&&&

عدواني باچر صدري يا شيعه يرضُّوه
اوتحت الخيول الأعوجيه جسمي يخلُّوه
باچر على راس الرمح راسي يرفعوه
اوبالنار يبگه امخيمي يا شيعه مضروم
&&&&&

باچر رضيعي حرمله يگطع رگبته
وابگلبي تبگه تلتهب ويلي جمرته
من نحره باچر يا بشر أسمع كلمته
(ليش آنه من دون البشر بالنبله مفطوم؟!)
&&&&&

أم الخدر باچر أميه ايسلِّبوها
اوفوگ المتن بسياط خشنه يضربوها
فوگ الهزيله ايركِّبوها اويشتموها
والحيل منها ابفرگةِ الأحباب مهدوم
&&&&&

بعد السبي والسب (عديمين المروَّه)
ايدخلوها ديوان الرجس يا شيعه گوَّه
والمخصره يمها على اشفافي اتِلَوَّه
اولرض المدينه ترجع ابدلَّال ملچوم
&&&&&

إبراهيم الدريس
١٤٤٦هـ - ٢٠٢٤م

في ذكرى وفاة الإمام الصادق (ع)
على لسان الإمام المهدي (عج)

يا جدي من شمسك طُفَت
وانختمت أيامك

گمت أبچيِ اعليك او صرت
واحد من أيتامك

جرحك يَجَد غَرَّبني
يوميه حزنه ابجفني
&&&&&

يا أبو الكاظم غيابك
خله دمعي ابخدي يجري

او دهرك الأذَّى دليلك
شاغل ابآلامه فكري

گبرك الضمَّك يجدي
ريته والله ايصير گبري

امصيبتك هدَّتلي حيلي
او سحگت اِحْوافِرْها صدري

غيابك عَلَي مثل الحوافر
مصابك ترك دلالي حاير

من غمَّضت عينك جرى
دمعي و لا ينشَف

متعوبه روحك و آنه هم
تعَّبني يوم الطف

طف الألم تعَّبني
يوميه حزنه ابجفني
&&&&&

آ يمسموم او تعذَّب
من زمانه.. صرت أنادي

جدي و الـ عالم جروحك
حزني فوگ اعيوني بادي

(نَفَتِ) الغيبه رُقادك
او (نَفَتِ) الفرگه رُقادي

غيبتي ضَيْگت مِهادك
او غيبتك ضَيْگت مِهادي

الغيابك أظل مجروح أنحب
الغيابي دليلك شفته شَيَّب

آنه أدگِّ اعله الصدر
يا جدي لمصابك

و انته تنوح الغيبتي
او سهم الألم صابك

هذا الأمُر يهضمني
يوميه حزنه ابجفني
&&&&&

امصيبتك بگليبي جمره
او ما نساها گلبي ليله

من كثر ما أبچي فگدك
صرت أنا مثل (العليله)

گلبي مثل احسيني طايح
وينه هذا اللي يشيله؟!

حسرةِ الروح ابغيابك
حسره يا جدي ثجيله

المِشى فجأه عن عينه حبيبه
يلوم الله ليلومه ابنحيبه

الـ عن عينه محبوبه مِشى
تذبل ترى ارسومه

و الضيَّع امن ايده الهوه
اتظل روحه مهضومه

بُعدك يَجَد لاچمني
يوميه حزنه ابجفني
&&&&&

كلمن ايسافر حبيبه
المُغرب اهوايه يجرحه

و اللي غايب عنه گلبه
ابگلبه لا ما تلگه فرحه

الخل إذا يفگد خليله
كلمةِ (الخِلَّه) تذبحه

و اللي يفگد هوه غالي
دمعةِ اعيونه تفضحه

اليحير ابجروحه يبچي گلبه
يموت ابألم و ايعيش غُربه

المحبوبه نايم بالگبر
يتسلَّه بالدمعه

او كلما يذكره ينجرح
او گلبه ابحزن ينعه

امصابك بَلَم عَيَّشني
يوميه حزنه ابجفني
&&&&&

آنه و انته الطف جِرَحنه
و الشمر سيفه ذبحنه

الأعوجيه سحگت الحُب
و احنه ويَّاه انسحگنه

دم أبو اليمه تنثَّر
و احنه بالضيم انتثرنه

ضاعت اخلافه العقيله
او بالدهر هم احنه ضعنه

أبو اليمه داس الشمر صدره
او صدرنه تدوسه اجروح كثره

يا جدي من جرح السبي
ماكو جرح أقسى

صوت العقيله المَنْسِمَع
سِمْعَوا غُرُب حِسَّه

جرح السبي ضَيَّعني
يوميه حزنه ابجفني
&&&&&

إبراهيم الدريس
١٤٤٥هـ - ٢٠٢٤م