منبعث. هادينه. للعدل يهدينه
________
اليلة افراح اومسره اومبعث الغالي
اليله كل الدنيا تشهد فرح دلالي
يامحمد هاذه مجدك عالي من عالي
الله راد اتكون انته خاتم اووالي

يافرحت الدنيا كلهه. هلا ياخاتم رسلهه
هلا بنهجه اودينه. للعدل يهدينه
________
ويه املاك السماء الفرحه نحيهه
اليوم سيدنه تسيد قائد عليهه
اليوم تكليف الاه ابئيد هاديهه
اليوم ابواب العقيده امشرعه ايديهه

هاذه عيد الله اورسوله. والفرح أجره ينوله
ياسراج اسنينه. للعدل يهدينه
________
الله اكرمنه ابنبينه والنبي نعمه
طلع البدر علينه اوراحت الضلمه
منبعث للدنيه هادي منبعث رحمه
حته جبرائيل صار ايردد ابئسمه

امبارك امبارك محمد. ربك ابهل اليله سدد
فدوه اروح العينه. للعدل يهدينه
________
حقي مااملك شعوري وفرح ابلهفه
حقي مااعرف شسولف حاير ابوصفه
فوك جف الهادي طبعاً الله حط جفه
واليخالف عاده الله اوزايل الحذفه

واليوالي واليبايع. هاذه فاهم هاذه قانع
بسمك التمينه. للعدل يهدينه
________
الساهم ابهاي المسره الخطط اوقرر
يعقد المحفل يربي دومه يتصدر
والله فرحه ياحلاهه ودعي تتكرر
ايده بيد الهادي ريته اودومه يتبشر

والحضر والي تعنه. ربي يتوفق عسنه
بل الكلوب ادعينه. للعدل يهدينه
________
للشاعر حسين عبد الرسول الخفاجي

علي علي علي مولاه علي علي علي مولاه
____
علي مبدأ كلامي علي نكهت سلامي
علي عشقي علي صدقي. علي حبي اوهيامي

علي حيلي اوثباته علي فدوه الحياته
علي عالي علي غالي. عله عناد الشماته
علي علي علي مولاه. علي علي علي مولاه
___
علي شمس الديانه. علي الجنه مكانه
علي بارع علي قاطع. رئوس اهل الخيانه

علي نوره الله نوره علي محلا عطوره
علي هاله علي ناله. مجد هيبة حضوره
علي علي علي مولاه. علي علي علي مولاه
____
علي الكعبه اوشرفهه علي دررة نجفهه
علي نعمه علي حكمه. علي الخيمه اوسكفهه

علي ليث الحرايب علي صاكر كتايب
علي قسور علي حبتر. علي فخر ابوطالب

علي علي علي مولاه علي علي علي مولاه
____
علي العين اونضرهه علي الدنيانه سرهه
علي قائل علي حامل. علوم الله اوخبرهه.

علي تاج العقيده. علي كلبي يريده
علي فخري علي قدري. هلا ابجيت الصميده

علي علي علي مولاه. علي علي علي مولاه
____
علي الدين اوسواره. علي الحق اومداره
علي مصدر علي جوهر. علي محلي المناره

علي للدنيه ذلهه. ابد ماباوع الهه
علي صامد علي قائد. علي وارث رسلهه

علي علي علي مولاه علي علي علي مولاه
___
للشاعر حسين عبد الرسول الخفاجي

وليد الكعبه. الاهي ايحبه
علي ياعلي ياعلي ياعلي
_____
علي يل بيك السوالف والله محلاهه
علي ياخطوة حياتي الكلبي حباهه
علي مولود او تشعشع والفرح طه
علي معجزته اوجيته الله جاباهه

علي يافخر العقيده اوزودهه
عليك لاكت يل صرت جادودهه

علي ياعلي ياعلي ياعلي ياعلي
___
بت اسد جابت اسد ياناس هليله
والملايك بالفرح الحان تشديله
بمر العلي وبصف علي موجود جبريله
ينضر وجه اجمل بشر تضوي قناديله

هنه جبريل المحمد كله مبروك
هاذا اخوك احزام ضهرك من يتعبوك

علي ياعلي ياعلي ياعلي ياعلي
_____

امبارك يبو طالب بعد جاك التمنيته
ولدك نشامه بس علي مختلف حسيته
هوه علي من العلي ماخذ عزم صيته
ايصفنلك الدنيا اذئ مرتين ناديته

راهن اوشاهد قريش اشلون تنهان
يبو طالب لليسولف اكطع السان

علي ياعلي ياعلي ياعلي ياعلي
_____
اشكد حاولو اهل الحقد مولاي يخفونه
شق الجدار اوينكشف مهما يضمونه
هيج الله رايد حكمته ابتصويره وفنونه
الحق والتعترض، ملعونه ملعونه

علي لله كلشي، ناطي اوربك انطاه
لاتناطح شخص تعرف الله وياه

علي ياعلي ياعلي ياعلي ياعلي
_____
ليلة فرح ليلة فخر ليلة مجد واضح
ولمايحبك ياعلي خسران مورابح
ابميزان بارينه علي ياهل خلك راجح
ماصافح المايعشكك متبري ماصافح

اعلن عداوه ابكل فخر للعاده محبوبي
اسلوب قانون العدل موفكري وسلوبي

علي ياعلي ياعلي ياعلي ياعلي
____
للشاعر حسين عبد الرسول الخفاجي

تلم حسين زينب. ماتلم عون
الشعر مهما وصفهه. ماتلم عون
الخيل ابيوم داست ماتلم عون
ردت لبن امي بس ماصح بديه

كل خادم ابئشواك رددلك السانه
وتحزم ابئخلاص  يستقبل احزانه

__
انته الأمير اوصاح صوت الحزن بينه
وحنه اعله هذا الصوت بالهمه ردينه
مانرضه غير حسين بس هوه غالينه
اوهاي السمه كل عام تنضر روايانه
____
من غيره وسط الروح متربع أو كاعد
صوت النبض يحسين الله علي شاهد
باقي العهد وياي وفتخر متعاهد
كل عمري لجل حسين جي شفته ذبلانه
_____
دنيا ابلايه حسين ماالهه كل معنه
حسين الابو والشيخ وحسين يجمعنه
كل الدموع اهات يعرفهه واقعنه
بس يم ابو السجاد فرحة مدامعنه
_____
اتسابق اويه الخيم بالخدمه لحسيني
ولطم وعجب الريح ويه اليعاديني
ديني لطم زنجيل واني أفخر ابديني
همه اوعزم وجنون من عابس اورثنه
__
موبس عشرت ايام ونكول هاهيه
عينك تشوف الحال محبوبي يوميه
باقي العزه يحسين للاربعينه
كل ماشربت الماي للغالي اذكرنه
__
للشاعر حسين عبدالرسول الخفاجي

أبوذيات محاوره  بين ابوفاضل ع والعقليه زينب ع
_
ضربتك كل زلمهم.    ماردتهه
اوعلي الدنيا بدونك.   ماردتهه
الحسره الروحي كلش.  ماردتهه
بلا روحك عسن لاروح بيه
___اعذريني يسلطانه.           بلادين
اويضل الركبج هزله.         بلادين
الزمن تافه يفر طولج          بلادين
اويجر عباس حسره اعله الوطيه
__
انه سجيل عالضلم.                 بله انشاف
ايخسي من كال ستر اختك.     بله انشاف
لجن دمعاتي ياخويه               بله انشاف
انه عشرة عمر وياك اليه
__
يلبوه ابنص ذئاب الشر.    البيتي
سعيتي اودعوة حسينج.    لبيتي
لون رديتي يازينب.            لبيتي
دكولي الأمي نفذهه الوصيه
__
بدوي أو غيرته ابنته.          ولدهه
تضن شترضع ابعقلك.          ولدهه
العجب عباس بي شفته.       ولدهه
ينازع والعذر دزاه اليه
__
يحره ادري نياط الكلب.            ولعن
اويحرك جسمي خويه النوح.     ولعن
الج جفيني فدوه اتروح.           والعن
اوفداج الروح والهامه سويه
__
يمن وكت الامانه اعليك.      شار أب
ماي الغيره بس عباس.          شار أب
اوعلي اتذكر اذئ رف يوم.     شار أب
اجي اكباله وكله ابلا اذيه
__

ليل الوداع. يركض ابساع
____
موش ليله جنهه لحضه انكضت ويه حسيني
اخ منج كربلاء اوبعد شتشوفيني
انه من ليلة وداعك خويه نشفت عيني
بعد عينك والله صعبه ياهو اليباريني

كلبي ملتاع. يركض ابساع
____.
لاتوصيني عليهن كلهن ابنياتي
هلله هلله بيه خويه خل امش دمعاتي
الهن ام او اب اصير اوحضرت شكفاتي
لاطلع باجر يريت اولاتشب خيماتي

باجر اوجاع. يركض ابساع
____
يعني باجر لامحال اتروح من بين ايدي
يعني باجر شمر يصرخ هذا يومي اوعيدي
اه يازينب لخوتج كثري ون اوزيدي
ريت وي نحرك يخويه انه كطعو جيدي

التعب ضاع. يركض ابساع
____
اليوم احجي وياك واكف باجر احجي ويه الجسد
ونته قران الديانه ونته شمس المعتقد
الله لايرضه عليهم والعذاب ايكون اشد
بالطمع كضت عمرهه ناس مليانه حسد

أحقر اطباع. يركض ابساع
____
حسين خويه اشلون باجر لذني يوصل واسمعه
عضم صدرك يلحبيب من الحوافر تفقعه
اعليك اصد اواه اصيح اونوبه اصد للمشرعه
والله احير اوجسمك انته ياهو باجر يجمهه

مدمي عالكاع. يركض ابساع
____
للشاعر حسين عبد الرسول الخفاجي ٢٠٢٤

يمه عبدالله //بالكلب عله //يل غبت عني
____
روحي وي كلبي تون وتصيح بسمك
ياهو غيب ياحبيبي اليوم نجمك
ارجع ارجع يافرحت اسنين امك
انه مخنوكه ييمه اورت اشمك

المهد خالي يبني يلغالي زيدت وني
يمه عبدالله. بالكلب عله. يل غبت عني
____
عليك متعوده افك عيني ابصباحي
جن حمامه بدونك اتكسر جناحي
يمه لوادري تجي ابدمعي اونياحي
اله ارج الحومه بونيني اوصياحي

يمه ماينفع نوحي والمدمع. والبعد هدني
يمه عبدالله. بالكلب عله. يل غبت عني
____
يمه متلهفه عليك اوكلبي لاهب
والله دنيا اوفاركينه احنه الحبايب
اه منج كربلاء ام المصايب
خذت مني شمعتي اودلالي ذايب

السهم صابه. ودع احبابه. غفله فاركني
يمه عبدالله. بالكلب عله. يل غبت عني
____
حسين من جابك يعبدالله اليه
انه صحت العمتك تلحك عليه
حيل ماعندي اشيلك بين اديه
انته قربان السمه بلغاضريه

اه يلغالي غابت امالي حالك الهدني
يمه عبدالله بلكلب عله. يل غبت عني
____
قبل ساعه اتناغي هسه ماتجاوب
يمه قصتك عجبت كل العجايب
ليش يمه صوبك سهم النوايب
انه بعدك وين اروح اوياهَو اعاتب

حرمله باجر. صافن اوحاير من يجاوبني
يمه عبدالله. بالكلب عله. يل غبت عني
____
للشاعر حسين عبدالرسول الخفاجي ٢٠٢٤

طبهه بصرار جنه كرار
____
زمخ زمخه الهسه تدوي الهذا يومك بيهم
همه نقمه اوهوه نعمه الله لاينطيهم
يله ياسجيل حيدر غضب صب اعليهم
موفقط من الحياة أمن الوجود امحيهم

خلهه طشار. جنه كرار
____
هلا بالذل الاعادي اونزل بسم حسينه
هلا بالكام ايتخير روس وينه الوينه
صال والحومه كلبهه يسرته اعله ايمينه
النشمي منهم مايواجه لايخف رجلينه

والله من غار. جنه كرار
____
حمل سيفه أولو اكلك شنو صار بحالهم
كطعو الأنفاس كلهم منشده ضل بالهم
الأكبر ابكل المحاور خطف يبرك جالهم
اسيوف مالحكت ترفع خافو أمن اخيالهم

والذبح صار. جنه كرار
____
الشمر صاح الاف انتو اوهوه الأكبر واحد
ليش طشرهه الكتايب والجمع شو شارد
رد عليه جندي يكله ذاك الأكبر صامد
رفع ايده ابكل ثبات اوصاح وين القائد

دك الانذار. جنه كرار
____
هوه مو كلمن يطبهه الحومه يفتك بيهه
الكاع من اولاد حيدر ترتجف ندريهه
الشجاعه اتلَوك لسمه اوهوه لاك اعليهه
صاح عباس اعله الأكبر عفيه ابني افنيهه

كله اي صار. جنه كرار
____
للشاعر حسين عبد الرسول الخفاجي ٢٠٢٤

صوب الحومه انزفه //بشمعه اودمعه اولهفه
____
ويه ام جاسم هاي اليله انعيش أجواء الفاكد زين
لوهلينه اليوم الدمعه رمله اتصب عالقاسم عين
شد اعمامه اوحاسم أمره اوصاح ابشر ياعمي حسين
ولعاداكم لا مايسلم راسه ابسيفي ايصير اثنين

جسام لحسين صمد //ماهمه جيش اولاعدد
سيفه ايلوك ابجفه
ابشمعه اودمعه اولهفه
____
الموقف يثبت والماعنده موقف رايح الله وياه
جاسم حاسب زين احسابه اندل الزين اوهل سواه
يبرك سيفه ابشمرت حيدر عاشت يسراه اويمناه
اصغير اوذل الروس الخشنه اوضل تاريخه ايشع لساه

ونعم تربات الحسن //طشرهه عباد الوثن
اليگرب ياخذ حتفه
ابشمعه اودمعه اولهفه
____
الدنيا اتخيرك وتوضحلك بين الذل اوابن الزود
كلمن يتبع للي ايريده طبع الحيد ايحب احيود
القاسم جندي حسين القائد للقاسم كل احنه اجنود
راد الدم ابدال الحنه اوضحه العمه ابكل مجهود

افديله روح افديله دم //حسين غالي للفهم
خضب وجهه ابنزفه
ابشمعه اودمعه اولهفه
____
القاسم وضح قصه اتعجب ريح ناس أمن التفكير
كال الزلمه ايضل بصراراه اومايتغير مهمه ايصير
كلمن يكعد وقت الموقف يحسب راح ايدوخ ايحير
هيه الغيره ادور همه موشرط اله ايكون اجبير

السيف شاهد عالجره//خله الزلم متنثره

الكل محتار ابوصفه
ابشمعه اودمعه اولهفه
____
الماسامع يسمع مني اوخل ايركز بآخر بيت
كاع الطف انقسمت بالنص هيج اتخايلت اوحسيت
صوب حسين ايشع بنوره اوضلمه ابصَوب الثاني الكيت
مثل اليل اتلاشو كلهم جنك شمس الله اوهديت

حته المؤرخ ماله اثر//يكتب طلع خلف الشجر
ذل الناس الصلفه
ابشمعه اودمعه اولهفه
____
للشاعر حسين عبدالرسول الخفاجي ٢٠٢٤