آسرني قبل سلهام رمشه رقيق حكاه
‏وطرحني غرامه قبل لا اكمل الجوله

‏اقاوم ولا مريت مدهاله ومرباه
‏غدا الكون في عيني مثل لون مجدوله

‏حرمني زماني شوفته والغلا خلاه
‏ولا فيه يوم غاب عن ناظري زوله

‏سيوف الفراق اللي من الخافق محناه
‏اقاوم وهي بين السراجيف مسلوله

‏ماني بمن يشتكي وأدناة مايشـره
‏ياصاحبي والخطا مايمحي سنينك

‏إن ما لزمني الغلا تلزمني العِشره
‏والعيش والملح واللي بيني وبينك .

اجيك المحب اللي على شوف عينك شفق
‏واروح البخيت اللي ليا زار ما ثقل .

انـ شفت صورة ملامح وجهك الشاحب
اشره على ريشة الرسّام ، و الرسمه

يكفيني إنـ ضقت من دنياك ياصاحب
اخطف لك من الزمان المبتسم بسمه

ما تقلل من مقامك غيبتك واهمالك
‏لين ينزل قدر غزه عند اهل رام الله

‏عاذرك ومقدر ظرفك وكثر اشغالك
‏ومرخي لك خافقٍ ما جاك منه زله

‏بس بكره لا قصر باعك وقصر ظلالك
‏اسلم وسلم على وجه الملام وقله

‏شل يا جمال حملك في ظهور جمالك
‏ما وراك الا ديارك والطريق تدلـه

المفادي يرخص الدنيا ويعلنها تحدّي
والمنافق ياخذ الدنيا علاقات و مصالح

مثل ماحن نعرف القلب النظيف من المصدّي
عارفين المشلح اللي مايعرّي فـ المشالح

امنعونا في كلامٍ لا يجيب ولايودّي
جعل ربي يكتب اللي فيه خير وفيه صالح

‏مانيب مجبور أخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما أشوف التجاهل يحل المشكله .

‏جعل يسقى ذكرياتك يالبعيّد الحاضر
عاد لك في وسَط قلبي حاجةٍ مطويه