#ማን_ይሆን

ዓይኑ ተመልክቶ ልቦናው ያልቃኘ
የያዘውን ትቶ ሌላ ያልተመኘ
አካላዊ ወረት ያልረገጠው ደጁን
አለወይ ከሰዎች ያልጎዳ ወዳጁን
ውድ ፍቅረኛውን ልቡ እንዳፈቀረ
በእሷ ተወስኖ ዘላለም የኖረ
እስከ መጨረሻው መንፈሱ ሳይላላ
ከሚወደው በቀር ያልተመኘ ሌላ
ማናት ወይስ ማነው ይኸንን የሰራ
በቃሉ የሚገኝ ባስቀመጡት ስፍራ
ከሴትም ከወንድም ያልተለዋወጠ
ማን ይሆን ወዳጁን በሌላ ያልሸጠ
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

እናንተ ሳትነግሩት እርሱ ያውቅ የለም ወይ
መች ይፈልግና የሰው ቃል አቀባይ!
ከእርሱ ተሰውሮ ማንስ ቀርቶ ያውቃል
ከንቱ ነው ሰው መሆን ሲካሰስ ይኖራል
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ጎደለብን_ፍቅር

መሬቱ ሳይጠበን አዕምሯችን ጠቦ
በዘር አጥር ሽቦ ዙሪያችን ተከቦ
አንድ ሀገር እያለን አስር ሀገር ናፍቀን
እስከመቼ ድረስ በግፍ ተገፋፍተን?
ልዩነት ውበት ነው ይላል ምላሳችን
በክፋት ተሞልቶ ታጭቆ ልባችን
ሀገሩ ሰፊ ነው ቆላ ወይና ደጋ
ቅንነት ብቻ ነው የሌለው ከእኛ ጋ
ደጋው ቢዘሩበት መሬቱ ገራገር
ሰቃው ቢያመርቱበት ምርቱ የሚናገር
ቆላው ቅባት አብቃይ ጦምን አያሳደር
ምነው እኛ ዜጎች ጎደለብን ፍቅር?!!!
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

ሞትን አትለምኑ ውሰደኝ ብላችሁ
በተራ በተራ ላይቀር መሄዳችሁ።
ሳይለምኑት መጥቶ በግድ ለሚጠራ
የምን መለመን ነው? ገብቶ በሰው ተራ።
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#እግዚአብሔር_ሆይ

በመንገዴ አንተ ቅደም
ከአንተ በቀር ተስፋ የለም
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ሁሉን_ችላ_ነዋሪ

ሀገሬ ጨቅላ ናት ክፋት ያልበረዛት
እያስረጇት እንጂ በዘር በመባላት
ደግሞም ከፍ ስትል ሀገሬ ድንግል ናት
ውበቷ ጎምርቶ ሁሉም የሚመኛት
ከሁሉም ከሁሉም ሀገሬ እኮ እናት ናት
በልጆቿ በደል ጨክና የማይከፋት
ሁሉን ችላ ነዋሪ ሀገሬ መሬት ናት
ብሉልኝ የምትል እርሷን እየራባት
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ሰው_ከመሆን_አንሶ !!!

ጠዋት የገቡት ቃል ማታ እየፈረሰ
በወዳጁ ክህደት ስንቱ እያለቀሰ
መተማመን ጠፍቶ
መገፋፋት በዝቶ
ገንዘብ ጣኦት ሆኖ ልብን እየገዛ
ሰውነት ተናቀ እረክሶ እንደዋዛ ።
የእግዚአብሔርን ዋጋ ለቄሳር ለግሶ
የዘር ዛር ያነግሣል ሰው ከመሆን አንሶ ።
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

እኔስ ናፍቀሽኛል አልናፈቅኩሽም ወይ
መራራቁ ቀርቶ አንገናኝም ወይ
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#የነጠፈ_ብዕር

ብዕር ወዙን አጥቶ ቀለሙ ነጠፈ
ጥበብ ማማጥ ትቶ በዘር ተለከፈ
ቅኔን አፍልቅ ቢሉት ደም እየሰበከ
ከመንደር ሳይወጣ ግፍ እየታከከ
ወረቀቱን ሁሉ በክሎ ጨረሰው
ባለቅኔ መጥቶ እንዳይጠቀመው
የነጠፈ ብዕር ድርቀት ያደረቀው
ቢጽፍ አያምርበት ጽፎ መደለዝ ነው።
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

ተወት በማድረግ ካልታለፈ ነገር
በሆነው ልክማ ማን ችሎ ሊናገር።
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ